Uncategorized

رواية حياتي الفصل السابع 7 بقلم توته

 رواية حياتي الفصل السابع 7 بقلم توته

رواية حياتي الفصل السابع 7 بقلم توته

رواية حياتي الفصل السابع 7 بقلم توته

كانت حياة في المطبخ تبحث عن ماء فوجدت ما تتصادم به وكان إيلان … ارتطمت بصدره العريض 
حياة : اعوذ بالله من الشيطان الرجيم
إيلان : شوفتي عفريت ولا ايه 
حياة : من ناحية اني شوفت عفريت ففعلا شوفت عفريت … في حد يخض حد كده 
إيلان : المفروض متناميش … عشان انتي قائده … والمفروض تذاكري كويس عشان اللي هتشوفيه مش هيبقى حلو خالص 
ضحكت حياة بسخريه : وانت مفكر بقا انك كده ضايقتني … لاء بالعكس وأعلي ما في خيرك اركبه .. ولو عايز تضيفلي أصعب حاجه فأحب اقولك اني قدها وقدها أوي كمان 
إيلان : ما ده اللي يحصل بس مترجعيش تعيطي في الأخر 
حياة : احب اقولك انك واقف مع الشخص الغلط .. أنا مبتهددش … وحطها حلقه في ودنك … عشان لو فكرت تضايقني أنا مش هسكت .. ولو هيكون فيها سقوطي 
إيلان : برافو عليكي وعلى ثقتك في نفسك اللي هتوديكي في داهيه 
حياة : داهيه لما تاخدك 
إيلان : لاء .. اظبطي نفسك كده شويه 
حياة : حاجه متخصكش 
قرب منها إيلان وأمسك دراعها بقوه ولفه وراء ظهرها 
حياة : انت اتجننت سيب دراعي … انت ازاي تمسكني كده 
إيلان : حاجه متخصكيش 
حياة : والله ماسك دراعي وبتقولي حاجه متخصكيش 
إيلان : زي ما انتي بتقلي ادبك 
حياة : تمام 
قالت حياة جملتها وانقضت برجلها عليه في أكثر منطقه موجعه في الجسم 
إيلان : اه … يا بنت اللذينه 
حياة : عشان تحرم تمسك دراعي تاني 
إيلان : انتي فعلا مجنونه 
حياة : كده بقا أنا اخدت حقي … ولو كنت مفكر انك هتخوفني يبقى انت غلطان اوي 
إيلان : ماشي … بس انصحك انتي وليان متضحكوش على ايوان 
حياة : مش فاهمه 
إيلان : هتنازل واقولك …. يعني بلاش تحوروا وتقولو قابلت مالك ولا قابلت حد عشان انتوا معملتوش اي حاجه من دي 
حياة : ومين بقا اللي قالك الكلام ده 
إيلان : أنا عارف 
فتحت حياة هاتفها وفتحت أحدي الصور ووجهتها ناحية إيلان 
حياة : طب وكده 
إيلان : ……….
حياة : سكتت يعني … عشان متبقاش تتكلم في حاجه متعرفهاش 
إيلان : بس انا عارف انتوا بتخططوا لايه 
حياة : اممم … شكلك مش مقتنع .. بس مقدرش اقنعك اكتر من كده … تقريبا ليان بتغير حياتها وانا كمان بغيرها معاها 
إيلان : غيروها بس بعيد عن اخويا 
حياة : احنا ملناش دعوه بحد … ومن غير اذن عشان ورايا مذاكره 
………………………..
في صباح اليوم التالي 
على مائده الافطار 
ليان : خالتو أنا ممكن أتأخر انهارده 
طنط چيلان : ليه يا ليان 
ليان : عشان هخرج بعد الكليه 
طنط چيلان : ماشي يا حبيبتي 
ايوان : وهتخرجي تروحي فين 
ليان : احم … خارجه مع صاحبي 
ايوان : مالك !
ليان : غريبه يعني انك لسه فاكر اسمه 
ايوان : طيب بصي انتي مش هتخرجي انهارده 
ليان : اممم .. وده ليه بقا ولا بإمارة ايه 
ايوان : اعتبريني اخوكي وخايف عليكي 
قامت وقفت 
ليان : بس انا مش اختك أنا بنت خالتك وملكش دعوه بيا تاني 
عمو : بس يا ليان اقعدي … هو بيقولك كده عشان خايف عليكي 
ليان : وانا مش عايزاه يخاف عليا 
