رواية أقتحمت قلبي حورية الفصل الثالث والعشرون 23 بقلم هاجر

فى المستشفى

حور بصدمه: انت بتقول ايه

رعد بحب: زي مسمعتي يا حور بحبك، من اول مره شوفتك حبيتك

، لما شوفت قوتك اللي مخبيه وراها خوفك حبيتك، لما شوفت حب ابويا ليكي حبيتك، لما شوفت احترامك وادبك واخلاقك حبيتك، دوبت فيكي لما شوفت شعرك اللي اشبه بشعر الحوريات، توهت في عينكي لما بصيت فيهم اول مره، قلبي نبض نبضة حب لما كنتي شبه في حضني لما قبلتك في الشارع، حسيت بالخوف لالمره الاولى لمجرد اني حسيت اني ممكن اخسرك، ضحكت من قلبي معاكي، حسيت بالغيره معاكي، حسيت بحاجات كتير محستهاش غير لما عرفتك

حور بدموع: انا.. 

رعد: ششش انا مش عوزك ترودي ولا تقولى رايك دلوقتي وعارف انه مكنش ينفع اقول الكلام ده دلوقت، بس مش عارف مقدرتش اتحكم فى مشاعرى ولا فى كلامي اسف، عن اذنك

رعد انسحب من قدام حور لانه عارف اد ايه هي خجوله وانه حطاها فى موقف صعب 

حور لنفسهاو بفرحها: طلع بيحبني زي ما بحبه، انا حاسه اني بحلم لا اكيد رعد مقالش كده انا بيتهيالي اكيد فى حاجه غلط، لا فوقي يا حور كده مينفعش فوقى، هو فعلا كان قاعد هنا وقالي بحبك، يالهوي حاسه اني هتجن

رعد بعد عن حور وراح قاعد جمب ليل

ليل بخبث: ده انت طلعت مش سهل يا سي روميو

رعد: انت كنت سامع ازاي وانت قاعد بعيد عننا

ليل: مين قالك اني سمعت

رعد: اومال عرفت منين

ليل: لمعت عينك وانت بتكلمها يا ابن السيوقي وصدمتها اللي بانت علي وشها ودموع الفرح اللي نزلت من عينها اول مقولتلها بحبك

رعد: معرفش انا عملت كده ازاي

ليل: كان لازم يحصل

تلفون ليل رن وكان بدر اللي بيتصل

ليل: ده بدر زمانهم بلغوه باللي حصل

رعد: طب رود عليه

ليل: الو يا بدر

بدر بخضه: انت كويس ايه اللي حصلك انت فين رود عليا يا ليل

ليل: اديني فرصه ارود عليك اهدي 

بدر بعصبيه: مش هتبطل الاستهتار اللي فيك قولتلك مليون مره تلبس قميص واقي الرصاص لما تكون طالع مداهمه بس انت مستاهتر 

ليل: اهدي يا بدر بقا انا كويس ومحصليش حاجه الطلقه جت في النقيب معاذ محمود

بدر: مش ده اخو حور اللي بيحبها رعد

ليل: ايوه هو

بدر: طب هو كويس دلوقت

ليل: اه الحمدلله كويس طلعو الرصاصه وهو فى العنايه دلوقت وهيفوق علي بكره الصبح

بدر: طب الحمدلله، انا بكره الصبح هجيلكو ان شاء الله

ليل: ماشي 

بدر: خاليني اخمن ابن السيوفي معاك وطبعا ميقدرش يسيب حبيبت القلب

ليل: بالظبط كده اهو قاعد جمبي 

بدر: طب اديهوني احفل عليه شويه

ليل: اهو معاك،رعد كلم بدر

بدر: ايه يا ابن السيوفي

رعد: عوز ايه ياض

بدر: مش عيب عليك تحب فى المستشفى

رعد: فين ده

بدر: اومال مسمي قاعدتك جمبها فى المستشفى ايه ها????

رعد: مكنش ينفع اسيبها لوحدها فى ظروف زي دي لازم اكون جمبها سند وضهر ليها 

بدر: ربنا يفرح قلبك ويديمكو لبعض

رعد: امين يارب

بدر: يلا اشوفكو بكره

رعد: ماشي سلام

فى قصر السيوفي

جاسر قاعد فى بلكونه اوضته وسرحان وجت عليه مايا حطت ايدها علي كتفه

مايا: مالك يا جاسر

جاسر بحزن: بحب

مايا: طب وده يزعلك كده

جاسر: اكيد مش ده اللي مزعلني

مايا: اومال ايه

جاسر: بحب واحده مش طايقني كل كلامها معايا خناق ودبش والنهارده قالت كلمه انا مش قادر أفهمها

مايا: كلمه ايه

جاسر: قالت كل اللي اقدر اقولهولك ان محدش بيتوجع ولا يبقا زيي غيؤ لما يحب بجد

مايا: وانت مفهمتش قصدها ايه

جاسر: لا مفهمتش

مايا: مغلطش رعد لما قال غبي

جاسر بعدم فهم: ليه

مايا: البنت كان ناقص تقولك انها اتوجعت من الحب قبل كده وخايفه تحب تاني لتكسر تاني

