Uncategorized
رواية بنات نعمة الفصل الثاني عشر 12 بقلم أحمد حسن
رواية بنات نعمة الفصل الثاني عشر 12 بقلم أحمد حسن
 |
| رواية بنات نعمة الفصل الثاني عشر 12 بقلم أحمد حسن |
رواية بنات نعمة الفصل الثاني عشر 12 بقلم أحمد حسن
نعمة خلصت المكالمة مع كوثر وقالت ل رياض خلاص
يارياض أنت معزوم عندنا أنت وامك الليلة وبالمرة كلم هدى
في الموضوع ال قولتلك عليه
رياض .. حاضر ياست نعمة
____________
استعدت نعمة وبناتها لإستقبال كوثر وأولادها
على الميعاد فعلا حضرت كوثر وأولادها الثلاثة عثمان
وإبراهيم وسلوى
نعمة .. إزيكم عاملين أيه وحشتوني ياأولاد وحشتني
ياإبراهيم وأنت كمان ياعثمان ومين الأمورة الصغيرة دي
كوثر .. دي سلوى بنتي
هدى .. واه معاكي بنت ومتقوليلناش
كوثر .. هههههه مجتش فرصة أحكيلكم عنها
ريهام .. باااااس دي هتبقا صحبتي مش صاحبة أنا أقرب
واحدة ليها في السن
نعمة .. واه أنتم عتتعاركو عليها ولا إيه هههه
سلوى .. الناس دول حلوين أوي ياماما
نعمة .. وأنتى كمان حلوة قوي يابنتي ومن هنا ورايح أديكي
عرفتي البيت تبقي تيجي براحتك
سلوى .. ينفع أجي هنا عادي ياماما
كوثر .. أكيد ياحبيبتي دول إخواتك
تغريد .. هو رياض مش جاي ولا إيه ياماما
نعمة .. مش عارفة إتأخر ليه يابنتي
شوية ووصل رياض وأمه في أجواء ترحيبية من اهل البيت
تغريد .. إتأخرت ليه يارياض
رياض .. معلش مكناش لاقيين مواصلات
هدى .. يابنتي ده رياض يعني مش هتخلصي معاه هههههه
رياض .. مبقاش غير هدى ال بتقفل في عينها وهي بتضحك
لحد ما قلبت كورية هههههههه
تغريد .. كورية هههه
ريهام .. يابنتي ما أنتي كنتي ساكتة بتفتحيه عليكي ليه بس
حلوة بتقفل في عينها دي ههههههه
هدى .. بقى كده يارياض تضحكهم عليا ماشي ياسيدى
مردودة
عثمان .. إفتكرت أنت رياض ال شوفتك في المحل قبل كده
رياض .. أيوة ياسيدي
عثمان .. اهلا بيك
رياض .. حبيبي تشرفت بمعرفتك
في الناحية الأخري
نعمة .. إزيك ياأم رياض اتوحشتك قوي
أم رياض .. تسلميلي ياست الستات
كوثر .. هي دي ام رياض
نعمة .. هي دي أم رياض ال اشترت المحل
أم رياض .. واضح إنكم كنتي جبتو سيرتي قبل كده
كوثر .. الست نعمة حكت عنك بالخير ياختي والله
أم رياض .. الست نعمة دي مفيش زيها
تغريد .. انا جييييت
نعمة .. خضيتيني يابت
أم رياض .. بالراحة عليها ياست نعمة تغريد دى حتت سكرة
تغريد .. شوفتي الكلام الحلو ياأمي طب وربنا لأعمل عصير
للكل عشان الكلمتين الحلوين دول ، ما تيجي
معايا ياعمتى
أم رياض .. أجي معاكي قوي قوي ياحبيبتي يلا بينا
،،،،،،،،
نعمة .. ياحبيبي ياأبني شايفة ابراهيم قاعد لوحده وساكتة
ياكوثر طب عرفيني
نعمة .. إزيك ياواد ياهيما عامل إيه ، تصدق الدنيا كلها منورة
بيك النهاردة ، واللمة الحلوة دي كلها سببها أنت شوفت بقا
أنت جمعت الحبايب وإتسببت في إسعاد ناس كتير إزاي
كوثر .. شايفاه مش بيصد ولا يرد إزاي يانعمة منهم لله بيت
المغازي ونسله مش سايبين حد في حال
نعمة .. مين قالك مش يصد ولا يرد ده حبيبي هيما عارف كل
حاجة وفيه مخ أكبر من سنه ، مش كده برضو ياإبراهيم
إبراهيم .. بص لنعمة وإبتسم
نعمة .. ياختي علي الإبتسامة ال بتخليني عايزة أكله أكل
خد دي البوسة دي بقا عشان أنت مكسرتش بخاطري امواه
كوثر .. ربنا يخليكي ياست نعمة أنتي الوحيدة ال بيشوفها
إبراهيم ويتفاعل معاها ، دا انا أمه ومش بيعمل معايا كده
نعمة .. وانتي عايزة تساوي نفسك بيا عند ابراهيم ولا إيه ، امشي ياولية بعيد ????????
