Uncategorized
رواية أنتي نوري الفصل العشرون 20 والأخير بقلم سارة أبوسليم
رواية أنتي نوري الفصل العشرون 20 بقلم سارة أبوسليم
 |
| رواية أنتي نوري الفصل العشرون 20 بقلم سارة أبوسليم |
رواية أنتي نوري الفصل العشرون 20 والأخير بقلم سارة أبوسليم
محمد : روحت للقياده وقال إني في قلق حصل وقدرت القياده ترصد اني كان في تكفيريين عاملين كمين بمكان رجوعهم
نورا : نعم وبعدين وبعدين
محمد : في واحد صاحبي جوه أنا وسلم غمزلي وقالي اخرج دلوقتي
نورا : خير خير وفضلت تعيط وتدعي
محمد : خليكي معاها يا فاطمه وانا هدخل اشوف في جديد
فاطمه : حاضر
محمد : اي يا علي
علي : بص يا سيدي كان في قلق ع الطريق البري فسليم قال للفريق بتاعه وبلغ الكل أنه جاي من الطريق البري و اتحرك لحد نص الطريق ودخل من طريق تاني كان في سفن مستنياه في البحر وسلك الطريق البحري وهو حاليا ع طريق الإسماعيلية هيوصل بعد ساعه قل ربع
محمد : الحمدلله الحمدلله يارب
خرج محمد يجري
نورا : اي في اي في اي
محمد : سليم هيوصل الإسماعيلية بعد ساعه قل ربه لزم نروح
نورا : بجد يلااا بس مش هو كان جاي هنا اي حصل
محمد : اركبو وانا هحكيلكم كل حاجه
نورا : حاضر حاضر يلا
وقفت نورا ومحمد وفاطمه مستنين سليم بفارغ الصبر كانو اصعب دقائق ع نورا لحد ما وصلت سفن كتير وخرج منها الجنود
نورا : فين سليم محمد فين سليم
محمد : مش عارف
والجنود عماله تخرج وتمشي
نورا : سليم سليييييم وفضلت تجري وتدور عليه
عمر عمررر فين سليم بصلها عمر ومشي
نورا : رد عليا سلييييم
فضلت نورا تجري وتدور عليه سليم سليم
سليم انت فين انت قولت انك هتيجي سليم لا يا سليم أنت جاي يا سليم متوجعش قلبي يا سليم سليييم وفضلت تجري لحد ما وصلت السفينه وطلعت
ممنوع يا استاذه
سليييييم يا سليم
سليم تعالي يا سليم هموت
سليم لا يا سليم ونبي تعالي
يا ماماااااااا يا ماماااااااا
يا ماما سليم يا ماما
سليم تعالي
جيت اهو
نورا : سليم ???? وجريت عليه
نورا : ليه عملت كده ليه مجتش ع طول
سليم : اي كنت بنظم العساكر بعدين لقيتك بدوري عليا فقولت اتفرج عليكي شويه
نورا : بتشوفني ومبسوط وانا كنت هموت افرض قلبي وقف
سليم : تؤ تؤ قلبك مش هيقف عشان انا قلبك
نورا : اي ????
سليم : انا قلبك ولا انا مش قلبك ارجع ولا اي
نورا : اكسفت وسكتت
سليم : مسك أيدها بصي يا ستي انا كنت خايف اجوز قبل ما اعرفك وبعد لما عرفتك خوفت اكتر خوفت لاني حبيتك
نورا : ااي ????
