Uncategorized

رواية شبيهتي الفصل الخامس 5 بقلم مريم سمير

  رواية شبيهتي الفصل الخامس 5 بقلم مريم سمير

رواية شبيهتي الفصل الخامس 5 بقلم مريم سمير

رواية شبيهتي الفصل الخامس 5 بقلم مريم سمير

_محمود تتجوزني ؟
=نعم!!
_تتجوزني!
=دا الي هو ازاي يعني! 
_لو حد لقاني اكيد هيفتكر انك انت الي خاطفني، وحفاظا عليك هنتجوز عرفي على ورق والورقتين هيكونوا معاك عشان تضمن انك تفضل في أمان، مفيش حد بيخطف مراته
=انتي مجنونه!
_انا عاوزه أحميك
=متخافيش اهم حاجه انك كويسه
_اهم حاجه انك متضرش بسببي، ارجوك وافق
=انتي متأكده؟ ممكن تندمي على قرار زيي دا، باباكي لو عرف مش هيحصل كويس
_بتهيقلي جه الوقت الي افكر مره واحده بس بعقلي انا، ومحدش يوجهني ويقولي اعملي ودا ومتعمليش دا
=وخطيبك!
_عمريي محبيته
=طب وانا! قصدي يعني مهو اكيد مش هتحبيني زيه
_انت مش زيه، والمهم دلوقت انك ميجرالكش حاجه بعد كده، واني احلل قعدتي هنا
=ممكن العرفي بعد كده يبقى شرعي؟
_يعني ايي!
=يعني لو انا كنت متقدملك شرعي كنت وافقتي؟
_عندك ورقتين؟
=ريم
_وقلمين
=ريم!!
_قلم واحد هنكتب بقلم واحد
=يبنتي!!
_نعم
=اجري هاتي الورقتين
ضحكت ودخلت الاوضه، هو فعلا لو كان اتقدملي رسمي كنت وافقت؟ بتهيقلي ان قلبي بدأ !!
_هنكتب اي بقي!
=بالله متجوزت عرفي للأسف قبل كده، مش دي فكرتك؟
_نكتب ريم ومحمود متجوزين عرفي؟
=احيه يريم احيه والله
_الاه امال اكتب اي
=اكتبي ماما حلوه
_محمود!!
=ريم!!
ضحكنا احنا الاتنين لما زعقنا في وش بعض ورجعت بصيت للورقه تاني
_هتفضل الورقه فاضيه يعني
=اكتبي عندك
_ايوه لعلع بقى وسمعني
=ألعلع! بنت وزير! انتي بتشتغليني صح؟
_يعم قول بالله عليك
=اكتبي في نص الورقه
_ها
=بسم الله الرحمن الرحيم
_اقسم بالله؟
=اهو نبدأها ايمان
_نكتب اي بعدها؟
=اكتبي محمود انسان بسيط، بيشتغل في شركه، شقلبت حياته بنت جميله بشكل! خليته يزعق ويتعصب ويضحك ويقولها على سره، بنت طيبه وتستاهل انها تعيش زي مهي عاوزه، وانه مش هيزعلها تاني عشان شكلها وهي بتعيط بيبقى حزين اوي، ومحمود هيفضل يفرحها عشان يشوف ضحكتها
كنت ببصله وانا مبتسمه، قد اي كلامه جميل وقد اي انا هقع فيه دلوقت لو فضل باصصلي كده!
_انا رأيي اكتب ريم ومحمود متجوزين عرفي
ضحك= اكتبي عقد زواج في نص الصفحه والزوج اسمه كذه والزوجه اسمها كده والتوقيع في آخر الورقه بتهيقلي بس كده
_دا الجواز طلع سهل اهو امال بنصعبها على نفسنا لي؟ بتعرف تمضي ولا تبصم
=يخربيت ام التعليم المجاني يشيخه، ببصم طبعا
ضحكت _خد امضي
مضي وانا مضيت وحطيت الورقتين قدامه
_اتفضل يفضلوا معاك على طول
=يفضلوا معاكي انتي
_انت واثق فيا!
=واثق فيكي
ابتسمت وهو قام قلع الجاكت بتاع البدله
_انت هتعمل اي؟
=دلوقت احنا متجوزين صح!
_محمود!!
=داخل اغير وربنا
دخل وانا ضحكت وبصيت على الورقتين ودخلت حطيتهم في فستاني الي كنت جايه بيه
*عند مدحت
_هربت! هربت يروح امك! دا انا منبه عليك تخلي بالك منها
=ضربتني بالحديده يمعلم، زاولتني
_بقى عيله زي دي تزاولك! امشي من قدامي بدل مقتلك
=امرك يكبير امرك
_استنى عندك، خد الرجاله واقلب عليها المنطقه، لو مرجعتيش بيها يبقى مترجعيش احسن
بلع ريقه= حاضر، حاضر
*عند مريم
صحيت الصبح على رنه فوني من رقم غريب
_عملتي اي؟
=انت ازاي بتكلمني لو اتكشفنا دلوقت يعن؟
_البت هربت يعني مش بعيد تكون في طريقها لعندك دلوقت
=اييي! هربت ازاي انتوا اغبيه!
_اتصرفي في اي فلوس عندك وتعاليي
قفل السكه وانا مكنتش عارفه اعمل ايي، نزلت متسحبه على الاوضه الي فيها الخزنه وفتحت بالمفتاح الي كان معايا وحطيت الفلوس في الشنطه
فتحت باب الفله بالراحه لقيت احمد قدامي
_على فين يريم! واي الشنطه ديي؟
يتبع…..
لقراءة الفصل السادس : اضغط هنا

اترك رد