رواية شيزوفرنيا الفصل الرابع والثلاثون 34 والأخير بقلم الشيماء عبيد

…أرفع جناح قلبك قليلا وحلق معي عالي في سماء الحب❤️

#بقلمي

نرجس فضلت تبص لمنير بصدمة اللي بيبصلها ودموعه نزلت راح عندها وحضنها وهي لسه مصدومة من اللي اتقال حط إيده علي خدها بحب  وقال:من النهاردة هتفضلي معايا ومع اخواتك وأناهخلصك من الكلب اللي اسمه سراج ده

نسيت كل شئ الحقيقة التي سمعتها للتو والداها وذكره لاخواتها كل ذلك وقالت بفرحة:بجد هتخلصني من سراج 

منير وهو يربت علي كتفها بحنان بجد جدا تعالي معايا بقي 

*في الطريق شرح منير لنرجس كل شئ كانت متحمسة أنها هتشوف أخواتها ومامتها وفضلت تنتظرهم في الفندق اللي ابوها حجز لها فيه 

______

*في المستشفي عند منير الصفتي*

يونس:طب ودلوقتي هنعمل ايه في سراج 

منير وهو يربت علي أيد أبنه:متقلقش الرائد جاسر هيتصرف القضية هتتفتح تاني وهتتاخد اقوالهم لانهم كلهم اعترفوا باللي حصل اختك طبعا هنرفع قضية طلاق ووالداتك لما تتحسن هتيجي الفيلا وتعيش معاكوا المهم اتصل بآسر وأحمد اخواتك هاتهم هنا افهمهم الوضع 

يونس بقلق:متهيالي آسر مش هيتقبل الأمر 

منير بتعب:لازم يتقبل مش بمزاجه ولا بمزاجنا 

*يونس اتصل بآسر من تليفون منير ومنير كلمه وقاله أنه لازم يجي هو وأخوها وجه آسر وأحمد المستشفي ومنير فضل يشرحلهم اللي حصل وأن أمهم دلوقتي اتسجنت لمحاولة قتل يونس واختطفاء نسرين وآسر فضل ساكت ومصدوم بينما أحمد مش فاهم حاجة أصلا ومتحمس أنه يشوف أخته دي وزعلان علي أمه جدا لذلك مفضل الصمت زي آسر وبعدين قاموا خرجوا بدون ولا كلمة آسر راح خد شنطة سفره وخد مفاتيح العربية والفيزا من مكتب منير وسافر للشاليه بتاعهم في الساحل وساب البيت كله وكلم منير وقاله أنه محتاج يرتاح نفسيا شوية 

____________

* بعد فترة منير خرج من المستشفي ورجع البيت لقي أحمد أبنه قاعد لوحده بيتفرج علي التليفزيون قعد جمبه وقال:ازيك يابطل عامل ايه في المذاكرة  

أحمد بتجاهل لسؤاله:هو انا مش هشوف ماما خالص

منير:لا ياحبيبي هتشوفها بس مش ديما وبعدين قال أحمد أنا عارف أنك مش هتتقبل ده بسرعة لكن هتتعود متقلقش ومعاك أنا وأخواتك وهخليك كل فترة تزور ماما تمام 

أحمد:هو آسر فين يابابا؟!

منير بتنهيدة:آسر هيريح أعصابه شوية ويجي ياحبيبي وبعدين مش يونس  كان قاعد معاك في البيت الفترة اللي فاتت ولا أنت مش بتحبه 

أحمد بسرعة:لا لا بحبه جدا عاوز آسر يجي برضو 

منير:حاضر ياحبيبي هيجي…..اومال فين يونس 

أحمد:فطارنا سوا وبعدين راح الشغل 

منير:طيب أنا هطلع فوق أعمل شوية اتصالات واجيلك اوكي 

أحمد:اوكي 

*منير اتصل بيونس وقال:طبعا أنا مرضتش انك تروح تجيب أختك غير مع وجودي وكنت بكلمها اطمنها عني بس حبيت اول وجودها في البيت تكون أنت وآسر موجودين روح هات آسر لانه قافل تليفونه ومش عارف اكلمه وتعال عالفيلا وارجع هات نرجس ممكن 

يونس:ممكن جدا حاضر هروح 

___________

*عند آسر*

كان قاعد علي البحر لقي يونس قعد جمبه وقال:أحيانا تقبل الامر الواقع أفضل من الهروب منه 

آسر:بالنسبة ليك لانك الكفة الكسبانة وأنا اللي خسرت فيه تقبل للخسارة 

يونس:خسارة ومكسب!! الحياة مش حرب أبدا الحياة أبسط من كده لو بتحقق هدف عشان مستني أنك تكسب علي الكل يبقي الأفضل متحققوش أنت بتحقق عشان تكسب نفسك ثم أنك مخسرتش أي حاجة أنت عشت وسط أهلك فترة كبيرة ومقدرتش ده مكنتش مقرب منهم بالعكس كنت بعيد جدا 

