Uncategorized
رواية عشق سنيني الفصل الرابع 4 بقلم أحلام أبو العز
رواية عشق سنيني الفصل الرابع 4 بقلم أحلام أبو العز
 |
| رواية عشق سنيني الفصل الرابع 4 بقلم أحلام أبو العز |
رواية عشق سنيني الفصل الرابع 4 بقلم أحلام أبو العز
خلاااص أخيرا يمني أختي حبيبتي
وحشتني أوي وأخيرا بكره جيالك ياورده حياتي
أمي :ياحور
_نعم ياأمي
أمي :أصحي يلا ياحبيبتي علشان تلحقي تروحي لأختك وتيجي بدري
_بس ياماما أنا عاوزه أقعد معاها لما أزهق وأشبع منها
أمي :لأ ياحور متنسيش أختك لسه عروسه جديده برده ومينفعش تطولي عندها روحي ومتتاخريش علشان أسيبك تروحلها علطول
_حاضر ياماما
أمي :يحضرلك الخير يا غاليه هتتحسدي من أمتي بتقولي حاضر !
_ فهماني غلط ياماما بنتك خلاص كبرت وعقلت والنضج باين من عيوني وبقيت كامله مكمله مستعده لانكم تجوزوني علشان تريحوا دماغكم
أمي :يالهوووي عليكي مستعجله علي إيه مش لما أفوق من فراق أختك الأول وبعدين أفرح بيكي
_ياأمي واللهي أنا واثقه أني هوجع دماغك ومش هريحك يبقي تخلصي مني أحسن ليكي
أمي :
طاااااااااااااخ امشي من وشي هتشليني
_حاضر ياماما يعني الحق عليا خايفه علي صحتك بس خلاص يامامتي اللي أنتي شيفاه وهو أصلا أنا يهون عليا أسيب العسل والقمر ده ميهونش عليا يامامتي اسيبك دانتي حبيبتي بس مفيش مانع تراجعي تفكيرك برده ????????
_في البيت بلبس هدومي ومحتاره ألبس أيه زيي زي أي بنت مبقتنعش من أول طقم أطلعه ماما دخلت
أمي :ياحور
_أيوه: ياست الكل
أمي :بنات عمك لما عرفوا أنك راحه لأختك عوزين يروحوا معاكي
_بس ياماما
أمي :مبسش علشان متزعليش حد مننا قولي حاضر
_حاضر ياأمي اللي تشوفيه
_بنات عمي أسماء قدي في العمر وكنا ديما مع بعض في المدرسه كنا في السنه الدراسيه نفسها وقد بعض ويعتبر كنا سرنا مع بعض ديما لأنها كانت أقرب أصدقائي وفعلا ونعم الصديقه وأختها منه الله واللي أنا أكبر منها بثلاثه سنوات .
خلاص لبسنا وكل واحده فينا خددت هديتها وودعت أمي ومشيت
دق .دق .دق
يمني :مين
حور :أنا
يمني :أنتي مين
حور :أنا العوووووو
يمني :وصلتي ياغلبويه خشي كنت قلقانه عليكي
حور :أيه يابنتي مكنتش وحشاكي خشي في أحضان أختك ياقلب أختك ولسه بحضنها لقيت خيال عندها في الصالون ولما وضحت الرؤيه لقيته يوسف
يمني :أيه رأيك
حور :رأيي في ايه
يمني :قاعد كده بقاله ساعتين مستنيكي تيجي ويقعد معاكي
حور :أنا لأ طبعا دا ماما لو عرفت ولا رحلها خبر تدبحني أبدا روحي قوليلوا لأ مينفعش أقعد معاه
يمني :ليه يابنتي
حور :أيه اللي ليه أنتي أكيد يعني عارفه ماما ولو عرفت هتنفخني
أسماء :مش دا اللي كان نفسك فيه ياحور دلوقتي معارضه تقعدي معاه تسمعيه ليه
حور :مش معارضه بس غلط اللي بنعمله وبعدين هبقي في نظره أيه جايه علشان أشوفه
يمني :خلاص روحي سلمي عليه واحنا معاكي وعندك حق برده مينفعش تقعدي معاه
حور :أيوه هو دا الكلام ولا بلاااش أخيرا فهمتوني
إزيك يايوسف أخبارك ايه
يوسف :إزيك ياحور انتي عامله ايه
أسماء :إزيك يايوسف .
