Uncategorized
رواية حورية الفارس الفصل الثامن 8 بقلم أمل السقا
رواية حورية الفارس الفصل الثامن 8 بقلم أمل السقا
 |
| رواية حورية الفارس الفصل الثامن 8 بقلم أمل السقا |
رواية حورية الفارس الفصل الثامن 8 بقلم أمل السقا
&______فى الحفلة عند والدة حور و راضي وشهد.
راضي بتفكير: بس ليه حور عايزة تشتغل في شركة تانيه غير شركات والدها وبعدين دي هتبقى دكتورة ايه فهمها في امور الهندسه والبيزنس والكلام ده؟
حنان: حور لكا والدها اتوفى وهي في الثانوي راحت فعلاً تشتغل فى الشركه بتاعته وكانت مقرره انها هتحاول تمسك كل شغل باباها الله يرحمه “اتنهدت” بس من أول يوم راحت فيه مرتاحتش هناك بسبب تصرفات حازم ابن عمها انت عارف طبعاً انه كان ماسك كل حاجه لعاصي ولما عاصي اتوفى محدش ينفع يمسك الشركه غيره عشان كده احنا سلمناله الامانه بس حور مرتاحتش عشان كده معتش راحت وعلى الرغم من انه اتكلم معاها كتير عشان تفضل معاه بس انا مش عارفه ايه اللي حصل لدرجة انها تكره حتى تخطي الشركه برجليها ومن ساعتها حازم بيحاسبني على كل حاجه في الشركه وبقا شريك فيها وحور مش ناقصها حاجه والله واحنا حياتنا حلوه والحمد لله بس هي وندى قرروا يشتغلوا فى شركات برضو وانا ملقيش احسن من حضرتك عشان استأمنه علي بناتي.
رضوان باقتناع: تمام يا حنان ان شاء الله تخلي حور تيجي بعد بكرة للعنوان ده (……….) هي وصاحبتها وان شاء الله خير. “بس قاطعه فى الكلام جاسر”
جاسر بمقاطعه: حور بس يا عمى راضي احم احم قصدي يعني ان حور تشتغل فى الفرع بتاع فارس وندى ممكن تشتغل فى الفرع بتاعي انا كده كده كنت محتاج سكيرتاريه لمكتبي فلو حضرتك يعني معندكش مشكله انا.
راضي بمقاطعه وضحكه: اهدى اهدى خلاص ندى معاك وحور مع فارس واياك اي حد يتعرضلهم “وسمعو صوت دوشه ظهر فجأه وصريخ”
حور وهي ماشيه خبطت فى حد والعصير اللي فى إيدها كله اتدلق عليه.
حور بشهقه وخوف من نظرة الشر والغضب اللي فى عيون ليلي.
حور: ا.. اا.. انا اسفه والله بجد مكانش قصدي اقسم بالله.
ليلي بصوت عالي وتكبر: انتي انسانه متخلفه وقليلة زوق وبصت على نفسها وقالت شايفه عملتي ايه في الفستان يا حيوانه انتي عارفه انا جايباه بكام ده احنا لو بعناكي مش هتجيبي تمنه.
ندى وهي بتحاول تهدى حور: يا مدام احنا قولنا احنا اسفين وهي اكيد مش قصدها يبقى ملوش لزوم الكلام ده بقا.
ليلي بقلة زوق: اسفين؟ اسفين على ايه يا متخلفه انتي كمان الفستان باظ هعمل ايه انا دلوقتي بقا انا اشترى فستان بالشئ الفلاني عشان احضر بيه الحفله وتيجي واحده من الشارع تبوظه كده؟”وجهت كلامها لحور”.
حور وهي بتصك على سنانها: يا بنت النااس انا خلقي ضيق بلاش تخليني اعملها معاكي انتي جيبتي اخري وعموما انا اسفه تاني. ولسه هتدير بس ليلي مسكت ايدها ولفتها ليها.