سليم : شششش خليني اقول الكلمتين
نورا : احم سوري كمل
سليم : كنت بقول اي يا نوري
نورا : كنت بتقول اني حبيتك
سليم : لما حبيتك يا نوري خوفت اكتر خوفت آذيكي أو اجرحك خوفت اموت حياتك تبوظ خوفت اموت بعد ما تحبيني وتنجرحي خوفت يبقي جوزك ميت وعيالك أيتام انتي تستاهلي احسن عيشه واحسن راجل واحسن عيال كل وجعك اللي انا كنت السبب في ده بسبب خوفي عليكي بس خوفي ده نساني اني كل واحد لي عمر وهيموت حتي ع سريره
قفلت نورا أيدها ع ايده اكتر وابتسمت وعيونها اللي مليانه دموع نزلت وهي مصدومه وفرحانه اوي
سليم كمل كلام : انا كنت خايف آذيكي يا نوري بس بعدي عنك هياذيكي وهياذيني انا مش هعرف اكمل من غيرك أو اعيش انا اليوم اللي بغيبه عنك بكون حاسس اني ماشي تايهه من غير روح بحس جسمي تقيل وحراكتي تقيله بحس مخي مش فيا ولما اشوفك روحي بتترد
( حقيقي في ناس كده كل ما نسبها نحس نفسنا جسمنا تقيل وعقلنا مغيب تحس انك حتي نفسك اللي بيطلع منك تقيل وتحس انك لما بتشوفه روحك بتترد وتحس انك عايز تفضل تنط وتجري تحس اني نفسك مكتوم ولما اشوفك يرجع نفسك ليك تاني )
سليم : انا عايزك تعيشي معايا عمري كله انا بحبك يا نوري ومقدرش اعيش من غيرك
نورا : سليييم
سليم : ايوه بحبك يا نوري ومش هبعد عنك ابدا ابدا
نورا : وانت بحبك اوي
سليم : شالها ودوخها وانا بموت فيكي اوي يا نوررررري
نورا : مش هتبعد تاني
سليم : هو انا قدرت ابعد اولاني عشان ابعد تاني تعالي معايا اوريكي حاجه
القائد : رايح فين بس رايح فين خليك شويه كمان
سليم : اي ده حضرتك كنت واقف
القائد : ايوه واقف مذهول معقول ده سليم
سليم : بص لنورا سليم حب
القائد : ربنا يحميكم لبعض يارب يا حبيبي
سليم : ويحفظك يارب بعد ازنك
سليم : تعالي يلا
نورا : ع فين
سليم تعالي بس
سلم ع محمد وفاطمه وخد العربية وراح هو ونورا لمكان بعيد
سليم : انزلي يا حبيبتي هنا
نورا : اي ده احنا فين
سليم : قوليلي عضمك ناشف
نورا : اي ده ليه
سليم : اعصابك حديد
نورا : في اي يا سليم
سليم : بتتسلقي المرتفعات
نورا : لا
سليم : تمام يلا بينا
نورا : ع فين سليم سليم
مسك أيدها وطلعو فوق جبل وقعدو في مكان كله صخور و شجره
نورا : بصي بقي يا ستي ده المكان اللي كنت بشوفك في ع طول كنت باجي هنا من وانا صغير وقبل ما تقبل في الشرطه وكل لما ازعل اجي هنا وكل ما احب اقعد مع نفسي اجي هنا كل ما احس اني وحيد باجي هنا مكنش عندي صحاب زمان وكنت كاتب اسمي هنا اهو سليم
ولما عرفت كتبت اسمك جنب اسمي ودعيت ربنا حتي لو انتي مش من نصيبي ربنا يكتبك ليا بصي في ضهر الشجره كده
نورا : الله مرجيحه
سليم : انا عملتها وقفلتها بالكلابشات عشان لو حد جي مش يتمرجح عليها انتي اول وحده لزم تقعدي بعدين هنسيبها لكل العشاق دعيت ربنا انك لو من نصيبي هجيبك هنا واقعدك عليها وامرجحك وانا بقولك تجوزيني
نورا : اي
سليم : تتجوزيني وتبقي مراتي وان عيالي وتبقي شرفي وعرضي وسري وامي واهلي تبقي دوايه وحريتي وراحتي تبقي وطني وكل ما ليا
نورا : موافقه
سليم : اتفضلي يا هانم ع المرجيحه
