رواية أقتحمت قلبي حورية الفصل الثالث عشر 13 بقلم هاجر أحمد
رواية أقتحمت قلبي حورية الفصل الثاني عشر 12 بقلم هاجر أحمد
 |
| رواية أقتحمت قلبي حورية الفصل الثاني عشر 12 بقلم هاجر أحمد |
رواية أقتحمت قلبي حورية الفصل الثاني عشر 12 بقلم هاجر أحمد
رعد
خرج من البيت وهو في قمه عصبيته ركب عربيته ومشي باقصي سرعه لحد موصل فيلا
الشهاوى وداخل بكل كبرياء وتكبرونزل من عربيته ووقف فى نص البيت وبصوت
عالى
رعد: انت فين يا ابن الشهاوي
محمود الشهاوى: اي المهزله والدوشه دي
رعد: منتا لو عارف تربي ابنك مكنتش هتبقا دي النتيجه
محمود بتوتر: رعد باشا السيوفي خير يا باشا
رعد: هو اللى يبقا عنده خلفه سوداء زي ابنك يشوف الخير
محمود: فهمني طيب يا باشا ايه اللى حصل
رعد: ابنك رامي فين
محمود: طب رامي عامل ايه
رعد بعصبيه: مش هعيد سوالى تاني ابنك فين
محمود: مش عارف لسه مرجعش البيت
رعد بستهزاء: ونعمه التربيه
رعد لسه هيكمل كلام لكن عربية رامي دخلت من الباب الرئيسي للفيلا ونزل منها رامي وكان سكران ونزل من العربيه بيطوح
رعد: انا مش قولت ونعمه التربيه
محمود: طب افهم بس يا باشا رامي عمل ايه لسيادتك
رعد
بغضب وصوت عالى: ابنك ابن الاصول والاكابر اتعدي على اختي ولما وقفت فى
وشه ضربها بالقلم وحيات القلم اللى ضربهولها لخليك تبكي عليه دم
محمود بخوف: حقك عليا يا باشا ده طيش شباب وهو ولد مستهتر وقليل الادب وانا هربيه
رعد: تؤتؤ لو انت معرفتش تربيه اربيهولك انا
رعد ضرب رامي بالقلم وقعه على الارض
رعد: ده بدايه عقابك
محمود بتوسل: ابوس ايدك انا معنديش غيره متاذيهوش
رعد: خايف عليه يبقا تيجي انت وهو تركعو قدام اختي ولو سمحتو ساعتها ابقا اسيبو
محمود: وانا موافق اعتذرلها وابوس ايدها كمان
رعد: طب يلا مستني ايه وريني عارف عنوان قصر السيوفي ولا تحب اوصلك انا
محمود: اتفضل انت يا باشا فى عربيتك وانا هاجى وراك بعربيتي
رعد: هنشوف
فعلا اتحرك رعد بعربيته و وراه محمود ورامي بعربيتهم ووصلو قصر السيوفى
دخل رعد القصر وبصوت عالى نده على كل اللى في البيت
واتجمعو كلهم
فريد: في ايه يا رعد
رعد: هتعرف كل حاجه دلوقت يا بابا،نور تعالى قربي
قربت نور من رعد وكان باين عليها الخوف ومسكت فى رعد
رعد: قرب يا ابن الشهاوى وريني رجولتك اللى كنت بتظهرها فى الكليه
رامى بخوف: انا اسف يا نور
رعد: اسمها انا اسف يا نور هانم
رامي: انا اسف يا نور هانم
محمود: انا اسف يا نور هانم بس العيب على تربيتي سمحيه
رعد: نور اضربيه بالقلم زي مضربك
نور بخوف: لا يا رعد خلاص حصل خير
رعد بعصبيه: بقولك اضربيه زي مضربك
نور بدموع: خلاص يا رعد حصل خير كفايه اللى انت وياسين عملتوه
رعد سحب سلاحه وحطه على راس رامي
محمود بتوسل: ابوس ايدك بلاش يا رعد بيه سيبه وانا هعمل كل اللى حضرتك عوزه
فريد بعصبيه: رعد ايه اللى انت بتعمله ده نزل سلاحك
رعد: لو نور مضربتهوش بالقلم وخدت حقها انا هخدلها حقها بس بطرقتي انا
ياسين: اسمعي كلام رعد يا نور
جاسر: خلاصي يا نور رعد عصبي وممكن يقتله بجد
نور قربت من رامي ورفعت ايدها بكل خوف وضربته بالقلم ورجعت استخبت فى ياسين
رعد نزل سلاحه وضرب رامي بالقلم
رعد:
كده الجزء الاول من العقاب خلص الجزء التاني بقا يا محمود يا شهاوى اولا
مفيش كليه فى مصر هتقبل ابنك يعني لو عوز تخليه يكمل تعليم يبقا اصرف بقا
يا ابن الشهاوى وسفرو بره ثانيا كل العقود والشغل اللى بين شركه السيوفي
وشركه الشهاوى اعتبره اتفض
محمود: بس كده خراب بيوت يا رعد باشا وانا مش حمل الخساره دي بسبب عيل طايش
رعد: منتا لو مربيه صح مش هيحصل كده
محمود: بس
رعد: لو لسه باقي على عمر ابنك خده وامشي من هنا
محمود: حاضر يا رعد باشا
محمود ورامي مشيو ورعد راح باس راس نور
رعد: حقك رجع وزياده
نور: مكنش لي لازمه كل ده يا رعد
رعد: لا لي يا حبيبتي اللى يمد ايده عليكي امحيه من على وش الدنيا
