رواية أسطي قلبي الفصل السابع 7 بقلم رحمة أيمن

اتحركنا ومتكلمناش خالص ولقيته مره واحده وقف العربيه. 

_ اي؟ 

_ اي

_ والله 

_ مش عايزك تمشي  

_ وهو ده بمزاجك اصلا 

_ امم 

_ طيب يلا يا عسل روحني عشان اتاخرت 

………. 

_ انت مجنون!  بقلك روحني 

_ اهدا يا عم انزل هناكل حاجه ونروح علطول 

_ متستهبلش ياض انت كمان،  انا ورايه شغل كتير و… 

_ رحمه 

_….

_ ممكن تسيبك من الشغل وكل حاجه دلوقتي،  هو يوم وبعدها هعمل الي انتي عايزه ممكن؟ 

معرفش ليه وقتها افتكرت كلام ايه،  اني اعطي فرصه لنفسي،  انى افكر شويه فيا وقولت مجتش من يوم يا حوم،  عيشي الحلم ده وارجعي للواقع تاني. 

_انزلي ي سطى 

فتحت باب العربيه انا كمان وقلت بتأكِيد. 

_ هندخل بس بشرط انا الي هدفع تمن وجبتي 

_ طيب يلا نروح بقي اتاخرنا 

ضحكت 

_ مبهزرش علفكره 

_ لاء يا عسل بتهزري،  اي معاكي كيس جوافه

_ صدقني مش هدخل غير لما نتفق،  انت مين عشان تصرف عليا 

_ واحد بحبك مثلا 

_ احم..”يارتني ما سالت “

_ ادخلي يا رحمه وعدي يومك الله يخليكي،  يلا 

في المطعم… 

_ هي اي الاسعار دي معلش! 

_ ده كده عملو تخفيض 

_ ليي ان شاء الله،  ده انا اعمل فرخه واجيب ملوخيه واعمل اكله كامله عناب بتمن طبق واحد هنا،  هما هبل! 

ضحك بصوت فبتسمت ورد بمرح: 

_ رحمه ده مطعم معروف ب الشفاطه،  يعني يشفط كل الفلوس الي معاكي وبعدها تقعدي علي الحديده بقي طول الشهر 

_ ولي الهلاهوبا دي كلها متاكل في بيتكو 

_ ابغي اقلك اني باجي هنا اكتر ما بتنفس اصلا مش من كتر الفلوس كفل الله الشر،  عليهم شويه محشي هنا يدخل قلبك علطول مش معدتك 

_ وانا اقول الود قلبظ لي،  اتريك بتتغذا بقي 

_ انا قلبظت!  السيكس باكس الي عندي ده قصر معاكي في حاجه 

_ يا شيخ اتنيل 

_ حاضر 

هزارنا كتير وكأنى مكنتش كل ما اشوفه اشتمه ول حاجه. 

كان وسيم ومرح وشعره قمر وضحكته قمرين،  دقيقه بس هو انا اتهبلت ول اي! 

_ كنت عايز اسال سوال كده 

_ لاء 

_ هو انا لسه سالت 

_ انت صوتك بنرفذني اصلا ما بالك بسؤال بقيى

_ كسرتي املي،  جرحتيني في مشاعري وفتفتي قلبي فتفوته فتفوته. 

_ خلصت،  متكلمش تاني بقي 

_ لاء بجد مبهزرش،  عندي فضول 

_ امم نعم 

_ انا قولت هاجي وتقولي بقي اي الانجليزي والحاجات الملعبكه والي شبه بعض دي وتتحرجي وتقوليلي اطلبلي زيك وبتاع 

_ انت بتسمع تركي كتير صح 

_ لاء والله ده مش انا…  دي اختشي منى 

_ ههه لاء يا سيدي بعرف اتكلم وافهم انجليزي كويس 

_ وازاي بقي وانتي…  هو مش قصدي والله 

ابتسمت لما لمس شعره وانه عايز يوصلهالي بلباقه ومعرفش فرديت بلطف لعدم احراجه. 

_ اني بشتغل ميكانيكه وكده،  تعرف انا عمري ما استعريت اني اقول اني بشتغل الشغل ده،  ده احسن واشرف واعظم شغل عملته لدلوقتي،  وحبيته ومشيت فيه ويمكن يبان للبنات او الرجاله كمان  انه صعب لكن لو حبيت المهنه نفسها هتلقي انها من اسهل المهن الي هتخضها. 

واني اعتمد علي نفسي واجيب قوت يومي من عرق جيبي انا ده بنسبالي احسن اني اكون عاله علي حد لان مفيش حد بستحمل حد في زمن ده ولو استحملك هتحس انك تقيل وعينك مكسوره ومش هتعرف ترفعها في عينه ول عين اي حد تاني بعد كده.

_….. 