نورا : تمام يا فندم
سليم : وانا من اللحظاتي بقولك اني بحبك اكتر منك انتي اللي عشانك بكتب شعر انتي اللي عشتها بغنننني تتجوزيني مش عايز غيرك في الحياه اوعي تسبيني من غير ما اتكلم انتي بتفهميني عشانك اطول السماء أو حبيتي تتجوزينيييني
نورا : انا بحبك اوي
سليم : وانا بموت فيكي اكتر يلا بينا
نورا : ع فين
سليم : ع بيتك
نورا : بيت مين
سليم : بيتك عايز اتقدملك
نورا : وبابا لزم تعرفه الاول
سليم : اسمعي ده
نورا : اي ده
سليم : اسمعي بس ( بصوت باباها ازيك يا حبيبتي عامله اي سليم حكالي ع كل حاجه وطلب ايدك مني وانا وافقت يا نور عيني وان شاء الله هيجي يتقدملك بكره )
نورا : اي ده بكره يا سليم
سليم : ايوه
نورا : بس انا مش هلحق
سليم : نوري تؤامر وانا انفذ ماما كلمت البنت اللي بتتعامل معاها في الفساتين وجهزتلك كوليكشن عروسه قمر
نورا : يا سوسه انت عملت كل ده امته
سليم : بصراحه فاطمه ومحمد ساعدوني ومحمد هو اللي صور الفيديو بتاع باباكي
نورا : وخبيته عليا
سليم : ايوه كانت مفاجاه
نورا : واحلي مفاجاه
سليم : يلا بينا نجيب الفستان والبدله
نورا : يلا يا بابا
وصلو هناك بالعربيه ودخلو يختارو اللبس
سليم : مساء الخير أنا سليم عامر
البنت : ايوه ايوه اتفضل الكولكشين جاهز
سليم : تمام
نورا : الله بص ده
سليم : جميل جدا يا حبيبتي
نورا : وده
سليم : لا التاني هيكون عليكي احلي
نورا : فعلا تمام هدخل اقيس
سليم : متتاخريش عليا
نورا : حاضر
وقف سليم بتفرج ع الفساتين
خرجت نورا وهي مكسوفه
سليم : حلو اوي عليكي
نورا : ميرسي انت احلي
سليم : بجد حلو اوي عليكي انا بحبك في الأحمر اوي
نورا : بس في بنت تلبس يوم خطوبتها احمر
سليم : ايوه انا بحبك في الأحمر والأسود وطبعا مينفعش تلبسي اسود
نورا : اممم يلا
سليم : لا خليكي وقفه كده شويه
نورا : يلا
سليم : حاضر يلا
نورا : كده بقي فاضل بدلتك
سليم : يلا يا عمري
نورا : يلا
سليم : تحبي لون اي
نورا : اممممم اسود
سليم : يلا بينا
نورا : دي ولا دي
سليم : اللي انتي شايفه
نورا : دي
سليم : يبقي يلا بينا
نورا : يلا
روح سليم نورا البيت وكانت واقفه حنان وفاطمه ومحمد تحت قدام البيت
نورا : انتو كنتو عارفين
طنط : كلو عرف بس انا عرفت بعد ما انتي مشيتي عشان لو كنت عرفت بدري حبه كنت اعترفت
نورا : وانتي يا فاطمه انتي ومحمد بردو كنتو عارفين
فاطمه : بصراحه اه واحنا رتبنا كل ده
نورا : ربنا يخليكم ليا
سليم : سمعت بنصيحتك اهو يا طنط
طنط : ربنا يسعد قلبك يا حبيبي
سليم : يلا بقي اللحق انا اروح عشان اليوم طويل بكره
طنط : مش انت اللي مستعجل
سليم : مينفعش اضيع دقيقه كمان
طنط : ماشي يا حبيبي ع خير يارب
سليم باي باي يا عروستي
نورا بكسوف : باي
روح كل واحد بيته وهو مش مصدق نفسه ونام وهو سرحان من التفكير وبيفكر في بكره
صحيت نورا جهزت هي وسليم وكان الكل فرحان بيهم جدا
فاطمه وهدير عند نورا جوه وسليم ومازن ومحمد وعمر مع بعض
عند نورا
هدير : وخلاص فاضل تكه تكه تكه
فاطمه : ع اخر السكه
هدير : لسه تكه ????
