رواية رفقا بالقوارير الفصل الخامس والعشرون 25 بقلم ميادة مأمون
رواية رفقا بالقوارير الفصل الخامس والعشرون 25 بقلم ميادة مأمون
 |
| رواية رفقا بالقوارير الفصل الخامس والعشرون 25 بقلم ميادة مأمون |
رواية رفقا بالقوارير الفصل الخامس والعشرون 25 بقلم ميادة مأمون
وصلنا الفندق ووقفت اتكلم مع موظف الاستقبال وهي واقفة جانبي عمالة تتلفت يمين وشمال مبهورة بالفندق وجمالة
قاسم باشا حمدالله علي سلامتك يا فندم
الله يسلمك ياتري الجناح اللي حجزته جاهز
ايوا طبعا بس هي الانسة مع حضرتك نحجز ليها أوضة
انسة مين دي مدام وعد الديب مراتي
بجد اهلا وسهلا بحضرتك سورى يا فندم احنا ماكنش عندنا خبر بحاجة زي دي
فرحت اوي اول ما سمعتني بعلنها صريحة وأكتفت بأنها ترد بابتسامة للموظف اللي كمل كلامه
ممكن بيانات المدام والاثبات يا قاسم بيه
اه طبعا اتفضل بقولك هو رامي بيه هنا ولا مش موجود
موجود يافندم لسه طالع اوضته حالا بعد ما مشي عصام بيه هو وواحدة كانت معاه
كده اوك يلا بينا يا وعد
وكأنها اخدت دش ماية ساقعه في عز البرد اول ما سمعت اسمه
لحظة بس يا فندم هو المدير كان سايب خبر اننا نبلغه اول ماتوصل
خير في حاجة ولا ايه
والله يافندم ماعنديش فكره
طيب انا هارتاح شوية وابقي اكلمه اطلع بقي ولا في حاجه تاني
لاء اتفضل حضرتك
يلا يا وعد شدتي لأديها فوقتها وكانت هتوقع
حاسبي هاتقوعي مالك واقفه متخشبة كده
هاه مافيش اني بس اول مرة اجي مكان حلو زي ده
لاء من دلوقتي ولحد مانرجع الڤيلا مش عايز اسمع ولا كلمة صعيدي
ليه بقي
عشان انتي اليومين دول هاتتقبلي مع ناس كتير معروفين في البلد
واكيد هاتتعرفي علي بنتاهم ومرتاتهم مش عايز حد يقولك كلمه تزعلك او مثلا واحدة منهم تفتكرك اقل منهم
حاضر يا قاسم
//////////////////////////
يعني كلمته يا رامي وقالك انه خلاص هايبعد عنها
اه والله يا بنتي خلاص بقي يا دينا خلينا نركز فى فرحنا
طيب ربنا يستر بقي وقاسم مايعرفش حاجة ويتهور عليه
مالك يادينا خايفه عليها كدة زي ما تكون اختك
بصراحة يا رامي انا حبيت البنت دي اوي اصلها لسة صغيرة ويتيمة وغلبانة
واللي قاسم عمله فيها مش شوية هي حاكتلي عن معاملته معاها وقسوته عليها
وطبعا لو فهم انها ليها علاقة بالموضوع ده مش بعيد يقتلها
اه ربنا يهديك يا عصام وتبعد عنها بقي
يا ريته يكتفي بالهبله اللي ضحك عليها وساحبها وراه
هبلة وضحك عليها قصدك مين يا رامي
ندي يا دينا ماهي جات معاه وراحت معاه ڤيلته
واذاي تسمح لنفسها انها تقعد معاه لوحدهم
عشان طماعة وكلبة فلوس اومال انا بقولك ابعدي عنها ليه وعلي فكرة سألت عليكي وانا قولتلها انك مش موجوده
بقي بالذمة ده منظر عرسان فرحهم بكره.
أيه ده قاسم مش معقول حمدلله علي السلامه جيتو امتي
جينا الصبح وسألت عليك قالولي انك في اوضتك قولت نطلع احنا كمان نرتاح وبعدين بقي ابقي اشوفك
ازيك يا وعد
ازيك انت يا رامي مبروك ليكم يا دينا
يا حبيبتي الله يبارك فيكي انا مبسوطه اوي انك جيتي وكنت هازعل اوي لو الواد ده مش جابك معاه
ههههههههه وانا اقدر علي زعل الاوزعة بتاعتنا برضو
يووووة بطل بقي طب ايه رأيك اني هاخدها منك وهاتفضل معايا ومش هاتشوفها الا بكره في الفرح
عشان تبقي تخبي عليا كويس اختك هاه
تاخدي مين يا ماما شيلي ايدك بس كده عن قلبي عشان انا ماقدرش ابعد عنه اصلا
يا سيدي يا سيدي قاسم الديب اتغير خالص علي ايدك يا وعد
بس برضو لسه ديب يا رامي
هههههههههه بصراحه مع حلاوتك دي ليه حق يبقي اسد مش ديب وبس
لاء بجد تعالي يا وعد عشان اعرفك علي ماما واختي ومامت رامي كمان
اروح يا قاسم
روحي يا حبيبتي وانا هاروح انا كمان لمدير الفندق انا ورامي اشوفه عايزنا ليه
/////////////////////////////
قوليلي ايه الاخبار
اخبار ايه
اخباركم انتو الاتنين هو عامل معاكي ايه لسه بيعاملك وحش برضو
لاء هو من ساعة ما قرر يعلن جوازنا وهو اتغير معايا خالص
ولما عرف انى مش ناوية اقوله علي الحيوان ده و