إبراهيم .. ابتسم إبتسامة كبيرة
كوثر .. ماشي ياسي إبراهيم يعني خلاص اتفقتم مع بعض عليا ????????????
نعمة .. ربنا يقومك بالسلامة ويتم شفاك على خير ياحبيب
كوثر .. كنت عايزاكي في كلمتين كده ياست نعمة
نعمة .. تحت امرك ياحبيبتي اتفضلى
كوثر .. بيت المغازي شكلهم مستكترين علينا الور
نعمة .. لا في دي أنا معاكي متسيبيش حق ولادك يضيع في الرجلين
كوثر .. غلبت معاهم ومع صابر والله ياست نعم
نعمة .. معلش ياحبيبتي بس اهم حاجة متيأسيش وتسيبي
حق ولادك في الأخر
كوثر .. لا عمري ما هسيبه وعشان كده كنت عايزة أخد خطوة
في الموضوع ومحتاجة رأيك
نعمة .. خير ياحبيبتي
كوثر .. كنت عايزة أعرض علي مرسي ياخد تلت الورث ويدينا الباقي دلوقتي
نعمة .. هو أصلا مرسي بيرسم على الورث كله فمش هيرضى
بتلت الورث وهو أصلا تحت إيده ورث العيلة كلها
كوثر .. امال أعمل إيه بس يانعمة
نعمة .. أمشي قانوني وبلغي الشرطة وهي تجيبلك حق ولادك
،،،،،،،،،
دخلت تغريد المطبخ ومعاها ام رياض
أم رياض .. قوليلي بقا ياحبيبتي أنتي بتفكرى في الجواز
ولا عايزة تكملي تعليمك
تغريد .. بصراحة لو لقيت يستاهل ويسيبني أكمل تعليمي معنديش مانع
أم رياض .. حتى لو رياض
تغريد .. ايه!
أم رياض .. أيه مالك إتخضيتي
تغريد .. لا متخضيتش بس مستغربة
أم رياض .. يعني موافقة ولا ايه
تغريد .. صعب إن يكون في حد شاريني وانا أرفضه
في اللحظة دي كان رياض وهدى واقفين مع بعض
رياض .. مقبلتيش العريس ال جايلك ليه
هدى .. وأنت عرفت منين
رياض .. إتكلمت أنا وأمك وعرفت
هدى .. وأنت ايه رأيك اوفق ولا ايه
رياض .. أنتي هتتجوزي
هدى .. أنا عارفة كل حاجة بتدور جواك
رياض .. زي إيه
هدى .. مش ضروري بعدين بعد
رياض .. طب قوليلي رفضاه ليه
هدى .. عشان …. عشان … عشان…
هدى مكملتش كلامها لأن نعمة طلبت منهم يسمعو هتقول إيه
رياض .. كملي ياهدى عشان ايه !؟
هدى .. أمي بتنده علينا تعال نشوف هتقول ايه وبعد كده نكمل كلامنا
،،،،،،،،،،،،،،،،،،،،،
نرجع شوية لورا
خرجت أم رياض من المطبخ وراحت على نعمة وقعدت معاها
وعرفتها برغبتها في إنها تجوز تغريد لرياض وإنها جت
واتكلمت معاها بعد ما خدت رأي تغريد وإن رياض يتمنى
إنه ياخد واحدة بناتها بس عمره ما هييجي ويتكلم مع الست
نعمة لأنه خايف يحط الست نعمة في إحراج
وإن رياض معندوش مانع إن تغريد تكمل تعليمها
يبقا كده نعمة فهمت إن كل الأطراف موافقة بس خايفين
يواجهوها
نعمة رحبت جدا بالموضوع وقالت لأم رياض إنها معندهاش
مانع بل بالعكس هتساعدهم وتقرب المسافات
ام رياض .. إزاي ؟
