Uncategorized

رواية المهندسة نور الفصل الحادي عشر 11 بقلم وفاء الغرباوي

   رواية المهندسة نور الفصل الحادي عشر 11 بقلم وفاء الغرباوي

رواية المهندسة نور الفصل الحادي عشر 11 بقلم وفاء الغرباوي

رواية المهندسة نور الفصل الحادي عشر 11 بقلم وفاء الغرباوي

فى الوقت اللى هتحس ان روحك بتروح وقوتك خلاص بتنهار..هتلاقى ايد بتشدك وروح بترد روحك
عارف ليه؟
عشان ربنا كاتب ليك عسر ومعاه يسر ..عشان الأرواح الصافيه بتتلاقى..عشان جواك ابيض ..عشان انت تستاهل كل الحلو
اطمن!!
*******
مشيوا وسابوا صلاح لذكرياته، الباب اللى اتفتح من الماضى ومش عارف يقفله ،افتكر لحظة لما ساب صاحبة نور ،خرج من الكليه على القسم، ببعض التحايل عرف يقابل نور، وقف قدامها .
وقت ما نور شافته ، الصدمة خلتها مش عارفة تتحرك، بعد ليلة صعبة من أصعب ايام حياتها ، اخر واحد كانت تفكر انه يبقى موجود ..صلاح. 
أهلها اتبروا منها ورفضوا ان حد يروحلها، بكت كتير ، ازاى أهلها يسبوها، مش المفروض انها بنتهم ، يعني مربينها كويس.. وعارفين سلوكها..ولا هما ماصدقوا، الشيطان لعب بتفكيرها تماما ،اذاى كانت هتفكر ان صلاح اللى يدوب بقالهم اسبوعين بيتكلموا ممكن يروح لها، ازاى صلاح كان موجود فى الوقت دا بالذات..صدفة!!
الصمت خد وقته ، فى الاخر اتكلم صلاح
:هو سوال واحد ..بكلمة واحدة.. وجوابه يا اه يا لا 
نور مش عارفة ترد ،اتكلم صلاح وسواله كان بقوة
:مظلومة؟
دمعت نور ، ونزلت راسها وبدات تبكى بصوت
شخط فيها صلاح
:رد على؟
شاورت نور بدماغها واتكلمت
:والله مظلومة 
قرب صلاح منها ولسه على نفس صوته الحاد
:روحت هناك ازاى ..
وكمل كلامة بتريقة 
:كنت نايمة، انا سيبتك عشان تروحى
اتكلمت نور وهى بتعيط
:انا سيبتك وركبت الموصلات ونزلت عند المكان اللى بنزل اغير فيه عشان اوصل البيت ،فجاة لقيت ست واقفة قدامى وبتصرخ الحقينى وبتشاور على حاجة
بعدها مشفتش حاجة، ومش فاكرة اى حصل بعدها
صرخ صلاح 
:صغيرة حضرتك، واحدة تقولك كلمة تروحى معاها
نور لسه ساكته
اتكلمىىى
:فايدته اى الكلام وانت مش مصدق ،روح شوف حالك يا صلاح
اتكلمى يا نور 
:صحيت لقيت نفسى فى اوضه مقفوله قعدت اصرخ واعيط مفيش حد سامعنى
فجاة البوليس موجود وياخدنى معاهم
بدأت نور تصوت وتصرخ
انا عملت اى انا معرفش حد فيهم انا مش معاهم
بس مفيش فايدة..روح لحالك يا صلاح دا حتى الاهل سابوني ربنا بس اللى معايا
هو ابتلاء وانا هصبر عليه
قادر ربنا يخرجنى من هنا 
وسابته ومشيت وقبل ما تفتح الباب تخرج
انا مش هسيبك يا نور..كنت فاكر انك مغامرة وهتعدى وشكلك كده اكبر مغامرة فى حياتى
ابتسمت نور بحزن وشاورت بصباعها
:لا يا صلاح..مبقاش ينفع
رد عليها بثقة
:يمكن لسه فيه امل في الحياه
وخرجت نور من الغرفة
وقرر صلاح ان يبدأ المغامرة بجد. .معركة عمرة
********
اول حاجة عملها لما الظابط دخل
سأل الظابط على اى الاجرات عشان نور تخرج من هنا
قعد الظابط بس بيبص لصلاح بغرابه وبيكلم نفسه
:شكله بن ناس ، ازاى يعرف سيعرف واحده بالشكل ده
وبعد حوار طويل مع نفسه سال صلاح 
 تعرفها منين ؟؟
:قال زميلتي في الكليه 
سأله الظابط تانى
