رواية أحببتك رغم انتقامك الفصل الثالث والثلاثون 33 بقلم منه محمد

راجعه من المشفي لقته واقف قصاد بيت ندي مستنيها شافته لفت تمد بخطواتها جري وراها ومسك دراعها: عاليا عاليا

عاليا منطقتش حرف ولاوجهت نظراتها له

كريم بستعطاف: عاليا لازم نتكلم

عاليا بتحاول تمشي من قدامه: معنديش حاجه عشان اقولها معاك

كريم سباقها ووقف قدامها بصوت مجروح: عارف انك زعلانه مني ايوه اتصرفت معاكي بشكل همجي بس حابب اعتذر عن غلطي وعايز اصلحه

عاليا ببساطه: انا مسمحاك

كريم ابتسم ومسك ايدها: عاليا انـ

عاليا: بس ده مش معناه اني غيرت راي في طلب الطلاق(وشدت ايدها منها)

كريم كأن روحه بتتسحب منه: ليه ياعاليا

عاليا: ليك عين تسأل بس هجاوبك لاني معرفش قلبك هدي غضبه فعلا ولا لسه عايز تكمل انتقامك الي فضل يعذب فينا كلنا 

كريم نبره صادقه :انتهي الانتقام ياعاليا ولو مش مصدقاني في ازاي اثبتلك ده

عاليا بقهره: لا انا اتعلمت الدرس ياكريم مهما كنت بحبك اعصابي مش من حديد مش عايزه ابكي تاني لاني بجد مش هقدر اعمل كدا بعد دلوقت خلينا نفترق بطريقه وديه

كريم بلع ريقه بخوف: لا مش هسمح لعلاقتنا تنتهي كدا 

عاليا :بس انا مصممه انهيها وهنساك وهبدء حياتي من اول وجديد ومن غيرك

كريم قرب منها وبكل هدوء:بس انا مقدرش اعيش من غيرك وعايزك ورغبك تكوني معايا  هي دي الحقيقه الي بحسها من اعماق قلبي عاليا خلينا ننسي الماضي وتعالي نفتح صفحه جديده 

عاليا بصوت بارد وقلب حجر: انت مقدرتش حبي فعادي تقدرتعيش فضلت وقت طويل بعيد عني واثبت فيه انك مش محتاجلي فتقدر تعيش وتكمل عادي انت نجحت وبجداره لما كنت بتقربني منك كنت بفضل مرعوبه من فكره انك تبعدني عنك وانت في منتهي القسوه عملتها وكل مره بشوفك فيها بتنجح انك تخاليني اتألم فياريت توقف تعذيب فيا ياكريم لاني مش هقدر ولا بقي عندي استعداد اتحمل الامر ده

كريم واقف تمثال كئنه من غير ملامح  هو جايلها بكل شوق وحنين لانه بيعشقها لحد الجنون  كان نفسه يسمع منها كلمات تروي ظمأه تشبع نهمه لكن لقاها بتتهمه بكل قسوه وبدون رحمه انه لسه مكمل انتقامه منها رد بنبره محمله بالاسف: انا اسف همشي بس مؤقت لاني مش هقدر ابعد لاني بحبك حب لو عبرتلك عنه الجدران دي هتتكلم عنه (وسابها ومشي ركب الموتسكل وشغله واتحرك وهي وقفت لحد ما اختفي من قدامها  جففت دموع الخداع وابتسمت في خبثت ودخلت تحكي لندي

…………..منه محمد…….

في الكافيه قاعده قدامه بتسمعله وبحيره

حسن فرك في شعره: راحت فين دي؟؟!!

ندي: ليه هربت من المستشفي راحت فين؟؟!!

