Uncategorized

رواية أسطي قلبي الفصل الثامن 8 بقلم رحمة أيمن

    رواية أسطي قلبي الفصل الثامن 8 بقلم رحمة أيمن

رواية أسطي قلبي الفصل الثامن 8 بقلم رحمة أيمن

رواية أسطي قلبي الفصل الثامن 8 بقلم رحمة أيمن

_ الو 
:…… 
_ نعم طيب انا جايه حالا! 
_ في اي! 
بصتله بقلق وصوت مهزوز. 
_ امشي بسرعه،  مدرسه ** في الطريق العام 
_ طيب اهدي في اي  
_ مش وقته،  اتحرك بسرعه بالله عليك 
وصلت المدرسه وانا بدور عليه في كل الطلاب الي بشوفهم،  يا رب هون عليا،  انا مش حمل تعب تاني 
وصلت علي اقرب فصل شوفته وخبطت ودخلت. 
_ لو سمحت عمر السيد حامد،  الصف التالت الثانوي تعرف الدور الكام
احد المدرسين:  تقريبا نقلو هو وواحد معاه علي المركز العلاجي في المدرسه 
وشي قلب الوان وتوازني كلو راح وحسيت انه هيغمي عليا. 
_ طيب م.. ممكن حضرتك تقولي فين مكانه بظبط. 
~~~~~~~~~
عمر:  رحمه!  بتعملي اي هنا! 
اول ما شوفته جريت عليه وحضنته بكل خوف وحسيت انه روحي رجعتلي من تاني واخيرا قدرت اخد نفسي 
_  الحمد لله يا رب،  الحمد لله  
عمر: متقلقيش انا كويس 
_ انت عارف انا كان هيجرالي اي،  انت لي مهمل كده ومش مقدر انه في واحده هتنتهي لو حصلك حاجه يا عمر،  لي بتعمل فيا كده مش حرام عليك تعب الاعصاب ده،  انت الي بقيلي في الدنيا دي كلها لو حصلك حاجه انا هروح فين قولي! 
بصلي بكل اسف وحضني بهدوء. 
عمر:  والله اسف انا مكنتش اعرف انهم هيقولوك 
_ ده الي همك دلوقتي ، قولي حصل ازاي وامتي ولي،  وبتتخانق لي مع زمايلك؟  انت صغير علي الحركات دي،  قولي انجرحت فين  راسك سليمه،  محتاج عمليه او دوه او اي حاجه اتكلم؟ 
عمر: يعني الواحد راسه مفتوحه ومصدع وبرضه مبتبطليش رغي،  يخربيت رغيك 
_ والله يا عمر،  ده انا هكسر راسك 
عمر:  مين الي فاتح بئه اربعه متر هناك ده،  فرحان فيا ول اي 
_ امم العيله كلها لسانها طويل باين 
عمر: لاء وكمان اهبل،  شكلنا هنتسلي 
_ اهبل!  مهو طبعا هيجيبه منين اكيد جينات وراثيه 
عمر: حاسس انه معجب يسطي ومخبي،  قوليلي عرفه الناس النضيفه ديى منين 
_ شش اسكت يا مهزق،  وانا الي كنت خايفه عليك  
عمر:  يا ستي تخافي علي مين بس ده انا خوف بلد 
_ عمر قولي الحقيقه حصل اي اتخانقت معاه لي 
عمر:  محصلش حاجه عادي مشاكل بين الشباب 
_ وانا عرفه انك مبتمسكش في حد غير لما يعصبك،  قلى اي ديقك ها 
عمر: يا عم مقلش حاجه،  هو انا اول مره اتخانق وبعدين روحي يلا الوقت تاخر انا كويس 
_ قلك حاجه عني صح؟  اتكلم عني وديقك
عمر:….. 
_ يبقي صح،  قلتلك كبر دماغك واي حد يتكلم امشي وسيبه،  انا ميهمنيش كلام حد. 
عمر:  واسكت لي،  اختي احسن واحده في الدنيا وهكون فخور بيكي في اي وقت ولي يتكلم هموتو تحت رجلي ول اسمع لفظ او كلمه وحشه عنك 