:انت في كليه ايه؟
 رد صلاح وقال له
 :كليه الهندسه 
اتكلم الظابط بسرعة 
يعنى هى مهندسه ؟
: ايوه 
الظابط كمل كلامة
:انا مستغرب انت ازاي تعرف واحده كده
رد عليه صلاح بنبرة مليانة شجن
: و هتستغرب اكثر لو عرفت انا اعرفها من  اسبوعين بس
:: ودا خليك واقف معاها كده
 رد صلاح باهتزاز 
:مش عارف
 وقتها اتكلم الظابط 
: فى قضايا الاداب بالذات يكون بنات ليهم ملفات عندنا معروفين لينا ا حتى الأماكن اللى بيترددوا عليها، بس لقضيه دي غريبه اول مره نعرف على المكان زي ده
قام الظابط من مكانه واتحرك
: الحاجه الثانيه البنات  كلهم معروفين لينا ،هي البنت الوحيده اللي مش معروفه لينا ولسه بنعمل تحريات عنها ونعرف  كل حاجة عنها.. 
بس شكلها ما تعرفش احد فيهم لانها من ساعه ماجت وهي لوحدها، البنات الثانيه كلهم عارفين بعض بس يعني من خلال خبرتي  في المكان ده والتعامل مع الاشكال السود دى،  شكلها مظلومه الموضوع فيه كلام كتير ونعرف
عموما  علي بالليل هتكون كل حاجه خلصت .
سلم صلاح على الضابط ومشى
*******
 وصلت التحريات ،بدأت الظابط يقرأ الملف ، اتأكد من ظنونه ، بدا يحقق  مع البنات  اللي معاها تانى،
وقتها اتكلموا وقالوا انهم  اول مره يشوفوه وقت القبض عليها..
كمان اكدوا ان وقت المداهمة  كانت في مكان مقفول عليها لوحدها وبتعيط وتصرخ ، والبنات قالوا عنها كده .
 بس  عشان تخرج نور لازم حد يضمنها، أهلها ومحدش راحلها مبقيش غير صلاح 
*****
 في الوقت ده كان صلاح راح البيت ، سأل عن محمود لاقاه فى غرفته ، اول ما خبط ودخل 
جرى محمود عليه
:كنت فين طول النهار وبتعمل اى؟
:بدور على براءة نور..ساعدنى
:اساعدك ازاى
بعد وقت من الصمت اتكلم صلاح 
:اقنع بابا اتجوزها ..نور بقت ظروفها صعبة ، أهلها محدش راح لها..انا متاكد انها مظلومة وتتخرج
عايز اتجوزها  حاول تتكلم مع بابا 
::انت عايزنى اقول ل خالى جوز ابنك لبنت لها قضية آداب ولها ملف 
صرخ صلاح 
:مظلومة وملهاش ملف وبراءتها هتثبت ان شاءالله 
رد عليه محمود
:انت مجنون ..لازم تبعد عنها 
فى الوقت دا وبسبب صوتهم العالى، طلع محمود يشوف اى ..سمع كلامهم وهما شافوه
اتكلم وقتها محمود الاب
:خلينى وافقت اجوزهالك.. أهلها هتعمل معاهم اى؟
الناس؟
زمايلك؟
عيالك؟
يابنى دى وصمة عار انت فى غنى عنها..
بص صلاح ل محمود بلوم وسابهم ومشى
******
راح لنور القسم ، الضابط قاله انها مظلومة ، اتأكد من كده، بس لازم ضامن  مين هيمنه
طيب هو لو هيضمنها..صفته اى؟؟
الظابط ساعده وكلم محامى معرفته وخرجت نور تانى يوم الصبح.. كان صلاح فى انتظارها
مشيت معاه ،من غير مايتكلموا ،سألها 
:هتعملى اى ..لازم تروحى 
عيطت نور كتير جدا وفى وسط غيارها اتكلمت
:انا خايفة..اهلى هيطردونى..انا مظلومة
مش عارف يقولها اى
:روحى يا نور وانا هوصلك لاقرب مكان ، وهستنى شويه واشوفك هتعملى اى وهديكى رقم تليفونى ، كلميني فى اى وقت لو حصل حاجة 
******
قرب بيتهم سابها دخلت لوحدها ،بس للاسف ظنونها اتاكدت ، من اول ما دخلت الشارع وسامعه كلام الناس بيضايقها بس كملت طريقها للبيت ، وصلت بيتها والدها الراجل البسيط ، شافها متكلمش بس والداتها صرخت فيها وضربتها وطردته، مسمعتهاش..مدتهاش فرصة
