Uncategorized
رواية اضطراب الفصل الأول 1 بقلم مريم محمود
رواية اضطراب الفصل الأول 1 بقلم مريم محمود
 |
| رواية اضطراب الفصل الأول 1 بقلم مريم محمود |
رواية اضطراب الفصل الأول 1 بقلم مريم محمود
أرجوكي ساعديني .
*مش هعرف يا مريم هوا دا قدرك لو كان بإيدي حاجه كنت عملتها .
مريم :طب فكري اتصرفي متخليهمش يحكموا عليا بكدا انتي مش بنت عمتي انتي اكتر من اختي يا نورا ولو كنتي في نفس موقفي كنت ساعدك .
نورا :يااااربي ..طب فكري هتعملي ايه ؟.
مريم :بصي انا جتلي فكره .
نورا :ايه ؟.
مريم :انتي هتلبسي البس اللي هما جايبينه دا وانا هاخد لبسك البسه هما مش هيعرفوني و هخرج من هنا وامشي ولما هيشفوكي هيسبوكي .
نورا :طب افرضي حد شك فيكي أو شاف وشك .
مريم :هلبس كمامه أو احط الطرحه على وشي بس اخرج من هنا .
نورا:طب هتعملي ايه لما تخرجي انتي لو تعرفي حد هنا اكيد هيجبوكي منه وساعدها هيخربوا حياتك بجد .
مريم :متقلقيش انا هخرج من هنا واخد اي عربيه وهروح عند ماما ولما تعرف اللي حصل اكيد مش هتسبني .
نورا :طب يلا بسرعه قبل ما يبعتوا حد يقعد معانا .
__________________________
صفيه :نفسي افهم انت تاعب نفسك ليه يا سيف انت وحبيبه .
سيف :تعب ايه بس يا تاتا وبعدين شكلك كدا بطرقينا .
صفيه :انا اقدر برضو دا أنا اتمني تفضل معايا العمر كله دا انت ابن الغالي انت واختك .
سيف :طب ما توافقي بقا وتيجي تقعدي معانا بدل ما انتي قاعده لوحدك كدا ببقي خايف عليكي .
صفيه :متخافش عليا وبعدين انا قولتلك اني لو خرجت من هنا اموت .
حبيبه :بعد الشر عليكي يا تاتا وبعدين شكل كدا البيت بتاعنا مش عاجبك .
صفيه :انا قولت كدا البيت بتاعكوا حلو بس انا اتولد هنا واتجوزت وخلفت هنا وهفضل هنا لحد ما اموت .
سيف :برضو يا تاتا مصممه على رأيك .
صفيه :ايوا انت تعبتي انت واختك ..شوفي ولادك يا زينه .
زينه :خلاص بقا سيبوها براحتها وبعدين دا انتوا بتنطولها كل اسبوع وممكن كل يوم يبقي خلاص بقا .
سيف :خلاص يا تاتا هنسيبك دلوقتي بس هتيجي معانا ..احنا هنمشي بقى عاوزه حاجه .
صفيه :عاوزه سلامتك يا حبيبي .
باس ايديها ومشيوا .
__________________
نورا :هااا خلصتي .
مريم :ايوا خلصت اهو …كدا حد هيعرفني .
نورا :لاء محدش هيعرفك كدا ..المهم خلى بالك من نفسك واجري على قد ما تقدري وامشي من هنا متخليهومش يشفوكي .
مريم :حااضر ربنا يخليكي ليا مش عارفه من غيرك كنت هعمل ايه .
نورا :مش وقته وانا كسرت شريحه تلفونك عشان ميعرفوش يوصلولك يلاا بسرعه .
فتحت الباب وخرجت بكل هدوء ومحدش حس بيها لحد ما وصلت للباب بتاع البيت وخرجت تجري بسرعه .
__________________
في العربيه
سيف :انا مش فاهم ايه سر ارتباط تاتا بالمكان دا من حلاوته ليه مش عاوزه تيجي تقعد معانا في الفيلا بدل ما هي قاعده في المكان دا ببقا خايف عليها ل حرامي يدخل عليها وهي لوحدها .
زينه :خلاص بقا يا سيف وبعدين مش انت حاطط ناس تشوفها وتطمن عليها يبقي خلاص .
سيف :برضو يا ماما مش هعرف اطمن عليها غير وهي معانا يعني مش كفايا بابا اللي راح مننا تبقي هي كمان .
حبيبه :خلاص بقا يا ركز في السواقه احسلك .
_________________________
في البيت
خالد :هي اتأخرت كدا ليه .
عاصم :اكيد بتجهز يعني انت عارف البنات بيقعدوا سنه اعقبال ما يخلصوا ..قومي شفيها يا حاجه .
قامت عشان تدخل الاوضه لاقتها قاعده على السرير ومغطيه وشها .
إلهام :مالك حاطه وشك في الارض كدا ليه ..وبعدين انتي لاحقتي تخسيى بسرعه كدا .
شالت الطرحه من على وشها ملقتهاش هي اصلا
إلهام لصدمه : يخربيتك البت فين وتديها فين انطقي .
نورا :هربتها من هنا مش هسبها تدفع هي تمن اخطأكوا .
إالهام : يخربيتك خليكي هنا خالك لو شافك هيموتك .
نورا :مش هيقدر يعملي حاجه .
خرجت من عندها وراحت ليهم تاني .
خالد :اومال هي فين مجتش معاكي ليه .
إلهام:اصل ب بصراحه …هربت .
عاصم بصدمه :ايييه ..انزل دور عليها بسرعه يا خالد هي اكيد ملحقت تخرج من هنا يلااااا .
كانت بتجري في الشارع ومش شايفه قدامها كل اللي بتفكر فيه أنهم ميلحقوهاش ….وهي بتجري مخدتش بالها من العربيه اللي قدامها وملحقتش تجري وخبطت فيها .