رواية حورية الفارس الفصل التاسع 9 بقلم أمل السقا

&______فى مكتب جاسر جهاد السكرتيره خبطت ودخلت. 

جهاد: باشمهندس جاسر انسه ندى اللي حضرتك قولت عليها بره ادخلها؟ 

جاسر بانتباه: ايوه طبعا دخليها على طول. 

_ندى دخلت و باين عليها أثر العياط و وشها بهتان. 

جاسر بخضه: ندى!!!!! مالك فيه ايه؟ ايه ده انتي بتعيطي ليه ايه اللي حصل؟؟

ندى بدموع: با… بابا….. بابا سحب كل الفلوس اللي كانت حاطتهالي فى البنك وقالي كمان اني لو مرجعتش البيت عنده لا هبقى بنته ولا يعرفني وهيحرمني من كل حاجه انا عايزة أموت انا تعبت بقا تعبت “وفضلت تعيط جامد بصوت مسموع” 

جاسر بقلق: طب ممكن تهدي “وقام من مكانه وقالها” قومي معايا ومدلها ايده. 

ندى بتعجب: على فين؟ 

جاسر بابتسامة وهدووء: قومي بس هنتكلم والله متخافيش مش هخطفك بس عشان عايزك تتكلمي براحتك وتهدى بس. 

&______عند فارس دخلت نسرين السكيرتيره بلبسها المغري وطريقتها المثيره. 

نسرين بضيق: باشمهندس فارس السكيرتيره الجديده اللي هتاخد مكاني بره بس علي فكره شكلها مش قوي انا شايفه انها بصراحه كده مش مناسبه انها تشتغل فى…… 

فارس بعصبيه ومقاطعه لكلامها: انتي مالك انتي تشوفي ولا متشوفيش هي الشركه مكتوبه بإسمك اتفضلي دخليها. 

نسرين بخوف وتبرير: مش قصدي حضرتك بس انا… 

فارس بمقاطعه: مبسش روحي “وشاورلها بإيده بمعني خلاص” 

نسرين خرجت بغل عشان تقول لحور تدخل وقالتلها اتفضلي وحور كانت داخله وهي حاطه الموبايل على ودنها كأنها بتكلم حد بس نسرين حطت ايدها قدامها ومنعتها. 

نسرين بغرو: ايه ده انتي داخله مول؟؟؟ نزلى الموبايل من علي ودنك يا حبيبتي وانتي داخله انتي مش في الشارع انتي في شركه محترمه. 

حور بضيق وهي بتشيل ايد نسرين: طب اوعي بس كده محدش اشتكالك ولسه هتدخل بس نسرين زعقتلها تاني. 

نسرين بصوت عالي: انتي مبتفهميش انا قولت مينفعش يبقى المفروض تحترمي قواعد الشركه وتنزلي الموبايل. 

حور قفلت الموبايل خالص وحطته في جيب السلوبيت من قدام وقالت: بصي يا بنت النااس انا اقسم بالله ما طايقه نفسي فبلاش اطلع زعابيبي عليكي وروحي هاتيلي عصير لمون عشان اروق دمي اللي انتي عكرتيه ده بسرعه. 

نسرين: هو حد قالك اني خدامه عندك ما ان شا الله عنك ما روقتي دا……… 

وفجأه سمعوا صوت هز الشركه. 

فارس بعصبيه وصوت عالي وعيون حمرا زي الدم: باااس فيه ايه؟ ايه التهريج والهمجيه دي. 

نسرين بدفاع: والله يا باش…. ومكملتش كلامه نتيجة ان فارس شاورلها بإيده بمعني اسكتى وقالها روحي على مكتبك. 

&_____عند جاسر وندى بعد ما أخدها على الشط وجابلها عصير. 

جاسر بهدووء: ها ممكن تتكلمي بقا وتقولي كل حاجه بالتفصيل لو سمحتي. 

ندى بدموع: انت سيبت شغلك وكل حاجه عشان تسمعنى؟ 

جاسر: هو انا عندي اغلى منك وغمزلها وضحك.

ندى ابتسمت ابتسامه بسيطه وسكتت. 

جاسر: احم احكيلي بقا من يوم ما كنتى راجعه بيت حور. 

ندى اتنهدت: بص يا جاسر انا والدتي اتوفت وأنا عندي 7 سنين تقريباً وكنت انا وحور صحاب من قبلها بكتير لاننا كنا جيران ومن ساعة ما ماما اتوفت وأنا بقيت عايشه فى بيتهم عمو عاصي كان احن عليا من ابويا جور اكتر من اخت ماما حنان عمرها ما فرقت بيني وبين حور او حسستني اني مش بنتها وابويا!  “ضحكت بسخريه ثم اكملت” ابويا بيزنس مان مش هامه غير الشغل والفلوس والصفقات والسفر والعشا اللي بيكون فى أجمل المطاعم والفنادق ال 5 نجوم  عمري ما حسيت بوجوده غير في الفتره اللي أمي كانت متوفيه فيها غير كده ف بابا متغيب عني ويوم ما انا كنت راجعه بيت حور كنت انا اصلا لسه راجعه بيتنا مكملش ست ساعات وكنت رايحه عشان اقضي معاه الفتره اللي هيقعدها هنا قبل ما يسافر تاني بس فاجئني انه عنده عشا عمل وهيبات بره البيت “بصت لجاسر اللي منتبه لكلامها كويس جدا” عارف يا جاسر انا خوافه قوي اه والله خوافه قوي بخاف من الضلمه وبخاف من الزعيق، بخاف من الصوت العالي وبخاف من الهدووء، بخاف من المشاكل ودايما بحاول اتجنب أي مشكله ممكن تحصل حتى لو على حساب نفسي حور انا اتربيت معاها وعلى الرغم من كده شخصيتها اقوى من شخصيتي بكتير المهم ابويا بعد يومين من اليوم اللي خرج فيه للعشا رن عليا وزعقلي عشان انا سبت البيت من غير ما اقوله وانا اصلا رنيت عليه بس كان مقفول أبويا سابني يومين ميعرفش عني حاجه وجاي يوبخني ويحط الحق عليا ولما امرني اني ارجع البيت وانا موافقتش قالي لو مرجعتيش بكره لا انتي بنتي ولا اعرفك وهحرمك من كل النعيم اللي انتي فيه ده ميعرفش ان جنته بالنسبالي نار، أنا فكرته بيهدد بس معرفش انه هينفذ لحد ما النهارده روحت البنك عشان اسحب فلوس لقيته نفذ كلامه انا مش زعلانه علي الفلوس انا مش عايزة اكون من غير اب حتى لو هيكون موجود بالاسم بس انا محتاجه ضهر انا نفسي احس بالأمان أنا تعبت والله العظيم تعبت “وفضلت تعيط بهيستيريا” وجاسر حضنها وفضل يربط على ضهرها وبعدين بعدها عنه.

