Uncategorized

رواية زوجتي كوابس الفصل الثاني 2 بقلم مي علي

                                                      رواية زوجتي كوابس الفصل الثاني 2 بقلم مي علي 

رواية زوجتي كوابس الفصل الثاني 2 بقلم مي علي

 رواية زوجتي كوابس الفصل الثاني 2 بقلم مي علي 

بصلي وقال …
انت هتتجوز بنتي كوكي

سكت للحظه وبعدين ابتسمت جوايا
لأني عارف أن عياله موزز
يابن المحظوظه يا أنا

سألته بانشكاح …
الكبيره ولا الصغيره يا فندم

قال ..
لا بنتي الكبيره يا حسام
انت مشوفتهاش قبل كده

– ازاي يا فندم انا شوفت بناتك الاتنين

– لا دي بنتي التالته وكانت مسافره ولسه راجعه

– حضرتك عمرك ما قولتلي أن عندك بنت تالته

– دي بنتي الكبيره بس مش من نفس الأم
انا زمان اتجوزت بنت الراجل اللي كنت بشتغل معاه
وكان ليه أفضال عليا
كان بيعتبرني زي ابنه
ودبسني فيها

قصدي جوزهالي
وبعد شهرين مات وبقيت انا ماسك كل شغله
كانت حنينه اوي
وشاء الله بعد سنه ونص بتحاول أنها تحمل
أنه يحصل حمل
كان صعب جدا عليها
بس حصل
وولدت
وخرجو الدكاتره يبشروني أن جالي بنوته زي القمر بس اتقالي البقاء لله ف المدام

طبعا الوضع كان صعب وتربيت البنت كانت صعبه جدا

ف جبتلها دادا تربيها
وكنت باخد بالي منها طبعا وبطمن عليها من وقت للتاني

وبعد كام سنه اتجوزت مراتي اللي موجوده دلوقتي
كان صعب تتأقلم مع كوكي بنتي
الوضع كان صعب وبالذات لما حملت ف بنتي الاولانيه

وكبرت كوكي والدنيا وسعت عليها
ف انا سفرتها بره ع
ع عشان تدرس
ولسه راجعه

– لا حمدالله علي سلامتها طبعا يا فندم انا عارف أن بنات حضرتك قمرات وحلوين

– الا كوكي بقي كوكي حلوه بذياده حلوه بس دي كوكب
مش قمر
عارف الشمس هي زي الشمس

– طبعا يا فندم من كتر جمالها الواحد ميقدرش يبصلها

– هو هو هو احلي احلي مش عشان بنتي لا
دي الحقيقه انا والله صعبان عليا اني اديهالك

– ده شرف ليا يا فندم والله
انا متشوق اشوفها

– يبقي تنورنا انهارده الساعه تمانيه انا مديهم خبر ف البيت انك جاي

– بسرعه كده يافندم
طب حتي اديني فرصه ابلغك اهلي يحضرو نفسهم

– الساعه اتنين لسه روح قولهم المهم تكون موجود الساعه تمانيه
خير البر عاجله
ولا اي يا ولد

– طبعا يا فندم طبعا

– اتفضل روح يلا
عارف عنوان الڤيلا طبعا

– اه يا فندم عارف

– اتفضل يلا

– حاضر يا فندم حاضر

خرجت لقيت داليا واقفه ورا الباب

واتخضت اول ما شافتني

قولت …
بتعملي اي يا فخده انتي
بتتصنطي

وهي هتموت من الضحك ..
انا لا لا انا ك ك

– كونتي اي

– عادي بلمع اوكر وانت مالك انت

– ده انتي بت غريبه والله العظيم

– ههههخ سمعت انك هتروح تتقدم لبنت استاذ مراد

– اه واي المضحك ف كده

– لا لا مفيش حاجه انا فرحنالك اوي والله
بالرغم كل اللي عملته بس انت فعلا فيك شبه من كوكي كتير

