Uncategorized

رواية حورية الفارس الفصل الرابع 4 بقلم أمل السقا

 رواية حورية الفارس الفصل الرابع 4 بقلم أمل السقا

رواية حورية الفارس الفصل الرابع 4 بقلم أمل السقا

رواية حورية الفارس الفصل الرابع 4 بقلم أمل السقا

فارس بص لحور ببرود وقال بتجاهل لكل كلامها اللي قالته: انسه ندى معلش تقوليلي عنوانك وعنوان الآنسه حور عشان اوصلك واوصلها لأن واضح ان اعصابها تعبانه جدا. 
حور بصتله بشزر وسكتت. 
ندى: ايوه عنوان حور فى (………) وقالتله العنوان وأضافت وانا هبات عن حور النهارده لأن بابا مش في البيت. 
فارس وهو بيشغل العربيه: تمام وساق لحد ما وصلوا العنوان وطول الطريق حور باصه من الشباك وعنيها مليانه دموع بس مش راضيه تنزل واول ما فارس وقف بالعربيه تحت البيت نزلت جري ومتكلمتش مع حد ودخلت البيت. 
ندى بعد ما نزلت: انا اسفه جدا ليكو وانت بالذات يا استاذ فارس انا بعتذرلك نيابة عن حور لانها اتكلمت مع حضرتك بالاسلوب ده وشكرا ليكو علي اللي عملتوه معانا بجد. 
جاسر لاحظ ان فارس مش مركز اصلا وباصص لحور وهي بتدخل البيت وعينه اتعلقت عليها وظن انه مسمعش كلام ندى اساسا فرد مكانه وقال: ولا يهمك يا انسه ندى ده واجبنا وانسه حور اكيد متدايقه من اللى حصل فمش عليها لوم اتفضلي انتي بقا عشان الوقت اتاخر. 
ندى بإبتسامة: تمام تصبحوا علي خير ولسه هتمشي بس جاسر وقفها. 
جاسر: انسه ندى….. ااا احم احم يعني هو انا يعني كنت رقمك او رقم انسه حور يعني عشان نطمن عليكم وكده ده لو ينفع يعني بس لو مش هينفع مفيش مشكله. 
ندى بإحراج (هي كانت عايزة تقوله مينفعش بس هي فرحت ان فيه مجال انها تكلمه ومتعرفش ليه): ااا احم لا مفيش مشكله اتفضل رقمي اهه ٠١٠.. . . . . .  
جاسر بتنهيده: تمام اتفضلي بقا حضرتك. 
ندى: تمام وسابتهم ودخلت. 
فارس لسه سرحان ومش بيتكلم خالص. 
جاسر بغلاسه: ايه يا فروسه سرحان في ايه يا حبيبي؟ 
فارس بتجاهل: يلا نمشي وسابه من غير ما يرد عليه وركب العربيه. 
جاسر بتأفف:  اووووف ده انت عيل بارد صبرني يارب  وركب جنبه ومشو بالعربية. 
&____عند حور أول ما دخلت البيت. 
حنان مامتها: حور هو اللي انا سمعته ده صحيح؟ انتي سيبتي أنس؟ 
ما تردي عليا انا مش بكلمك. 
حور بهدووء عكس اللي جواها:  ايوه يا ماما ولو سمحتي انا تعبانه جدا وعايزه انام نتكلم بكره ولا اقولك 
بلاش نتكلم في الموضوع دا خالص اعتبريه محصلش. 
ومشت عشان تدخل اوضتها. 
حنان بصوت عالي: يعني ايه اعتبره محصلش انتي عايزة تجننيني يا بنتي 
بقا بعد اربع سنين خطوبه تيجي تسيبيه دلوقتي. 
حور دخلت اوضتها وقفلتها عليها وفضلت تعيط وافتكرت كل حاجه حصلت في اليوم وافتكرت لما انس غلط فيها بعد كل حاجه حلوه كانت بينهم وافتكرت برضو ان والدها و والده هما اللي خطبوهم لبعض قبل الاتنين ما يموتوا عشان يبقوا قريبين من بعض اكتر بس فى الآخر حمدت ربنا على كل حاجه حصلت واتنهدت وقالت (رب خير لم تنله كان شراً لو أتاك) وقامت عشان تغير هدومها وتصلي “مش عشان مش محجبه يبقى متصليش عادي جدا تصلي وتعمل كل حاجه حلوه تقربها من ربنا وهي مش محجبه كل واحد علي حسب البيئه اللي اتربى فيها). 
