رواية قمر الزمان الفصل التاسع 9 بقلم ندى رأفت

قمر بتوتر وخوف : ماما منال …..

انصدم شريف وقال : مرات والدك …..

قمر بخوف : انت قولتلي مش هتقول لحد انت وعدتني صح … بص ما تقولش لبابا حاجه وانا اوعدك اني مش ههرب تاني ….

بصلها شريف بصدمه وكان هيتكلم ..بس فجأه خبط باب الاوضه بتاعتهم جامد ..

مراد : افتح يا شريف ..افتح .. متعملش زي ما عملت في امنيه …

راشد : علشان خاطري يا ابني ..متعملش حاجه في البنت ..

قمر بصدمه : بابا .. ونزلت كم البلوزه بسرعه ..

راح شريف وفتح الباب …

وقال : خير …

راشد : قمر ..قمر فين يا ابني …

شريف : انا وعدتك يا عمي اني عمري ما هأذيها …وفتح شريف باب الاوضه …دخل راشد على قمر .. وحضنها وقال : انتي كويسه يا حبيبتي ..

قمر بصوت حزين : طالما انا غاليه عندك كدا ..عملت فيا كدا ليه ..

بعد راشد ..عن قمر ..وطلع برا الاوضه …

شريف : داده صفيه مين ..الي قالك دخليهم ..

داده صفيه : انا سألت مين ..؟!! قالي انه الاستاذ مراد ..وحضرتك قولتلي لما الاستاذ مراد يخبط وحضرتك موجود ادخله من غير استأذان ….مكنتش اعرف ..إن في حد معاه ..

شريف بهدوء : طب روحي حضري الغداء للضيوف يا داده …

داده صفيه : ماشي يا ابني …

شريف : اتفضلوا معايا..يلا يا قمر تعالي …

خرجت قمر ..وقعد الكل في غرفه المعيشه ..

وقمر طول القعده كانت بصه على شريف ..بتوتر ..لأنها خايفه انه يقول حاجه عن منال …

راشد : اسف على الازعاج يا ابني ..وكان هيقوم يمشي …

شريف : حضرتك يا عمي مسمعتنيش …وانا بقول للداده ..حضري الغداء للضيوف وحضرتك ..ضيفي ..ومش هينفع تمشي غير لما نتغدى مع بعض …

راشد : لا يا ابني مره تانيه ..انا سايب مراتي ..وبنتي لوحدهم …

شريف : ماشي يا عمي الي تشوفه ..مش هضغط عليك ..

وقام شريف ..ووصل راشد …..ودخل ..

مراد : طب اقوم انا بقا ..

شريف : انت بتهزر يا مراد …

قام مراد وقال : نتقابل في الشغل يا صحابي ..

وبعدها مشي مراد ..

قمر بتوتر : انت مقولتش لبابا ليه ..

شريف : هو انا مش وعدتك…خلاص ..

قمر: شكرا..جدا …يا استاذ شريف .. انا هروح اساعد ..داده صفيه في الغذاء ..

شريف : لا ثواني ..انا مش هقول لوالدك ..بس انتي لازم تقوليلي …مرات والدك كانت بتعمل معاكي كدا ليه …. انتي مش المفروض زي بنتها …

قمر بحزن : عمرها ما اعتبرتني زي بنتها …

شريف : ازاي يعني ..

قمر : كانت دايما بتضربني ..من صغري تقريبا ..من لما كان عندي ٩ سنين ..كانت بتعاقبني بالضرب على اتفه الأسباب.. بس كل دا طبعا لما بابا بيروح الشغل …لكن اول ما بيرجع كانت بتعملني حلو ..

شريف : وليه تعمل معاكي كدا ..

قمر : كنت بسألها نفس السؤال دا كانت تقولي انها مش بتحبني ..وعايزه ربنا ياخدني .. معرفش كل دا ليه ..مع ان أمل كانت لسه مجتش …بس لما ماما منال جابت أمل ..قولت يمكن تعاملني حلو زي ما بتعامل امل ..لكن للأسف لا المعامله ..بقت اسوء ..افتكر مره كان بابا جايب لكل واحده فينا إنسيال دهب .. راحت ماما منال مسكت الانسيال ..وعملت إنها بتلبسهوني ..لكنها قطعته …..لأنها مبتحبش حاجه حلوه تيجي غير لبنتها وبس ……..

شريف : طب ..وانتي مش عايزه تقولي لوالدك ليه ..

قمر : مش هتصدقني ..يمكن ..بس انا مش عايزه اضايقه …ولا عايزه انه يسيب ماما منال وأمل..علشان حرام هيصعبوا عليا …

شريف بصدمه : بعد كل الي عملته فيكي ..

قمر : ايوه …انا مبحبش اضر حد حتى لو ضرني ..وطالما ..هي بتعامل بابا حلو ..خلاص ..مش مشكله …

انصدم شريف من كلامها ومكنش عارف يرد ….

قمر بحزن : عارف …انا حاسه اني لو حكيت لبابا الموضوع دا دلوقتي مش هيفرق معاه …علشان انا خلاص مبقتش افرق عنده ..

شريف : متقوليش كدا ..وبعدها قال بألم حاول يخفيه من على وشه .. : مفيش أب بيكره أولاده يا قمر ..لأن أولاده..دول أغلى ….حاجه عنده …وبعدها سمع شريف داده صفيه وهي بتقول: الغداء يا ولاد ..قام شريف وقال : يلا بقا علشان نتغدى ..

انصدم شريف من قمر لما قالت : مالك يا استاذ شريف …هو في حاجه مضايقك ..

شريف بتوتر : ليه يعني ..

قمر : مش عارفه حسيت بكدا ..

شريف : لا ..مفيش حاجه…يلا تعالي ..علشان انا بحب اكل الاكل ..سخن ..

قمر : ماشي ..طيب ثواني ..أغير هدومي…وهاجي ..

شريف : بجد..يعني اخيرا مش هتهربي تاني ..

قمر : انا وعدتك .. انك لو مقولتش لبابا اني هقعد ومش همشي ..وانا مبرجعش في وعدي …

شريف : ماشي ..طيب روحي بسرعه …

وبعد فتره خرجت قمر …وهيا لبسه درس ..طويل ..وعليه طرحه …

شريف : إيه دا ..؟!!! وهو انتي خارجه …

قمر بأستغراب : لا ..ليه يعني ..

شريف : يعني درس ..وطرحه ..

قمر : لا دا عادي ..عقبال ما تمشي ..اصل مينفعش اقعد قدام راجل غريب من غير طرحه ..

شريف : غريب …

قمر : ايوه غريب …وحضرتك ..بعد ما تمشي ..انا هقعد من غير طرحه ..

شريف : ومين قال اني همشي ..

قمر باستغراب : بعني إيه..

شريف : هو انا مش قولتلك هرجع اقعد في اوضتي تاني ….انا مبرجعش في كلامي 

يتبع …