حسن: منا لو كنت اعرف مش هسألك يامو العريف كل معلوماتي انها سابت المستشفي ولا يمكن نوصلها وخالد كمان اختفي وكريم بتصل بيه مش بيرد طفشوا اصحابي

ندي: مبروك انهم طفشوا منك

حسن: لانهم اغبياء ليه مخدوش رأي قبلها لا انا زعلان لا انا مقموص منهم جدا

ندي: طيب بلاش تكشر

حسن: لا عايز اكشر اظن حقي الدستوري (وبمكر) بس مين ياتري يراضيني لما يسبوني اصحابي وحيد كدا

ندي: ليه تتضايق يمكن عندهم اسباب الامور الي حصلت الفتره الي فاتت تفور الدم والكل محتاج استجمام وهدوء وهيرجعوا يتوصلوا معاك لما يكونوا مستعدين

حسن: ندي

ندي: خير

حسن مكشر بستياء: بما ان اصحابي هجروني بس سعيد انك لسه معايا اعملي حسابك من هنا ورايح تبقي معايا(مسك ايدها) ماشي

ندي شدت ايدها وهو متشبث فيها: ليه انا

حسن باس ايدها: الله مش حبيبتي وهتبقي قريب مراتي وبعدين لما بكون معاكي بحس اني في حاله فائقه 

ندي ضربته بمزح : ومين قالك اني قابله بيك

حسن حك دقنه: بجد مش موافقه 

ندي : اه مش موافقه

حسن مسك وشها بين كفوف ايده وثبت وشها جامد و بهيام : يله ندوش قولي بحبك يا سونسون ولا هرغمك تقولي الحقيقه من شفايفك بواسطه شفايفي

ندي بتدفعه واحمرت خدودها : بس الناس هتشوفنا

حسن بعد وضحك: خلاص  هاتي ايدك في ايدي وقومي معايا

ندي بعدم فهم:علي فين؟؟!!

حسن :علي بيتنا اقدمك لـ امي وابويا

ندي شهقت وبتوتر: لا طبعا انت مجنون

حسن: لا لازم تيجي معايا سلو بلدنا اقدمك لأ ابويا وامي وناكل لقمه سوي وبعدين نفتح في حوار الجوازوخلافه وبعدين ياروحي امي عايزه تشوفك وموصياني لما صدعت دماغها بيكي

ندي باعتراض : لا مش رايحه

حسن: خلاص خليني ابوسك بقي

ندي مسكت سكينه فواكهه لوحت بيها علي خده :جرب تاني كدا 

حسن مثل الخوف : كنت بهزر يخربيتك ويله بينا

ندي: لا عايزه اروح وبطل تلح عليا 

حسن: خلاص وافقي بدل ما افضل الح عليكي ولا اروح اخطب واحده تانيه 

ندي: انت عايز مني ايه

حسن: عايز احبك وتحبيني وتيجي معايا تشوفك امي ها موافقه

ندي بخجل : خلاص زنان وانا كمان بحس حالي معاك في حاله فائقه

حسن ابتسم وفتح دراعاته لها: كدا خليني ابوسك بقي

ندي بنظرة قوية : لا انت عايز تموت بالقبقاب

حسن ضرب كتفه بكتفها وبتحدي: لو منك موافق انشالله تموتيني بصاروخ اربجيه

……..منه محمد…………

 قدام كوخ في تركيا واقفين يتاملو المطر بسعاده وهو واقف جنبها يتاملها رغم شحوب وشها والايسكاب الي خفت بيها شعرها الي سقط وشوه ملامحها لكنه لسه بيحبها اكتر من الاول

خالد: انتي بخير

نهله ببتسامه :ايوه

خالد :اظاهر المطر مش هيقف تعالي نرجع الفندق لان ممكن يجيلك برد

نهله: لا مش عايزه وصلنا لحد هنا اخيرا ومش عايزه ارجع هناك تاني عايزه افضل هنا

خالد : تمام زي ما تحبي

نهله ابتسمت بمتنان:شكرا يا خالد انك جبتني هنا وبجد مش عايزه ارجع القاهره تاني ابدا

خالد ابتسم لابتسامتها: عشانك اعمل المستحيل

نهله :خالد

خالد حط ايده قدام شفايفها :متقوليش حاجه قولتلك انا مش محتاج منك اي حاجه عايزك بس تكوني سعيده وبخير وترجعي زي الاول