ساره : انا جيييييييييييت ضرب نار ليا بقي
نورا : يا روحي جيتي كنت خايفه متجيش ????????????❤️
سارة : انا أقدر يا روحي
نورا : وحشتيني اوي اوي
ساره : انتي اكتر يا عمري اي القمر ده
نورا انتي احلي يا حياتي
لولوووووي لولولولولي
اي الزغاريط دي
هدير : جم جم
وقفو صحاب نورا من البلكونه يشوفو العريس وهو طالع طلع الكل ما عدا مازن واقف في الشباك سرحانه
سليم : يلا يا معلم عروستي وحشتني
مازن باصص اوي وسرحان في شخصا ما كده قمر مسمسم كده
سليم : اي يا عم
مازن : جاي
طلعو فوق والكل قعد وفضلو يكلمو ونورا وصحابها في الأوضه
بعدين صحابها ونورا دخلو المطبخ عشان يحضرو المشروبات وخرجت نورت بالعصير عشان تقدمه
فوفا : بسم الله ما شاء الله صبرت ونولت يا ولاه
عامر : حقيقي يا حبيبي ربنا يهنيكم يارب
قدمت نورا العصير وقعدت جنب مامتها وسليم فضل يبص عليهم
ومازن عيونه جوه
عمر : بتبص غ اي يا معلم اااااه اللي لابسه موف
مازن : تؤ اللي لابسه كافي
عمر : ماشي حالها بردو
مازن : ضربه ع قلبه
بصلهم سليم وضحك وافتكر نفس الموقف في خطوبة محمد وفاطمه لما ضرب عمر عشان نورا
سليم : احم طبعا حضرتك عارف يا عمي انا جاي هنا ليه وتسمحلي إقرار كلامي تاني انا طالب ايد بنت حضرتك
عمو : رايك اي يا عروسة
نورا : بصت لسليم وضحكت اوي
ابو نورا: ع بركة الله
والكل زغرط يلا نقراء الفاتحه
مازن : طنط هو فين الحمام اغسل ايدي
طنط : ع اليمين يا حبيبي اتفضل
مازن : لا لا عليكي
عمر : خليكي يا حجه انا عارف الطريق
طنط : حجه روح يابني
عمر : تعالي انا جاي انوسك
مازن : لا خليك
عمر : هفضحك امشي
شاف عمر هدير واقف في الصاله فوقف استني مازن
ودخل مازن المطبخ ساره
مازن : ممكن اغسل ايدي
سارة : اتفضل ووقفت تعمل الشاي
مازن : اي متوتره ليه
سارة : اصل معرفش انتو بتشربو الشاب اي
مازن : انا هقولك يا ستي انا فين
سارة : انت اهو
مازن : مش قصدي قصدي كوبايتي ????
ساره : اه سوري اهي
مازن : اشمعنا انا التخينه
ساره : اللي انت عايزه
مازن : خلاص هاخد دي وعمر دي ابو سليم ومامته وسليم ومحمد بس كده اتفضلي
ساره : شكرا
مازن : اساعدك في حاجه تاني
عمر : من بره لا خدوم يا واد
ساره بكسوف : ميرسي
عمر : واقف مستني عامر
هدير : انا كلمتك
عمر : انا قولتلك انتي انا بقول لنفسي انتي نفسي
هدير : ????
مازن : يلا
عمر : حاضر يلا عايزه حاجه
هدير : ميرسي
عمر : قولي بس عايزه حاجه
هدير : هعاوز منك اي
عمر : براحتك
دخلو وبعدين طلب ابو نورا من الكل بسببهم يقعدو لوحدهم وخرجوا الصاله
عند سليم ونورا
سليم : مش قولتلك شكلك حلو اوي في الأحمر
نورا : انت اللي حلو اوي انهارده
سليم : بقيتي ليا
نورا : لسه بدري
سليم : انتي ليا يا نورا حتي لو اي حصل
نورا : اكسفت وبصت في الار ض
سليم : مش مصدق انك بقيتي خطيبتي وهصحي وانام ع صوتك انا كنت بشتاق لكل لحظه تجمعني بيكي انا كنت تعبان اوي وانتي بعيده عني
نورا : وبقيت معاك
سليم : وانا مش هسيبك تمشي ابدا يا نوري
بارت اضافي
انتي نوري ????
