Uncategorized
رواية أقتحمت قلبي حورية الفصل الخامس والعشرون 25 بقلم هاجر
رواية أقتحمت قلبي حورية الفصل الخامس والعشرون 25 بقلم هاجر أحمد
 |
| رواية أقتحمت قلبي حورية الفصل الخامس والعشرون 25 بقلم هاجر أحمد |
رواية أقتحمت قلبي حورية الفصل الخامس والعشرون 25 بقلم هاجر
رعد واقف مع ليل وبدر بيتكلمو وراحت رقيه تسلم علي رعد
رقيه: الف مبروك يا رعد بيه
رعد: الله يبارك فيكي يا رقيه كنت هزعل منك جدا لو مجتيش
رقيه بمرح: مجيش ازاي ويروح عليا المشهد الرومنسي الجامد ده ودي تيجي
بدر ضحك: ههههه والله جدعه
ليل وقف سرحان في طريقه كلام رقيه وعفويتها
رقيه: اومال انا ميفوتنيش حاجه
ليل برخمه: ممم انتي هتقوليلي
رقيه بحرج: احم كنت عوزه اقول لحضرتك اسفه
ليل بستغراب: علي ايه
رقيه: علي اللي قولتو اول مره شوفتك فيها
ليل: مممم قصدك ضرفه الباب
رقيه: احم خلاص بقا ميبقاش قلبك اسود وبعدين مهو غصب عني انت مش شايف طولك وعرضك قد اي
ليل: وطولي وعرضي مضايقنك في ايه افهم بس
رعد: خلاص بقا
رقيه: هي حور فين عشان اروحلها
رعد: اهم هناك
رقيه: تمام عن اذنكو
رعد: اتفضلي
بدر: انا عوز افهم ايه اللي بيحصل هنا وضرفه باب ايه اللي بتقولو عليها
رعد: اقولك انا البنت الرقيه الغلبانه دي اول مشافت ليل اتفزعت وقالت عليه شبه ضرفه الباب
بدر ضحك: ههههههه هموووت مش قادر
ليل: دي رقيقه دي وغلبانه
رعد غمزله: تنكر
بدر: انا سامع صوت دقات قلب من هنا
رعد: انا بقول كده بردو
ليل: باااااس انتو الاتنين خلاص
حور وقفه وراحت عندها رقيه وحضنتها وسلمت عليها
رقيه بفرحه: مبروك يا روري
حور: الله يبارك فيكي يا حبيبتي عقبالك يارب
رقيه بمرح: شاءلله يخليكي يا اختي
حور ضحكت: هههه تعالي اعرفك علي ماماو بابا
رقيه: يلا
معاذ وقف شايف مايا وقفه لوحدها علي جمب ومش بتكلم حد فا قرر يتكلم معاها
معاذ: وقفه لوحدك ليه
مايا: كلهم واقفين مع بعض وانا ماليش صحاب هنا
معاذ: ليه
مايا: عشان مكنتش عايشه في مصر
معاذ: طب تسمحيلي اقف معاكي
مايا: اكيد اتفضل
معاذ: كنت عوز اشكرك جدا
مايا: علي ايه
معاذ: لما فوقت قالولى ان انتي اللي اتبرعتيلي بالدم
مايا: مفيش داعي لشكر لو كنت انت مكاني مكنتش هتتاخر اكيد
معاذ ابتسم: اكيد
وهما بيتكلمو واحد قال كلام مش كويس علي مايا بسبب لبسها اللي كاشف جسمها ومعاذ اتعصب
مايا: اهدي انا متعوده علي كده ولو كل واحد اتكلم هنرد عليه يبقي مش هنخلص
معاذ: طب وليه
مايا: ليه ايه
معاذ: ايه اللي جبرك تستحملي كل ده
مايا: ممم قصدك علي طريقه لبسي
معاذ: ايوه
مايا: انا اتربيت في المانيه وطبيعي ابقا شبه المجتمع والناس اللي انا عايشه وسطيهم
معاذ: ودينك نستيه عشان المجتمع اللي انتي عايشه فيه
مايا بحرج: اكيد منستش ديني بس
معاذ: مفيش بس ربنا امر كل النساء بالستر الاموضه اللي بتتكلمي عليه دي مش هتنفعك فى الاخر
مايا: عندك حق
معاذ: اتمنا اكون قدرت اغير واحد في الميه من وجه نظرك
مايا: طب عن اذنك عشان ماما بتنده عليا
معاذ: اتفضلي
الحفله خلصت وكل واحد راجع بيته و حور اتفقت مع رقيه انها تجيلها بكره عشان تحضر معاهم قرايه فتحتها هي ورعد وعند رعد العيله كلها اتفقت انها تروح معاه وليل وبدر اصرو انهم كمان يبقو معه،وينتهي اليوم ويجي اليوم المنتظر بالنسبه ليكو وليهم
في بيت عم محمود
سميه: كده كل حاجه جاهزه يا بنات
حور: ايوه يا ماما
سندس: كده كلو تمام
سميه: طب يلا ادخلو البسو واجهزو زمانهم علي وصول
حور: حاضر اشوف الزفته رقيه فين برن عليها من بدرى مقفول
سندس: دلوقتي تيجي يلا احنا نلبس
حور: يلا
اختارت حور فستان من اللون البني الغامق وعليه حجاب اوف وايت
بعد شويه جرس الباب رن وراح معاذ يفتح وكان رعد اللي علي الباب
رعد كان لبس بنطلون اسود وتيشرت ابيض وبليزر اسود كان طاقم تحفه وكان ماسك بوكيه ورد احمر خرافه
هيييييح اوعدنا يارب بعريس زي ده????