نعمة .. اجمعو هنا إجمعو هنا بعد إذنكم
الكل وقف وانتظر يشوف نعمة هتقول ايه
نعمة .. احنا النهاردة هنستغل فرصة التجمع ده وأعلن في فيه
إني موافقة على جواز رياض من تغريد
رياض .. مستوعب الكلام ال سامعه
هدى .. بصت لرياض بصدمة
رياض عايز ينطق يقول لأ ، بس شاف امه بتحضن تغريد
ونعمة مبسوطة جدا ، رياض حس إنه في ورطة بص على
هدى لقي عنيها مرغرغة بالدموع مشي عليها عشان يكلمها
سابته ومشيت راحت على أمها وهمستلها في ودنها قالتلها
هدى .. أنا موافقة على جوازي من الدكتور ياأمي
نعمة .. يافرج الله أخيرا يابنتي عقلتي وحسبتيها صح
،،،،
ياجماعة عندى خبر كمان حلو
أم رياض .. قولي ياست الكل
نعمة .. هدى وافقت على الدكتور وبفكر أعمل فرح رياض
على تغريد وهدى على الدكتور في يوم واحد
____________
في بيت المغازي
توحيد .. مراتك فين ياصابر
صابر .. عند نعمة
مرسي .. واه وعتمعمل ايه عند نعمة !
صابر .. نعمة عزماها عنده
نظيمة .. نعمة ذكية وهتلعب في دماغ كوثر ياصابر
مرسي .. وهي لسه هتلعب بدماغ كوثر مالعبت وخلاص
صابر .. نعمة مش بالوحاشة دي
وفيق .. عيني عليك ياحنين
توحيد .. خلينا نخلوص من كلامكم ده وادينا هنصبر ونشوف
___________
بعد فترة بسيطة
كوثر أتفقت مع صابر إنهم يسيبو بيت المغازي ويشوفو بيت
تاني لوحدهم وكمان اتفقو على إنهم يرفعو قضية لإسترداد
ورثهم وبالفعل تم
الموضوع ده زاد من غضب بيت المغازي وأولهم مرسي
بعد فترة اعلنت نعمة جواز بناتها الأتنين
وبالفعل استعد الجميع لحفل زفاف ضخمة
_______
بالفعل جه يوم الزفاف والعرسان في الكوشة وكوثر وصابر كانو أول المساندين
وصابر كانت فرحته كبيرة أوي ونعمة على قد ماكانت فرحانة على قد ما كانت بتعيط على فراق بناتها
أما رياض فعينه ما كانتش نازلة من على هدى ال كانت بتحاول تتجاهله وترسم ضحكة مزيفة على وشها كأنها مبسوطة عشان توصل لرياض إن كل حاجة إنتهت
كوثر .. بصي يانعمة !!
نعمة .. ايه ده ايه المفاجئة الغريبة دي
مرسي وأخوه وفيق جايين يحضرو الفرح !!
مرسي .. إزيكم يابنات ايه مش عايزين تسلمو علي عمكم ولاإيه ،الف مبروك ياغاليين ياأولاد الغاليين
نعمة .. !!!!
مرسي .. مبروك يانعمة والله وماليكي عليا حلفان أنا فرحت ليكم من كل قلبي
نعمة .. اتفضل يامرسي
مرسي .. يزيد فضلك يانعمة ، إزيك ياكوثر يارب تكوني بخير
، هح وادي قاعدة هاتولنا الشربات بقا
نعمة مستغربة وقلبها مقبوض
_______
بعد ساعة
الكل بيرقص ويهيص والدنيا عال العال و..
اصبرو إيده ده !!!
مين ال مستخبى وناصب سلاحه ناحية الفرح ده !!!