رواية حورية الفارس الفصل الأول 1 بقلم أمل السقا

_انت بتقول ايه؟ ازاي عايزني اسيب دراستى عشان اسافر معاك انت واعى لكلامك ده؟ 

=ايوه واعي جدا كمان انا اعرف ان اللي بيحب بيضحي ولا انتي مش بتحبيني ولا ايه؟ 

_بلاش كلام أهبل يا أنس انت عارف انك حب عمري بس انا مش هسيب دراستي و والدتي وحياتي كلها عشان اسافر معاك لو عندك حل تاني اتفضل قوله. 

أنس: معنديش حلول تانيه انا قولت اللي عندي موافقه يا بنت النااس يبقى كان بها اما لو مش موافقه يبقى انا مش مضطر أكمل فى العلاقه المزيفه دي. 

حور بدهشة: علاقة مزيفه؟!! انت بتسمي حبي ليك كل الفتره دي علاقه مزيفه؟ لا وبتقولها بالبساطه دي! اومال راح فين حب السنين اللي فاتت مهو مش معقول طار كده في يوم وليله. 

أنس وهو بيمسك كتفها بإيديه الاتنين: حور يا حبيبتي انتي عارفه اني بحبك ومن زمان قوي وانك مش مجرد خطيبتي انتي كل حاجه في حياتي بس انا حلمى من زمان اني اسافر ومش عايز اسافر غير وانا متجوز عشان أبدأ صح من هناك وبعدين كلية ايه دي اللي متمسكه بيها ما انا هيبقى معايا الفلوس اللي انتي عايزاها واللي هتطلبيه هتلاقيه يبقى ليه العند بقا. 

حور بغضب: اللي يسمعك كده يقول انك مليونير ولا حاجه ولا يقول انك جايبني من تحت الجاموسه انت ناسي ان حلم بابا الله يرحمه اني ادخل طب ولما دخلت عايزني اسيبها عشانك وبعدين مين قال ان الواحد بيدخل كليه عشان الفلوس؟ بقا ده كل طموحك دلوقتي؟  الفلوس وبس؟ انن عارف انا مصدومه قوي بجد يعنى والحمد لله ان انا متجوزتش واحد زيك “وقلعت دبلتها ومسكت ايده وحطتها فيها” معلش يا باشمهندس أنس دبلتك مش لايقه عليا  فرصه سعيده “وسابته ومشيت”. 

&_______بعد شويه مسكت تليفونها ورنت على واحده صاحبتها. 

حور بدموع: ايوه يا ندى تعاليلي عند……. متتأخريش. 

ندى /………….

حور /تمام هستناكي.    ولسه بتعدي الطريق بس رباط الجذمه اتفك و وقفت فى نص الشارع تربطه. 

(واحد نازل من العربيه بتاعته بمنتهى الشياكه بعيون خضرا وبشره خميري وفى سن ال 27 سنه) 

فارس بعصبيه: انتي يا آنسه هي دى واقفه؟ 

حور (ربطت الرباط وظبطت هدومها وبعدين رجعت شعرها لورى بعفويه):  فيه ايه يا كابتن مالك متعفرت عليا كده ليه؟ رباط الجذمه اتفك اسيبه؟؟ 

فارس بغضب بيحاول يداريه: وهو اللي بيربط رباط الجذمه بيربطها فى نص الشارع كده وبالطريقه دي؟ أنتي متخلفه فى دماغك ولا حاجه؟ 

حور برخامه: لا متخلفه فى رجلي نينينينينيي وبعدين الشارع مهو فاضي اهه مفيش غيرك اللي عديت حد قالك تعدى من الشارع ده بالذات فى الوقت ده بالذات؟ 

فارس بصدمه من ردها وانها مش مقتنعه انها اتغابت: ايه البت دي؟ يعني انا دلوقتي اللي غلطان عشان عديت وسيادتك طبعا مش غلطانه لان اي مواطن بيقف يربط الشوز عادي مش عارف ايه الحظ الاسود اللي رماكي عليا والله عكرتي مزاجي يا شيخه منك لله. 

حور بابتسامة غبيه وهي سايباه وماشيه: فرصه سعيده يا كابتن متشوفش وحش. 