نور: ربنا يخليك ليا يا رعد
رعد: ويخليكي يا حبيبتي
فريد: بس العقاب جامد عليهم اوي يا رعد
رعد: يستاهلو عشان يعرفو ان عيله السيوفي خط احمر
ياسين: طب انا عوز اقول حاجه
جاسر: حاجه ايه
ياسين: بما ان كلكو متجمعين عوز اقولكو حاجه عشان مش هقدر استنا لبكره
رعد ابتسم: حاسس اني عرفت ايه هي الحاجه دي
ياسين: بالظبط هي، عمي فريد بعد اذن حضرتك انا بحب نور وعوز اتجوزها
نور اتكسفت ووشها احمر واستخبت وراه رعد ورعد ضحك على تصرفها
فريد: والله يا ياسين مش هلقي احسن منك ل نور بس نشوف رايها الاول
رعد: انت مش شايف وشها ولا ايه يا بابا وشها الاحمر ده لوحده جواب
جاسر: عندك حق تحس ان مكتوب على خدودها موافقه
ياسين: المهم اجابتك انت يا عمي
فريد: والله انا معنديش مانع
ياسين بفرحه: يعني اتصل ب ماما وبابا ومايا ينزلو مصر عشان نرتب للفرح
فريد: على خيره الله
رعد باس راس نور: الف مبروك يا اميرتي
نور: الله يبارك فيك يا حبيبي
ياسين بغيره: احم انا هنا
رعد: بس يالاه
ياسين: حاضر يعم متزقش
رعد: انا هطلع انام عشان فصلت تصبحو على خير
كلهم: وانت من اهله
اليوم خلص بتعبه ومشاكله وفرحه وحبه وهيبدا يوم جديد بكل تفصيله
في اليوم التاني قدام الشركه معاذ كان بيوصل حور واتقبلو هما ورعد
رعد: صباح الخير
معاذ: صباح النور يا رعد باشا
حور: صباح النور
رعد: جيتي ليه يا حور انتي تعبانه
حور: لا والله انا كويسه
رعد: الحمدلله،ازيك يا معاذ باشا
معاذ: الحمدلله يا باشا انا كنت بوصل حور قبل مروح استلم شغلى الجديد
رعد: انت اتنقلت
معاذ: اه اتنقلت قسم اكتوبر
رعد: كويس كل اللى فيه كفاءه وكويسين لو احتاجت حاجه كلمني
معاذ: تسلم يا باشا، يلا استاذن انا مع السلامه
حور: سلام
رعد: سلام
معاذ مشي وحور ورعد كملو مشي ودخلين الشركه
رعد: متاكده انك بقيتي احسن
حور: الحمدلله والله كويسه
رعد: خدتي الدواء اللى الدكتور كتبهولك
حور: اه الحمدلله
رعد: الحمدلله عوزك متشتغليش كتير النهارده ومتتعبيش نفسك تمام
حور: حاضر
حور
كانت مبسوطه وفرحانه من جوها وهي شايفه اهتمام رعد بيها بس كان في صوت
جوها بيقولها فوقي يا حور انتي فين وهو فين عشان يحبك ولا يبصلك بس صوت
قلبها كان اعلى الحب مفيهوش الكلام ده يا حور القلب لنا بيدق لحد بيدقله
عشان لقا الصفات والروح اللى كان بيدور عليها ملهوش علاقه بمنصب ومال وجاه
حور في نفسها: طب وبعدين بقا فى الموضوع ده
رعد: حور يا حور
حور: هاا نعم
رعد: سرحانه في ايه
حور: ها لا ولا حاجه
رعد: طب يلا نطلع
حور: حاضر
فى قصر السيوفى نور قاعده فى الجنينه وبتكلم مايا فيديو كول
نور بفرحه: انا مش مصدقه يا مايا بقا الحلم اللى بحلم بيه بقالى سنين هيتحقق اخيراً وهتجوز ياسو
مايا: والله لما عرفت فرحتلكو اوي،واحنا اللى كنا ظالمين الواد ياسين وكنا مفكرينه مبيحبكيش ومعتبرك اخته
نور: طلع بيحبني من سنين فاتو
مايا: الحمدلله يا حبيبتي ربنا يخليكو لبعض وميحرمكوش من بعض ابدا
نور: يارب ويخليكي لينا ويلا بقا انتي انزلى في اسرع وقت عشان تحضري معايا كل حاجه
مايا: اكيد طبعا بابا حجزلنا تذاكر الطيران وكلها بكره وابقا عندك يقلبي
نور بفرحه: توصلو بالسلامه يقلبي
مايا: الله يسلامك يروحي،يلا بقا انا هقفل عشان اقوم احضر شنطتي
نور: ماشي يا روحي باي
مايا: باي
نور قفلت اللاب توب ولسه بتحطه جه ياسين وحضنه من ضهرها
نور بعصبيه: بس يا ياسين ابعد
ياسين بستغراب: فى ايه يا نور
نور: فى ان احنا لسه مكتبناش الكتاب واي تجاوز زي ده مينفعش يا ياسين حرام
ياسين: عندك حق انا اسف بس انتي وحشتيني عشان كده حضتنك
نور: ولا يهمك بس بلاش التصرفات دي لحد منكتب الكتاب
ياسين: تحت امرك يا فندم
نور ضحكت: هههه بحبك
ياسين: واناكمان بحبك وبموت فيكي يا نور حياتي
يتبع …
لقراءة الفصل الرابع عشر : اضغط هنا
لقراءة باقي فصول الرواية : اضغط هنا