Uncategorized
رواية أحببتك رغم انتقامك الفصل الثلاثون 30 بقلم منه محمد
رواية أحببتك رغم انتقامك الفصل الثلاثون 30 بقلم منه محمد
 |
| رواية أحببتك رغم انتقامك الفصل الثلاثون 30 بقلم منه محمد |
رواية أحببتك رغم انتقامك الفصل الثلاثون 30 بقلم منه محمد
طلع ووقف في حاله صدمه لقاه نهله واقعه علارض وجنبها تربيزه مقلوبه بمجموعه التحف الي عليها كلها مكسره فتات عاليا طلعت وراه وشافت المنظر
نطقت بضعف: خدها علي المستشفي
كريم الي قاعد وحاضن نهله بيحاول يفوق فيها: عارف مش غبي (رفعها بين ايديه واخد السلم جري وعاليا بتجري وراه كريم اتحرك بسرعة للعربيه وشغلها وانطلق بسرعه مجنونه
عاليا راحت معاه علي المستشفي ووقفت برا الغرفه قربت من الزجاج وشافت نهله
والكانيولا متركبه لها في الوريد وهي نايمه لا حول ولا قوه الا بالله وكريم قاعد قدامها بحزن العالم اضايقت ومشت مغادره المكان
………منه محمد……
تاني يوم دخل وفتح الباب بصلها لقاها نايمه ووشها اصفر شاحب لقاه الي خارج من الحمام بيجفف وشه بالمنشفه سأله: ايه اخبار نهله؟؟!!
كريم: الدكتور قال ان جسمها ضعيف بس لو استريحت واكلت ليوم او يومين حالتها هتتحسن بس خير ليه طلبت تشوفتي بدري اوي كدا فيه حاجه ولا جاي تعمل مشكله
حسن: ممكن نتكلم برا
كريم: ليه نتكلم هنا نهله نايمه ومش هتقوم دلوقت
حسن بتردد: الموضوع مرتبط بخالد ( بعد ما حكاله احساسه)
كريم بندهاش: ليه خالد يكدب
حسن اتحرك بعصبية:ده الي عايز اعرفه
كريم: هو الي دمر المطعم عشان كدا حب يشتغل عندي في الشركه وبعد كدا انا اختلس والشخص الي يكتشف الدليل هو خالد حط الخطه عشان تلزق فيا انا
حسن بعدم تصديق: كريم احنا كلنا اصدقاء لو انت عمرك ما هتعمل كدا مع خالد
كريم بهجوم: ليه واقف دايما معاه
حسن بحيره: انا مش واقف معاه بس لازم اكون عادل مش ده الحق طالما مفيش اي دليل ضده مقدرش اجزم انه هو ولا اقدر اصدق
كريم بعتاب وحده: خالد يدمرني مش مصدق بس صدقت اني اختلس الشركه انا عايز افهم انا الي صديقك ولا خالد الي صديقك لوحده
حسن: كريم خليك عقلاني من فضلك ليه متعصب مني كدا
كريم: لا انا هتعصب لو مخرجتش
حسن باقتضاب : براحه ماشي بس الاول اسمعني لو فضلت جوه العاصفه في يوم هتاخدك فيها وهتبقي لوحدك
كريم بصرامة أشد : ولا يهمني
نهله فاقت علي صوتهم الحاد وفتحت عينيها بإرهاق همست : حسن
حسن بضيق: حمد لله بالسلامه انتي رجعتي للوعي عشان كدا مفيش داعي للقلق همشي (وخرج)
نهله: سمعت كل حاجه متهتمش ياكريم انا معاك
كريم مسك ايدها الممدوده بشبح ابتسامه :عامله ايه دلوقت
نهله ابتسمتله ببتسامه لكن شاحبه: احسن
كريم: اوك ارتاحي دلوقت
…………منه محمد……..
قامت الصبح بدري تنكش في التلاجه: اممم مفيش غير خيار لا ده كريم بيحبه ورمتها وراه ضهرها اخدت حاجه تانيه وجايه تلف رجليها اتزحلقت علي الخياره قدرت تحمي جنينها ووقعت علي ايدها وبسرعه اتصلت بطارق الي جه ياخد اوراق ويسافر تاني طلبته يقابلها في المستشفي بعد الكشف خارجين
عاليا براحه: اه الحمد لله ابني بخير والحمد لله الاشاعه ظهرت انه بخير
طارق: طالما لا فيه نزيف ولا ألم يبقي بخير ماعدا كف ايدك بس ممكن يظهر عليه كدمات عشان كدا هجبلك مرهم
عاليا: الحمد لله اني قدرت استخدم ايدي
طارق: ده من حسن الحظ عاليا لما عرفتي انك حامل ليه مجتيش متابعه للدكتور
عاليا: عرفت يوم ماكلمتك واتلبخت في مشاكلي مع كريم ومقولتش لحد غيرك انت لحد دلوقت واحتمال ندي لسه مش عارفه!
