Uncategorized

رواية جنية وقعت في الغرام الفصل الأول 1 بقلم آية حسن

 رواية جنية وقعت في الغرام الفصل الأول 1 بقلم آية حسن

رواية جنية وقعت في الغرام الفصل الأول 1 بقلم آية حسن

رواية جنية وقعت في الغرام الفصل الأول 1 بقلم آية حسن

_مطافي، مطافي .. الحق يا قيس أوضتك بتولع يا لهووووي
_ ارجعي يا حبيبة أحسن النار تمسك فيكي 
ركض قيس مسرعًا نحو غرفته على صراخ والدته وأخته، ووجد النار ممسكة ف كل شئ حوله، الفراش، الخزانة والمكتبة، مهلاً مكتبتي!!
_ لااااااا، الحقـــونا..
صرخ قيس وهو يتجه نحو المكتبة حتى يطفئ النار وينقذ ما بقي من الكتب.
_ ارجع يا قيس 
صرخت والدته عندما وجدته يتجه نحو الفراش وصاح بذعر
_ أبحاثي يا ماما
بسرعة أمسك باللحاف وظل يضرب النار لعلها تخمد، ولكن اللعنة الاشتعال يزداد وكأنه يرميها بالجاز وهذا ما زاد من ذعرهم، لكن يريد بحثه بأي ثمن كان .. 
صرخت زينب عليه
_ أبحاث ايه يا فاشل، دة انت ساقط سنتين ورا بعض ف كليتك، ابعد بقولك
لم يهتم ثم رمى باللحاف جانبًا ومد يده ليأتي بالأوراق، ولكن تبًا لقد حرقت يده
_ آه، ايدي 
تقدم خالد والده إليه حتى يسحبه بعيدًا، وكان قيس قد التقط المذكرة .. صاح به متذمرًا
_ كدة كنت هتحرق نفسك، يلا نخرج
صرخ خالد ثم أردف قيس 
_ استنى بس دة فيه شورت عليه صورة محمد رمضان مقدرش أسيبه
لم يكد يذهب فارتفعت النار اشتعالاً، صرخ الجميع ع اثرها، وكأن النار تخبره ان كنت شجاعًا اذهب وأتي بالشورت 
استطرد وهو يسحب أهله للخارج بسرعة
_ لا خلاص مش مهم انا لابس فانلة صافينار 
هرول مع البقية للخارج، فخمدت النار على إثر خروجهم.
قيس يقف مع صديقه أمام النيل يتحدثان
_ يا أمير بقولك النار ولعت وطفت لوحدها
ضحك أمير بقوة وهو ينظر لوجه قيس الذي على أثره الارتباك
_ عشان تاني مرة تصدق لما أقولك إن ف حاجة اسمها جن 
_ برضو هيقوللي جن وبتاع، يابني بطل تخاريف
رفع حاجبيه متعجبًا من أمره
_ اللاه! أما أنت غريب بصحيح، مش انت لسة قايللي أن أوضتك ولعت وطفت لوحدها!! 
_ أيوة 
_ طيب تفسر اللي حصل دة بإيه؟
ربع يده متسائلاً له ثم أجاب قيس بضيق 
_ أكيد يعني ليها تفسير علمي.
_ يابني التفسير العلمي دة لما تكون قاعد ف معمل وعملت سائل لونه غريب وولع قدامك، إنما تقدر تقولي ايه اللي هيخللي أوضتك تمسك فيها النار من غير ما تكون فيها!!
رفع كتفيه واردف
_ يمكن عيل صغير كان بيلعب بكبريت ورماها جوة أوضتي!.
_ عليا النعمة عبيط، وتلاقي بسبب كلامك اللي قولته ف الحلقة ملك الجان سخرلك اللي يطلع عين أهلك
أشاح بيده بلا مبالاة
_ مش ممكن دة يحصل أو حتى أصدقه