نهله بأصراروعزيمه:ممكن اتحمل الامر لحد ما ارجع نفس الاول

خالد ابتسم ووقف يتأملها

نهله غطت وشها بايدها : بلاش تبحلقلي كدا حالتي مش كويسه فبلاش تبصلي الافضل اتامل المنظر الطبيعي

خالد بعد ايدها ومسح علي خدها برقه:بالنسبه لي انتي الاجمل

نهله :خالد انت لطيف جدا معايا بس انا مش عارفه اشكرك ازاي

خالد قرص خدودها :رد ديني تحبي نفسك اوي وتهتمي بيها انا مش محتاج حاجه تانيه

نهله :هعمل كل الي طلبته

خالد :شطوره يله نرجع الفندق الطقس مصر ويمكن يقلب رعد وبرق وخايف يجيلك برد

نهله: لا خالد مش عايزه تعال نتمشي من فضلك

خالد ابتسم ابتسامة تدوب الحجر : اتفضلي يا موزموزيل

وبالغعل اخدها يتمشوا تحت المطر ونهله رمت الشمسيه

خالد بتحذير: نهله

نهله ضحكتله وطلعت تجري كأنها طفلة وهو عمل نفسها ورمي الشمسيه ابتسم ابتسامة خفيفة وقرب منها :اه عايزه تلعبي

نهله :فعلا لو شاطر حصلني وطلعت تجري تستخبا منه وري الشجره وخالد قدر يمسكها وحضنها بكل الحب الي جواه وهي ضمته اوي 

……..منه محمد…….

بعد اسبوع من الاحداث رجع البيت مهموم حزين من يوم ما حبيبته قررت تفارقه لقاه سعاد طالعه في وشه ومعاها دفتر وبتضحك في سعاده: مبروك يا كيمو

كريم بتعجب: مبروك علي ايه؟؟!!!

سعاد: مبروك انك هتبقي بابا

كريم بستغراب شويه: بابا ,,بابا مين ؟

سعاد مدتله دفتر المتابعه: لقيت ده واقع تحت دولاب ست عاليا وكنت رايحه ادهولها في الاوضه بتاعتها تقريبا راجعه تاخد باقي حاجاتها

كريم شد الدفتر وبصله بكل غضب: لا روحي انتي انا هدهولها بنفسي

دخل الغرفه لقاها محتاسه بدور عن شئ رفعت عيونها بصتله: انت هنا ليه؟؟!!

كريم رفع الدفتر في وشها: ايه ده؟؟!!

عاليا: ده بيعمل ايه معاك؟؟؟

كريم نطق بعصبية: مش دي المشكله المهم ليه مقولتليش لما شوفتك في المستشفي مع طارق ليه مقولتليش لما كنتي رايحه متابعه معاه ليه هو الي ياخدك مش انا ,, انا الي من المفروض اعرف قبله وقبل الدنيا دي كلها وبعدين ليه بيحاول يدمر العلاقه بيني وبينك مش ده اخوكي برضو

عاليا بصراخ: اه اخويا لكنه احترم رغبتي ومشاعري وقبل ما تتهمني ليه خبيت عنك اياك تنسي انت عملت ايه ومين الي بدء كدا من الاول مين الي راح جاب ست تانيه وراعها واهتم بيها قولي مين الي دمر العلاقه

كريم كتف ايده حوالين صدره: اه بتنتقمي مني بالطريقه دي  حاسه بالرضا وسعيده فيها

عاليا: ايوه لما بشوفك في حاله الغضب دي بحس بقمه السعاده وبعدين قولي سواء عرفت قبل ولا بعد او حتي معرفتش انا ولا مهتمه لاني اعتبرته ابني لوحدي

كريم ضغط علي اسنانه بقهر: عاليا

عاليا بهجوم شرس:ايه انت نسيت السبب الي اتجوزتني عشانه انت مكنتش عايز الجوازه دي من البدايه ولا كنت عايز طفل مني