طارق: معني كدا ان كريم ميعرفش
عاليا: ايوه
طارق: ليه مقلتلوش عاليا اي ان كان لازم كريم يعرف ده انا الي مش ابوه فرحت مابالك هو ده يمكن يعمل اعلان في الشارع
عاليا برفض قطعي: لا مش لازم يعرف
صوت من وراهم: ايه الموضوع يامراتي الي مش لازم اعرفه
عاليا خبت صوره الاشاعه وراه ضهرها بسرعه: لا ابدا بقوله زهقانه وعايزه اخرج شويه
كريم بقتضاب: تمام عندك وقت فراغ روحي الشركه فيه شغل ليا كتير متعطل
عاليا نزلت راسها بدون ماترد عليه
طارق :كريم انت بتعمل ايه هنا
كريم قرب منها وبحده: ابدا جاي اجيب تحليل لنهله
عاليا حبت تغيظه: طارق فين المطعم الي قلت هتودهولي يله نروح انا فاضيه
كريم علق نظراته عليها وموجهه كلامه لطارق كأنه متوتر ومستعجل : عظيم ياريت تهتم بمرات اصلي النهارده مشغول مع نهله ورجع بصلها وبعدين مشي بكل غضب وبعدين رجع قف متعصب جدا منها ازاي تهمشه كدا وازاي سكتلها كدا كان نفسه يرجع وينزل فيها ضرب بس فيه شئ بيمنعه ويسكته شئ بيقوله كفايه قسوه لتخسرها كمل مشي وهو بيحاول يلقط انفاسه المخنوقه!!!!!!!!!
عاليا بحزن وعيونها فيها لمعه الدموع :شوفت ده يستاهل اقوله
طارق بهدوء: عاليا حاولي تتكلمي مع كريم
عاليا ضربته بخفه في كتفه:انت في صفي ولا في صفه؟
طارق بصدق: لا في صفك انتي بس انا اؤكدلك بمجرد ما يعرف انه اب رغم خلافاتكم يمكن يتغير
عاليا بسخريه :ماشاء الله انت غيرت من دكتور وبقيت بتقرء الطالع
طارق ابتسم وحط ايده حوالين كتافها: حبيبتي انا بديكي مثال مش عايز العطف الي عندك يتحول لقسوه يمكن العطف ياخد الحاجات السيئه معاه وبعده يجبلنا السعاده خليكي عاليا
عاليا نزلت دموعها
طارق مسح دموعها:شوفتي اتأثرتي بسرعه ازاي بس هسمحلك تمسحي مناخيرك في كم قميصي
عاليا اكتفت بابتسامه من بين دموعها
طارق ضمها لصدره بعطف: متعيطيش كدا تاني انتي حامل وده وحش عشانك ابتسمي
عاليا هزت دماغها بـ لأ
طارق ضحك اوي :مفيش فايده عنيده
وقضوها انبساط وطارق طول الخروجه بيحاول يسحبها من دوامه حزنها قبل ما يسافر يكمل شغله!!!!!وبعد كدا وصلها وطلع هو علي المطار
…..منه محمد…….
تاني يوم الشركه كانت فيها الدنيا مقلوبه وكل العملاء اتجمعوا في حاله قلق رهيبه
عميله: عندي كلام لازم اتكلم معاك فيه سيد عاصم مجرد وقف كريم عن العمل مش ردع كافي لازم تعلن والا هاخد اجراء حاسم ضده لان اسهمنا هتقع بسببه
عاصم الي وواضح عليه التعب اتنهد بضيق
عاليا بكل هدوء: رئيس مجلس الادراه بيبحث عن افضل طريق للخروج من المشكله من فضلك ادينا شويه من الوقت
عميله اخري: بما انك مراته لازم يتحقق معاكي لو كنتي متورطه في الامر ده معناه تتوقفي عن العمل
خالد: بس مدام عاليا مالهاش علاقه بشغل كريم
عاصم الي قاعد وشه محمر جدا بعيونه والعرق من كل اتجاه حاسس فضله تكه وقلبه يوقف
عميله: فعلا يمكن كريم حولك الاموال في حسابك
عاليا بثقه: تمام انا علي اتم استعداد يتحقق معايا لاني مش هسمح لرئيس الشركه يتحط في موقف صعب
عاصم بصوت مبحوح من الالم وملامحه شحبت: احمد اعلن للكل تم فصل كريم من الشركه فصل ساري سريع المفعول فورا
احمد بحزن كبير: امرك
خالد حاسس بالسعاده حتحلق بيه في الفضا!!!
