Uncategorized

رواية رفقا بالقوارير الفصل الثامن عشر18 بقلم ميادة مأمون

                                           رواية رفقا بالقوارير الفصل الثامن عشر18 بقلم ميادة مأمون

رواية رفقا بالقوارير الفصل الثامن عشر18 بقلم ميادة مأمون  

 رواية رفقا بالقوارير الفصل الثامن عشر18 بقلم ميادة مأمون

آتفاجئت بيهم قاعدين معايا ووقفت مصدومه لما شافت عصام قاعد معانا

الله آنت معاك حد انا اسفه ماكنتش آعرف ان آصحابك هنا

دينا: اهلا يا وعد تعالي يا حبيبتي

آهلا بيكي ازيك يا دينا عاملة ايه

مالك يا وعد جايه بتجرى كده ليه

آآصل يا قاسم المسيو عايزك قبل مايمشي

طب تعالي اما نشوفه عايز ايه

آخدتها تحت دراعي وخرجت بعد ما بصتلها ندي باصه كلها غل وحقد

ندي: بقت تعرف تقول مسيو الفلاحه لبست الچينز اللى كانت جاية بجلابية شبه الخادمين

دينا :عيب كده يا ندي انا مش فاهمه آنتي ليه مش بتحبيها

ندي:عشان بت ……. كده وشايفه نفسها

رامي :بالعكس دي لطيفة خالص وكيوت واذا كان علي الجلابية اللي بتتكلمي عنها

انتي شايفه اهو قاسم معتز بلبسه الصعيدي وقاعد بيه في بيته ولا ايه ياعصام

عصام بعد ان اطمئن من نظرتها بآنها لم تحكي لآخيها بشئ

هاه اه عندك حق يا رامي وبعدين هي قمر في كل حالاتها

دخلنا عليهم تاني وانا مبسوط منها وبضحك آنا وهي

برواڤو عليكي بصراحه ماكنتش متوقع الدرجه دي في الامتحان

شوفت بقي معلش اصلك لسه مش مقدر امكانياتي

هههههه طب يلا يا بتاعت الامكانيات علي فوق

دينا : الله ما تسيبها يا قاسم تقعد معانا شويه هو آنت لسه زعلان مني ومش عايزها تتعرف علينا ولا ايه

لاء ابدا يا دينا بس وعد لسه عندها مذاكره
مش كده يا وعد

سكتت وحنت راسها بزعل

رامي: لاء مش كده ماتسيبها بقي وترحمها يا آخي هو طول الوقت مذاكرة

ندي بكرهيه واضحه اوي: خلاص يا جماعه سيبوه علي راحته بقي

هو قالها تطلع المفروض تسمع كلامه مش تقف زي التمثال كده

اتفجآنا كلنا بكلامها اللي زي السم وشدتها دينا جنبها تقعدها وبصت لندي بغضب

ندي ياريت لو مش عندك كلمه حلوه يبقي تسكتي آحسن وانتي يا وعد تعالي اقعدي جانبي هنا

وقفت وعد من جانبها ورجعتلي ووقفت قصادي بزعل

لاء آنا مش هاقعد غير لما قاسم يقولي

ماشوفتش نظرتها ليا بس شوفت عيون عصام اللي كانت مركزه عليها اوي

قولت علي فوق يا وعد

يوووووه حاضر بس ابجي شوف مين اللي هاتجيب ليك درجات حلوة تاني

نبجي نشوف الموضوع ده بعدين جاتك بو

وانتو جولولي بجي سبب الزيارة الشريفه دي وخلصوني

عصام: ههه اهدي شوية علينا يا عم قاسم انت ناوي تطلع الديب الصعيدي علينا ولا ايه

لاه الديب الصعيدي ماعيطلعش غير للقده انما انت اصغر بكتيرمن اكده

رامي:اوبا وكمان هاتكلمنا بالصعيدي طب اهدي كده واسمعني انا عايز منك خدمه

خير يا رامي

رامي: طبعا انت عارف آن آنا ودينا اتخطبنا

عارف يا سيدي وآلف مبروك وبعدين

دينا:وبعدين بقي تهدي كده وتصلي علي النبي عليه الصلاة والسلام

بص يا قاسم احنا دلوقتي بندور علي فندق كويس نعمل فيه حفلة خطوبتنا

وبصفتك رئيس مجلس ادارة شركة سياحة كبيره وليك تعاملات كتيرة مع الفنادق قررنا نستشير حضرتك

