Uncategorized
رواية عشق المتملك الفصل الخامس والعشرون 25 بقلم منار سيد
رواية عشق المتملك الفصل الخامس والعشرون 25 بقلم منار سيد
 |
| رواية عشق المتملك الفصل الخامس والعشرون 25 بقلم منار سيد |
رواية عشق المتملك الفصل الخامس والعشرون 25 بقلم منار سيد
ولم يكادوا يجلسوا حتي سمعوا صوت شيء يسقط بقوه ..
ادم بفزع وهي يركض سريعاً : ريماااس
في لحظات كان الجميع يلتف حولها بفزع يحاول ايقاظها ولكن لم يستطيعوا فما كان من ادم الا أن حملها إلي غرفتهم بالاعلي وجاسر الذي كان قد أتي للتو ذهب سريعاً يهاتف الطبيب الجميع في حالة من القلق وبعد ما يقارب الربع ساعه كان قد وصل الطبيب اخيراً…
الدكتور : ينفع حضرتك تتفضل بره
ادم وهو يمسك يدها : لا طبعا
الدكتور : مش هعرف اكشف كده
جاسر : تعالي معايا يا ادم
ادم برفض : لا
كارما : ادم مش وقته خلي الدكتور يشوف شغله هفضل انا واسيا وليان معاها اطلع انت
فيخرج علي مضض وهو يدعو ربه أن تكون بخير وبعد عشر دقائق كان قد انتهي من فحصها وخرج إليهم…
مالك وهو يسرع إليه : خير يا دكتور
ادم بلهفه : مالها هي كويسه صح
الدكتوره بضحك : اهدي يا فندم هي حامل بس
ادم بعدم إدراك : حامل مين انتي مش قولتي كويسه
مراد بضحك : اتفضلي انتِ يا دكتور هو بس اتصدم
الدكتوره بضحك : عمتن مبروك وهي حامل في اخر الشهر التاني اهم حاجه ياخد باله منها وبلاش الحركه الكتير عشان البيببي يثبت ولا تزعلوها خالص نفسيتها مهمه جداً الفتره دي
ادم : تمام يا دكتور شكرا ليكي … مراد روح وصل الدكتوره
مراد : تمام
ادم بسعاده : حامل ريماس حامل
جاسر بسعادة هو الاخر : مبروك يا باشا
اسر : وهبقي عمو ياه والقي حد يحترمني
مالك : لا يا حبيبي ده ابن ادم فيهزأك عادي
ولكن ادم لم يكن معهم فقد دلف سريعاً إلي معشوقته يطمأن عليها وبعدما بارك له البنات انسحبوا من الغرفة وظل هو ينظر لها بعشق اصبح يتغلل قلبه وما هي الا لحظات ووجدها تستيقظ…
ريماس وهي تضع يدها علي رأسها : اي اللي حصل
ادم بابتسامه وهو يضمها : اللي حصل انك كنتي هتموتيني من الخوف عليكي لما لقيتك مش راضيه تفوقي
ريماس باسف : انا آسفه بوظت اليوم معرفش أي اللي حصل دوخت فجأة كده
ادم بحب وهو يضع يده علي معدتها : اللي حصل أن هنا في حته مني ومنك كمان 7 شهور هينور دنيتي زي ما انتي عملتي
ريماس بصدمه : قول والمصحف
ادم بضحك : والمصحف
ريماس وهي تقفز بسعادة : هيبقي عندي بيبي هييييي
ادم وهو يمسكها : يا مجنونه الدكتور قالت بلاش حركه كتير
ريماس بلهفه : لا خلاص هقعد
ويقطعهم دخول الجميع إلي الغرفه يباركون لهم بسعادة كلٍ منهما يدعوا لهم بالسعادة ولريماس بأن تكون بخير…
جاسر وهو يقبل رأسها : مبروك يا بنت قلبي
ريماس بابتسامه : الله يبارك فيك يا حبيبي
ادم بغيظ وغيره : كيس جوافه انا ابعد ياض عنها كده
جاسر ببرود : اختي
ادم : ومرا…
الجميع بمقاطعه : ومراته عارفين
ريماس بضحك : مفيش فايده فيكوا
كارما : بس دلوقتي عندنا مشكله مفيش طفله بتخلف طفل ازاي ريماس هتخلف
مالك : انتٍ صح يا كوكو هنبقي محتاجين حد يربيهم هما الاتنين
ريماس بغيظ وهي تقذف عليهم إحدي الوسادات : يلا يا حيوان انت وهي بقي انا طفله
ادم بحب : طفلتي انا بس
جاسر بغيرة : وانا كمان
وما إن قال ذلك حتي انفجر الجميع في الضحك وبعد دقائق هبطوا للاسفل مجدداً بعد زن ريماس عليهم وتوسلها لادم مما جعله يوافق علي مضض فكان يريدها أن ترتاح ولكن لم تكن لتفعل فلم تُرد افساد اليوم وانقضي الوقت بين مرح الجميع ومشاكسات ريماس ومالك وكذلك اسر وغيرة جاسر وادم علي ريماس وها هم ذا يجلسون يلعبون صراحه ام تحدي…