عميل بأسف: اسفين سيد عاصم بس ده شغل والكل قام وخرج
عاصم بنبرةٍ حزينة : اسف يا بنتي كانت غلطتي
عاليا مسكت كف ايده برفق: اوعي تلوم نفسك اوعي
عاصم الود وده يبكي يصرخ بحرقه يسمع صوته للعالم من كم القهره
عاليا متحملتش المنظر وخرجت بسرعه بكل هم العالم هتعمل ايه في الي جاي
خالد خرج وراها وسألها: عاليا انتي رايحه فين؟؟!!
عاليا: هتكلم مع كريم لازم يعرف انه السبب هيوقع ابوه وناس تانيه في مشاكل مالهاش حصر
خالد بخ سمومه: بس كريم ميعملش كدا يحولها لحسابك بغض النظر عن رغبته الكبيره في الانتقام منك ومن عمي بس لو عمل كدا فعلا يبقي اتمادي كتير
عاليا: هو نجح فعلا لانه ألمني كتير غير بابا هيموت من القهر
خالد: انا قلقان عليكي وعلي عمي خايف متقدروش تتعاملوا مع كريم
قرب ومسك ايدها) والاكتر انا قلقان عشان مشاعرك مش عايز اشوفك بتتألمي اكتر بعد كدا ممكن اساعدك
عالياسحبت ايدها بطريقه لطيفه: شكرا يا خالد بس الامر بيني وبينه انا الي حوقف كل حاجه
……..منه محمد……..
شد التربيزه ناحيتها ورص الاطباق وقرب منها وابتسم بفتور: يله عشان تاكلي
نهله: لا ماليش نفس اكلت من شويه وحاسه اني معدتي اتملت جدا
كريم : حاولي تاكلي لو شويه كمان لسه الاكل بحاله نهله انتي عشان مش بتاكلي معندكيش قوه
نهله: انا سعيده انك مهتم بيا لو كنت اعرف كدا كنت مرضت من فتره طويله
كريم بعتاب: متقوليش كدا انا مش بحب كدا
نهله: ليه انت قلقان
كريم بخفوت: اه
نهله ابتسمتله بسعاده: وانا سعيده ومبسوطه لانك قلقان عليا
بس سرحت ووشها شحب كالموتي لما افتكرت كلامه لعاليا
= ابدا هخليكي تفتكري انك مراتي انا
كريم بصلها وحرك كف ايده قدام عيونها: فيه حاجه حصلت
نهله: لا حاسه بصداع ودوخه بسيطه
كريم قام بقلق : لا كدا ابلغ الممرضه تجيب دكتور
نهله مسكت ايده: كريم متقلقش انا بخير وكويسه
كريم: متأكده؟؟!! نهله لو فيه اي حاجه بلغيني علي طول بدل ما تتعبي زياده
نهله: كريم بخصوص خالد
كريم قطعها: هحل الامر نهله انتي ارتاحي
نهله: بس انا قلقانه عليك مش عايزاك تتعامل مع كل حاجه لوحدك
كريم بهدوء: انتي لسه تعبانه
نهله: متقلقش لسه قادره علي التعامل مع الامر ومستعده اعمل اي حاجه عشانك
كريم مسح وشه بعصبيه: نهله بقولك ارتاحي يعني ارتاحي هحل المشكله بنفسي
نهله بحزن: ليه بتقول كدا انت اهم شخص بالنسبه لي ولا انت مش عايزني ادخل لانك معتبرني غريبه
كريم: لا انتي كدا اسائتي الفهم خالص انا قلقان عليكي مش عايزك تتعبي هنتكلم بعد خروجك من المستشفي (تلفونه رن سحبه من جيبه لقاها عاليا) فتح الخط
عاليا: لازم نتكلم ضروري انا في الشركه (واغلقت )
………….منه محمد……..