– انتي شوفتيها

– اه شوفتها طبعا وعلي فكره انا احلي منها كتير

– امممم تبقي حلوه اوي
مدام غيرانه منها

– انا أغير منها
هههه لا طبعا واغير ليه ده انا ملكة جمال ف نفسي

– طبعا انتي هتقوليلي
هو السجماتيزم عندك كام

– خليك ف حالك ع العموم مبروك الف الف مبروك

– الله يبارك فيكي يا فخده ويلا بقي وسعي عشان اروح اجهز

– مع السلامه يا جميل

روحت ع البيت وفاتحت بابا وماما ف الموضوع

بابا ..
طب يابني مش تصبر خبط لزق كده

– يا بابا دي فرصه بنت حلوه
وبنت المدير بتاعي وحسب ونسب وتعليم بره

– طب بس

– الراجل حدد معاد يا بابا

– بس القفش ده يابني مش حلو

ماما ..
انا من رأيي مفيش احسن من كده
خليه يتلم بقي ونخلص

– يتلم !!
ماشي يا ستي
قومو يلا اجهزو وظبطو نفسكم
وانا هظبط نفسي كده
هنزل بس احلق واجيب حبه حاجات واجي مش عاوزين نتأخر ع الناس

الأم …
اول مره اشوفك مستعجل كده عشان تروح تتقدم لوحده

– اصلك مشوفتيش بنات الراجل ده
يالهوووي
اجانب شعر وجسم وطول بعرض
واصلا الراجل ده برنس ف نفسه وذوقه ميخيبش

– طيب يابني ربنا يكرمك بكل الخير

– يارب
يلا بقي
عشان منتأخرش

واخدت بعضي ونزلت
خلصت اللي ورايا وانا متشوق اشوف كوكي دي

وعمال اتخيل مواصفاتها
وهو بيقولي أنها قمر
لا دي كمان زي الشمس
الشمس من كتر جاذبيتها وحرارتها محدش يقدر يبصلها

ده انا حظي من السما
وبدأت أتخيل واعيش

كنت ظبطت بوكيه ورد وجبت شوكولاته
وكده

وروحت لبست واتشيكت
ونزلنا

وطول السكه وانا بحكيلهم عن تخيلاتي والكلام اللي الراجل قاله

بابا …
مفيش حد هيقول علي بنته وحشه يا حسام
وانا عاوز اقولك يابني
لو انت رايح عشان هي حلوه صدقني يا حسام هتفضل تقع علي جدور رقبتك لان البنت مش بشكلها
بأخلاقها وبدينها وبحبها وقلبها الطيب
الشكل ده بيروح
ممكن يحصل أي حاجه تخلي شكلها مش ولابد هتسيبها ساعتها ولا اي

– يا بابا مش كده الحاجات دي مهمه وكل حاجه
بس انت متخيل لما تبقي جميله اي اللي هيحصل
هتصحي الصبح مبسوط وانت جمبك قمر
وياه لو رقيقه ودلوعه ده انت مش هتشبع من البص ف وشها والقاعدة معاها

– بيتهيألك مسيرك هتزهق منها
اللي هيقعدك ف البيت روحها الحلوه
وأكلها واهتمامها بيك

معظم اللي بتهتم بنفسها وضوافرها وشعرها بتبقي مهمله ف البيت
بتخاف علي رشاقتها وجمالها لو فكرت تجيب عيال هتقولك
جسمي وترهلاتي
وفخادي وتسلخاتي

الست مهما كانت حلوه بيجي عليها وقت بتتعب وملامحها بتتغير

والبرفن الحلو اللي انت بتشمه ده

هتلاقي مع الوقت ريحت ابو فاس قالبه الشقه

والبمبرز وجونسون للأطفال وڤولتارين للعظام وتعالي ادعكلي ركبي

مهما كانت جميله هتشوف فيها سيد وأم سيد

الأم …
نعم يا خوياااا وانت عمرك شوفت فيا سيد

– لا بس شفت ام سيد

– أخص عليك راجل تأكل وتنسي زي القطط
نسيت الحمام والمببار والمحشي نسيت الرز بالجمبري
والبسبوسه بالقشطه

– ايوووه مدي الحاجه الوحيده اللي بتطلعي جمالك فيها

– لا وانت الصادق دي الحاجه الوحيده اللي عرفت انك بتهتم بيها
كرشششك يا راجل يا ابو كرش

– احترمي نفسك يا عدليه انا بكرش

– يا ماما اهدي مش كده

– اسكت ده انا بقالي سنين ساكته
البس واعمل كل حاجه واتزوق ارجع الاقيه بيشخر
عاوز تصحيه قولو في عشا ولا غدا