يوسف :الحمد لله
يمني :ياأسماء يامنه تعالوا لما اقولكم علي حاجه
حور :بتكلم نفسها عملوووها برده وسابونا قاعدين لوحدنا دي مؤامره دي خطه عليا انا هوريكم انا هشرب من دمكم أنا هتبرأ منكم أمام المحكمه العليا
يوسف :ياحور
حور :نعم
يوسف :مالك مخضوضه ليه وحاسس إنك بتترعشي ومش علي بعضك
حور :لأ أبدا متخدش في بالك من الرطوبه بس ولسه قايمه علشان أهرب وأروح لاأختي المطبخ اللي بقالها تلت دقايق بتجيب العصير تخيلوا
ولسه هقوم لقيت اللي ماسك إيدي وبيقولي أطمني واقعدي أنا شاريكي وبحبك وعاوز اتجوزك علي سنه الله ورسوله إيه رأيك
حور :لو سمحت يايوسف الكلام ده أنا مليش في الكلام ده الكلام ده مع بابا وأخويا
يوسف :منا برده عاوز اعرف رأيك فيا إيه الاول مايمكن اتقدم واترفض ومعجبكيش
حور :واللهي يايوسف الكلام ده انا قلتلك مع بابا مش معايا ومن ناحيه أن ممكن ارفضك لأ طبعا أنت شاب محترم واي بنت تتمناك
يوسف :يعني أعتبر دي موافقه حد
حور:منا قلتلك الكلمه الأولي والاخيره لبابا
وبتدخل يمني وشايله الصنيه محمله من خيرات الله بس مين لسه هيجيلوا نفس ياكل بعد ماعرفت أنه عاوزني أبقي مراته وان حلمي بيتحقق
يوسف :كلي ياحور كحك
حور :شكرا يايوسف قدامي لو عاوزه حاجه هاخدها شكرا لزوقك
يوسف :العفو
حور :الله يعافيك
يمني :أحم أحم نحن هنا
حور :بخجل ونحن هنا جمبك برده
أسماء :ههههههههههههه وأنا شاهده
وبنقعد مع بعض شويه ونضحك من قلبنا بس فرحتي بكلامه بأنت لمعتها في عيوني وكان باين عليا وهو كان ملاحظ نظراتي ليه وفرحتي باينه في عيوني وكانت بالنسبالي فرحه متتوصفش ولا ليها وصف
يوسف :أستأذن بقي يايمني
يمني :خليك قاعد يايوسف شويه
يوسف :بغمزه لحور عاوزه حاجه ياحور
حور :سلامتك يايوسف بابتسامه خفيفه بتلمع منها الفرحه
يوسف : اسيبكم بقا تعدوا مع بعض. بنات في بعضكم بنظره رقيقه لحور خلاااص يايمني اللي كنت عاوز أوصله وأعرفه عرفته وقلبي أطمن سلاام عليكم
يمني: وعليكم السلااااام في رعايه الله وحفظه
حور :أحرجتيني يايمني
يمني :لأ ياجميل مش وقته أنا أعرف الاول قالك إيه وبعدين نحدد نوع الأحراج
حور :دي خصوصيات
يمني وأسماء ومنه في نفس واحد نعم ياختي خصوصيات ايه أن شاء الله
حور :خلاص هقولكم قالي ايه
هو قالي انا بحبك وشاريكي وعاوز أعرف رأيك فيا إيه
يمني :الواد ده شكله رومنسي أوي كملي ياختي قلتيله ايه
حور :بصراحه انا قلتيله الكلمه الأولي والاخيره لبابا
أسماء ويمني ومنه بدهشه :بتقولي أه يعني مقلتلوش الا كده
حور :أيوه
يمني :عمتا كده أحسن برده ورد سليم بس يارب ميطفش منك ????
حور :أنا هرن علي ماما يايمني وأقولها علي اللي حصل
يمني :لق ياعبيطه أوعي علشان متزعلش منك وممكن تضربك وانتي عارفه ست الكل يعني إيدها تتلف في حرير خصوصا وقت الضررب
حور :متخوفنيش يا يمني انا لازم أقول لأمي وتعرف كل حاجه
حور بعصبيه طلعت البلكونه تشم هوا ووسط شرودها في أنها لازم تقول لمامتها علي اللي حصل لقت اللي واقف قصادها بيغمزلها حور بضحكه رقيقه ودخلت وقفلت البلكونه .
حور :يمني أنا همشي علشان ماما قالتلي متاخرش
يمني :اقعدي شويه وانا أرن عليها
حور :لق أنا هروح مترنيش عليها
يمني :ماشي ياقلبي واضحكي كده وسبيها علي الله
حور :علي الله حكايتنا مع ماما انا وانتي
يمني وحور ههههههههههههههه
حور جهزت نفسها وماشيه واخيرا ودعت اختها ونازله هيا وأختها وبنات عمها لقت اللي واقف مستنيها يوسف ومامته اللي هيا خاله حور
أم يوسف :أهلا ياحور ياحبيتي. عامله إيه
حور :تمام ياخالتو الحمد لله انتي اخبارك ايه
أم يوسف :الحمد لله
حور :تستاهلي الحمد ياقلبي.