ركن دراجاته علي جنب ودخل الشركه لقاه دايره لمجموعه كبيره و كل الكلام داير عليه
=ابن صاحب الشركه ويطرد ده اكيد عملها
=فعلا لما يبقي ابن رئيس الشركه ليه يختلس لانه طماع
= طيب بالنسبه لعاليا
= مش مراته يبقي لازم تكون ساعدته انه يختلس
كريم راح قرب للمجموعه لقاهم مركزين في ورقه متعلقه علي الجدار شدها بغل وقراها وجعدها بين كفوف ايده بغيظ
صوت من وراه: كمان بتفسد في ممتلكات الشركه
كريم لف بضهره وبصلها: اتصلتي بيا عشان تفرجيني الاعلان مش كدا طبعا عايزه تزليني قدام الموظفين مش كدا
عاليا ردت بحده: فعلا
كريم رماه الورقه من قمة غضبه: قولتلك معملتش كدا ليه مش مصدقه
عاليا: تقدر تقول كل الي انت عايزه بس الادله كلها ضدك كلها بتشاور عليك انت
كريم بدفاع عن نفسه: معملتش كدا افهمي ولف ماشي بس بكلامها وقف
عاليا: عارف ابوك كان هيجيله جلطه بسببك بس الحمد لله لحقناه في الوقت المناسب اما بالنسبه لي فـ انا انتهيت للي عملته لو كل واحد فينا كرهه التاني لدرجه اننا نأذي بعض للحد ده فطلقني واخلص
كريم لفلها بتحدي: مش هطلق ابدا عشان تروحي لخالد وده علي جثتي يحصل
عاليا بنفعال: الموضوع ملوش علاقه بأي شخص تاني(فتحت ايده تديله الخاتم)خد شبكتك
كريم برفض: لا
عاليا بأصرار: بقولك خد
كريم بصرامه: لا مش هطلقك وكفايه طعن في رجولتي بطلبك للطلاق
عاليا احمر وشها من الغضب: خده بقولك
كريم بعناد عجيب: لالالالالالا هنفضل سوي لحد ما نعجز ونموت واحنا بنقهر في بعض
فضلوا الاتنين في حاله بين الشد والجذب
كريم : طبعا عايزه تكوني سعيده مع خالد للدرجادي مستعجله مش كدا بس انا مش هسيبك ترحيلو هقتله واقتلك
عاليا فكت ايدها منه ورمتله الخاتم ضرب في صدره نزل رن علارض
عاليا بعدته عنه بقوه ورجعت كم خطوة: مش حتشوفني بعد النهارده لحد اليوم الي نوقع فيه اوراق الطلاق
كريم واقف كأنه جثه هامده من هجومها عليها كأنها ضربته طلقه من نار وقفت فيها قلبه
جه من وراه ونخ علي ركبه اخد الخاتم وبصوت كله شماته:خاتم جميل جدا بس محدش عايزه اصله مبئلوش قيمه!!!
كريم بصله بغضب وحده
خالد بصوت أسف:من المؤسف ان عاليا مبقتش عايزاه
كريم شد الخاتم وحس ان الدم بيغلي في عروقه:هرجع الخاتم لعاليا وانت متدخلش
خالد:بجد تقدر بس لو محتاج مساعدتي قولي
كريم رفع السبابه في وشه كتهديد:خليك بعيد عنها
خالد ضحك بخبث:جايز مقدرش
كريم مسك فيه: انت الي بتعمل كدا اجبرت عليا تطلق مني
خالد شد ايده بعنف: ده تفكيرك
كريم بصرامة : خااالد بحذرك نهايتك قربت
خالد: الي انا بعمله مش مهم لان القرار راجع لعاليا نفسها حتي لو كنت بحثها علي الموت لو ملهاش رغبه للطلاق مش حقدر اعمل اي حاجه الشخص الي خلاه عاليا تقرر ده هو انت
كريم ضربه على كتفه بغل: ليه مفكرني نايم علي وداني مش عارف الدور الي بتقوم بيه بس صدقني مش هسمحلك تنجح فيه وده اكيد
خالد حرك حاجبه في انتصار: تؤ بتفكر كتير هدي اعصابك خد الموضوع ببساطه مهما حصل اتقبل العواقب بروح رياضيه وبلاش تلف وترمي اللوم علي ده وده زي ما كل مره بتعمل بزمتك متعبتش
كريم جز علي اسنانه بقهر: خاااااالد
خالد: نتكلم في وقت تاني لان عندي شغل مهم لازم اعمله لازم ابقي جنب عاليا محتاجه دعمي المعنوي ومش هسيبها لوحدها وسابه ورجع للمكتب وأغلق الباب وراه
كريم بتوعد: طيب انت الي بدئت الحرب استحمل بقي الي يجيلك والله لخليك تعيش في جحيم
خرج بخطوات متهالكة وفيه جنون العالم بص للخاتم كان من غيظه هيطوحه في البحر قعد علي الرصيف وعيونه جمره نار بص للخاتم بتمعن ورفعه علي شفايفه في بوسه طويله وبعدين طلع السلسله الي في صدره وخلعها وحطه فيها ولبسها تاني وقام يروح البيت
……….منه محمد………..