ليلي: انتي رايحه فين استني هنا؟انتي متخيله انك هتقعدي هنا لحظه كمان انا هجيبلك الامن اللي بره ييجو يرموكي فى الشارع على عملتك دي انتي اصلا اخرك الشارع شكلك ميقولش انك دخلتي اماكن نضيفه زي دي عشان كده كنتي مستغربه جمال المكان وبتلفي حوالين نفسك ومين عالم ده ممكن كمان تكوني بتفكري تسرقي حاجه وانتي مروحه”بس محستش غير بالقلم اللي نازل على وشها من راضي اللي هو عمها يعني ليلي بنت عم فارس وبتحبه جدا وشكلها جميل على فكره بس حور اجمل، بنت متكبره وشايفه نفسها قوي وعندها 23 سنه”
راضي بغضب: انتي بنت قليلة زوق وقليلة ادب مينفعش تتكلمي مع حد بالطريقه القذرة دي يا خسارة تربيتي فيكي.
ليلي لسه هتتكلم وتدافع عن نفسها.
راضي بمقاطعه: بس اخرسي مش عايز اسمع صوتك اتفضلي من قدامي كلامي معاكى بعدين اتفضلي “وليلي مشت وهي بتتوعد لحور”
راضي لحور: انا اسف يا حور يا بنتي على الطريقه اللي كلمتك بيها مش عارفه اقولك ايه والله.
حور بابتسامة وهي بتتوعد فى سرها للمهرج اللي مشت من قدامها دلوقتي: ولا يهمك يا عمو حصل خير وانت اكيد هحاول اصالحها لاني برضو بوظتلها هدومها.
راضي بابتسامة: ربنا يراضي قلبك يا بنتي.
“حنان وحور وندى سلموا على كل الموجودين وفارس سلم عليهم وبص لحور من بعيد بس متكلمش معاها وهي زعلت قوى من موقفه ده وكل واحد راح بيته وشاهي وحور وندى بقوا صحاب”
&______عند فارس.
شاهي بغيظ: انا مش عارفه ايه البت المتخلفه دي حاجه آخر قرف والله كان نفسي اضربها.
فارس بضيق: مهي اكيد مش قصدها كل اللي حصل ده يعني يا شاهي متكبربش الموضوع.
شاهي بانتباه: مش قصدها؟!!! مش قصدها ازاي يعني انت بتهزر يا أبيه دي هزقت البت واهانتها جامد جدا لا ومش بس كده دي بتطردها كمان.
فارس: استني بس هو انتي قصدك علي مين؟ ليلى ولا حور؟
شاهي: قصدي علي ليلي طبعاً لأن هي اللي غلطانه.
فارس: بس المفروض ان ليلى دي بنت عمك المفروض تدافعي عنها مش تدافعى عن واحده متعرفيهاش اصلا و ولا شوفتيها غير مره.
شاهي بشرح: لا يا أبيه انا اعرف حور دي مش أول مره اعرفها دي قمر قوي فاكر يا ابيه البنت اللي جابتلي شنطتي من الحرامي وضربته؟
فارس بدهشه: ايوه…. اوعي تكون حور هي؟؟؟!
شاهي: هههههههه ايوه الله ينور عليك هي حور البنت دي والله لو ليلى لا كانت راحت تشكره هي اصلا مش بتطيقني غير عشان انا اختك وهي شكلها كده منمرة عليك هههههههه “قالتها بغمزة”.
فارس بضيق: والله ما خايف غير من كده.
راضي نزل من فوق وقعد مع شاهي وفارس.
راضي: فارس على فكرة حور هتجيلك بكره الشركه عشان تشغلها معاك اوعى تزعلها يا فارس دي بنت اغلى صديق على قلبي.
فارس بصدمه: ازاي يعني؟ حور انا سمعت انها فى طب ازاي هتشتغل فى شركة استيراد وتصدير مش فاهم؟
راضي بتنهيده والله يا بني ما عارف وهي اصلا عندها شركه ابوها بس فيه حاجه غلط هناك لان حنان قالتلي”……………” وانا متأكد ان فيه حاجه حصلت مع حور هناك من ابن عمها ده عشان كده كرهت انها تروح وممكن احنا نساعدها تاخد خبره وتعرف تدير شركة والدها.