فارس واقف مكانه مبلم وباصص لكتلة الاستفزاز المتحركه اللي قدامه. وفاق على صوت جاسر اللي بينادي عليه وهو في العربيه ونازل ضحك. 

فارس وهو بيركب وبيقفل باب العربيه بعصبيه: دي بت مستفزة جتها القرف. 

جاسر بضحكه عالية: بس والله عسل بجد دمها حسيته خفيف مع انها كانت بتعيط على فكره لو خدت بالك بس شرسه برضو هههههههه واخيرا جت. بنت وعصبتك يا فارس يا صافى هههههههه. 

فارس وهو بيبصله برخامه: ما خلاص بقا يا عم جاسر فيه ايه مكانش حته موقف اهبل انا اصلا غلطان إني مدوستهاش وخلصت البشريه منها. 

جاسر وهو بيضحك برضو: نينينينينيي مكنتش هتقدر والله اصلك حنين. 

فارس بصله بشزر وساق العربيه ومشي وهو متعصب. 

#_______فى مكان تاني علي الشط. 

ندى وهي بتحضن حور من رقبتها من ورى: حوريتي وحشتيني. وباستها من خدها وقعدت جنبها. 

حور بإبتسامة: انتي اكتر والله يا ندوش. 

ندى: مالك بقا يا قمر كنت بتعيط ليه وانت بتكلمني. 

حور بتنهيده: سيبته يا ندى سيبت أنس. 

ندى بصدمه:  احيه ليه كده ايه اللى حصل؟ 

حور حكتلها اللى حصل بالتفصيل لان دى صديقتها الوحيدة والمقربه لقلبها وبمثابة اختها. 

ندى بحزن واضح: مش عارفه اقولك ايه بس ربنا اكيد شايلك حاجه احسن متزعليش ده عيل واطي وانتي عارفة بموضوع سها فكبري خد الشركه وراح. 

حور: انا مش زعلانه عليه أنا زعلانه علي العشرة والعيش والملح وكل حاجه حلوه كانت بيننا انتي عارفه اني مش بيهون عليا التفاصيل دي.(اتنهدت تنهيده كبيره) يلا بقا ربنا معاه ومعايا انا كمان.(وبعدين ضحكت بصوت عالي وقالت) اسكوتى ده انا حصل معايا حتة موقف ما شاء الله زي الزفت وانا جايه بس الولا الصراحة قمر قمر قمر يخربيت حلاوة أمه. 

ندى: احكي احكي بسرعه شوقتيني ومين ده؟ وقالك ايه؟  وقولتيله ايه؟ هه؟ هه؟ هه؟

حور وهي بتضربها علي راسها بخفه: يا بت اهدي شويه هحكيلك اهه بصي يا ستي وحكتلها الموقف بالظبط وفضلت تضحك جامد بس ايه شكله كان تحفه وهو بيبصلي بعصبيه بعيونه الخضره القمر دي وانا عامله نفسي مش فى دماغي وانا اصلا كنت مرعوبه من شكله وهو متعصب. 

ندى بضحكه: يا بنتي حرام عليكي والله انتي متشوفيش ولد إلا وتعملي معاه مشكله مش عارفه ايه حكايتك والمصيبه ان فى الاخر بيبقو هيموتوا عليكي ايه السر معرفش هههههههه. 

حور بسرحاتن: انا مش عايزة حد يحبني انا عايزة هدوء نفسي مش اكتر انا زهقت من كل الحوارات دي وكلهم بيبقوا فى الاخر عايزين مصلحه انما مش حب حقيقي واقرب مثال عندك أنس اهه باعني فى أول محطه عشان اهدافه الشخصيه وعشان لقى بنت معاها فلوس اكتر  واتنهدت تنهيده حزينه وقالت يلا محدش بياخد اكتر من نصيبه يلا بقا عشان نروح عشان اتأخرنا. 

وقاموا هما الاتنين  يمشو بس وهما ماشيين طلع عليهم شابين وشكلهم ميبشرش بالخير أبداً. 

ندى بخوف وهي بتحضن إيد حور: الحقى يا حور شكلنا هنتسوح