Uncategorized

رواية شيزوفرنيا الفصل الثلاثون 30 بقلم الشيماء عبيد

  رواية شيزوفرنيا الفصل الثلاثون 30 بقلم الشيماء عبيد

رواية شيزوفرنيا الفصل الثلاثون 30 بقلم الشيماء عبيد

رواية شيزوفرنيا الفصل الثلاثون 30 بقلم الشيماء عبيد

وما الاشتياق الا خيالات لوجود شئ لن يكن وأنا وقلبي هنا بين الاشتياق والواقع نحترق!
#بقلمي
منير بصدمة:نعم؟!شوفت مين؟!
يونس بتردد:أمي…
_فلاش باك____________
راح يونس بعربيته عند شركة سراج(أبن عم أمه) شاف ست خارجه مع سراج من العربية شكل أمه لابسة نضارة شمس وطلعت هي وسراج وهما بيضحكوا يونس خرج بسرعة من العربية ملقهمش تاني طلع لسراج الشركة يشوفها وأستاذن السكرتير يدخله اللي أدي خبر لسراج بوجود يونس وطلبه بمقابلته 
سراج ليونس ببتسامة سخرية:أهلا أهلا كنت فاكر أنك بتهزر لما قولتلي هنتقابل تاني بس طلع عندك نية لمقابلتي تاني وجيت فعلا واضح أنك ماشي بخطوات في كلامك حتي 
يونس بأندفاع:فين الست اللي كانت طالعه معاك؟!
سراج بأستغراب:ست مين أنا كنت طالع لوحدي!
يونس بتصميم:لا أنا متأكد أن كان فيه ست طالعه معاك هنا 
سراج بسخرية:كنت لسه بقول أن كلامك موزون مالك خيبت القاعدة ليه كده 
يونس بضيق:أنت بتلف،وتدور ليه مستحيل أكدب عيني يعني 
سراج بتساؤل:وياتري الست دي أنت تعرفها علشان كده مهتم اوي بأنها تكون معايا أو لا
يونس:أيوه
سراج:أقدر أعرف مين؟!
يونس بعصبية:أنا اللي بسألك هنا مش أنت 
سراج بأستفزاز:تؤ تؤ العصبية غلط جدا ثم أن لو محدش قالك أني بكره الصوت العالي فأنا بقولك أهو متعليش صوتك تاني مرةفاهم!
يونس بيحاول يهدي ويتكلم معاه بهدوء وبعدين بصله وقاله:أنا هديت مش هتقولي،مين الست اللي كانت معاك 
سراج ببتسامة وهو بيسقف علي إيده بهدوء:برافو أنك هديت وده يدل علي أنك تجيد مهارة الاصغاء اللي أنا شخصيا بحبها…..ثم قال بأستياء: بس أزاي حد عنده مهارة الاصغاء مش بيسمع أنا لسه قايلك أني كنت طالع المكتب لوحدي ومعرفش أنت بتتكلم عن ايه 
يونس بتفكير وهو بيبصله:طب،أنا عاوز أشوف الكاميرات 
سراج ببتسامة:أوي أوي أتفضل
راحوا يشوفوا الكاميرات اللي فيها سراج طالع لوحده الشركة مش معاه حد سراج بص للكاميرات بلامبالاة عكس يونس اللي كان بيبصلها بزهول وضيق وهيتجنن مش فاهم ازاي وهو شاف طالع معاه واحدة دلوقتي طالع لوحده 
سراج ليونس:ها أتطمنت 
يونس بتسرع:أنت تعرف أيه عن أمي؟!
سراج أبتسمله وقرب منه بخبث وقال عند وادنه ببطء:كانت عشيقتي …..ورجع وقف مكانه تاني ببطء فخبطه يونس بالروسية وهو بيشتمه يا ابن *يا*** فجت الحرس مسكته ويونس عامل يحاول يفك أيده عشان يرجع تاني يضرب سراج….اللي أستعاد توازنه خلال دقايق وهو بيقول بغضب:أرموه برا شركتي ومايدخلش هنا تاني 
______رجوع للحالي___________
منير بضيق وهو بيبص ليونس:مبسوط سيادتك دلوقتي خليت واحد * زي ده ينرفزك ويحرق أعصابك ويطردك من مكتبه 
يونس بعصبية:أنا متأكد أني شوفت حد فيه شبه كبير منها
منير بزعيق:أديك قولت شبه كبير منها لكن مش هيا نسرين ماتت وعمرها ماهترجع إنت ليه غاوي تتعب الكل معاك عالفاضي ولما أنت شوفتها الكاميرات مظهرتش ده ليه؟! 