وسمعتها اسوء كلام
خرجت من البيت،اختها خرجت وراها، حضنتها ،اتوسلت ليها متمشيش 
كانت مامتها فى الو قت دا 
بترمى لبسها، كتبها   
وبتصرخ بأعلى صوتها
:نور بنتى ماتت ..ماليش بنت اسمها نور
انهارت نور جدا جدا
اختها لمت حاجتها وساعتها وكانت هتمشى معاها بس مامتها نادت عليها 
خدت نور حاجتها ومشيت ،كان صلاح لسه مستني 
بس طول الوقت بيفكر لو نور رجعت هيوديها فين؟
البيت وأهله رفضوا 
مفيش غير حل واحد
******
نور ماشيه مع صلاح مش فارق معاها حاجة، ولا اى هيحصلها هيحصل اى اكتر من كده 
قالها 
:خايفة
:خايفة ومش خايفة 
معادله ملهاش حل 
لاهبطل اخاف ومش هخاف عمرى منك 
وقتها كانوا وصلوا قدام بيت قديم، وقفت نور وعلى لسانها  وفى عنيها سوال واحد..لا أسئلة كتيرة
:بيت مين دا ..هتعمل معايا اى
قالها
:دا بيت جدتي..هتقعدى معاها لحد مانشوف هنعمل اى
كانت نور مترددة فى الاول ،بس مفيش حل تانى والا هتكون فى الشارع
دخل صلاح  وحكى لجدته كل حاجة، بس كانت فى صفة ، يمكن خبرتها فى الناس لما شافت نور
ارتاحت لما اتكلمت معاها..
قبل مايمشى صلاح، جدته قالتله
:طريقك طويل ومش سهل 
قعدت نور معاها،حاسة بالغربة، بس جدة صلاح طمنتها بكل الطرق
*****
رجع صلاح البيت وحاول يتكلم مع والده تانى،بس للمرة التانيه والده رفض ،وهدده بالطرد 
:طيب هيعمل اى فى نور 
هيسبها ويبقى غدر بيها 
اختار نور وخسر اهله لاسف
وجهز حاجته عشان هيسيب البيت
ماممته اترجته يرجع عن اللى هيعمله بس رفض..وراح عند احمد صاحبه،  لوقت ما يتجوز نور ويقعد عند جدته
******
وقتها محمود فرح انه هيسيب البيت ،بس زعلان انه هيتجوز نور
:مش مشكله ، كفاية انه حياته راحت وحياتها هى كمان راحت 
وكمل سمه وغدره، لما نشر الل  حصل لنور فى الكليه ،
وكان هيتسبب فى فصلها وفصله لما كان بيتخانق مع حد 
*******
لجا صلاح للضابط انه يكلم عميد الكلية عشان نور تحضر الامتحانات ،  حضروا الامتحانات وخلصت والمشروع .
اتخرج نور وصلاح من الكليه ..بعد معاناه 
بس كان دايما جوه صلاح احساس انه محمود مش زى الاول او فيه حاجة مش صح.
خبى عنه زواجه من نور  
وكان الشاهد على عقد زواجه الظابط واحمد 
واستعان بالمحاكم وكيل عن نور
جدة صلاح ساعدتهم كتير لحد يوم فرحهم
******
بعد كام يوم كن زواجهم ، عرف محمود..اتجنن 
ومن هنا بدأت المعاناه
كل ما صلاح يقبل فى شغل، محمود يعمل حاجة تخليهم يطرده..زى انه يحكى تفاصيل نور 
اتكرر الموضوع دا كتير جدا 
احمد صاحبه ساعده انه يفتح مكتب بس هو هيكون الصورة قدام الناس
بس فى الباطن صلاح ونور هما اللى ماسكينه. 
بس صلاح لازم يشتغل ومن هنا جات فكرة الساعى انه يشتغل ساعى يبعد كل الشبهات عنه لحد مايعرف فى اى   وكمان مهندس صاحب مكتب فى نفس الوقت
لحد ما خلف نور ..ومعاها كان المستقبل ..نورسين
المكتب كبر وبقى شركةNSM
*****
 ودى كانت حكاية صلاح ونور 
عشان نبدأ حكاية جديدة 
كريم ونورسين
وياسمين و……..
يتبع…..
لقراءة الفصل الثاني عشر : اضغط هنا
لقراءة باقي فصول الرواية : اضغط هنا

اترك رد