مالك وهو يشير إلي ادم : انا وانت …صراحه ولا تحدي
ادم : صراحه
مالك : اي الفكره اللي خدتها عن ريماس اول ما شوفتها وعجبتك واي اللي معجبتكش
ادم : القوه اول مقابله لينا لقيتها قويه كده واتحدتني وده عاجبني جداا اما اللي معجبنيش ف مفيش حاجه كل حاجه فيها بحبها
منه بغيظ اخفته ببراعه : مش يلا نكمل
مالك : ريماس تسأل مراد
ريماس : صراحه ولا تحدي
مراد : صراحه وربنا يستر
ريماس بابتسامه : حبيبت ليان ليه واتجوزتها ليه وانت كنت فاكر انها اتجوزت قبل كده
مراد وهو ينظر إلي ليان : معرفش حبيتها ليه من أول مره قبلتها فيها وانا اتشدت لها حسيت فيها حاجه مختلفه واتجوزتها عشان بعشقها ومقدرش اعيش من غيرها
مالك : منه تسأل جاسر
منه : حبيت قبل كده
جاسر : طبعاً مراتي بموت فيها مش بس بحبها
اسر وهو ينهض : كفايه كده
مراد : انا بقول كده
ادم بضحك : عاوزين تخلعوا
اسر : بصراحه اه
ادم بجديه : طب عاوز اقولكم حاجه وانت كمان يا جاسر
جاسر : قول
ادم وهو يوجه كلامه للشباب : طبعا انا لو قولتلكوا تقعدوا معايا هنا مش هترضوا وانا عاوزكوا قريبين مني والبنات يبقوا مع بعض ف دلوقتي في حلين ياما كل اتنين مننا هيشتروا فيلا مع بعض ياما احنا الاربعه نشتري عماره ونسكن كلنا مع بعض المهم اننا نبقي جنب بعض
مراد بموافقه : فاكره حلوه جداً بالمره لما نطلع مهمة يبقوا البنات مع بعض
اسر : فعلا خلاص ممكن نشتري عماره وحتي لو هنفتح كل شقتين علي بعض
جاسر : وانا موافق
ادم بابتسامه : تمام يا شباب هنتجمع ونتفق مع بعض ومالك معانا ولا اي
مالك : شايفكوا مخرجني من حسابتكوا
اسر : اكيد لا انت معانا يعني
مراد : متنساش انك واحد مننا احنا الخمسه انا وانت واسر ومراد وجاسر كمان اخوات ولا أي
مالك بابتسامه : طبعا وبالنسبه ليا انا اكيد معاكوا
ادم : علي خيرة الله كده اتفاقنا
اسر / مراد / جاسر : تمام سلام
ادم : سلام
ويرحل الجميع ويصعد مالك إلي غرفته وكذلك منه وهي تشعر بغيظ شديد فلما يجب أن يكونوا اصدقاء هكذا واشتد غيظها وهي تتذكر حديث ادم عن ريماس ومعاملته لها وكذلك حملها فهي الان تحمل في داخلها ثمرة حبهم هي من كان يجب أن تكون مكانها هي تستحق ادم اكثر منها هكذا كانت تفكر وهي تخطط لفعل شيء ما..
اما في الاسفل فبعد رحيل الجميع نظر إليها وجدها تنظر له وعلي وجهها ابتسامه جميله دائماً ما تأثره بها…
ريماس وهي تحتضنه : شكرا
ادم وهو يجلسها علي قدمه : علي اي يا مجنونتي انا هنا عشان ابقي جنبك واعملك اللي بتتمنيه وبس
ريماس : انا بحبك اوي اوي
ادم وهو يحملها وينهض : وانا بعشقك
ويصعد بها إلي الاعلي وهي تحمد ربها أنه رزقها رجلٌ كادم تتمني لو يديمه له ويحفظه لها..
يومٌ اخر انتهي لكن تلك المره الجميع سعيد ولما لا وكلٍ منهم حصل علي معشوقته اخيراً كلٍ منهم يحيا من جديد بعشق جديد لن ينتهي مهما مر الزمن الجميع سعيد اليوم يتمني لو تدوم سعادته ولا أحد يعلم ما يخبأه له القدر
ـــــــــــــــــــــــــــــــــــــــــــــ
وبعد مرور اسبوعين لم يحدث بهم الكثير سوى عودة الشباب إلي شغلهم والبنات الي كُليتهم باستثناء ريماس التي رفض ادم رفض قاطع أن تذهب إلي الجامعة قبل بدايتها للشهر الثالث حتي يطمئن عليها واخيراً اقتراب ريماس من منه اكثر فمن يراهم الان يظن انهم اصدقاء مقربون وأن منه تحبها كثيراً وادم فقط يراقب من بعيد..