آه قولتولي بقي طب وانتو ناوين تعملو الفرح ده آمتي

رامي : يعني علي اول الشهر كده

ندي : طب ايه رآيكم لو تعملوة في شرم بما اننا هنبقي في الصيف

لا لا انا عندي مكان تاني خالص تعملو الفرح فيه

دينا: فين يا قاسم

في الجونه فندق سبع نجوم ويبقي من آول اليوم لاخره

دينا: الله ده هيبقي حلو اوي يا رامي

رامي:فعلا هتبقي فكرته حلوه

بس خد بالك يا معلم تكاليفه هتبقي هيا كمان حلوة اوي

رامي: لاء من الناحيه دي مايهمكش مافيش حاجه تغلي علي دينا ابدا

ماشي روحي يا ندي هاتي اللاب بتاعي من علي المكتب عشان نوريهم صور الفندق

ندي :بس كده حاضر

وانت بقي مالك ساكت كده وكآنك مش قاعد معانا يا عصام

عصام: هاقول ايه يا قاسم انا من المعازيم يا حبيبي يعني ماترح مالفرح يتعمل هاروح وخلاص

خرجت ندي عشان تجيب اللابتوب بتاعي وجابته فعلا وهي خارجه قابلت وعد اللي كانت خارجه من المطبخ

ندي: الله آنتي بتعملي ايه هنا هو مش قاسم قالك اطلعي علي فوق

وآنتي مالك آنتي اللي بتعملي ايه هنا ومالك خارجه من الاوضة دي للاوضه دى زى ما يكون بيت ابوكي

ندي:احترمي نفسك في الكلام معايا وبعدين ماتستعجليش قريب اوي البيت ده هيبقي بيتي

وانتي هنا مجرد ضيفة فيه وهاترجعي للكفر اللي جيتي منه تاني

وهيبقي بيتك ازاي بقي انشاء الله

ندي:ملاكيش دعوة ويلا علي فوق يا شاطره اطلعي ذاكرى زي ما قالك قاسم

اسمعي بقي يا بت انتي انا ماليش في………. البنات دي

والبيت ده عايزة تدخليه بعد كدة يبقي تقعدي فيه بآدبك غير كده ملاكيش عندي الا الطرد منه

وهاتي بقي اللاب اللي في ايدك ده انتي سرقاه ولا ايه

ندي بصوت عالي: انتي قليلة الادب اوعي ايدك دي قاسم يا قاسم

خرجنا علي صوتهم وكالعاده توقعت انها هي ووعد بيتخانقوا

في ايه مالكم انتو اتجننتو هو انتو كل ما تتقابلوا تعملولي مشكلة

ندي ببكاء مصطنع : تعالي شوف الهانم بتقول عليا ايه يرضيك تقول عليا انا حرامية وسارقه اللابتوب

آنتي جولتي آكده يا وعد

عينها كانت كلها كبرياء وشجاعة انا بس اللي عارفها كويس عزة نفس الصعيدية اللي عمرها ما تحني راسها لحد ابدا

ايوا جولت اكده

يبجي تعتذرى عن اللي جولتيه حالا

بصتلي والدموع اتجمعت في عينها بتهدد بالنزول علي خدها المرمرى

وسابت مج الكاكو اللي كان في ايدها عشان يقع علي الارض ويتكسر

والكاكو يبهدل السجاده ويبهدلني انا كمان وطلعت تجرى علي فوق

وعد وعد آجفي بجولك

انا آسف اوي يا جماعه علي اللي حصل ده عن آذنكم اطلع اغير هدومي

وانتي يا ندي افتحي اللاب ووريهم صور الفندق ونادي حد من الشاغلين ينضف الدنيا دي

ندي بمكر: حاضر يا قاسم بس انت ماتزعلش نفسك
////////////////////

طلعت علي فوق وآنا شايط من الغيظ منها ودخلت لقيتها هي كمان بتغير هدومها في آوضة اللبس وصوت بكاها عالي جدا

مسكتها بين ايديا وصرخت فيها بغضب

آنتي ايه اللي عملتيه ده حد يعمل كده مش ناوية تتمدني بقي هاتفضلي طول عمرك تتعاملي بالطريقة دي

صوت بكاها سكت فاجئه وقالتلي بكل جراءة

لاه مش راح اتغير ابدا احسنلك تطلجني وترجعني الكفر اللي جيت منه

بعدتهاعني وانا مستغرب كلامها آوي ومادريتش بنفسي غير وكفي بينزل علي خدها وهي بتقع علي الارض من شدة الضربة