_ بس احنا مبنمسكش لسان الناس يا عمر،  سيبهم يكلمو وطنشهم عشان تخلص احنا لو مسكنا في كل كلمه الناس تقولها مش هنقدر نعيش ول نكمل 
عمر: بس انا لو سكت اكتر من كده هنفجر يا رحمه،  انا مبسكتش ضعف مني وانتي عرفه،  بس لما العمليه بتزيد بجيب اخري،  هو احنا لي منبوزين من العالم يا رحمه ها لي! 
_….. 
عمر:  احنا مخترناش حياتنا ومن يوم ما اكبرت علي ايدك وانا محستش بنقص ول مدينا ايدينا لحد،  لي بنتعاير بحاجه مش بيدينا فيها،  انا مش مدايق من حاجه هنا بس انا مش عايز اسيبك لوحدك بره،  قلتلك اطلع وقلتلك مسبكيش لوحدك لكن دخلتينى هنا برضه وقلبي وعقلي معاكي ومش عارف حتي اطمنك. 
مسكت ايده وانا عايزه الي يمسك ايدي،  ابتسمت لي عشان اطمنه وانا محتاجه الي يطمني وقلت كالعاده
_ هانت يا عمر باقي سنه،  استحمل سنه كمان عشان خاطري
عمر:  لاء يا رحمه باقي سنه فعلا،  استحملي انتي السنه دي عشان خاطري.
حضني وكان لازم امشي عشان المدرسه هتقفل ومشينا بالعربيه من غير اي كلام. 
شايفه نظراته ليا،  كلام عايز يطمني بيه بس مش عارف يقولي اي وبعدها اتكلم وياريته ما اتكلم. 
_ عايزه تعيطي؟ 
_ مبعرفش 
_ مش هقول لحد 
_ مفرقتش 
_ رحمه
_ هو كويس صح، هيخف بسرعه وهيجبولو اكل احلي من بتاعي ويهمتو بيه اكيد 
_ رحمه 
_ هو الي بقيلي تخيل!، انا بحبه اوي وعرفه راجل عشان انا الي مربيه وعلمته يستحمل وهو قدها 
_  يا رحمه
_ رحمه تعبت،  تعبت من الناس والدنيا وكل الحمول دي،  مينفعش تقول لاء ومينفعش تصرخ ول تبين انك تعبت،  انا عمري ما اعترضت علي قضاء ربنا،  بس ده مش كتير شويه؟! 
غمضت عيني وبصيت للارض واحصوني بتنهار قدامه واحد واحد،  وبعدها بصلي وبص قدامه وطفه نور العربيه وغمض عينه وقال بصوت دافي ورقيق. 
_ مش هشوفك متقلقيش 
_…. 
دمعت!  اه والله دمعت ولاول مره من سنين عيني تخسر في تحدي معايا،  ولاول مره من سنين احس باحد جنبي ومطمني بشكل ده،  معرفش كنا كده لحد امتي بس استغليت استغليت انهياري وقتها وفضيت البراميل الي تخزنت جوايا و بدلتها ل طوفان،  طوفان غرقني بكل زكرياتي وبكل جروحي وبكل ضعف كبرياء مني. 
احيانا لما بتخزن كتير وتسكت علي نفسك مره واتنين وتلاته بيحصلك جفاف،  جفاف بيولد معاه قسوه، بيولد الم كبير جواك ونار بتحرقك وانت كتله تلج مبتسمه من بره. 
بس انا تعودت،  اتعودت انى مبينش ضعفي لحد،  انا الحيطه لمعظم الناس في حياتي واذا وقعت هيضعفو وانا مش عايزهم يضعفه بسببي بس انهرده استسلمت لسكوتك،  رقتك،  وحنانك الي نابع من عنيك،  هو انا لي مرتاحه كده؟! 
_ انا اسفه عطلتك انهرده
_ هو اه عطلتيني فعلا 
_ شكرا لكرم اخلاقك 
_ تعالي كل يوم 
_ ههه سلام
طلعت من العربيه وقفلت الباب ففتح الباب تاني وخرج منه ونادى عليا.. 