ندى دخلت البيت لقت والدة حور بتزعق وحور مش موجوده قعدت تتكلم معاها وحكتلها كل اللي حصل وقالتلها كل حاجه انس قالها علي حور. 
حنان بحزن ودموع: يا عيني عليكي يا بنتي ربنا يكتبلك اللي فيه الخير يارب ولعله خير اولا واخيرا. 
ندى بمرح:  ايوااااا ايوه كده يا حنون يا قمر انتي هو لعله خير وبعدين انس ده عامل زي البورص الجعان وحور قمر شعر بني محمر وعيون عسلي بلمعه زي لمعة الدهب وحاجة كده اخر جمدان دي المفروض تتجوز من بلاد بره قال انس قال. 
حنان بضحكه: والله يا بنتي صدقتي انا اصلا في البدايه مكنتش موافقه بس والدها ربنا يرحمه صمم ودلوقتي زعلت عشان نفسي افرح بيها قبل ما اموت ده انا معنديش غيرها هي وانتي. 
ندى بدموع: انا؟ 
حنان بحنان اموي: ايوه يا ندى انتي اتربيتي مع حور من وانتي صغيرة وبعدين والدتك اتوفت وانتي عندي زي حور بالظبط  وربنا عالم معزتك عندي ايه. 
ندى بدموع وهي بتترمي فى حضنها: ربنا يخليكي يا ماما حنان يارب انا لو امي الحقيقية عايشه مش هتعاملني كده. 
حنان ربطت على ضهرها ومسدت على شعرها: ويخليكم ليا يا حبيبتي يارب ويفرحني بيكم انتو الاتنين مع بعض ومع اللي يستاهلكم ويسعدكم. 
&____فى بيت فارس بعد ما وصلوا. 
جاسر: فارس انا هاخد عربيتي وامشي هتعوز منى حاجه بقا. 
فارس وهو بيقعد على الكرسي: خليك نام هنا النهارده يا جاسر مش مستاهله. 
جاسر وهو بيخرج: لا يا عم انا شقتي وحشاني وبعدين انت بتشخر وبتوجع دماغي هههههههه وطلع يجري قبل ما فارس يضربه. 
فارس بغضب: بقا انا بشخر يا متخلف ده انت بتلعب مصارعه وانت نايم جتك القرف. 
جاسر وهو بيقفل باب الفيلا: بهزر ايه مبتهزرش يا رمضان هههههههه وبعدين قفل الباب وخرج. 
فارس قاعد وساند راسه على الكرسي وبيفكر فى حور بس فاق على صوت شاهي اخته. 
شاهي وهي بتبوسه من خده: فروسه سرحان في ايه؟. 
فارس بضيق: يادي فروسه اللي بتقولوها وانتي والعيل البارد التاني ده وبعدين قال مفيش يا شوشو بفكر في الشغل بس.
شاهي بضيق وهي بتلوى شفايفها: ايه شوشو دي يا فارس انا اسمي شاهنده ودلعي شاهي مش شوشو ها انا رايحه انام بقا تصبح على خير. 
فارس بضحكه: ماشي يا شوشو وانتي من أهل الخير يارب. 
شاهي مشت وهي بتخبط رجليها فى الارض بعفويه جدا. 
#______مر على أبطالنا اسبوع مفيهوش جديد غير ان كل واحد بيفكر فى التاني وجاسر فكر كذا مره يكلم ندى بس خاف. تفهمه غلط وحور وندى دايما مع بعض وحور بدأت تتجاوز التفكير في أنس خالص ومامتها وندى شجعوها علي كده ودايما يطلعو علي البحر وفى يوم والد ندي رجع فيه من السفر وكلمها وقالها انه في البيت.