_ انت مش مؤمن بالله وبتقرا قرآن؟ دة في صورة كاملة عنهم اسمها «سورة الجن» وف آيه بتقول «وما خلقتُ الجن والانس إلا ليعبدون»
_ في فرق بين اني مش مؤمن بوجودهم، وإني بستنكر أفعالهم اللي شبيهة بقصص أسطورية…
ثم استطرد ساخرًا 
_ يعني ايه واحد ولا واحدة فجأة يجيله حالة تشنج وهلع ويروح لدجال يقوله انت لابسك عفريت عاشق!
ضحك الآخر عاليًا ثم قال
_ والله انك ما هتصدق غير لما تشوف بعينك.
_ طب خليه يجيني كدة وأنا أ…
قضم كلمته ونظر للفراغ وهو رافع أحد حاجبيه متهكمًا 
_ هم الجن بيتشافوا كمان؟
عاد قيس للبيت وكان في انتظاره خالد الذي قام من مكانه متجهم الوجه
_ يا أهلاً باللي هيسخطنا قرود قريب 
تنهد وهو يقلب عينيه وتقدم نحو والده
_ ف ايه يا بابا! وبعدين نتسخط قرود ليه؟
ربع يديه وأردف
_ لا ومش بس قرود، واحتمال نتاخد تحت الأرض ويتعمل مننا لحـ ـم مفروم
_ ليه كل دة! عشان أوضتي ولعت وانطفت، هي دي حادثة غريبة ولا أول مرة تحصل ف التاريخ
هبطت حبيبة عندما سمعت حديثه وقالت بملامح مذعورة
_ أوضتك رجعت زي ما هي يا قيس، كإن ما حصلتش حاجة 
عقد حاجبيه بعدم فهم
_ يعني ايه الكلام دة
أمسكت بيده وصعدا السلم حتى وصلا لغرفته ووقفت وهي تتنفس بتوتر وكأنها خائفة أن تضغط على المقبض
_ ف ايه يا بنتي، مالك واقفة زي الصنم كدة! اوعي خليني افتح الباب 
كادت تمنعه لكن دلف للغرفة دون اهتمام.. نظر بعينه بذهول لما يراه فكل شيء بمكانه ولا يوجد أثر للحريق، كيف! وكانت كقطعة الفحم في الصباح.. نظر لأخته ثم ابتسم ببلاهة 
_ أه يا جزمة بقا عملالي مفاجأة ووضبتي الأوضة، جدعة يا بت يا حبيبة 
كانت تنظر له بتوهان وكأن جف حلقها، ثم دلف والدهما إلى الداخل 
_ انت أهبل يا قيس، أوضة ايه اللي وضبناها، احنا معملناش حاجة، أوضتك اتعدلت لوحدها 
رفع شفته العلوية بسخرية
_ ازاي يعني! امال عفريت اللي رجعها زي ما كانت!
_ أيوة 
غمض عينيه بقوة 
_ يا بابا انا بتريق، مفيش حاجة اسمها عفاريت أصلاً 
سمع الجميع فجأة صوت ارتطام زجاج على الأرض، ثم هرولوا مسرعين للأسفل
_ ف ايه يا زينب عندك!
وضعت يدها على قلبها بخوف 
_ مفيش يا خالد، د.. دي الڤازة وقعت مني
حبيبة تقدمت نحوها
_ البيت دة بقا مرعب أوي، وبقت تحصل فيه حاجات مريبة تخوف كإن جني سكن البيت
خطى قيس بالقرب منها متذمرًا
_ انتي هبلة، هتصدقي ف الخرافات دي!
أردف خالد بحنق
_ دة انت اللي أهبل وابن هبلة، لا مؤاخذة يا زينب 
قالها عندما جعدت زينب وجهها ثم أردفت بغيظ
_ وع ايه لا مؤاخذه!
أشار قيس بحاجبين مرفوعين
_ أهو شوفتوا حتة جني ابن صرمة هيخسرنا بعض.. أنا طالع انام تصبحوا ع خير.