فارس بتفكير ماشي يا بابا انا هشوف الدنيا كده متقلقش.
&____عند حور.
حور بضيق: يا ماما ما انا اعتذرتلها والله كتير بس هي اهانتني جدا انا عمري ما حد اتكلم معايا بالاسلوب ده قبل كده وتقوليلي اعتذرلها تاني؟
حنان بهدوء: يا بنتي هي اتعصبت برضو عشان شكلها كان وحش وبلاش تزعلي حد منك يا حور يا بنتي ربنا يهديكي يارب ويحبب فيكي خلقه.
حور بعصبيه: يا ماما هو ليه دايما بتحسسيني ان انا من قوم قريش ودايما انا الغلطانه وانا اللي لازم اعتذر.
حنان بابتسامه: يا حور يا حبيبتي محدش ضامن عمره وبعدين الاعتذار لغة العظماء ولما تغلطي وتعتذري ده مش هيقلل منك أبداً بالعكس ده هيخلى الناس تحترمك اكتر.
حور: حاضر يا ماما هصالحها عشان انا بس طيبه “قالتها بخبث وبعدين بصت لندى”.
حور: إيه يا انسه ندى ساكته ليه ما تقولي حاجه؟
ندى بانتباه: بقولك يا حور انا هروح بكره اسحب مبلغ كده من حسابي عشان عايزة اشترى شوية لبس لزوم الشغل وكده هتروحي معايا صح؟
حور: شغل ايه مش فاهمه؟
ندى بتذكر: يييييي نسينا نقولك ان ماما حنان كلمت عمو راضي يشغلنا معاه زي ما انتي كنتي عايزة وانتي هتبقى مع فارس وانا مع جاسر وعايزه اشترى حجات لبكره ها قولتي ايه؟
حور بابتسامة:……….
&_________فى بيت أنس.
سها بعصبيه: انتي بتقولي ايه؟ يعني ايه سافر من تلات ايام وازاي يسيبني ده اخد كل فلوسي معاه.
ابتسام والدة انس: والله بقا ده اللي حصل وياريت تتفضلي ومتجيش هنا تاني وابقي اعدلى لبسك شويه ياريت يعني وبصتلها بقرف” لان سها كانت لابسه تيشيرت فوق الحزام وجزء من بطنها باين وكانت باللون البينك ولابسه معاها تنورة قصيرة جدا باللون الاسود وحاطه ميكب كتير جدا وفاردة شعرها “
سها زقت ابتسام بخفيه شويه بس هي اتحركت بسرعه عشان هي ست كبيره وقوة سها اكبر بكتير من قوة ابتسام ودخلت تدور عليه فى البيت كله وملقتهوش وابتسام ماشيه وراها بتوبخها وتشتمها عشان دخلت البيت من غير ما تسمحلها.
سها وهي خارجه: اسمعي يا ست انتي قولي لابنك المحترم ان سها المصري مش بتسبب حقها واقسم بالله لاندمه على اليوم اللي اتولد فيه. “وسابتها ومشت وهي مش طايقه نفسها”
ابتسام بضيق: فى داهيه البحر اللي يودي يا حبيبتي. “وقفلت الباب بعصبيه كبيره ودخلت تكلم انس وتقوله اللي حصل”
&_____تاني يوم في البنك.
الموظف: حضرتك مفيش أي فلوس بإسمك هنا دول اتحولوا كلهم امبارح.
ندى واقفه ومصدومه ومش بتتكلم.
حور بعدم فهم: اتحولوا ازاي يعني معلش تفهمني.
الموظف: يا فندم حساب الانسه كان حساب مشترك باسمها واسم والدها و والدها امبارح حول كل الفلوس باسمه لوحده ولغى الشراكه دي يعني هي كده ملهاش حق انها تسحب فلوس.
ندى بدموع وصدمه كبيره: يبقى بدأ في تنفيذ كلامه ………. “وأغمى عليها”
حور بخوف: نداااااااا….