_ رحمه 
_ نعم
_ لو احتجتيني في اي وقت ابقي كلميني 
_ متقلقش مش هحتاجك 
_ طيب علي بركه الله مستني اتصالك 
_ سلام يا رميو زمانك 
_ رحمه 
_ افندم 
_ انتي هتبطلي دبش امتي عشان انا زهقت 
_ لما تبطل محن وتكتم نبقي نشوفلك رد 
_ الحال إنقلب في دقيقه انتي عندك انفصام في الشخصيه يا بنتي 
_ لاء عندى شغل بكره ولازم اصحى بدري،  عن اذنك 
_ رحمه 
_ يووه عايز من زفته اي
_ هتفتحو بكره الساعه كام؟ 
طلعت وانا بضحك لقيت الست ايه في وشي،  شكلها ليله لوز باذن لله 
# قفشتك! كنتي بتضحكي ها كنتي بتضحكي يبقي حصل جديد اتكلمي بسرعه قلك انه بحبك صح لاء دي عرفينها كلنا عادي 
قلك يلا نتجوز وفقتي صح ها 
_ يما اي الجو الهندي الي انتي عايشه في ده 
# جو هندي قلتيلي! 
طاايب 
حطيت ايدها علي وشها بتحذير ورفعت حنجرتها بصوت امها ده و لمت علينا الناس 
# الست رحمه الي راجعه اخر الليل وبتضحك و…. 
_ شش الله يخربيتك! 
# هتقولي بزوق ول اردحلك في المكان..  ده انا واقفه هنا من ساعتين الا ربع عشان اشوف الرأكشن ده وانتي طلعه انتي هتستهبلي 
_ خلاص يا فضيحه هقلك تعالي
# ايوا كده،  عالم مبنجيش غير بالعين الحمره. 
_________
# يا جمالو يا جمالو 
_…. 
# عزمك علي محشي ومقلتلوش بحبك ازاي يا قادره 
_ ابيع مبدأي عشان المحشي 
# فوزي 
_ ده انا ابيع نفسي عشان المحشي والله 
# ههه ايوا كده انظبط 
_ اسكتي مش عمر اتخانق تاني وروحت لقيت راسه مفتوحه و متخيطه 
# ينهار ابيض لي!  قوليلي بسرعه 
اليوم التالي… 
عبدو:  رحمه بنتي 
_ نعم يا عم عبدو،  هخلص المصلحه دي وجيلك 
عبدو:  سيبي الي في ايدك دلوقتي وتعالي العربيه مش هطير
_ حاضر هَقفل واجيلك خلاص 
….. 
_ نعم يا حج 
عبدو:  في واحد حبيبي وغالي عليا عايز يجي الورشه يشتغل فيها شويه وانا وفقت بس هيجي في الوقت الي يفضي فيه عشان مشغول 
_ اي ده ان شاء الله هو بيتامر كمان من قبل ما يبدا وبعدين انا مش موافقه هو عشان تبعك يعني هيفرد نفسه علينا 
عبدو:  انا قلتلك وهو هيجي بعد شويه وده قراري النهائي 
_ انا مليش دعوه ده تبعك انت وانا مش هكون مسؤله عن واحد مستهتر كده 
عبدو:  لاء انا عايزك معايا عشان انتي الي هتدربي وتلحلحي شويه لانه لسه مُبتدأ
_ وكمان ميعرفش حاجه عن المهنه!  لاء ده انت مع نفسك جامد كمان يا عم عبده،  انا ريحه اكمل العربيه 
عبدو:  انتي الي هتعلمي يا رحمه سمعه 
_ باي يا حج 
روحت كملت شغلي وبشرب كوبايه الشاي بتركيز لقيت ضحك وترحيب بره الورشه،  عرفت انه وصل وقولت اروح اشوف مين الي بيتأمر من قبل ما يوصل ده وعمل نفسه حاجه وخلي يكره اليوم الي جيه في هنا اصلا . 
يتبع ……
لقراءة الفصل التاسع : اضغط هنا
لقراءة باقى فصول الرواية : اضغط هنا

اترك رد