قولو في بطايه قاعده بره مستنياك قولو في حمامايه محشيه رز

تلاقيه قاعد مفنجل ادد كده
عشان كده بقيت اهتم بده وأهمل نفسي عشان عرفت ديته كرشه

وبعدين انتو بتتأمرو علي اي
انت وهو
عاوز واحده جميله وعلي سنجة عشره وطيبه وروحها حلوه
بتعرف تطبخ
وربة منزل هايله ورقيقه ودلوعه وحسب ونسب

وانت عره بالشورت كلوت اللي انت لابسه ليل نهار

اتنيلو بقي واسكتو بلا قرف

– ههههههههههههه همووووووووت
خل خلاص طيب اهدو احنا خلاص وصلنا

اهدي بقي يابابا عشان خطري

وانتي يا ماما خلينا نشوف حكاية الكرش والشورت كلوت ده بعدين

ههههههههههههههه ههههههه

الاب …
مخلاص ياخويا
عجبك كده ضحكتيه علينا

– خلاص يا بابا انا سكت اهو
يلا بينا وصلنا

نزلنا من العربيه
وصلنا للباب ورنيت الجرس

وسمعت صوت زغاريط
قطعلي الخلف

بابا بصلي وهز كتفه بأستغراب

فتحتلنا واحده
قالت …
اتفضل يا فندم

كانت الخدامه تقريبا

حته بت يالهوووووووي
أما دي عامله كده اومال العروسه عامله ازاي

دخلتنا ف مربع كله صالونات
وقالت …
تحبو تقعدو فين

– اي حته احنا ممكن نقعد فيهم كلهم

ضحكت وقالت ..
طب اتفضل استاذ مراد جاي يستقبل حضراتكم حالا

ماما …
بسم الله ما شاء الله اي العز والأبهه دي كلها يابني
ما شاء الله

– مش قولتلك يا ماما

فضلنا قاعدين شويه
ونزل مراد بيه ومعاه المدام

دخلو ورحبو بينا
وقدمتلو الورد

قال ..
لا هات الورد
واي دي شوكولاته

– اه يا فندم

– لا يا فندم اي بقي انت خلاص هتبقي جوز بنتي
قولي يا حمايا أو يا عمي

– حاضر يا عمي

– هات الورد حطه هنا
وخلي الشوكولاته معاك عشان تستقبل بيها عروستك
اصلها بتحب الشوكولاته اوي

بس متأكلهاش منها كتير عشان بتدوخ

– ا حاضر يا عمي

– اههه اهه اهه اهلا وسهلا منورينا

بابا …
بنور حضرتك انا سمعت كلام كتير من حسام عن حضرتك ولينا الشرف أننا هنا النهارده

– حسام ده ابني وان شاء الله هنبقي أهل
حيث كده ندخل في الموضوع علي طول

انا راجل بحب الاختصار
وانت يا حسام جاي أنت وأهلك انهارده عشان تطلبو كوكي بنتي
وانا موافق
نقرا الفاتحه

الاب …
مراد بيه ثانية واحده بس
مش نتفق الاول

– انا معنديش مانع ف اي حاجه
ثم قولتلك حسام ابني يعني أنا هشيله من كل حاجه احنا بنشتري راجل

ماما …
طب مش نشوف العروسه

مراد بيه بتوتر ..
اه طبعا

روحي يا زينب
إندهي
كوكي
معلش هيا بتتكسف بقي عارفين البنات اليومين دول

راحت زينت وانا قلبي راح وراها

شوية وجت واحده تحل من علي حبل المشنقه فقومت اسلم

وعرفنا بيها …
دي ميرو بنتي

وبعدها جت واحده وراها

قال دي سوسو بنتي

بصيت ابويا وغمزتله وقولت ….
شايف ميرو وسوسو

قال …
شايف يابن المحظوظه شايف
أما نشوف كوكا ولا كوكي دي عامله ازاي

الموضوع طول وانا قاعد مستني عروستي المنتظره

مراد بيه ..
اتاخرت انا عارف هي نازله حالا اكيد

كنت قاعد انا وبابا ف كرسين ضهرهم للسلم

مراد بيه …
اهي كوكي جاات اهي

مبصتش لأن لفت انتباهي وش أمي اللي كانت شايفه اي اللي ورايا وملامحها رهيبه

قطع بصتي صوت خنشره وصهد وحاجه سدت المكان جمبي تحسه بقي الركن البعيد الهادي

ولقيتها بتقول ….
مساء الخين

يتبع …

لقراءة الفصل الثالث : اضغط هنا

                                                        لقراءة باقي فصول الرواية : اضغط هنا

اترك رد