رواية حياة فهد الفصل الثامن عشر 18 بقلم نسمة سيد

جري عليها بسرعه وحط ايده على بوق حياه 

وشال الي على وشه عشان حياه تعرفه 

حياه بصدمه:  اااا اا انس!!! 

انس:  اهدي وانا هفهك

حياه:  تفهمني ايه انت قطعتلي الخلف يابني بتعمل ايه هنا وداخل زي الحراميه ليه 

انس:  كنت بحسب ان دي اوضه هدير وكنت داخلها بصراحه 

حياه:  انت مجنون  يابني ولا دماغك دي فيها صراصير 

انس سمعهم برا جايين على اوضه حياه 

انس:  احيييه جم جم هيشفوني 

حياه:  على اساس لو دخلت على هدير مكنوش هيشوفك 

انس:  حياه ونبي مش وقتك استخبي فين 

حياه ضحكت بخبث وقالت:  لا ما انت مش هتستخبي وانا هربيك بقي يا حرامي 

انس تنح ومفهمش وفجأه حياه صرخت تاني 

حياه:  الحقووووووووني 

كلهم دخلو واتصدمو من انس

انس بتوتر:  ههه هاي يا شباب 

فهد:  ممكن افهم  الموضوع دلوقتي 

حياه بخبث:  انس بيتهجم عليا 

انس:  وحياه امك!! 

سوري يا طنط يعني 

نهاال:  وحياه امك انت انا الى هربيك 

حياه بضحك:  خلاص خلاص بهزر معاكم بس 

شهد:  طب انس بيعمل ايه يا حياه برضو مفهمناش 

انس توتر وسكت 

حياه:  اتفقت معاه يعمل كدا عشان اهزر معاكم شايفاكم مضايقين من الى حصل فحبيت افرفش الجو واكتر حد كان هيسعدني انس لانه مجنون زي كدا 

صح يا انس ولا ايه 

انس: اه اه صح يا مرات اخويا  

حياه غمزتله 

فهد:  طب كويس بقي انك جيت عشان هتنزل الشنط على العربيات تحت 

حياه:  شنط ايه انا هدومي هتاخد شنطه واحده بس

فهد:  انتي تعبانه لسه عشان كدا قولت لطنط و هدير و شهد يجو يقعدو معانا لحد ما تبقي كويسه 

حياه:  بجد يا فهد 

فهد بأبتسامه:  اه بجد والله 

حياه جريت عليه وحضنته وبعد شويه حسيت بالى عملته وبعدت بسرعه 

سماح بضحك:  شوفي البت لسه بتتكسف وهي بتحضن جوزها 

فهد بضحك:  خلاص خلاص هتكسفيها اكتر كدا.. يلا انتي يا حياه غيري عشان نمشي 

وانت يا ملزق تعالى معايا 

كلهم ضحكو 

……….. 

نانى:  هنعمل ايه دلوقتي الصور جاهزه 

مجهول1:  احنا. هنستعملها في الوقت الصح اصبري على رزقك 

ناني:  دماغك دي هتودينا على فين 

مجهول1: هتودينا للفلوس 

ناني بضحكه حقيره:  اشطا عليك يا ريس 

…………  

كلهم وصلو البيت وحياه جت تنزل من العربيه الجرح تعبها حبه راح فهد شلها و دخل بيها 

حياه بكسوف:  فهد لو سمحت نزلني عيب كدا

فهد بضحك:  ولا عيب ولا حاجه مراتي تعبانه و شلتها فين العيب 

حياه سكتت وهو دخل قعدها في الصاله 

فهد:  دادا عزيزه تعالى لو سمحتي 

دادا عزيزه:  حمدالله على السلامه يا بني 

حمدالله على السلامه يا هانم 

حياه:  الله يسلمك يادادا

فهد:  ونبي يا دادا طلعي الشنط في الاوضه واعمللها اكله حلوه من ايديك دي 

دادا عزيزه:  عنيا ليك يا بني 

فهد:  ماما معلش طلعيهم اوضتهم عشان يستريحو ويغيرو هدومهم وان شاءلله الاكل لما يجهز نتجمع كلنا 

حياه:  طيب انا هطلع بقي 

فهد:  لا استني عايزاك

حياه:  في ايه 

فهد بتوتر:  حياه انا انا انا معملتش الى انتي شوفتيه في الصور دا والله 

حياه قطعته في الكلام 

حياه:  فهد انا لو مصدقه الصور مكنتش بصيت في وشك لحظه ومكنتش جيت هنا وانا عارفه ان الصور دي تركيب وعارفه كمان مين الى في الصوره

فهد:  نعم!!  عرفتي ازاي و منين

حياه:  يوم الفرح لما جتلى الصور دي بعتها لحد اعرفه بيفهم في الحاجات دي وقالي انها تركيب وعارفه كمان مين عمل كدا 

فهد:  طب ليه مقولتليش 

حياه:  انا قولتلك وانا في الفرح اني عايزه اتكلم معاك وبعدين ملحقتش اديك شوفت حصل ايه 

بس في حاجه لازم نعملها 

فهد:  في ايه 

حياه:  ناني لازم ترجع الشركه وتبقي تحت عنينا يا فهد 

فهد:  مستحيل دا يحصل انتي نسيتي عملت ايه فيكي

حياه:  عارفه هي عملت ايه يافهد بس انا وانت عارفين انك مراقب الشركه كلها ولو كملت شغل فيها هنعرف ناويه على ايه ونلحق نتصرف 

فهد:  يعني انتي شايفه كدا 

حياه:  طبعا بص يا فهد فكر براحتك انا مش بجبرك بس لازم نعرف هي بتفكر في ايه هي و اياد 

فهد بصدمه:  اياد!!  

حياه:  اه اياد هما الاتنين سوا وكمان متاكده ان معاهم حد كمان وهنعرفه قريب 

فهد بهيام:  تعرفي اني بحبك اوي

حياه بصدمه:  ايه!  

فهد فاق وبتوتر قال:  اقصد بحب ذكائك اوي يعني 

حياه:  انت كمان ذكي اوي بس الى حصل دا شوشرك شويه بس دلوقتي احنا سوا وهنجمع البنات و الشباب و يكونو معانا 

فهد:  تمام اتفقنا تعالي نطلع عشان ترتاحي حبه قبل الاكل 

……….. 

اتجمعو كلهم على الاكل 

دادا عزيزه:  منوره البيت يا هانم 

حياه:  دا بنورك يا دادا والله 

دادا عزيزه دخلت المطبخ 

حياه:  عن اذنكم هروح اشرب 

فهد:  استني الدادا تجيبلك

حياه:  لالا انا هقوم دي مياه يعني عادي 

حياه دخلت المطبخ 

حياه:  هو انتي ممكن تقوليلى يا بنتي 

دادا عزيزه:  لا يا هانم ميصحش 

حياه:  والله لو مقولتليش يا بنتي هصوت و اقول بتتحمرش بيا 

الدادا بضحك:  لالا خلاص يا بنتي 

حياه:  الله واكبر ايوا كدا 

انا هروح اكل انا بقي الاكل حلو وهما هيخلصوه 

دادا عزيزه:  بلهنا و الشفا يا بنتي 

حياه خرجت وقعدت مكانها 

هدير:  مالك مبسوطه كدا ليه

حياه:  هو حرام يعني 

شهد:  لا طبعابس عايزين نعرف 

حياه:  ملكوش دعوه انتي وهي 

وفجأه حياه وصلتلها مسج 

رئيكم ايه؟!