بارت اضافي عشان انا بحبكم جدا وانتم فرحتوني اوي بكلامكم وطلبته مني بارت كمان
في قراية فاتحة نورا وسليم
سليم : مش مصدق انك بقيتي خطيبتي وهصحي وانام ع صوتك انا كنت بشتاق لكل لحظه تجمعني بيكي انا كنت تعبان اوي وانتي بعيده عني
نورا : وبقيت معاك
سليم : وانا مش هسيبك تمشي ابدا يا نوري
في الصاله مع باقي العيله
مازن : اي يا حضرت الظابط عمر عملت اي في المهمه اللي كنت فيها
عمر : والله يا رائد مازن هزمنا الأعداء اوي وخرجنا من غير نقطه دم
ساره وهدير يبصو لبعض : امممم
مازن : ولا شوفت واحنا بنقبض ع التكفيريين ومحدش قدر يحاول معانا حتي
عمر : هو مين يقدر علينا اصلا يابني
ساره وهدير : امممم ????
مازن : بس حلوه التيشيرت ده اوي عليك مبين عضلاتك اوي كده
عمر : ايوه يا مازن بي وانت بردو التيشيرت بتاعك ده مظبط عضلاتك جدا انت غيرت الجيم ولا اي
مازن : لا هو الجيم بس انا عضلاتي بتكبر بسرعه ده حتي الكابتن كان منبهر اوي بيا ازاي انا كده
عمر : انت طول عمرك وحش يا خويا
مازن : انت اللي بطل الابطال
ساره : ها وبعدين
هدير : بس كده يا ستي
عمر : احم
طنط حنان : وانتم بقي صحاب سليم في الشغل
عمر : ايوه يا طنط
طنط : ربنا معاكم يا حبايبي يا تري بقي انتو كنتو متعقدين زي سليم
مازن بص لساره : لا لا يا طنط ده انا حتي عاطفي
طنط :بضحك : ربنا يوعدك يا حبيبي
مازن وهو بيبص ع ساره : امين يا طنط يسمع منك ربنا
عمر بص لهدير : وانا يا حجه وانا
طنط : وانت كمان يا حبيبي
عمر : يارب يا طنط سليم فتح نفسنا
مازن : ميييين ده انت دائما نفسك مفتوحه
عمر ضربه بكتفه : انا انا يابني انا اعرف نسوان غير امي وامك
مازن : لا لا ده انت سنجل خالص ده انا نفسي اشوفك مرتبط
عمر : يلا بقي ربنا يوعدنا
سليم : يوعدك بمين يا خويا
عمر بص لهدير : بعروسه
سليم : انت تجوز ده انا كنت ازغرط
عمر : هنولك اللي في بالك عشان بحبك
سليم : اني وحده بقي من نسوانك
عمر جز ع سنانه : هو انا اعرف حد يا غبي
سليم : بص لمازن
مازن : لا يابني احنا سناجل
بص سليم لساره وهدير : اه سناجل
ساره وهدير اتكسفه من التلميحات وقامو دخلو المطبخ يجيبو الفاكهه
دخلت نورا معاهم : في اي
هدير : الماسخ ده بيبصبصلي
ساره : وصاحبه التاني عمالين يقولو كلام من تحت لتحت قدام اهلك واهب سليم واحنا بنكسف
نورا : تحبه اقول لسليم
ساره : لا فكك يلا نحط الفاكهه والكيك
خرجو الفاكهه والكيك
ساره : وانتي وافقتي ع العريس يا هدير
نورا : عريس مين ؟
ساره العريس يا نورا اللي كان جاي لهدير
هدير : بفكر اوافق اه
ساره : ربنا يسعدك يا روحي
هدير : وانتي الولد اللي بيحبك من سنين ده اتقدملك صح
ساره : اه اه من بدري
بص مازن لعمر وسكته
ندي : ماشي يا مفقوده منك ليها لينا حساب بعدين عشان متحكوليش كده
هدير : هنحكيلك كل حاجه يا طنط
قعد الكل بيكلم ويضحك و وبكلم وسليم يبص لنورا مش مصدق أنها بقت خطيبته ويبص للكل ازاي هما فرحانين بس اوي كده إزار هو حرم نفسه من كل ده
عامر : ها يا سليم مش هنمشي بقي اتاخرنا والناس لزم ترتاح
سليم …..