_ امم سكت لي 

_ فخور بيكي 

بصتله بخجل ومتنان فرد باعجاب: 

_ لاء فعلا مبجملش،  مفيش بنت تقدر تتحمل الشغل ده ومفيش بنت تقدر تقول بجرئه انها كده،  وانك تقولي ده بكل فخر وقد اي ده انجاز بنسبالك يدل اني اخترت صح والله 

_ هيبدا محن بقي ويخبط في كلام وانا جعانه اساسا وهيكون جوع ومحن اصلها ناقصه

_ رجعنا لدبش تاني،  روحى منك لله علي الفصله

_ ههه اه صح نسيت اقلك بعد الرغي ده كلو اني مهندسه ميكانيكا 

_!!! 

_مالك مستغرب لي،  اقفل بقك عشان الزُباب يا زُبابه 

_  انتي بتكلمي بجد! 

_ اه والله،  في اي 

_ وشغاله في ورشه 

_ ايوا ما انا تخصص ميكانيكا،  اي الاختلاف في كده،  ولا انت ليك خال اهبل 

_ واضح اني جى اتهزق هنا ومش عزمك عشان التثبيت وخليكي تحني والخ ،  اصل البعيد مبحسش يا اوختشي

_ تثبيت ومحن اي،  احنا هنحشش 

_ نحشش!  عمو لو سمحت جيب المحشي جعان 

“يقومون بضحك”

_ بص انا اه افهم في الانجليزي وكل حاجه،  افهم في الزوق وكل حاجه انما يجبلي شوكه وسكينه علي المحشي في الطبق! وافهم في الاتيشيكات بتاعكو ده لاء اعذرني الا الاكل 

_ هو بعد الاتشيكات دي انا فقد الامل بس اعرفي انه في العموم المحشي مفهوش اتكيت ول نيله هو من الايد للحلقوم علطول 

_ ههه وانا الي قلت عليك ابن ناس،  انا اتخميت في البضاعه دي 

_ متجربي تاني في البضاعه وعلي ضمنتي انا مش هتندمي 

_ حاسس انه الطبق ده هيتلبس في وشك مش عارف لي 

_ لاء،  الا المحشي والله ادفعك تمنه 

_ بالهنا والشفه يا عسل بالهنا والشفه يا king 

غمز برقه وثقه: 

_ والله انتي الي king 

_ يا اسمك اي بقي! 

_ عدي وحياه امي عدي وحفظي بقي وكلي عشان نمشي يلا 

_”مالو قفش كده لي الاه؟ “

كلنا بيدينا فعلا وكان بسيط جدا وبهزر وشخص مختلف جدا عن الي كنت فكرا، شخص بيعرف يقلش ويقول نكت ،  وفهمني ومحولش يحرجني ول مره باي كلمه، الحاجه الوحيده الي مختلفتش كانت نظرته،  كانت دافيه وبتلمع زي كل مره ببصلي فيها،  يترى ببص لحد كده غيري واذا حصل اكيد وقعت فيه،  اصلو ميتقومش الصراحه وانا مشفتش بربع جنيه تربيه برضه الصراحه. 

_ شكرا علي المحشي يا نجم نعوضهالك في الافراح ان شاء الله 

_ افراح مين يا ست،  انا الي هتجوز بعد كده..  هو انا لسه هستنى 

_ يعني عايز اي مثلا؟  تاكل تاني! 

_ تؤ اشرب،  جبيلي حاجه اشربها بقي 

_ انت استحلتها بقي 

_ بظبط وبتلكك كمان لو عايزه 

_ امم وحضرت جنابك عايز تشرب اي 

_ عصير قصب. 

______________

خرج اشترى القصب و كان بضحك مع صاحب المحل وانا مركزه في كل ملامحه بدون حول ول قوه مني وبعدها دخل وقال بمرح وتقائيه: 

_ هدوقي شويه قصب بقي يفتحو نفسك علي الدنيا وناس والبشر وانا وانا تاني وكده يعني 

_ ههه شكلك حافظ الشارع،  انتو سكنين هنا 

_ لاء انا الي ساكن بس،  واخد شقه هنا لانها قريبه لشركه والشارع كلو محالات ومطاعم وكده فده مسهل عليا كتير

_….

_ مش قصدي حاجه ها،  اني جبتك هنا وكده انا بقلك عشان سالتي

ابتمست عشان فهم السوال الي هقله ورديت بستعباط: 

_ هو انا تكلمت طيب! 

_ بعرفك من عينك يا رحمه،  بعرفك لما تكوني محتاجه حد جنبك،  او مديقه او مبسوطه،  عايز اخد فرصه 

فرصه واحده بس اقدر اثبتلك فيها اني فعلا معجب بيكي وعايزك 

واقدر بيها اسندك رغم انى عارف انك مبتبينيش بس انتي محتاجه شخص زي في حياتك يا رحمه واه ثقه في نفسي عادي 

ابتمست وكنت هرد لقيت التلفون برن: 

_ الو 

:…… 

_ نعم طيب انا جايه حالا!