لازم تعرفي انك يوم ما هترجعي علي الكفر هيبجي عشان ادفنك جنب امك فدوه لكن طلاج اني مابطلجش يا بت عزوز

غيرت هدومي وسيبتها مرميه مكانها زي ما هي ونزلت ليهم تاني

///////////////////////////////

وآول ما شافتني دينا قالتلي: قاسم اوعي تكون زعلتها

ماتشغليش بالك بيها يا دينا

دينا: ماشغلش بالي ازاي لو سمحت انا عايزة اطلعلها

ماشي اطلعي ليها

طلعت ليها لاقيتها قاعده زي ماهي علي الارض بتبكي

دينا : وعد مالك يا حبيبتي قاعدة كده ليه قومي البسي احسن تاخدي برد بتعيطي كدة ليه ياخبر ايه ده هو قاسم ضربك

مافيش حاجة يا دينا انا كويسة

دينا: مافيش حاجة ايه بس المجنون ده ازاي يعمل كده

كله من الزفته ندي دي بس معلش وحياتك عندي لنزل دلوقتي ابهدلها

لاء عشان خاطرى يا دينا كفاية اللي حصل

طب خلاص ماتزعليش وبطلي عياط وايه رآيك بقي ان انا جاية اعزمك علي فرحي وانتي اول المدعوين

ابتسمت ليها وعد بسخرية: وتفتكرى انه هايرضي يا خدني معاه

دينا: لاء من الناحية دي ماتخفيش انا هاخليه

يرضي قومي بس البسي تعالي معايا يلا

الله ايه ده هو انتو الآتنين لبسكم في اوضة لبس واحده ليه هو انتو بتنامو في نفس الاوضه مع بعض

هاه ايوة اصل انا بخاف ومش متعودة انام لوحدي

/////////////////////////////////

نزلت دينا وبدئت تبصلي بلوم وعينها بتحاسبني علي اللي عملته

رامي : مالك واقفة كده ليه يا دينا

دينا : هفرقع من الغيظ يا رامي

ندي: ياساتر ليه يا حبيبتي

دينا: اصلي مش بحب المكر ولا ليا في ال…… زي ناس قاسم انا عايزة اتكلم معاك

كنت عارف انها هاتكلمني وهي زعلانة عشانها

ماشي تعالي ندخل المكتب يا دينا

دخلنا المكتب انا وهي واول ما قفلت الباب انفجرت فيا

دينا: انت اتجننت ازاي تعمل كدة تدخل علي البنت وهي بتغير هدومها وتضربها عشان دي تضرب اختك عشان ندي يا قاسم

انتي مش فاهمه حاجه يا دينا انا مضربتهاش عشان ندي

آومال عشان ايه هاه البنت لسه صغيره وفي ثانوية عامه وانت علطول مشدد عليها لاء وكمان بتضربها يا قاسم انت حقيقي اتجننت

كفاية بقي يا دينا من فضلك ماتتدخليش بيني وبينها

لاء هاتدخل ايه رآيك بقي انا اديتها رقم تليفوني وآخدت رقمها وهاكلمها علطول ولا انت شايفني مش قد المقام

انا ماقولتش كده يا دينا بس

بس ايه حرام عليك يا قاسم ماتبقاش قاسي عليها كفايه عليها يتمها وعشان خاطرى لو بتعتبرني صحيح آختك وعد لازم تيجي فرحي

بصتلها وآنا مستغرب من طيبتها وحبها لوعد واستغربت اكتر لما عرفت انها فاهمة تصرفات ندي كويس اوي بس قولت انهي المناقشه معاها

ربنا يسهل يا دينا ان شاء الله هابقي اخليها تحضر الفرح

واخيرا مشيو كلهم ومعاهم عصام اللي كان طول القعده ساكت ومش بيعمل حاجه غير انه مركز في كل اللي بيحصل

أصبحنا
وأصبح الملك لله، اللهم إجعل هذا الصباح صباح خير وبركه علينا وعلى اﻷمه
الإسلاميه، اللهم أعطنا من خير هذا الصباح وأكفنا شر ما فيه
يتبع …

لقراءة الفصل التاسع عشر: اضغط هنا

                                                          لقراءة باقي فصول الرواية : اضغط هنا

 

اترك رد