دخلت الكافيه لقته بيفرك في شعره وقاعد ينفخ علي اخره ومره واحده صرخ زي المجنون: اه ياكريم لو هعتبرك صديقي هاخدك قلمين يفوقوك وانت ياخالد ليه كدبت لا العيال دول هيخدوني للجنون
ندي: فعلا جميل فقدت عقلك فعشان كدا همشي
حسن شدها من دراعها: استني افضلي معايا والله لو فضلت لوحدي لتجنن اكيد
ندي ضربته علي ايده جامد
حسن كشر: ليه بتضربيني
ندي بعصبية مصطنعة : اولا لانك لمستني ثاتيا عشان ارجعلك لعقلك ليه جايبني هنا انجز قبل ما اضربك تاني
حسن نفخ بملل: طيب طيب (وقام قعدها بجسمها النحيل فوق الكرسي
وكمل) لاني مشوش هقولك بختصار (حكلها) معرفش اصدق مين فيهم كريم ولا خالد واحد فيهم غرقان في الانتقام والتاني بيتصرف تصرفات مريبه
ندي: خليني اسالك بين كريم وخالد فيه مشكله كبيره تؤدي للانتقام
حسن بتنهيده: فيه نهله خالد بيحبها
ندي كملت بالنيابه عنه:وهي بتحب كريم اما بالنسبه لكريم هو علي علاقه بنهله عارفه وعاليا بكت كتير بسبب الكائن كريم
حسن: ليه زعلتي مني بسبب صاحبي
ندي بتفكير: تمام ده مربع حب مش كدا
حسن هز دماغه بحزن
ندي: ممكن خالد يكون بينتقم من كريم انت اكيد عارفه من زمان طبيعته شرير
حسن: بصراحه لو كان كريم اقدر اخمن تفكيره لانه بيعبر بوضوح ولا بيهمه لكن خالد مقدرش اخمن ايه الي بيدور في ذهنه
ندي ضربته وضحكت عالخفيف
حسن حرك شفايفه باشمئزاز : تاني ضرب تاني هو انا لسه نسيتلك الاولاني
ندي: ده وقت قعاد في وقت مش مناسب وترتني لو كنت عايز تعرف الي بيعمله خالد روح دور عن الحقيقه لو عايز يأذي كريم هتظهرلك طريقه اكيد لان مفيش اسرار بتستخبا في العالم وانت الوحيد الي تقدر تساعد خالد وكريم مظبوط كلامي
حسن عيونه زايغه بحيره
ندي زعقت: مظبوط
حسن بخوف: مظبوط يبشا انا الوحيد الي قادر اعمل كدا
ندي: بس فيه امر كمان
حسن بهتمام: ايه هو؟؟!!
ندي: لو كانت الحقيقه مُره قاسيه وصديقك مش هو صديقك القديم ممكن تتقبل الامر
حسن: طبعا هتقبله بس اكيد حكون حزين جدا مقدرش اتحمل الامر ده بسهوله
ندي بخبث ضربته تاني في ايده الي ساندها علي خده وضحكت
حسن بصلها وعوج شفايفه حاول انه يبتسم : متضربيش تاني ماشي
ندي ضحكتله: اطلبي عصير وانا مضربش
…………منه محمد……
قاعد في مكتبه بيتـأمل البحر من وراه الزجاج وبينه وبين نفسه…….اخبار ذي دي هتدمر حياتك بالتاكيد هدمرلك شركتك وشركه ابوك همحي غرورك وغطرستك قطع عليه تفكيره تلفونه الي رن وصدع المكان
خالد: اهلا انسه نهله خير فيه حاجه؟؟!! ولا اتصلتي برقم غلط
نهله: كريم فين؟؟!!