أم يوسف :يلااا يوسف مستنيكوا علشان يوصلكم
حور :لأ ياخالتو تسلمي شكرا يايوسف احنا نعرف نروح بجد شكرا
يوسف :بحزن براحتكم وبان عليه الاحراج
أسماء :ياحور مكنتيش تحرجيه
حور :انتوا شكلك كده انتي ويمني نسيتوا العادات اللي اتربينا عليها ولما يوصلني وحد يشوفه موصلنا يقولوا علينا ايه وافرض أخويا شافنا هيعمل فينا إيه وان ماما أو بابا عرفوا هيبقي مصيرنا إيه يبقي كده أفضل لينا وليه
أسماء :طيب يانصحه يالا ناخدها متو رجل
حور :يالا ياعزيزتي
حور روحت البيت وشافت مامتها وقالت في نفسها مينفعش طبعا ياحور تخبي علي أمك وتعرف من حد تاني لما تعرف مني أحسن
حور :ياأمي
الأم :نعم
حور :اقولك علي حاجه وتعتبريني صحبتك مش بنتك
الأم :أستر يارب خير
حور :دا اللي أنا خايفه منه
الأم :خلاااص واللهي أوعدك قولي اللي انتي عوزاه
حور :وعد انتي وعدتيني
الأم :وعد
حكت حور لامها اللي حصل وقالتلها ان كلهم قالولي مقلش ليكي ياماما بس أنا بعتبرك صديقتي وأقرب الناس ليا
أمي :هو غلط أنك تقعدي معاه أصلا بس اللي حصل حصل ومتجبيش سيره لبابا ولا أخوكي عما نشووف هوا فعلا هيتقدم ولا لأ
حور :حاضر ياماما
تاني يووم قاعدين في أمنت الله ولقينا مرات عمي داخله اللي هيا أم أسماء ومنه اللي هيا ديما بينها وبين ماما خلافات والأهم غيره زايده جدا
مرات عمي :بتنمر وحقد انتي يعني إزاي سكتي علي اللي حور عملته انبارح وازي تقعد مع واحد ويتقدملها من غير موافقتك انتي وباباها وأكيد هيا مخبيه عليكي وانتي نايمه في العسل
الأم :لأ ياأم أسماء بنتي مبتخبيش عليا حاجه وقالتلي علي كل حاجه وكنت عارفه انه هيقعد معاها وأختها الكبيره شرحلتي الموقف ووبناتي ربنا يباركلي فيهم مبيخبوش عليا حاجه
مرات عمي :بعد قصف الجبهه من أمي خلاص بس لازم باباها يعرف دي حاجه متستخباش
الأم :لأ باباها عرف وأنا ياأم أسماء مبخبيش عليه حاجه
مرات عمي :خلاص اللي أنتوا شيفينوا صح
حور :ياماما ليه مرات عمي بتعمل كده هيا عوزه ايه بالظبط وبعدين مين اللي قالها
أمي :أكيد منه وأسماء
حور :وانا اللي كنت عملاهم أصحابي
أمي :ربنا يستر بس وعمك ميقابلش أبوكي ويقوله لان أنا مقلتلوش
حور :طيب ياماما ليه قلتلها أن بابا عارف
أمي :لأنها مكنتش هتسكت
حور :الحمد لله يارب الواحد حظه بيلعب لعب اليومين دول حظي نحس
الباب بيخبط
حور :مين
بابا :افتحي ياحور
حور :حبيبي يابابا
بابا :خدي الفاكهه دي حطيها في التلاجه واندهيلي لماما تكلمني
حور :حاضر
ماما روحي كلمي بابا عوزك
ماما طبعا راحت لبابا واتكلموا بصوت واطي وانا كنت خايفه علي ماما يمكن يكون صحيح عمي قال حاجه لبابا أو مرات عمي أصلهم بيحبوا ماما حب مقلكوش حب السلفات
ماما :ياحور
حور :نعم ياماما
ماما :تعالي عوزاكي
حور : حاضر
ماما :أبوكي بيقول جوز خالتك رن عليه اللي هو طبعا أبو يوسف وقالوا انا جاي النهارده بليل عوزك في موضوع وأبوكي ميعرفش حاجه ولما ندهلي كان بيقولي أنه جااي علشان يبقي عندي خبر وانا قلت لباباكي علي كل حاجه وهو عنده علم أبو يوسف جاااي ليه بس متفرحيش لانه أبوكي بيقول مينفعش والموضوع مش مرحب بيه خالص …يتبع
ياتري أبو حور هيوافق ولا لأ ومين اللي هيعارض الجوازه دي وياتري هتبقي نفسيه حور ويوسف قابله الوضع ولا لأ