في منزل ادم…
ريماس : اخيراً هنزل الكُليه
ادم : زهقتي مني
ريماس بحب : لا طبعاً بس الامتحانات قربت
ادم : طب استني اخد شاور وتجي اوصلك
ريماس بإسراع : اتأخرت هروح انا باي
ادم باستسلام : ماشي روحي وهبقي اعدي اخدك
ريماس : تمام
وتهبط سريعاً فقد تأخرت كثيراً اليوم…
منه باستغراب : رايحه فين
ريماس وهي تقبلها : الكُليه سلام
منه : سلام
ــــــــــــــــــــــــــــــــــــــــــــ
في منزل مراد حيث استيقظت ليان واستحمت وبدأت بتحضير الفطور مثل كل يوم …
مراد وهو يحتضنها من الخلف : صباح الورد
ليان بابتسامه : صباح النور
مراد : بردو مش هتسيبي الخدم يعملوا هما
ليان : بحب اعملك حاجتك بنفسي
مراد بحب : يديمك ليا يا روحي
ثم يتناولوا فطورهم ويذهب مراد لعمله وتظل ليان في المنزل…
ــــــــــــــــــــــــــــــــــــــ
في سيارة ريماس ..
ريماس : اوف نسيت التلفون يا ربي هي ناقصه اتأخر اكتر
عادت سريعا تجلب هاتفها وهي في عجلة من امرها ستتأخر علي محاضرتها وهي ايضاً متعبه واخيراً وصلت صعدت إلي الاعلي سريعاً وما إن دلفت إلي الغرفه حتي وجدت تلك الوقحه تنام علي سريرها ترتدي إحدى قمصان النوم الذي يكشف اكثر مما يستر وادم يخرج من المرحاض عاري الصدر ….
ريماس بصدمه : أي ده
ادم بصدمه لتلك التي جذبت الغطاء تغطي جسدها كأنها لم تكن تعلم ان ريماس ستأتي يا لها من وقحه : انتي بتعملي أي هنا
منه بتمثيل : أي ي يا دومي هتخبي علاقتنا كتير مهي خلاص شافتني
ريماس بغضب : دومي وعلاقتكوا تعاليلي يا بنت ال***
ثم تنقض عليها تسدد لها العديد من الضربات تسبها بالعديد من الشتائم وادم يحاول ابعدها فهو يخشي عليها ولكن لم يستطع فأرتدي إحدى تشيرتاته سريعاً يلحق بها حين وجدها تجذبها من شعرها بملابسها الفاضحه تهبط بها إلي الاسفل وهو يحاول اللحاق بها ولكن لا حياة لمن تنادي فهي لم تكن تري امامها سوى مشهد تلك الوقحه في سريرها….
منه بصراخ : ااه سبيني بقي
ريماس بغضب : اخرسي خالص
محمد : أي ده في أي
مالك : ريماس انتِ جرها كده ليه سبيها
ريماس بهدوء مريب وهي تلقي بها اسفل اقدامهم جميعا : تمام عاوزين تعرفوا في أي الموضوع كله أني نسيت التلفون رجعت اخدوا لقيت الزباله دي بمنظرها ده علي سريري وجوزي ف الاوضه حلو دلوقتى انا مش هقدر اطردها من هنا لأن ده بيت حضرتك بس كل اللي عاوزه تعرفوه أن بنت اخوك لفظ مش هقدر اقوله بس اللي القيها نايمه علي سريري وجوزي في الاوضه واشوفه خارج من الحمام وهي بالمنظر ده متبقاش غير واحده انتو عارفين هي أي لو عاوزني ف البيت يبقي ارجع ملقيهاش هنا عشان قسماً بالله انا لو لمحتها هعملها قضية اداب وابقوا شوفوا هتخرجوها ازاي
ثم تخرج من المنزل سريعاً دون أن تهبط دمعه واحده من عينيها وادم يسرع يريد اللحاق بها ولكنها اخذت سيارته وتحركت بأقصي سرعة فدلف الي الداخل….
ادم بغضب : يا بنت ال***يا***
محمد : ادم اهدي
ادم بغضب : اهدي مراتي شافتها ف اوضتي علي سريري وتقولي اهدي
مالك بغضب : انتِ أي دي اعتبرتك صاحبتها
منه بحقد : بس انا مش صاحبتها هي خدت مني كل حاجه انت وادم حتي عمي كان لازم احرق قلبها
ادم بغضب وهو يصفعها : وحيات امي ما هرحمك
محمد بزعيق : ادم ابعد
ادم بصوت مرتفع : ابعد حاضر هبعد بس ورحمه امي ما هرحمها وهتشوف ال** دي
ثم يصعد الهي الاعلي يبدل ملابسه ويهبط سريعاً للذهاب الجامعه وهو يتوقع أن ريماس ذهبت الي اصدقاءها….
محمد بغضب : بره اطلعي بره مشوفش وشك تاني
مالك وهو يبثق عليها قبل أن يخرج إلي الخارج : عيله وس***متستهليش ربع اللي هي عملته معاكي
ثم يذهب هو الاخر بحثاً عن ريماس ..