ندي جرت علي حور بفرحه:  حور حور بابا جه انا هروح بقا علشان أقعد معاه يومين قبل ما يسافر تاني. 
حور ببسمه: تمام يا حبيبتي روحي وخلى بالك من نفسك واوعي تنامي لوحدك لو عمو يحيى خرج فاهمه أول ما يمشي تيجي علي طول عشان متخافيش وانتي لوحدك. 
ندي وهي بتحضنها: اشطات يلا بقا سلام ومشت راحت  بيتها واول ما دخلت. 
ندى بصوت عالي وفرحه باينه: بابا بابا وحشتني. 
يحيى وهو بياخدها فى حضنه: حبيبة باباتي وانتي كمان والله وحشتيني جدا. 
ندى: انا هحضر العشا بقا ونتعشى سوا عشان وحشني الأكل مع حضرتك جدا. 
يحيى وهو بيحط ايده علي كتفها: معلش يا حبيبتي مرة تانيه بقا لان عندي عشا عمل مهم ومش هينفع اتأخر عليه اعملى انتي وكلى و واوعدك اني هتعشى انا وأنتي بكره فى احسن مطعم فى اسكندريه. اوكيه؟ 
ندى بحزن: تمام يا بابا ولا يهمك. وباس راسها وسابها ودخل يغير هدومه عشان يخرج وكالعاده ندى دخلت اوضتها تغير وفضلت تعيط جامد. 
يحيى بعد ما لبس وخارج: ندى عايزة حاجة يا حبيبتي. 
ندى بإبتسامة حزينه: لا يا بابا عايزة سلامتك بس هو حضرتك هتتأخر ولا ايه؟ 
يحيى وهو بياخد مفاتيح عربيته: ايوه واحتمال كبير ابات بره الليله اقفلي على نفسك كويس وخلى بالك من نفسك  وبعتلها بوسه فى الهوا وخرج. 
ندى قعدت على الكرسي وفضلت تعيط جامد وبعدين نامت مكانها 
بعد ساعه ونص ندى صحت وحاسه ان جسمها متكسر  وبصت فى الساعه لقتها 11.5 بالليل وبكده  اتأكدت ان باباها هيبات بره البيت وفضلت خايفه وتعيط، مسكت تليفونها عشان تكلم حور بس رجعت في كلامها تاني عشان مش عايزة تقلقها وخلاص قررت انها هتغير وتروح لحور عشان مش هتعرف تقعد في البيت لوحدها وبالفعل غيرت وخدت شنطتها وموبايلها ونزلت وبينها وبين حور مسافه مش طويله بس ف نفس الوقت مش قصيره  ومشت وهي بتقرا قرآن وجسمها بيرتعش ودموعها نازله وفى الوقت ده تليفونها رن اتطمنت شويه لانها فكرتها حور بس خافت تاني لأن الرقم غريب. 
ندى بخوف وهي بتبص حواليها لان الطريق من ڤلتها لشقة حور شبه مقطوع والحركه فيه بالليل بتبقى قليله جدا: الو. 
جاسر بخوف من نبرة صوتها: ندى مالك في ايه؟ 
ندى وهي بتشبه على الصوت ده: م….. مين حضرتك؟ 
جاسر: انا جاسر انا آسف إني رنيت فى الوقت ده بس حسيت نفسي عايز اطمن عليكي وبعدين اتوتر  و وبخ نفسه فقال احم احم قصدي يعني عليكي أنتي والآنسه حور هو انتي فين انا سامع صوت عربيات بعيده وسكون فى نفس الوقت كأنك فى شارع. 
ندى بتوتر: ايوه انا في الشارع فعلاً ورايحه لحور لأن بابا مش في البيت وخوفت أنام لوحدي. 
جاسر بقلق: ورايحالها لوحدك دلوقتي؟ 
ندى بخوف اكتر: ايوه انا خايفه قوي وبعدين لقت واحد جاي عليها وشكله شارب،  ندى شهقت جامد بخوف وطبعاً جاسر معاها عالخط واول ما سمع صوتها قام جري خد مفاتيحه وفضل معاها عالفون وبيطمنها……………..
يتبع…
لقراءة الفصل الخامس : اضغط هنا
لقراءة جميع فصول الرواية : اضغط هنا

اترك رد