عامر : يا سليم
سليم : ربنا يخليكي ليا يارب
عامر : ويخليك ليا يا ضنايا قوم يا حبيبي قوم ده انت ضعت خالص
سليم اكسف اوي والكل قاعد يضحك
سليم : قصدي يخليك ليا يا بابا
عامر : هيخلينا كلنا يا حبيبي يلا قوم
سليم : ماشي روحو انتو وانا هقعد مع خطيبتي شويه
عامر : اه بقي عندنا خطيبتي خلاص وهنشوفك في البيت صدفه
سليم : لا يا بابا ده انت حبيبي اكيد هجيلكم يوم الجمعه
فوفا : اصيل يا واد
عامر :عنده حق يا وفاء حد يسيب القمر ده كله ويقعد معانا
نورا : ربنا يبارك في عمر حضرتك يا عمي يارب ❤️
عامر : ويبارك فيكي يا بنتي يلا تستأذن احنا
سليم : ينفع اقعد شويه يا بابا
عامر : يابني الناس تعبانه محتاجه ترتاح
والد نورا : لا لا احنا مش بنام دلوقتي
عامر : عشان لو حبيته ترتاحه
طنط : لا ابدا خلي
سليم : ???????????? نقعد في البلكونه
نورا بصت لباباها
والدها : اتفضل يا حبيبي ادخلوا وانا هوصل اهلك واجي
سليم : حاضر يا عمو ❤️❤️❤️????
سليم بص لمازن وعمر
سليم : اي
مازن وعمر : اي
سليم : اي
مازن وعمر : اي
سليم : اي
مازن وعمر : اي يابني
سليم : الوقت اتاخر
عمر : ما انت قاعد
سليم : انا خاطب
عمر ومازن : واحنا صحاب الخاطب
سليم : عايز اقعد مع خطيبتي
عمر ومازن : واحنا عايزين نقعد مع حمات اخويا
طنط تنورة يا حبايبي
مازن : ربنا يخليكي يا طنط انا هاخد طبق الكيكه بتاعي بقي واقعد معاكي
ساره : طيب يا نورا همشي بقي عشان بابا وتكلم فون بليل ها ????
مازن : ماشي يا صاحبي بقي تصبح على خير ????
سليم : اي ده ما انت قاعد
مازن : ليه صاحبي خاطب جديد فاكرني اي معنديش دم
نورا بصت لساره : لا ده انت ابو الدم كله
مازن بص بتريقه : شكرا ما انا عارف ????
هدير : انا يا روحي هستاذن وع مكالمه جماعيه بليل بقي
عمر : ياااه الوقت اتاخر فعلا اسيبك يا حبيبي مع خطيبتك
سليم : صحابي اللي بيفهمه في الأصول يا ناس
عمر : امال انت فاكر اي يا عمنا
سليم : لا لا انا مش فاكر حاجه خالص
ساره وهدير : يلا السلام عليكم باي يا سليم
سليم : باي يا بنات
عمر و مازن : باي يا سليم
سليم : باي يا شباب
مازن ع السلم : تحبي اوصلك
ساره : ميرسي بيتي هنا
مازن : اجي اوصلك مشي بردو حد ممكن يضايقك
ساره : ميرسي
مازن : اتفقنا يلا
ساره : هو اي اللي اتفقنا بقولك ميرسي مش عايزه
مازن : ولما حد يضايقك يعني
ساره : هعرف اتعامل سبني بقي بعد ازنك
مازن : مينفعش انتي بنت وواجبي كظابط احميكي
ساره : وانا مش عايزك تحميني
مازن : بس انا لزم احميكي ده واجبي
ساره : اكيد لو حد شافني ماشيه جنبك مش هيفهم اني ده واجبك
مازن : احم ع راحتك
ساره : بلا باي
ساره مشيت ومازن استني شويه بعدين مشي وراها
هدير : السلام عليكم ورحمه الله وبركاته
عم محمد : وعليكم السلام يا بنتي
هدير : عامل اي يا عم محمد
عم محمد : الحمدلله يا هضوره انتي عامله اي
هدير : فل
عمر : يارب دايما
هدير : انت اي للي جابك هنا
عمر : اي بشتري حاجات
هدير : طيب اشتري
عمر : ما انا هشتري
هدير : اتمني
عمر : هو انتي هتاكلي كل دول
هدير : وانت مالك انت
عمر : انا بس خايف عليكي
هدير : محدش قالك تخاف وبعدين دي شويه تسالي
عمر : ت اي تسالي واخده السوبر ماركت كله وتقولي تسالي
هدير : كرشك ولا كرشي
عمر : فلوووسي
هدير : نعم