كريم بضيق: مين قالك التخريف ده انا ابوه فاهمه ابوه مستعد اخده منك واربيه

عاليا :مستحيل انا لازم احميه منك

كريم رمي الدفتر الي في ايده وشدها من دراعها واتكلم بعصبيه :ليه انتي مفكره هكون قاسي مع ابني

عاليا بنبره جافه: اسمع كل الي طلباه منك تسيب لي ابني اربيه وابعده عن جحيم ابوه هو الي بأيده خلقه ما بينا

كريم رفع عيونها عليها: انتي مفكراني من النوعيه دي من الابهات اعذبه من الاخر عايزه كام مقابل الطفل

عاليا لئلئت عيونها دموع: دايما شايفني ست ماديه 

كريم فرك جبينه وبصرامه شديده: اسمعي ده ابني لو معتقده اني شايفك قليله او حتي خونتك انا مستعد ادفع تمن غلطتي في حقك حتي لو هتنازلك عن ثروتي عن منصبي عن كل ممتلكاتي بس نرجع ونربي ابننا سوي لانك مش هتقدري تتحملي عبئه لوحدك

عاليا :وانا بقولك مش محتجالك 

كريم بعصبيه عليها: انتي بتذلني يعني عشان محتجالك

عاليا مره واحده انهارت وجسمها كله اترعش: ايوه بذلك زي مايما اتذليت لما ببقي نفسي اسمع صوتك والقي قلبي هينفجر لكن برجع امنع نفسي لما افتكر اذيتك ليا كل يوم بقف عند بابك لكن مقدرش اقرب ومش بعمل حاجه غير اني اقف وبس جوزي لكن مش قادره اتجرء واقرب لاني خايفه

كريم غمض عينه بأسي ورد بصوت اقرب للهمس:خايفه مني

عاليا بتبكي دموع من نار: ايوه خايفه منك لانك مش بتحبني ودايما تفضل تتهمني اني بحاول اصطادك بس انا مش زعلانه منك اد منا زعلانه من نفسي لاني كنت غبيه من بدايه ما وافقت وسلمتلك نفسي خلتني في نظر نفسي اد كدا بس خلاص كل واحد يروح في طريقه انا مش عاوزاك

 كريم رفضها له حسسه كأنه كرباج جلدته بيه بدون رحمه ولا شفقه: براحتك بس مفيش خروج من البيت لحد ما تولدي 

عاليا بنفعال: بس انا مش عايزه افضل هنا 

كريم ببرود: لا هتفضلي هنا وكلامي انتهي ده لو عايزه تربي ابنك في حضنك !!!!

عاليا بعصبيه كبيره: انت اشترتني يا اخي

كريم حك رقبته وبصوت جهوري مرتفع: ايوه اشتريتك واعتبريه قرار لو عايزاني افضل ملتزم بوعدي معاكي لما ابننا يتولد بما انك محبطه من وجودي في حياتك وده هيحسسك بالراحه اكتر هسيبك انتي والطفل ومش هضايقك تاني ولا هتضطري تتحمليني غير كدا اتفضلي نهدي فيا واستفزيني وكسري كلمتي بس ساعتها اتحملي عقابي !!!!

عاليا بصتله كأنها نفسها تنحره علي تصميمه و اسلوبه الي مصمم انه يعاملها بيها: متفقين اخرج يله

كريم رفع عينه وبصلها وارتجف قلبه من اصرارها  الرافض القوي الي بيلمع في عنيها بطريقه غريبه كانها ناويه تجلطه  فـ قرر انه يمشي دلوقت ويحاول تاني معاها لحد ما تغفرله كل اخطائه واتحرك بسرعه وطلع من البيت كله

………….منه محمد………

الصبح علي الفطارنزلت لتحت لابسه بيجامه فوشيا بزعبوط كأنها فراشة جميله لو لحقها مش هيقدر يمسكها لقته واقف كأنه مستنيها بأجمل ابتسامه بصوت حنون: خدي اشربي عصير ليمون بالنعناع ده هيحميكي من البرد وانا هعمل نفسك واشرب منه

عاليا بتردد اخدت منه الكاس وهو شرب من كاسه وعيونه عليها!!!