بعد يومان ذهب قيس لمبنى التلفزيون ليقدم برنامجه «ساعة مع قيس» .. جلس على الكرسي والكاميرا أمامه والمخرج أشار له يبدأ البث 
_ مساء الخير ع كل مشاهدينا الفرافير، احم أقصد المتميزين .. طبعاً حضراتكم عارفين اننا الفترة دي بنتكلم عن موضوع “الجن” 
على إثر قوله سمع صوت مشوش وغريب أثار ذعره، تفحص المكان بعينيه وصوت المخرج بأذنه يدعوه لاستكمال الحلقة، لم يهتم قيس للأصوات وأكمل حديثه 
_ طبعاً زي ما قولتلكم ان أفعال الجان دي مجرد خرافات وأساطير وليس لها أساس من الصحة .. يعني بالبلدي كدة أفعال دجل وشعوذة، دة غير ان مفيش جني هيوقع للستات حلل ولا لا مؤاخذة يقطعلها قميص نوم احمر عشان بيغير عليها من جوزها!!
قال حديثه ساخرًا ثم استطرد سرد باقي الحلقة حتى أنهاها.
_ كنت هايل يا قيس، بس مش شايف انك بتلقح ع البرامج اللي بتعرض حلقات زي كدة 
شروق زميلة قيس وقفت أمامه مبتسمه، ثم سألته بخبث، فأجاب قيس ببلاهة
_ بصراحة أه 
أردفت بمداعبة 
_ يعجبني فيك صراحتك، تعالى نشرب حاجة 
_ لا انا رايح أنام 
قالها ثم ذهب من أمامها مغادرًا.
وصل مؤخرًا ووجد البيت معتمًا، ثم تمتم بحنق
_ وبعدين بقا، مش قولت محدش يخلي البيت مضلم
حاول السير ببطء ودعبس بيده على الحائط ليجد زرار المصباح ثم ضغط عليه وأنار المكان 
_  سنة حلوة يا جميل Happy birthday to you
وجد عائلته وأصدقائه خارجين من مكان ما ومعهم قالب كعك عيد الميلاد، فصاح في ذعر 
_ بسم الله الرحمن الرحيم، انتوا طلعتوا منين 
ضحك أمير بتهكم وهو يتقدم عليه 
_ ايه يا شيرلوك هولمز فاكرنا عفاريت ولا ايه؟
_ لا يا خفة انا اتخضيت بس 
قالها مستنكرًا ثم تقدمت عليه فتاة جميلة تعايده بدلال
_ كل سنة وانت طيب يا قيس
_ وانتي طيبة يا روچي 
أعطته الهدية ثم تقدم نحوه خالد بقية العائلة 
_ كل سنة وانت طيب يابن الكـ ـلب ياللي ناوي تخـ ـلص علينا بسبب برنامجك المتخلف دة
_ حبيبي يا بوب
بعدما انتهت حفلة العيد ميلاد من تقطيع الكعك والمعايدات وما إلى ذلك، صعد قيس لغرفته لينال قسطًا من الراحة .. 
دلف للمرحاض أخذ حمامًا سريعًا ثم خرج واضعًا منشفة على خصره، وقبل أن يلتقط ملابسه الموضوعة على الفراش سمع صوت من وراءه وهو يقول:
_ السلام على من أهان الملوك وترك الأخصام
تصنم مكانه لوهلة عند سماعه للجملة، وحاول الالتفات ببطء وهو يبتلع ريقه، فوجده يقف أمامه يرتدي سترة سوداء ومغطى كليًا من منبت شعره حتى أخمص قدمه لا يظهر من شكله أي شئ سوى عيون لامعة وحادة 
أغمض عينيه بقوة وعندما شعر بخطواته تقترب منه وقع أرضًا فاقدًا للوعي…..
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا

اترك رد