خالد عقد حواجبه: لو عايزه تعرفي ما تتصلي بيه تسأليه ليه متصله بيا انا
نهله: لانه مش بيرد علي موبيله وانتم في نفس الشركه مشفتهوش ولا حصلت حاجه
خالد: ممكن فيه مشاكل صغيره لو عايزه تعرفي اسألي كريم
نهله: قولي انت كل حاجه
خالد بمكر: طالما مصممه اقولك اوك هقولك بس اقولك بشخصي وجها لوجهه
نهله: تمام مستنياك انا كمان عايزه اشوفك
وفصلت الخط وحست بزغلله قويه وكأن روحها بتتسحب منها!!!
…….منع محمد…….
بعد قليل وصل بصلها شويه من وري الباب الزجاجي وبعدين دخل: مالك شكلك مش بخير
نهه بتماسك: ابدا تعبانه وماليش نفس اكل
فتح زاير البدله وسحب كرسي وقعد وحط رجل فوق التانيه: بس كدا بس شكلك كويسه
نهله بعصبيه: انت بتتهمني بالكدب
خالد قام وقف: لا بس مقدرش اهزر اظاهر كريم بيهتم بيكي جدا ولا انك مرهقه ولا كونك عشقته
نهله بنفعال: اياك تهني قولي كريم فينه؟؟!!
خالد: اختلس من الشركه واترفد
نهله: مش ممكن كريم يعمل كدا يختلس ليه كريم مش وحش اوي كدا
خالد: كريم مش وحش بس الي بتعمليه سئ بما فيه الكفايه
نهله: لو جيت تعمل مشكله امشي
خالد بسخريه: سبحان الله لما بقول الحقيقه تتعصبي لو كان كريم كويس مكنش دمر الشركه وأذي ابوه الي يعمل كدا في ابوه يبقي كويس من انهي اتجاه والايام بينا لو ما اذكيش انتي شخصيا
نهله بحده: عَمر كريم ما يأذيني ابدا سااامع
خالد: واثقه اوي بس احترسي تتعبي من خيبه الامل عارفه اصل مفيش اصعب من خيانه شخص نحبه
نهله بصتله بتوتر
خالد نظراته لقدام: عاليا طلبت الطلاق من كريم الامر المره دي جاد لو كان بيحبك هيتقدم يتجوزك
نهله ظهرت علي ملامحها الفرحه الكبيره
خالد بصلها: لو ده حصل حكون اول واحد يبارك بس لو حصل العكس ومئلكيش ده معناه انه مش بيحبك
نهله الابتسامه اختفت: كريم بيحبني
خالد: لا مبيحبكيش
نهله صرخت فيه بعصبية : كريم بيحبني
خالد هز راسه بأصرار : لا مبيحبكيش
نهله صرخت بجنون:بقولك بيحبني
خالد لف بضهره خارج : اتمني يكون حقيقي
نهله ضربته بالمخده: لو انفصل كريم عنها هيتجوزني كريم بيحبني انا
خالد لف وبصلها بغل وبعدين ابتسم بتهكم وسخريه وخرج وهبد الباب!
ونهله فضلت تنهج وري بعض من التعب والخوف من خيبة الأمل
…..منه محمد……..
قاعده تبكي لدرجه حست ان الدموع حرقت عينيها كأنها دموع من نار وحاسه كأن سكينه مغروزه جوه قلبها أأعدت قريبه منها!!!!!