جاسر: انا ليه حاسس انك بتتكلمي زي رعد

مايا: ليه

جاسر: عشان قالي نفس الكلام

مايا: وبردو مفهمتش ده انت تور

جاسر: بت اطلعي بره

مايا بمرح: صحيح الزمن ده شرين تعمل خرين تلقي

جاسر بصدمه: ايه

مايا بضحك: راح ليبيا وجه ههههههه

جاسر بلهجه صعديه: وه انا جولت ان بنات العيله دي مخها طاج محدش صداجني 

مايا بضحك هستيري: هههههههه هموت ههههههه

جم علي صوتهم ياسين ونور

ياسين: في ايه يا مجانين

جاسر بنفس اللهجه الصعيدي: مفيش يخوي انا كنت بفضفض مع الجاموسه الهبله دي بكلمتين لجيتها اتفتحت فى الضحك كيف الجاموسه الهبله اللي جرب معاد دبحها

نور بضحك: ههههههه يخربيت فقرك يا جاسر هههههه 

ياسين: فين يا رعد تشوف الهطل اللي هنا

جاسر: بقولك يا عم قيس خود ليلي بتعتك وروحو كملو تحضير خطوبتكو

نور: عندو حق يلا يا ياسو ملناش مكان هنا

ياسين: يلا يا قلب ياسو

جاسر: مرارتي طجت من المحن

مايا: ومين سمعك

ياسين: خاليكو قاعدين انتو شبه ياجوج وماجوج كده

نور: يا سناجل يا بواساء

مايا: عجبك كده

جاسر: مايا يا حبيبتي

مايا: ممم ارغي

جاسر: شايفه الباب اللي خرج منه نور وياسين ده

مايا بغباء: اه مالو

جاسر: اقفليه من بره

مايا: يا شيخ اتنيل انا رايحه اوضتي تصبح علي خير

جاسر: تصبحي قطه من غير ديل يا حياتي

مايا بعصبيه مصطنعه: انا همشي عشان مرتكبش جريمه

خرجت مايا ورجع جاسر تاني لتوهانو في سندس وتصرفتها حط سمعه الفون وشغل اغنيه

(اغنيه كتير بنعشق،شرين عبدالوهاب)

{كتير بنعشق ولا بنطول كتير بنعشق ولا بنقول ومفيش حكايه بتستمر زي مبدات ليه علي طول

فى عشق بيستنانا وعشق بنستناه

وعشق بينسينا العشق اللى عشقناه

فى عشق بيستنانا وعشق بنستنا

وعشق بينسينا العشق اللى عشقناه

القلب اللى بيجرحنا فى حاجه اكيد جارحه

وجراحنا بتفكرنا بالقب اللى جرحنا

القلب اللى بيجرحنا فى حاجه اكيد جارحه

وجراحنا بتفكرنا بالقب اللى جرحنا

كتير بنعشق ولا بنطول كتير بنعشق ولا بنقول ومفيش حكايه بتستمر زي مبدات ليه على طول}

جاسر: يارب تحسي بيا وتحبيني زي مبحبك يا سندس وسعتها هوعدك عمري مهكون زي اي حد انتي عرفتيه

ينتهي اليوم بوجعه ومفجاته وفرحه وحزنه ويبداء يوم جديد

فى بيت عم محمود

سندس: يلا يا ماما معاذ زمانه فاق زمان جاسر جه تحت

سميه: انا جهزت اهو يا بنتي

محمود: مكنش لي لازوم نتعب الناس معانا يا بنتي

سندس: جاسر ورعد بيه هما اللى اصرو يا بابا

محمود: فيهم الخير

سندس: طب يلا ننزل عشان منتاخرش

نزلو وكان جاسر وقاف جمب العربيه

جاسر: صباح الخير 

محمود: صباح الخير يا ابني مكنش لي لازوم تتعب نفسك احنا كنا هنيجي 

جاسر: تعبك راحه يا عمي اتفضلو

ركبو العربيه واتحركو علي المستشفي

فى المستشفي

معاذ فاق وحور قاعده جمبه ورعد وليل وقفين قدامه

حور بعياط: حمدلله علي سلامتك يا حبيبي كده تخضنا عليك يا ميزو

معاذ بتعب: انا كويس يا حبيبتي متقلقيش

ليل: شد حيلك يا سيادة الرائد

معاذ بصدمه: رائد

ليل: ايوه الرائد معاذ محمود 

معاذ: انت بتتكلم جد

ليل: ايوه يا سيدي بتكلم جد الخبر لسه وصلني من شويه من اللواء ثروت بنفسه 

حور بفرحه: الف مبروك يا حبيبي

معاذ بفرحه: الله يبارك فيكي انا مش عارف اقول ايه من الفرحه اخيرا الترقيه جت

رعد غمزله وبص ل حور: متقولش حاجه وياريت تشد حيلك وتخف بسرعه عشان فى حاجات كتير هتتاجل لو فضلت تعبان????

معاذ: مفيش حاجه هتتاجل كل حاجه هتبقا فى معادها

حور: هي ايه الحاجات اللي هتتاجل دي

معاذ: هااا

رعد: متشغليش بالك دي حاجات تبع الشغل

ليل ضحك: هههه اه تبع الشغل 

بدر جه واهل معاذ وصلو واطمنو علي معاذ واليوم كان جميل بحبهم لبعض ومعاذ اصر علي رعد ان الاتفاق اللي بينهم هيكمل ومفيش حاجه هتتاجل،ويعدي يومين ومعاذ يخرج من المستشفي وحالته تتحسن ويجي يوم خطوبه نور وياسين اليوم المنتظر بالنسبه ل نور وياسين ومنتظر اكتر بالنسبه ل رعد وهيتوضح فيه حاجات كتير جدا…..