عمر : لا ولا حاجه هي بتيجي تاخد كل يوم الحاجات كتير
عم محمد : ايوه يابني
عمر : ضاعت فلوسك يا عمر
هدير : اي ده اي ده في اي
عمر : حد كلمك
هدير : مش تعرف تكلمني اصلا
عمر : لا اعرف بس مش هكلمك
هدير : لا كلمني
عمر : طيب رقمك طيب هكلمك ازاي
هدير : نعممم
عمر : بهزر بهزر
هدير : انسان غريب
عمر : بس عسل
هدير عسل اسود
عمر : اسود بقي ابيض بس عسل
هدير : يارب يارب اوف منك
عمر : خلاص انا سكت اتفضلي هاتي السوبر ماركت براحتك
هدير : شكرا
عمر : خلصتي
هدير : براحتي
عمر : طيب اجبلك بطانيه وتنامي هنا طيب جنب التلاجه
هدير : يابني انت مالك يابني
عمر : اتمني تعملي رجيم بعد كده مش هصرف كل ده انا انا ظابط غلبان
هدير : وانت تصرف ليه
عمر : قسمتي ونصيبي يا بنتي
هدير : نعم
عمر : عايزه حاجه تاني
هدير : عايزه تمشي
عمر : هو انا واقف في سوبر ماركتك
هدير : خلاص همشي انا كام دول يا عم محمد
عم محمد : ٣٧٠
عمر : عوضي عليك يارب
هدير : ????
عم محمد : وانت يابني طلباتك اي
عمر : انا انا انا هاخد لبان
هدير : نعم
عمر : اي لامي
هدير : ماما هتاكل لبان
عمر : اه انتي مالك
هدير : اممم ماشي
وخرجت من السوبر ماركت وهو فضل ماشي وراها وطلع بيتها اتقابلنا قدام السلم
ساره : مالك في اي
هدير : عمر شوفته في السوبر ماركت
ساره : وانا مازن فضل يكلمني ع السلم لما انتي اتاخرتي فوق
هدير : يا تري في اي
ساره : اتمني مش يكون تسليه
هدير : انتي اي رايك في مازن
ساره : بصراحه عسل اوي وانتي اي رايك في عمر
هدير : دمه خفيف اوي وحساه شبهي في الكلام والهزار والتعامل
جت ساره ترد بصت بعينها لقت عمر ومازن واقفين بره
ساره : هدير هدير الحقي واقفين بره
هدير : فين يالهوي وجري الاتنين ع فوق
واتكلمو البنات مع بعض فون طول الليل وحكو لبعض كل حاجه وكانت نورا منبهره باللي بيحصل شكل في قصص حب جديده هتبدا
وتمر الايام ويجي يوم خطوبة نورا وسليم وراحو اختاره الفستان والبدله
عند الميكاب ارتيسيت
سليم : اي يا حبيبي انا تحت
نورا : وانا خلصت يا بابا اطلع
سليم : مش مصدق اني اشوفك
نورا : ولا انا متشوقه اوي اشوفك بالبدله
سليم : خلاص طالع اهو وهنشوف بعض يا عمري انتي
سليم : ازيكم يا بنات
ساره : اي الشياكه والاناقه دي
سليم : أقل حاجه عندي
هدير : طيب اطلع بقي شوف عروستك زي القمر
سليم : طول عمرها حلوه وزي القمر
هدير : اممممم
عمر : انا جببيت اوبا اي الجمال ده
هدير : سليم لم صاحبك عني
عمر : انا كلمتك أما بقول لصاحبي
هدير : والله
عمر : اه
مازن : اي يا شباب اتاخرت اوبا اي القمر ده
ساره : سلييييم
سليم : انا طالع اشوف عروستي انا تعبت منكم
ساره وهدير : استني احنا نطلع الاول عشان نصور
سليم : اوك
عمر : يلا يا مازن
هدير : ممنوع الدخول
عمر : اي هصور صاحبي
هدير : الميكاب ارتيسيت مش بدخل عدد كبير
عمر : لا ما انا قمور وهدخلني ملكيش دعوه انتي
هدير : قمور اه
عمر : اه قمور
وبعد ما هدير مشيت
عمر : يخربيتك امال وانتي عروسه هتبقي عامله ازاي جمل يابا الحج جمل
أما مازن بقي مكنش عارف يكلم ولا يعمل حاجه مكنش عارف غير أنه يبص ع ساره بفستانها الرقيق و الميكاب بتاعها الهادي
سليم : شبكنا بدبلته ترا ترا
نورا : وقرينا فتحته
سليم : وعرفنا نيته وغلاوته عندنا اه اه
نورا : ????