آسر بضيق:لا طبعا

يونس:لا ايه أنت سبت والداتك في السجن حتي محاولتش تروح تزورها وتتكلم معاها سبت والداك في المستشفي سبت أخوك الصغير قاعد في البيت لوحده ومشيت بدون ماتسأل عن كل دول وقفلت تليفونك كمان تقلقهم عليك أكتر مش شايف أصلا أنك كنت حاسس أنهم مكسب عشان تزعل علي خسارتهم دلوقتي أنت كسبت عيلة وأب وأخوات بيحبوك والداتك رغم كل اللي عملته معنا الا اني بقولك لو مش عاوز تخسر بجدتروح تزورها من وقت للتاني وتطلع بقي من القرف اللي انت فيه ده وتذاكر وتخلص كليتك وتشتغل معانا في الشركة وتكون شخص مسؤول 

آسر بسخرية:هتجوزوني كمان بالمرة 

يونس:فعلا هتتجوز والخطوة دي أظن أنك عارف انها لازم تحصل 

آسر بتهكم:هتجوز حبيبة اخويا السابقة ايه المكسب العظيم ده

يونس بتوضيح:هتتجوز واحدة أنت غلطت في حقها لتصليح الغلط ده مش عارف مين قالك أن عندك رخصة تغلط ومتصلحش غلطك ولعلمك علاقتي بهدي أنتهت من زمان من قبل ماأعرف غرام حتي ودلوقتي انا بحب غرام ولكن بقولك هدي أنسانه كويسة ويمكن لو أديت لنفسك فرصة تحبها 

آسر فضل ساكت شوية وقام يمشي فمسك يونس أيده وهو بيقول:آسر أنت مش بتكرهني صح

…

… 

آسر وهو بيسحب أيده من يونس:المشكلة أني مصدقك 

ابتسم يونس وقاله:ارجع معايا طيب عشان تشوف أختك

آسر رجع بص ليونس وقال:تؤامك

يونس بتوضيح وابتسامة:وأختك 

آسر:أنا مش هرجع دلوقتي للأسف 

يونس:ولاحتي عشان أحمد اللي صدعني من السؤال عليك ولاحتي عشان بابا اللي طالب رجوعك ولا حتي عشان أنك مصدق كلامي وأن فيه نقطة محايدة بينا 

آسربتنهيدة:هروح ألبس وأجهز شنطتي 

_______

*عند نرجس وصل يونس وطلع الجناح متشوق أنه يشوفها تاني فتحت الباب له وبصتله كتير وهو كمان فضل يتحقق من ملامحها وفجأة ارتمت في حضنه بدموع وهي بتقول:ليه مجتش تشوفني من بدري أنا كنت حاسه أن بينا رابط حاولت أسال عليك محدش جاوبني أنت محستش أني أختك 

ضحك يونس وهو بيقولها:حسيت طبعا بس قولت لا دي أحلي مني مش معقول 

ضحكت نرجس وبصتله وقالت بلهفة:بابا فين؟!

يونس ببتسامة:تعال يلا عاوز يشوفك

نرجس وهي بتبص من الشباك قالت بصدمة: مستشفي الامراض النفسية والعصبية!أحنا جايين هنا ليه 

يونس نزل من العربيةوقالهاببتسامة:خليكي بس لازم فيه حدمهم يكون معانا في اليوم ده

*دخل يونس وطلع ماسك أيد أمه وركبها وراء فضلت تبصلهم الاتنين بحنان ونرجس حضتنها وعيطت ويونس قال:اتحسنت شوية صغيرين صحيح ولماذا تيجي هنا تاني بس مش هينفع ندخل من غيرها

__________

*في فيلا منير الصفتي*

دخلت نسرين مع نرجس ويونس فضلت تبص لكل أرجاء الفيلا اللي اتجددت ولكنها شايفها قديمة زي زمان شايفه وهي بتغني علي المرجيحة ولما كانت بتجري ورا يونس في الجنينة ومرة قاعدة بتتغدي مع منير جوزها في جو رومانسي أتنهدت ودخلت معاهم شافت منير كانت عادية جدا معرفش يحدد نظراتها ليه لكن يونس عارف انها واخده ادويتها وحالتها الي الآن مستقرة بس اللي مضايقاه ملامحها اللي مش ظاهر عليها أي تعابير او سكوتها الدائم أم نرجس اللي قطعت الصمت ده وهي بتبص علي آسر وأحمد بحب وآسر اللي كان بيبص للكل بلامبالاة وأحمد كان مندهش لان يونس ونرجس شكل بعض جدا بالإضافة الي انهم شكل أمهم جدا ومنير عيونه مرحتش غير علي نسرين قاطع الصمت ده يونس وهو بينادي علي شغالة في الفيلا وقال:وصلي نسرين هانم لاي أوضة ونرجس هانم كمان أوضة تانية من فضلك 