شويه ونزل عاصم سعيد وفرحان بلمتهم من تاني قرب وكلهم قعدوا حوالين السفره

سعاد: ست عاليا خدي العصير ده اشربي منه كتير ده مفيد ينور البشره

كريم ذقه لبعيد : لا متقدرش تشربه

سعاد: ليه ده معلب

كريم :ما هو عشان معلب ضرر في الشهور الاولي للحامل

عاصم رفع عيونه: لا مش مظبوط االعالم كله بيشرب العصير استني وبعدين مين حامل

كريم ابتسم وحط ايده على كتافها وضمها بخفيف:اكيد عاليا مش انا

عاصم بفرحه من قلبه:ايه عاليا انتي حامل

عاليا بصتله و على شفايفها ابتسامة هادية : ايوه 

عاصم قام وباس دماغها :بجد انتي حامل ده اجمل خبر سمعته علي الريق اه قد ايه انا فرحان

مبروووك ألف مبروووك يابنتي

عاليا ابتسمت ابتسامة خفيفة: الله يبارك فيك يابابا

 عاصم رجع مكانه :طبعا ده مؤشر انكم تبطلوا خناق مش كدا ولا ايه

كريم باس ايدها بكل حنان ووسعت ابتسامته: ايوه حبيبتي اتفقت معايا

عاصم: اه ياولاد انا حاسس بالراحه والسعاده

سعاد :انا كمان وبعدين غلط الزوجه تتخانق وهي حامل

عاصم بسعاده مالهاش وصف :يعني انا هبقي جد مش كدا

كريم ضحك في سعاده:ايوه ياراجل يا عجوز

بعد ما خلصوا فطار عاليا سحبته من ايده لبرا بصتله ونفخت: استني ايه الي انت بتعمله بتتصرف معايا كأننا متفقين

كريم  قلدها ونفخ بضيق: لا يا عاليا منستش كلامك بس رميته وري ضهري

عاليا: ليه

كريم: ابويا فرحان وسعيد لو قولتله كلامك ممكن يحصله صدمه وانتي طبعا قلبك مش هيطوعك

عاليا : ايوه طبعا

كريم :خلاص يبقي كدا متفقين ونكمل تمثيل لحد ما تولدي اننا اسعد زوجين

عاليا هزت دماغها بتفهم:ماشي موافقه بس لوحدنا مفيش اي حاجه تربطني بيك فبلاش تمثل زي ما عملت الصبح

كريم بصدق نابع من وجدانه: بس الصبح انا مكنتش بمثل ولا بتظاهر

عاليابتكشيره: مش مهم بس متكررهوش

كريم: عاليا فيه معروف بطلبه منك كل الي عايزه منك الوقت الي حفضله معاكي عايز اكمله في سعاده

عاليا عقدت حواجبها:ليه

كريم: عارف انك مش حتكوني مبسوطه لكن بعد تسع شهور يعني اقل من سنه مثلي معايا انك مبسوطه وبعدها  عيشي زي ما انتي عايزه ومش هتبقي مضطره تمثلي او تدعي باقيه حياتك وانا معنديش الي اقدمه قدام الطلب الغالي ده بس امنيه وحيده اقدر اطلبها

عاليا: هزت له دماغها بمعني موافقه

كريم: شكرا ومسك ايدها لكن هي جامده مفيش غير من عيونها فيضان دموع

كريم رفع ايدها وباسهم بكل حنان و اتحسس بطنها ونزلت دموعه وفضل يوميا مهتم بيها  وكل استشاره يصمم يروح معاها طبعا بعد خناقه وبقي كل مراحل شهور حملها يصورها لحد ما جمع اللبوم مهول من الصور والذكريات الجميله وفضل يحثها علي الاستمرار في ممارسة تمارين اللياقة البدنية أثناء فترة الحمل ويواجها للنشاط الي يهيئ جسمها للولادة الطفل بسهوله زي اليوجا ولما يحس انها اتخنقت يسحبها لعالم الرقص للترفيه عن النفس لكنه يختار حركات ملائمه ليها في حدود المسموح لعدم حدوث مضاعفات!!