جاسر مسك وش ندى بإيده وهداها: ندى انتي المفروض ترجعي لباباكي ولازم تعرفيه عن شغلك. 

ندى بصدمه: انت عايزني ارجعله؟؟؟! 

جاسر وهو بيمسح وشه بإيده: ندى أنتي عندك كام سنة؟ 

ندى: 21 ليه يعني؟ 

جاسر بتفكير: يعني مامتك متوفيه بقالها دلوقتي 14 سنه “بص لندى بقلق” هو والدك ملمحش ليكي مثلا قبل كده انه عايز يتجوز؟؟ 

ندى بعصبيه: انت بتقول ايه يا جاسر انا أبويا مستحيل يفكر فى كده انا بابا كان بيحب ماما جدا وانا متأكده انه هيفضل مخلصلها طول العمر وأنا قولت لبابا قبل كده اني مستحيل اقبل بحد ياخد مكان أمي. 

جاسر بتفكير: ده انا كده اتأكدت….. 

&_____عند فارس حور دخلت المكتب وفارس قفل الباب بضيق. 

فارس وهو بيقعد على الكرسي بتاعه واتكلم بغضب مكتوم: انتي ايه أسلوبك ده؟ ناويه تعدلى اسلوبك امته؟ هو حد قالك ان السكرتيره اللي بره دي شغاله عندك؟ رايحه تقوليلها هاتيلي كوباية عصير؟ “وبعدين وقف واتكلم ببرود” اسمعي يا انسه حور عشان تشتغلي فى الشركه دي يبقى المفروض تحترمي القواعد اللي فيها احنا مش جايين نهزر يعني كلام في الموبايل ممنوع وياريت يكون فيه احترام اكتر من كدا، مفيش بجاحه مع الموظفين لان كده محدش هيتقبلك فى الشركه 

، ياريت يبقى فيه اسلوب احسن من كده في التعامل عشان معملش معاكي تصرف ميعجبكيش دي من ناحية الشكل العام والاسلوب انما المهارات بقا  فانا حابب اشوف السي ڤي بتاعك. 

حور بصتله بدموع مكتومه لفتره وهو مستغرب هدوئها ده واخيرا اتكلمت: انا كنت حابه اعتذر عن اسلوبي مع حضرتك لما كنت عندنا عشان تعزمنا على الحفله بس أسلوب حضرتك استفزني “سكتت لثواني وبعدين قالت” ااحم انا خلاص قررت مش هشتغل هنا وفرصه سعيدة “ولسه هتلف وتمشي” 

فارس ببرود: هاتي السي ڤي احسنلك يا حور واقعدي. 

حور بصتله ولقت فى عنيه غضب أول مره تشوفه فخافت وراحت حطت السي ڤي قدامه على الرغم من انه كان مادد ايده بس هي محطتهوش فى ايده. 

فارس فتح السي ڤي وقرا ببرود: حور عاصي الحناوى، 21،كلية طب، المهارة………………………………… “وبعدين قفل السي ڤي وقال: امممممم مش بطال احنا قرينا النظرى نشوف العملي بقا” وبصلها بخبث”

حور.:……… 

&_______عند سها كانت بتتكلم في التليفون. 

سها بعصبيه /يعني ايه مش عارفين هو سافر فين؟ اقلبوا الدنيا عليه وهاتوهولي. 

الطرف الآخر/……….

سها بهدووء بسيط /تمام هستنى منكم اتصال بكره ان شاء الله “وقفلت الخط” والله يا أنس الكلب ما أنا سايباك ولادفعك التمن “وبعدين سكتت شويه وبعدين قامت من مكانها مره واحده” سجى أنا ازاي مفكرتش فيها “ضحكت ضحكه شريره” كده الانتقام هيحلوا هيحلوا قوي يا سوسو هههههههه. 

&______فى شركة الحناوى لصنع الأثاث. 

حازم بعصبيه: ازاي راحت شركة تانيه تشتغل فيها هي اتجننت ولا ايه؟ 

المتصل /…………….

حازم بغضب /تراقبهالي خطوة بخطوة اوعى تشيل عينك من عليها لحد ما اتأكد من حوار الشغل ده وساعتها هيكون ليا تصرف تاني معاها انت فاهم؟ “وقفل الخط” وبعدين قال: ماشي يا حور بقا بتتحديني ماشي اما وريتك مبقاش انا حازم الحناوى. 

يا ترى ايه اللي هيحصل؟؟! خمنوا معايا ????

يتبع…