سألتها بصوت واطي : لسه بتحبيه
عاليا بتضغط علي ايدها بقوه وتبكي: قلتلك مش بحبه
ندي بنص عين: افضلي قولي كل مره كدا علي العموم حتي لو سبتيه هو الخسران مش انتي
عاليا مسكت منديل ومسحت دموعها بسرعه
ندي بحنان وعطف: خدي حطي الكمدات دي علي عينك الي منفوخين زي كُره السله
عاليا: شكرا ! ندي اقدر ابات عندك الليله مش عايزه اكون لوحدي ومش عايزه ارجع البيت لاني مش عايزه اواجهه تاني
ندي: براحتك وده احسن قرار اخدتيه انك بعدتي عن طوله لسانه والبيت بيتك وامي وابويا مسافرين النهارده يعني هنفضل براحتنا اه يا ناري عمري ما فكرت انه هيغرسك انت وابوه في الامر
عاليا: كل الي حصل بسببه
ندي: انتي عندك شك ان كريم هو الي عمل كدا
عاليا: مش قادره اتجرء وافكر خايفه يخيب ظني تناني ندي انا اتألمت بما فيه الكفايه الحاجه الوحيده الي اقدر اعملها هو اني اسيبه وامشي خلاص انا بجد مش حمل خيبه امل تانيه
ندي بعلامه استفهام: طيب والبيبي الي في بطنك هيكون مَصيره ايه؟؟
عاليا اتنهدت تنهيده طويله: ده شئ يخصني لوحدي هربيه واكبره لوحدي وعيطت بحرقه
ندي بحنان: طب خلاص حطي التلج علي عنيكي وبطلي عياط عشان العيل الي في بطنك
عاليا صعبت عليها نفسها انفجرت في العياط
ندي :خلاص ممكن تاخدي نفس بجد انا قلقانه عليكي
عاليا: انا فعلا تعبانه مشتته
ندي بحنان: خلاص قومي ارتاحي وسبيها علي الله ممكن ( اخدتها جوه حضنها بمرح) خلاص ماشي عشان عتريس الصغنن
……….منه محمد…….
رجع البيت أأعد شويه علي الرصيف وبعدين اخد نفس بعمق ودخل
نداه علي سعاد وسألها: عاليا وصلت؟؟!!
سعاد: لا الست عاليا لسه موصلتش لحد دلوقت ومقلتش هي فين قالت بس مش راجعه البيت اما البيه عاصم رجع اهو
عاصم داخل كأنه مش شايف قدامه
كريم : بابا انت مش هتتكلم معايا؟؟!!
عاصم وقف علي اول سلمه بدون ما يبصله
كريم قرب منه : ولا بتكرهني للدرجادي لدرجه مش طايق تبص في وشي
عاصم لف ووقف: مش عارف اقولك ايه؟؟!!
كريم: عايز تهزئني ولا ترمي اللوم عليا اعمل يله جه دورك فعلا
عاصم: لا ههزئك ولا حرمي اللوم عليك هسألك سؤال واحد خلصت انتقام مني ومن عاليا؟
كريم سكت
عاصم كمل: بس لو كنت حاسس انك في تحسن ممكن توقف كفايه عاليا عانت بما فيه الكفايه وانا كمان بس ممكن تأذيني انا زي ما انت عايز بس هطلب منك طلب واحد ابعد عن البنت كفايه البنت ادمر مستقبلها في الشركه مش هقدر اتحمل ده كمان
كريم بصوت فيه نبره حزن عميقه : وانا ليه مسألتنيش اقدر اتحمل ده انت كذبتني وطردتني
عاصم نزلت دمعه حزينه: حتي لو كنت مصدقك المستثمرين محدش فيهم هيصدق قولي اعمل ايه انا عملت كل الي في وسعي بصفتي لما تكون حزين قلبي بيتقطع عليك بس عشان اريحك انا اب زي الزفت بأذيك طول الوقت والنهارده مقدرتش احميك يمكن لو ابوك كان شخص تاني كان بقي افضل بالنسبه لك
كريم: ليه بتقول كدا خلاص مش محتاجلي دلوقت
عاصم بصوت اجهده التعب وقله الحيله: فكرت كتير اعتبرني من اللحظه ميت
كريم من قوه الكلمه وعظمتها عيونه رغرغت بالدموع وجسمه انتفض
عاصم شفايفه رجفت: من اللحظه مهما عملت مش هوقفك ابدا كل طلبه شئ واحد وبتوسلك فيه ابعد عن أذيه بنتي
كريم نزلت دموعه قصاده وعاصم طلع السلم بخطوات بطيئه وكريم فضلت عيونه متبعاه لحد ما اختفي عن انظاره ولف وقعد علي اول سلمه بنهيار وضياع وشلال من الدموع جات عيونه علي صوره لنبيله كلمها …… انا بحبك بنتك اوي ومش عايز بجد اخسرها
………….منه محمد…….