……..منه محمد……..

تاني يوم الصبح عاليا نزلت وسحبت كرسي السفره لقت كاس الليمون زقته بعيد

كريم جه من وراها: ليه بعدتي ده فيه كالسيوم وكمان بيمنع تشوهات الجنين

عاليا ردت عليه بملل :زهقت انت عمال كل يوم ترغمني اشربه فطار وغدا وعشا لدرجه وشي بقي مخضر من كتر ما بشربه وبعدين انا باخد فيتامين يبقي ايه لزمته

كريم :ازاي نعرف ان الفيتامين لوحده كفايه

عاليا نفخت بضجر: ياربي انت ليه عمال تدور ورايا يعني لو شربت جردل كل يوم كدا العيل هيزيد

كريم رمي منديل السفره بستياء وضجر: بجد لا تطاقي ايه ده (قام ) عن اذنك يا بابا

عاليا بهمس:بزمتك مين الغلطان يا بابا

عاصم بنفس الهمس :انتي 

سعاد بوشوشه: ست عاليا انتي قاسيه علي كريم بيه اوي

عاليا مطت شفايفها لقدام: يعني مش شايفينه عامل ازاي بيغصبني لدرجه هتخنق وبدئت اشك هو مين فينا الحامل وبعدين بدل هو الي يراضيني بقيت انا الي بلف عشان اراضيه

عاصم ضحك :لا الحمل عندك معالي الهرمونات

عاليا ببتسامه:اعمل ايه حامل بقي

عاصم: ياستي هو متعاطف معاكي وحاسس بيكي بدل ما نشكره نوبخه

عاليابملل :يعني اعمل ايه

عاصم بمكر: عامليه ع انه حامل معاكي واهتمي بيه شويه 

……….منه محمد……..

بعد المغرب لابسه ونازله رايحه للمتابعه بصلها بهتام وسألها: رايحه فين؟؟!!!

عاليا: مالك انت

كريم نبره ناشفه جامده: اخلصي رايحه فين؟؟

عاليا ارتبكت من لهجة صوته وردت عشان تخفي ارتباكها :رايحه متابعه عندك مانع

كريم نطق بسرعه وبثقة: اوك يله رايح معاكي

عاليا :ليه انا الام الي هعمل الكشف يبقي وجودك ملوش لزمه

 كريم: وانا الاب ده انا حطيت قلبي وروحي في الامر ده 

عاليا مسكت دماغها من وقاحته:حفظت ام الكلمه دي 

كريم ابتسم بتناحه:مصمم اروح معاكي لو روحتي لوحدك هخش اضربك واضرب الدكتور معاكي

عاليا بعصبيه: مالك انت عايز تتخانق وبعدين لو روحت معايا هتغير نوع الجنين مثلا

كريم رفع كتافه : يمكن مين عارف وبعدين انا عايز اعرف نوعه ولد ولا بنت

عاليا بنرفزه عليه:هجبلك صوره

كريم ضيق عيونه بمرح : لا عايز اشوف ابني بنفسي 

عاليا برفض قطعي :مقدرش اعمل اكتر من كدا انما تروح معايا دي الي مش ممكن ابدا وحمشي لاني تعبت منك سلام 

كريم سحبهامن ايدها: طيب اقوله جمله واحده

عاليا :جمله واحده وتسبني امشي

كريم ميل علي بطنها وحط شفايفه وكلمه: امك قاسيه علي ابوك اوي يابني 

عاليا بصتله بستياء ومشت من قدامه وقف والتزم الصمت شويه لانه عارف انه كان قاسي معاها فلازم يستحمل لحد ما تغفرله خطيئته غمض عيونه واتنهد من قلبه ورجع شعره علي وري …واتمالك اعصابه وخرج وراها وشدها تركب معاه العربيه وفضل ده حالهم وعاصم سعيد وغرقان معاهم في عالمهم المجنون جدا الي لايق مع جننهم لحد ما جاه وقت الولاده