معاذ: اهلا وسهلا نورتونا
رعد: منور بيك
محمود: اتفضلو
دخلو وطبعا كانو كتير وده فرح محمود وسميه ان العيله كلها جت وكلهم حبيين الموضوع
فريد: معلش جينالكو كلكو
رعد: وفى تلاته لسه جايين للاسف
محمود: يشرفونا
رعد: شرف لينا انا احنا قاعدين مع حضرتك يا عمي
مرفت: اومال عروستنا فين
سميه: بتلبس وجايه اهيه
الجرس رن تاني والمرادي كان ليل وبدر واسراء مراته
رعد: اهم وصلو
معاذ فتح وسلم عليهم واول ما شاف اسراء مرات بدر فرح اوى
معاذ بفرحه: اسراء
اسراء بدموع: ميزو
بدر بستغراب: هو في ايه
سميه بدموع: مش مصدقه نفسي
ليل: هو في ايه بالظبط
محمود: اسراء دى متربيه معاهم من وهي عندها يوم وكانت هي وحور توءم مش اصحاب ولما ابوها اخدها وسافر حور داخلت فى حاله اكتائب ومكنتش بتكلم حد خالص وتعبت اكتر لما اتقطعت اخبار اسراء لسنين طويله
اسراء: حور فين
سميه: جوه دي هتفرح اوي لما تشوفك
رعد: سبحان الله علي الصدف
محمود: واضح انك داخل حيات حور وجايب معاك كل خير يا ابني
رعد: حور الخير بذاته يا عمي
معاذ: اللقاء ده مينفعش يبقا عادي
بدر: قصدك ايه
معاذ: هقولك دلوقتي قصدي ايه،اسراء فاكره اغنيتكو المفضله
اسراء: اكيد طبعا
معاذ: واكيد صوتك لسه حلو
اسراء: طبعا
معاذ: حلو اوي انتي هتقفي هنا وهنادي علي حور وهتسلم علي الموجودين عادي وبعد كده انتي هتغني وهنشوف رد فعلها ايه
رعد: بلاش حور ممكن يغمي عليها
ليل: عم رميو مش وقته
معاذ: لا متقلقش،يلا يا ماما اندهي حور وسندس
سميه: حاضر
ندهت سميه علي سندس وحور،طلعت سندس الاول سلمت وقفت جمب سميه،واول ما حور طلعت قام رعد وقف وعينيه اتثبتت علي حور،سلمت حور علي الكل ولسه هتقعد سمعت صوت اسراء وهي بتغني
اسراء: ومالو لو ليله توهنا بعيد وسيبنا كل الناس ده انا يا حبيبي عايش فى حب جديد ماليني ده الاحساس وانا هنا جمبي اغلي الناس انا جمبي احلى الناس
حور بعياط: اسراء
اسراء بدموع: حبيبي ليله تعالي ننسا فيها اللي راح تعالي جوه حضني وارتاح دي ليله تسوا كل الحياه،وحشتيني يا توامي
حور حضنتها جامد وفضلت تعيط بهستريا: كنتي فين كل السنين اللي فاتت دي ومفكرتيش تسالي عليا
اسراء: هنقعود وهحكيلك كل حاجه بس مش وقته
بدر: انا بقول كده بردو
رعد: اقعودو بقا يا جماعه يلا نتكلم
رعد لسه هيتكلم سمعو صوت طبل علي باب الشقه وكانت رقيه وراحت حور فتحت الباب
رقيه بمرح: افرحي يا عروسه انا العريس يا عروسه يا عروسه انا العريس
دخلت رقيه وشفتهم كلهم قاعدين وبيضحكو اتصدمت
رقيه بصدمه: يا فضحتشي
حور: هي فضيحه بس دي فضيحه بجلاجل
رعد: لما انتي العريس انا ابقا مين
رقيه: انت سيد الناس
رعد ضحك: هههه ماشي يا لمضه
فريد: انا بقول ندخل في الموضوع
محمود: اتفضل
فريد: بغض النظر عن اللي عاملو رعد امبارح بس لازم كل حاجه تمشي حاسب الاصول
محمود: عداك العيب
فريد: حيث كده احنا طالبين ايد بنتك حور لابني رعد
محمود: شئ يشرفنا
رعد: وانا تحت امرك فى اي حاجه تطلبها يا عمي
محمود بص لحور وعينه دمعت: كل طلباتي انك تحافظ عليها وتشيلها في عينك وتراعي ربنا فيها
رعد بحب: في عيوني يا عمي،بعد اذنك يا عمي احنا مش هنعمل فترت خطوبه احنا هنتحوز علي طول انا مش لسه هكون نفسي
محمود: بس يا ابني
فريد: مش بس ولا حاجه كتب الكتاب والفرح كمان اسبوعين ايه رايك
محمود بص ل حور لقاها اتكسفت وبصت في الارض ابتسملها وفهم انها موافقه
محمود: علي خيره الله
اكمل: سمعونا الفتحه يا جماعه
كلهم: ولا الضالين امين
البنات رقيه وسندس وماياونور واسراء مع بعض: لولولولولولولولولولولى
كلهم: ههههههههههههههه
رعد بص ل حور بفخر زي ميكون بيقولها واخيرا هتبقي ليا اخيرا هتبقي علي اسمي وحور بصتله بحب وخجل وبصيت في الارض، وخلص اليوم وبداو في تجهزات الفرح واخيرا هيتجمعو مع بعض واللحظه المنتظره قربت…