سليم : مش مصدق نفسي بجد
نورا : ولا انا انت كنت حلم بالنسبالي يا سليم
سليم : يا خرابي
وفضل الكل يرقص مع بعضه كل اللي موجود بيرقص
سليم : انتي روحتي فين يا استاذه سبتيني ليه
هدير : في اي يا عم بترقص مع صحابها
سليم : عم في اني هي معاكم بقالها ٢٠ سنه انهارده بقي هي بتاعتي وخطيبتي متبعدش عني انا مش لاقيها في الشارع عشان تيجي تاخديها مني
ساره : لا لا اوعي تكون فاكر عشان خطيبها هتاخدها مننا لا يا حبيبي لزم تعرف عشان اعيش حياه سعيده لزم نكون راضين عنك
سليم : مين
ساره : احنا
سليم : ده انا اللبسك قاضيه انتي وهي انا محدش هياخد مني نوري
هدير : اراكي ساكته يعني
نورا : قالك نوري بعد نوري دي حاجه تتقال
سليم : يا روحي
ساره : روح مين دي روحي انا
سليم لمازن : ما تقول حاجه يا عم
مازن : تتجوزيني
كل الموجود : اااي
مازن : هتتجوزيني
ساره : اي
مازن : انا وانتي هنتجوز انا مش هسيبك
ساره : طيب افكر
مازن : بسرعه
ساره : حاضر
مازن : فكرتي
ساره : اي ده
مازن : يلا فكري
ساره : حاضر
مازن : فكرتي
ساره : مش توترني
مازن : ماشي هسيبك شويه بعد الاغنيه دي
ساره : لا بعد الفرح
مازن : بعد اغنيتين
ساره : لما نشوف
حج سونه : هدير خدي يا بت
هدير : اي يا بابا
حج سونه : يلا نرقص
هدير : ????????????????
حج سونه : ارقصي يا بت ارقصي ده اللي انا علمتهولك
هدير : ????????
دخل عليهم عمر وهو بيرقص جنبها
عمر : عمي ????
حج سونه : نعم ????
عمر : تجوزني بنتك
حج سونه : اي
عمر : تجوزني بنتك
حج سونه : لا بنتي مش هتجوز
عمر : ليه عليها اقساط
حج سونه : لا بنتي مش هتطلع من حضن ابوها لما تجوزك مين يعملي الشاي
عمر : انا يا عمي هعملك الشاي
حج سونه : لا انا بنتي مش هتبعد عني دلوقتي خالص
هدير : ????
عمر : ماشي يا عمي وغمز لهدير
والكل كمل رقص وفي آخر الفرح
عمر : ها يا عمي فكرت
حج سونه : في اي يابني
عمر : تجوزني بنتك
حج سونه : يابني ما قولنا لا
عمر : بس انا هتجوزها
حج سونه : عافيه
عمر : لا طبعا برضاك بس انا معجب بيها من زمان وحاسسها شبهي وشايف اني مينفعش حد يكون معايا غيرها هي شبهي وبتكملني انا مش هكدب عليك يا عمي انا عرفت بنات كتير وكنت شايف اني الجواز ده نكد لحد ما شوفت بنتك ولقيتها شبهي تسمحلي اتجوزها عشان اقعد انا وهي نستفز بعض
حج سونه : وانا مين يابني يستفزني
عمر : انا يا عمي
حج سونه : اشطا وانا موافق
عمر : لولولولي ع بركة الله
هدير : اي ده اي ده محدش هياخد راي
عمر : انتي موافقه اسكتي
هدير : ع بركة الله