الدكتور بيشخص الحاله:فحص الدم فيه ارتفاع عدد الكُرات البيضه بشكل غير طبيعي ولو هاجمت كُرات الدم الحمرا ظهر عشان كدا فيه كدمات في كل أنحاء جسمك جايز عندك حمي او تمرضي بسهوله جدا عشان نتأكد لازم نعمل فحص طبي لنخاعك الشوكي لو كان التشخيص صحيح لازم تتعالجي في اسرع وقت عن اذنك
نهله اكتفت بهز دماغها
في خروجه…. شافت الباب اتفتح تاني ودخلت منه سعاد ومعاها كياس
نهله بصتلها شويه من فوق لتحت وهي واقفه وبدئت بتشتغل بتحاول تطبق تعليماته بالتفصيل الممل
سعاد: اتفضلي قشرتك مجموعه فواكهه طازه كليها كلها عشان ميضطرش كريم يراعيك وخفي بسرعه
نهله: فين كريم ليه مجاش
سعاد بتكشيره: معرفش لما صحيت الصبح هو طلب مني اجيلك اشوفك اظن مع الست عاليا الشركه واقعه في مشكله كبيره وبيحلوها كزوجه وزوجه بيحاولوا يلموها سوي يمكن معندوش وقت يراعي الغُرب
نهله ضربتها بطبق الفواكهه في وشها: بلاعه قذره انا مش غريبه عاليا وكريم هيطلقوا ولما اتجوزه انا اول حاجه هعملها هطردك من البيت
سعاد: كريم مستحيل يتجوز ست شريره زيك وقريب هتفقدي عقلك وتمشي تشدي في شعرك وانتي بتاخدي حاجه مش بتاعتك وحتبقي تعيسه طول عمرك وانا مش خايفه حتي لو طردتيني من هنا همشي لان انا مش بخاف الشخص الي يخاف هو انتي بتصرفاتك عشيقه كل همها تسرق واحد من مراته خليني اقولك حاجه لو كريم عايزك كان طلب ده من زمان
نهله بصراخ: اخرجي اخرجي يا كلبه ااااخرجي
سعاد صرخت قصادها: بطلي تصرخي
نهله وسعت عيونها على وسعها: هصرخ هتعملي ايه( وصرخت بصوت عالي جدا)
سعاد بعدت عنها بسرعه :كدا اصرخي يله اطلقي بس انا مقدرش اقعد مع واحده مجنونه يله اصرخي مع نفسك (هربت بسرعه)
نهله ضربتها بالمخده وفضلت تصرخ زي المجنونه
…………منه محمد……….
وقف دراجاته وركنها علي جنب ونزل يجري بخطواته السريعه راح عند المقبره ملقهاش طلع الموبيل من جيبه بسرعه واتصل: عاليا معاكي؟؟!!
ندي بهدوء: لا ليه بتسأل عليها ايه الي حصل اختفت فين عاليا؟؟!!
كريم بقلق وخوف: طيب تعرفي راحت فين لان طارق مسافر
ندي: جاوب علي سؤالي الاول ايه الي حصل لعاليا؟؟!!
كريم اتوتر وبلع ريقه الي نشف من كتر التوتر: مرجعتش البيت وقالت انها هتنام برا في مكان تاني ولسه مرجعتش لحد دلوقت وطارق مسافر
ندي بهدوء: طيب يعني بلغتكم يعني هي مش مفقوده ومش هقولك
كريم بشك: انتي عارفه هي فين مظبوط قوليلي حالا هي فين؟؟!!
ندي: معرفش حتي لو اعرف مش هقولك عاليا عندها اكيد سبب وانا بدعم صاحبتي اه بما انك اتصلت اقدر اوبخك شويه
كريم: انتـ
ندي قطعته بحده: انت الي مش عارف انت بتعمل ايه اسمع انا مقدرش اشوف صاحبتي حزينه كدا طلقها وبطل تتمسك بيها علي الفاضي عاليا متمسكه اكتر ما تتوقع
كريم: مش هسيب عاليا ابدا لـ اخر نفس فيا
ندي: انا بحذرك من باب الانسانيه لو كنت مش قادر تتعامل مع الامر بوضوح مش هيبقالك حد
كريم رده فعله انه قفل الخط في وشها
ندي شهقت: قفل شايف نفسه علي ايه ده بدل مايبوس ايده وش وضهر ده راجل عاطل وملوش مستقبل ولا بيعمل حاجه في حياته غير أذيه الخلق وانتي يا عيني كتر خيرك صبرتي عليه (وضحكت) بس هزئته بالنيابه عنك ولو اتصل تاني هشتمه وبما انه بيدور عليكي هتعملي ايه هترجعي ولا هتفضلي
عاليا: مش قولتيله اني مُصره
ندي فهمت ارشيف افكارها: قصدك؟؟؟!!!
عاليا بغموض: قصدي فيه حاجات منقدرش ننساها بسهوله
تم