بطل يسألني وبقي هادي
بس يا خوفي يا دينا ليكون ده هدوء ماقبل العاصفة زي ما بيقولو
متخافيش رامي خلاص عرف عصام انك مرات قاسم وقاله يبعد عنك خالص
وتفتكرى هايسمع كلامه
طبعا هايسمعه غصب عنه وانتي برضو غلطانه يا وعد
كان المفروض انك من اول مرة شوفتيه فيها عند المدرسة تعرفيه انك مرات قاسم مش اخته وتوقفيه عند حده
انا فعلا وقفته عند حده بس ماكنتش اقدر اقول حاجة زى دي منغير قاسم مايقولي
طب علي فكرة بقي الغلط كله من عند قاسم انا اصلا مش فاهمه يعني ايه يخبي حاجة زى دي هو الجواز بيستخبى
وبعدين ما طبيعي يعني اي شاب يشوف جمالك الهادي ده يحاول يتقرب منك ويتعرف عليكي
احنا جوازنا ماكنش طبيعي زي مانتي فاكرة وقاسم عمره ماكان هايفكر انه يتجوزني
الا لما جيه السنه اللي فاتت عشان ياخدني من الكفر واكتشف اني بيجيلي عرسان وكنت هاتجوز من ابن العمدة
واو وطبعا الامير قاسم ثار وحارب عشان يخطف اميرته وعد
انتي شكلك كده بتتريقي عليا
هههههههه لاء والله دانا بتكلم بجد دا قاسم ده طلع ديب بجد تعالي تعالي
////////////////////////////////
بتعملي ايه يا ندي
ابدا يا عصام بطلع هدومي من الشنطة
طب سيبي الهدوم وتعالي انا عاوزك
عاوزني في ايه يعني استني اما اخلص
شدها من شعرها جامد واجبرها انها تمشي وراه
وانا هاعوزك في ايه يعني غير اللي احنا بنعمله مع بعض تعالي ورايا
اااااااااه انت مجنون سيب شعري ايه اللي بتعمله ده
لاء انا لسه ماعملتش حاجة يا ندوش انا لسه هاعمل
في لحظة كان مدخلها أوضة نومه وبدون اي مبرر
اتفاجئت
بيه وهو بيضربها مره بأيده ومره بحزام جلد لحد ما تعب من كتر ضربه فيها
وبدء يقطعها هدومها من عليها وبكل دنائه اعتدي عليها لحد ما اغمي عليها
سابها مرميه علي السرير وخرج بكل برود من الاوضه
وبعد وقت طويل فاقت لوحدها
ونزلت لقته قاعد عادي جدا قصاد شاشة التلفزيون وفارد رجله علي تربيزة قدامه
اخيرا صحيتي ياندوش تعالي اتفرجي معايا علي الفيلم ده دا فيلم حلو اوي
ليه عملت كده يا عصام
عملت ايه يا حبي عادي يعني انبسطنا سوي
انت بتسمي الاسلوب الزبالة اللي عاملتني بيه ده انبساط
بلاش قلة ادب يا حبي انا اسلوبي برضو زبالة
اومال تسمي ضربك واهانتك ليا ده ايه
مجرد متعه تغير عشان ماملش منك
ماتكلمنيش بالطريقة دي انت عارف كويس اوي اني مسلمتش ليك الا لما قولتلي اننا هانتجوز
نتجوز نتجوز ما تفكك بقي من الحوار الفاكس ده
يا ندوش
انت بتقول ايه يعني مش هاتجوزني
اتجوزك انتي ياندي ليه هو اللي انتي بتخديه مش مكفيكي ولا ايه
بطلي زن في الموضوع ده بقي واعتبري اللي بينا ده شغل وبتقبضي تمنه
اه يا واطي يا جبان انا هاروح لقاسم وافضحك عنده وهاقوله علي اللي انت ناوي تعمله في قريبته
هههههههههه اسكتي مش طلعت مراته مش قريبته
وبعدين تعالي هنا انتي مش كنتي بتقولي انه كان عايز يتهجم عليكي تفتكري هايقبلك بعد ما جيتي وسلمتيلي نفسك
قعدت مكسوره من كلامه ومانطقتيش ودموعها نازلة علي خدها
ايوه انتي تهدي كده وعايزك تفكري كويس في كلامي وفي الاخر هاتعرفي اننا احنا الاتنين مالناش غير بعض يا ندوش
/////////////////////////////////
يلا بقي يا رامي انت بتعمل ايه كل ده ما تخلص يا اخي عشان تاخد عروستك
عشان اخد عروستي ولا عشان تاخد انت عروستك ماتهدي يا بني في ايه مالك
مالي ايه ونيلة ايه انا مش فاهم يعني هي محتجزة وعد عندها بتاع ايه صممت تلبس معاها وقولت ماشي ماتسيبهالي بقي
مانت عارف دينا وتحكمتها ولما بتحط دماغها في حاجه لازم تنفذها
وبعدين هو انا العريس ولا انت دانت احلي مني ياض ياقاسم ماتنعكش شعرك ولا تغير بدلتك دي خليني اظهر انا يا اخى
علي فكرة انا من غير حاجة احلي منك برضو
بقي كدة طب تعالي بقي
يا شباب يلا العروسه جهزت وابوها طلع يا خدها من اوضتها
يا خبر يلا بينا يا قاسم البت هاتنزل مش هاتلاقيني
هههههههههههه والله مجنون
يتبع ..
لقراءة الفصل السادس والعشرون : اضغط هنا
لقراءة باقي فصول الرواية : اضغط هنا