رواية ذبول الفصل الأول 1 بقلم أميرة محمد

_ ي عمي بنت اخوك جات اعترفتلي بنفسها انها مش بنت بنوت المفروض تنبسط اني وافقت اتجوزها الله اعلم غلطت مع مين وجايه تعمل عليا انا محترمه 

_ قلم نزل علي وشه : اخرس ي حيوان انا بنت اخويا متربيه احسن تربيه 

_ في اي ي عمي صوتكم جايب اخر الشارع

_ تعالي ي براء يبني خد اخوك لحسن بدء يخترف بالكلام وقوله معندناش بنات للجواز 

_ نعممممم ؟؟

دا بدل م تشكرني اني لسه عايز اتجوزها ؟

_ ماجد اخرس بقي وتعالي معايا انا اسف ي عمي عن اللي حصل 

_ خليه يغور من وشي ومش عايز اشوفه تاني 

_ مراته : اهدي ي حسن وكل حاجه هتتحل يخويا 

_ لف وشه بعيد وبراء خد ماجد وخرج وحسن دخل لبنت اخوة هوة ومراته

_ ليه كده ي ليلي ليه يبنتي ؟

_ ي عمي دا واحد حقير ولو اكتشف كدا يوم دخلتنا كان هيفضحنا 

_ فاطمه : ي حبيبتي يبنتي دي حاجه مش بأيدك 

_ ابتسمت : عارفه ي مرات عمي انا لو هشحت كدا محبش قدك

_ ضحكت : ي بكاشه 

_ دخل ولد صغير : سمعتك ي ليلي وهقول لطنط سناء لما ترجع 

_ ليلي قامت تجري وراه وهيه بتضحك : منتصر تعالي هنا عشان اشتريلك حاجه حلوة 

_ جري عليها حضنها : بجد ي ليلي 

_ ضحكت : عمرك ست سنين بس عقلك يوزن بلد 

_ فاطمه وحسن قاعدين يضحكوا عليهم 

_ بقولك اي ي عمي هيه ماما هترجع أيمته ؟

_ مش عارف والله ي ليلي بس قالت هتشوف الحاج والحاجه يومين وترجع 

_ ماشي ي عمي عن اذنك هدخل ارتاح شوية

_ دخلت أوضتها ونامت من غير م تبذل اي جهد وتفكر في حاجه 

بقلمي أميرة محمد محمود

_________________

_ ادخل فضحتنا قدام الناس 

_ في اي ي براء بتكلم اخوك كدا ليه 

_ قوليله ي ماما بدل م يقف جمبي بيستخف بيا 

_ بابا …بابا 

_ براء حضنهم وباسهم : حبايب بابا ممكن تدخلو جوا لحد م اخلص كلام مع تيتا وعموا

_ الاتنين ف صوت واحد : حاضر ي بابا 

_ دخلو اوضتهم وماجد كان داخل بس براء شده من دراعه 

_ خد هنا انت رايح فين متخليك راجل وقول ل امك اللي حصل عند ليلي وعمي حسن فوق 

_ بعصبيه : ي اخي ابعد عني بقي وخليك ف حالك 

_ ماجد أنت ازاي تتكلم مع اخوك بالطريقه دي 

_ ي امي ليلي طلعت مش بنت بنوت ومدوراها مع الشباب 

_ شهقت : يمصيبتي أنت بتقول اي يبن بطني 

_ زي م سمعتي هيه بنفسها اللي قالتلي 

_ لوت بوزها : اشكمنها كبرت وبقي عندها 27 ولحد دلوقتي محدش راضي يتجوزها 

_ ماما انتي بتقولي ايه ؟

_ راحت ناحية ماجد وطبطبت علي كتفه : جدع ي قلب امك انك عرفتها علي حقيتها قبل م نتورت فيها 

_ مشي علي براء واتكلم ببرود : بس انا بحبها وعايز اتجوزها

_ أنت اتجننت ي واد ف نفوخك ولا ايه ؟؟

_ براء خبطت الباب بعصبيه : انتوا قلبكم دا حجر حرام عليكم البنت يتيمه الأب والله اعلم اذا كان ابنك كلامه صح ولا لا بقولكم ايه احنا نستنا لما بابا بيجي ويشوفلنا صرفه فيك ي سي ماجد

_ سابهم ودخل عند ولاده : حبايب بابا وحشتوني 

_ فريده الكبيرة اتكلمت : وانت كمان ي بابي وحشتنا اوي 

_ بإستغراب : مالك ي استاذ ادم لاوي بوزك ليه 

_ بزعل طفولي : عشان انا زعلان منك 

_ براء ضحك : وزعلان مني ليه ي حبيبي 

_ عشان …عشان انت مش بتقعد معايا وتيته مش بتخليني العب مع منتصر 

_ اممممم دا انا قلبي جامد بقي

راح ناحيته وشاله : حبيي انا بكون ف الشغل عشان اعرف اشتريلك اللعب اللي بتحبها انت وفريده

_ فريده : بابا ماما وحشتني اوي 

_ براء اتعصب بس حاول يسيطر علي غضبه قدام ولاده: فريده حبيبتي انتي عمرك خمس سنين يعني كبيرة كفاية انك تفهمي أن انا ومامتك اطلقنا بس حاضر هخلي عمو ماجد يتصل بيها عشان تقابلوها 

_ فرحت وحضنته : هييييه بحبك ي احلي بابي 

_ أنا كمان بحبك ي حبيبتي 

_ براء صالح ادم وقعد يضحك ويهزر معاهم وبعدين غيرلهم هدومهم وناموا (ادم عمرة تلات سنين )

بقلمي أميرة محمد محمود

_____________________

_ ليلي قامت بدري لبست وفطرت وراحت علي المدرسه اللي بتشتغل فيها 

_ وهيه ماشيه قابلت براء 

_ صباح الخير ي استاذ براء 

_…….

_  مردش عليها ف محطتش ف بالها ودخلت المدرسه سلمت علي المديرة لأنها معرفه قديمه وصديقة والدتها

_ ليلي بتدرس جغرافيا وبراء بيدرس فيزياء ، خلصت يومها ومشيت عادي وهيه طالعه علي السلم قابلت ماجد 

_ جايه منين ي هانم ؟

_ أنت غبي يلا 

_ متلمي لسانك الزفر ده 

_ بقولك ايه ابعد عني مش نقصاك 

_ مسمعش منها وقرب عليها جامد و ….

_ انتوا بتعملوا ايييييه ؟؟؟

يتبع …..