يونس بصوت عالي:معرفش معرفش
منير بعصبية:عشان دي أوهام في دماغك!أنت بتتخيل أنك شوفتها 
يونس بنرفزة:ليه فاكرني لسه عيل صغير بيطلع حجج وخرافات عشان يلاقي أمه
منير بحزن:أنا مش شايفك فعلا غير عيل صغير هيموت ويلاقي أمه 
*خرج يونس بعصبية وحزن من المكتب ورزع الباب وراه وراح الفيلا طلع لاوضة أمه وخد فستان من دولابها ورا التاني وفضل يرميهم عالارض بعنف وبكاء ومسك البوم صور خلال السنتين اللي كان معاها فيهم ورماه برضو قاعد عالارض قدام الصور والهدوم وهو بيقول بدموع ويأس:أنا لاول مرة مش عارف أعمل حتي لو أنتي موتي أحساسي أني عاوز أشوفك ولو لمرة واحدة مرة أخيرة هو ده الاحساس الوحيد اللي بيحركني……مسك الصورة وبيبص للشبه الكبير اللي بينه وبينها بحزن وهو بيقول بألم: هل كنتي بتحبيني؟! 
قام وشغل شاشة الفيديو اللي في الاوضة لاقها وهي قاعدة بتلاعبه وهو صغير وبتغنليه وبتحضنه بحب….
سيد الحبايب ياضنايا انت….
ياكل أملي ومنايا أنت……
ياأحلي غنوة في دنيا حلوة….غنت وقالت معايا أنت..
سيد الحبايب ياضنايا أنت…..
*قعد أتفرج على الفيديو وهو بيبصله بحرمان رهيب حاسس ان فوزية معوضتش ولا جزء بسيط من وجود أمه اللي مجرد ذكراها بس بتهز كيانه كله بيضايق من كل حاجة وحشة تخصها من أي حد يقول عنها خيانة متضايق من أبوه أنه كان سبب في موتها من سراج …قام لم الهدوم والصور اللي رماها عالارض حطهم عالسرير بعشوائية وخرج يروح لغرام هو عاوز يشوفها حتي لو هيتكلم معاها باي شكل وأي طريقة تتقبلاها بس حاسس أن هي الوحيدة اللي هتخرجه من اللي هو فيه 
______________
*في فيلا غرام*
راح يونس والحرس سمحوله يدخل لما دخل لقي حسين (أبو غرام)قاعد بتوتر والبيت فاضي
يونس:سلام عليكم مستر حسين هو أنا ممكن أشوف غرام بعد أذنك؟!
حسين بحزن:غرام اتخطفت يايونس بنتي اتخطفت 
يونس بصدمة:ايه؟!
*حسين حكي ليونس أن الشرطة بتحقق في الموضوع فساب يونس حسين وراح الشركة يفهم مين خطف غرام 
__________
*عند غرام*
فاقت لقت شخص متعرفوش قاعد قدامها وحاطط رجل علي رجل بيبصلها 
غرام بخضة وهي بتبص حواليها:أنا فين؟!
_أعرفك بنفسي أنا جمال التهامي أكيد بما أنك ذكية وفي سوق الاعمال عارفه أن شركتي من أكبر الشركات والحقيقة أن شركتكم بقت تزحامني الفترة دي كتير ففكرت أني أخد منكم الصفقات بس بذكاء وبما أن المثل بيقول النصاب ميلعبش غير عالطماع فأبتديت أدور مين هو الطماع اللي هلعب عليه في شركتك ملقتش حد طماع أكتر من محمود الصراحة 
غرام بأندهاش:محمود!
جمال بضحك:بالضبط اللي ملبس كل حاجة سرقها لحساب شركتي بأسم شريف صاحبه اللي بيثق فيه  الثقة دي سلاح ذو حدين لو مكنش شريف بيثق في محمود للدرجة دي مكنش محمود لبسه كل حاجة بأسمه هو ومضي علي أي ورقة أدهاله ولوكنتي بتثقي شوية في شريف كنتي روحتي قولتيله بدل ماتفتشي وراه 
غرام بشراسة:الشرطة هتمسكك أنت وأمثالك مش أذكية أبدا بل حرمية 
ضحك جمال بقوة وهو بيقول:واكتمال للسرقة دي انتي هتجبيلي ملف ضغنون كده ومهم لدرجة أنه موجود في الفيلا بتاعتك مش المكتب الملف ده انا عاوزه وهسيبك 
غرام بقوة:مين يضمنلك أن البوليس ميجيش ياخدك قبلها 