عمو : خلاص يا ايوان ملكش دعوه بيها
ايوان : حاضر يا بابا … اوعدك يا ليان اني مش هكلمك تاني 
قال ايوان جملته وخرج إلي كليته
ليان : أنا ماشيه 
حياة : طب استني هاجي معاكي 
طنط چيلان : لا يا حياة إيلان هيوصلك مش انتي بتعملي بحثك في نفس الشركه … رغدان قالي 
كان إيلان في هذا الوقت يشرب الماء ومن ثم شرق شرقه 
طنط چيلان : بسم الله الرحمن الرحيم في ايه يا إيلان 
إيلان : شرقت يا ماما 
حياة : لا يا طنط أنا هروح مع صاحبتي 
عمو : حياة قدام ما انتي بقيتي في نفس الشركه فروحي معاه 
حياة : اصل 
عمو : بلا اصل بلا اصل انتي هتروحي معاه 
حياة : ماشي 
إيلان : أنا شبعت الحمد لله
ذهبوا إلى الخارج حيث سيارة إيلان
إيلان : اركبي قدام عشان اعرف اركز في السواقه 
حياة : هتفرق معاك 
إيلان : مبركزش وحد راكب ورا فبلاش عناد دلوقتي 
تنهدت حياة : ماشي 
ركبت حياة مع إيلان السياره أدركت حياة بعض الشئ أن إيلان ليس بخير في الحال وأنه انزعج قليلا 
في السياره أخذ إيلان قرص من برشام قبل قيادة السيارة 
حياة وقد تذكرت كلام رغدان  : ايه ده انت بتاخد برشام ليه 
إيلان : أظن حاجه متخصكيش 
حياة : عارفه انها متخصنيش أنا بس بسأل كنوع من الفضول 
إيلان : الفضول ده احتفظي بيه
حياة : تصدق أنا غلطانه اني بتكلم معاك بإسلوب كويس … انت مينفعش معاك غير كده 
 تجاهلها إيلان وقاد سيارته حتي وصل إلى شركته 
إيلان : وصلنا … اتفضلي انزلي 
نزلت حياة من السياره بدون كلام ثم صعدت إلي الأعلي حيث نفس الغرفه 
براء : اتأخرتي ليه 
حياة : أنا اتأخرت 
براء : المفروض نكون هنا من نص ساعه انتي جايه في معاد المدير 
حياة : أنا جايه مع المدير 
براء : ايوه بقا يا عم محدش قدك 
حياة : اتنيلي 
براء : مالك 
حياة : مفيش حاجه 
براء : شكلك متضايقه من حاجه 
حياة : مش متضايقه 
براء : هعتبر نفسي صدقتك 
حياة : أنا حاسه اني دايخه 
براء : انتي فطرتي
حياة : اه بس مش عارفه مالي 
براء : نمتي كويس 
حياة : مش عارفه يا براء مش عارفه
براء : طيب اهدي ولو تعبانه روحي 
حياة : لا أنا بقيت كويسه  
براء : متأكده 
حياة : اه .. خلاص روحي انتي مع فريقك 
براء : ماشي 
إيلان : صباح الخير
الكل : صباح النور
إيلان : جاهزين للسيرش انهارده 
الكل : اه 
إيلان : كويس … يلا كل مجموعه تتفرق مجموعه هتبقى في الاوضه دي والمجموعه التانيه في الاوضه اللي في اخر الكوريدور 
حياة : تم .. ام .. ممك .. ن مجمو .. عتنا 
ايلان : انتي بتتكلمي كده ليه 
حياة : ما .. لي 
إيلان : انتي تعبانه 
حياة : لاء .. أنا .. كويسه .. خالص 
إيلان : متأكده 
حياة : اه 
إيلان : تمام نرجع لشغلنا بقا … المجموعه الاولى هتكون هنا … والمجموعه التانيه تيجي ورايا هوريكوا المكان اللي هتستقروا فيه 
ذهبت المجموعه بقياده حياة إلي هذه الغرفه حتي وصلوا 
إيلان : هو ده المكان اللي هتستقروافيه … استني السيرش 10 دقايق يا انسه حياة 
حياة : ايه 
إيلان : انتي مش مركزه ليه في ايه 
حياة : لاء .. م 
لم تكمل حياة جملتها حتي سقطت على الأرض مغشيا عليها 
يتبع…
لقراءة الفصل الثامن : اضغط هنا
لقراءة جميع فصول الرواية : اضغط هنا

اترك رد