جمال:بتهمة؟!
غرام:خطفي مثلا 
جمال بضحك:حتي دي عندي اللي يشلها اللي خطفك مش أنا خالص ولا دخلت شركتك اللي خطفك رئيس الحسابات بتاع شركتك وقبل ما البوليس يجي لهنا هتكوني انتقلتي لمكان تاني يا أما تعملي تليفون صغير للسيد والداك انه يسلم الملف ده لواحد من رجالتي ونرجعك لحضنه بعيداً عن الشوشرة والتحقيقات والعقوبات لان أنا كده كده طالع منها اللي ظاهر في الصورة هما رجالتي اللي عمرهم مايخنوني عارفه ليه قرب منها وقال جمب وادنها: عشان معادلة الثقة مابيننا موزونه يعني لا واثقين 100% ولا مش واثقين خالص 
غرام:ممكن يعترفوا عليك
جمال:ممكن وساعتها أكون نلت شرف أتحبس علي أيدك ياقطة 
*غرام خدت منه التليفون وكلمت حسين اللي اتحرك فعلا بدون مايبلغ الشرطة بالاتصال خوفا علي غرام ولكنه بلغ يونس وراحوا وسلمه الملف وقبل مايسلمه غرام اللي كانت قاعده جمب جمال في العربية قالها:ده درس صغير عن الثقة…..وبعدين ضحك وهو بيقول:أصل أنا كان نفسي أطلع أستاذ 
بصتله غرام بنفور وهي نازله راحت حضنت أبوها وهي بتبص علي يونس اللي اللي بيبصلها بحب سابت أبوها وراحتله فقالها بتتسامة:وحشتيني ياغرام
حسين جاله تليفون فبعد عنهم شوية وهو بيتكلم في التليفون غرام نطت اتشعلقت في رقبة يونس وحضنته ضحك وبصالها وقالها بخفوت:غرام أبوكي بيبص علينا 
غرام بهزار وهي بتمسك فيه أكتر:أعمل نفسك ميت
______________
*في فيلا منير الصفتي*
منير فتح باب أوضة نسرين وأتفاجأ بالهدوم والمكان اللي مش مترتب خبطت سرية عليه 
فتح الباب وهو بيقول:نعم؟!
سرية بضيق:هتفضل قاعد عندك ولا أيه 
منير:أنا لسه داخل كنت فاكر يونس هنا 
سرية بتجاهل لسيرة يونس:ايه اللي عمل في الاوضة دي كده 
منير بحزن:يونس 
سرية:ليه 
حكالها منير علي اللي يونس جاله النهاردة له 
سرية بسخرية:ده أكيد اتجنن ولا جاله شيزوفرنيا زي أمه 
منير بعدم فهم:ايه العلاقة 
سرية:مريض الشيزوفرنيا بيجيله هلاوس وبيشوف حاجات مبتحصلش 
منير بخوف:تفتكري؟!
سرية:طبعا أنت لازم تشوفله دكتور 
منير:عندك حق 
*جه يونس الفيلا وقاعد يتغدي معاهم كل واحد في طبقه وبعدين منير حس أن يونس أعصابه بترتخي وهينام فأستغراب ولسه هيكلمه لاقي ناس داخله تشيل يونس اللي مش قادر يتحرك ولا واعي للي بيحصل 
منير بصدمة وهو رايح يوقفهم:هو فيه أيه أنتوا واخدينه علي فين….يونس مالك؟!
سرية:شششش أنا حطتله منوم في طبقه والناس دي هتنقله علي عيادة دكتور معروف يتعالج بدل الهلاوس اللي بتجيله دي
_________________
*في العيادة فاق يونس بعد ما أتعرض لجلسة صدمات كهربية وعرف أن أبوه اللي جابه لهنا عشان شاكك أنه مريض شيزوفرنيا كان مربوط في السرير اللي نايم عليه بص للسقف وهو مش عارف يفكر ولا بقي عاوز يعمل حاجة فجأة حس بحد بيفكه أفتكر أنه الدكتور بيبص جمبه فقال بصدمة:غرام!
غرام بصوت واطي: يلا نخرج من هنا بسرعة 
يونس بأستغراب:انتي دخلتي هنا ازاي وعرفتي ازاي أن أنا هنا؟!
غرام بضيق:يلا هبقي احكيلك بعدين 
وفجأة غرام صرخت….
يتبع …..
لقراءة الفصل الحادي والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة جدي للكاتبة بنت الجنوب

اترك رد