منير كان هيتكلم قاطعه بونس:بعدين يابابا هما عاوزين دلوقتي يرتاحوا 

منير سكت بحزن وطلع اوضته يرتاح هو كمان صحيت نسرين طلعت تتمشي لحد مالقت اوضتها القديمة فتحتها ودخلت لقت كل حاجة زي ماهي ماعدا السرير ودهانات الاوضة اتغيروا والعود بتاعها كمان جمبه عود جديد دخلت الحمام لقته نضيف اخدت شاور ولبست هدوم من الدولاب اللي كان فيه هدوم جديدة منير جابها لما عرف انها هتخرج مع يونس ومسكت الفرشة سرحت شعرها ومسكت العود بدون ماتعزف قعدت تغني 

الليلة الليلة الليلة ياسمرا ياسمارة الليلة ياسمرا…..

لا أنا كنت برا ولا مهاجر انا اللي جايلك من باكر قلبي ولا البحر الهاكر عيني ولا الجمرة الليلة……

دخل يونس وهو بيكمل: الليلة الليلة الليلة ياسمرا ياسمارة الليلة ياسمرا…..

بصتله نسرين وسكتت فأتضايق من سكوتها ولكنها بصتله وقالت:سكوتي مضايقك 

يونس ابتسم:جدا صوتك احلي من سكوتك ياماما

نسرين ببتسامةحزينة:بقالي سنين مسمعتش الكلمة دي بقالي سنين كنت محبوسة مش من حقي اعيش غيرمع الأغنية دي

يونس:من ساعة ماعرفت مابطلتش ادور عليكي وبيني وبين نفسي مصدقتش اي حاجة اتقالت لكن بابا هو اللي خرجك وعرف مكانك ماما أوعي تزعلي ان أحنا سابنكي في المستشفي 

نسرين:انا عارفه كويس اني مريضة ولازم اكون هناك 

يونس بتوتر:طب وبابا

*دخل منير الاوضة بحب وقال:ماله بابا بقي

أختبئت نسرين خلف يونس سريعا وتمسكت بيه تختبي من منير الذي نظر اليها بحزن وكاد ان يتكلم قاطعه يونس وقال:بابا لما تتحسن أكتر 

أؤمأ منير بحزن ورحل عن الغرفة

_____

كانت نرجس قاعدة علي المرجيحة برا جه جاسر يبلغ منير بحاجة معينة قرب منها وفضل يبصلها قطعته بنظرة حادة وهي بتقول:نعم؟!

جاسر بتلقائية:حبيت اشوفك عن قرب شكلك حلو

دخلت نسرين لجوا وهي بتبص بضيق عليه 

_______

*بعد سنة*

نسرين اتحسنت ورجعت البيت وبتاخد ادويتها بنتظام ومنير بيحاول يهتم بيها جدا آسر اتجوز هدي وبعد فترة طلقها واداها كل حقوقها وفلوس زيادة وطلب منها تبدأ حياة جديدة بعيد عنه وده تعويض عن ظلمه ليها آسر اتغير وبقي يروح الشركة مع ابوه وأخوه ويهتم بدراسته وبيروح يزور أمه اللي دخلت مستشفي المجانين لأنها اتجننت سراج مازال محبوس وسمير اللي نرجس كانت بتروح تزوره لانه رباها وله فضل عليها وكانت متضايقة من جاسر اللي بيستغل اي فرصة يهزر معاها ويغلس عليها

يونس كان قاعد مع غرام وبيقولها:غرام انا احتمال يبقي عندي شيزوفرنيا في أي وقت هتقدري تربطي نفسك مع حد زيي

غرام بحب:لو فاضل مم عمرك كله يوم واحد يايونس هقضيه معاك ياريت متسبقش الأحداث وتتفاءل وأنا معاك للنهاية♡

____________

*بعد 9سنوات*

غرام كانت واقفة عند قبر أمها وحاضنه بنتها بحب وجمبها والداها ويونس وهي بتقول:كل سنة وانتي طيبة ياماما شوفتي ميليا كبرت ازاي وجبتلك بنفسج وفل 

ابتسم حسين بحزن وخد من غرام ميليا بنتها:ميليا بتنام هاتيها احطها في العربية 

ميليا بعد ماحسين حطها:جدو انا عاوزه قطة 

حسين بحب:حاضر ياروح جدو هجبلك قطة 

باسته ميليا بحب طفولي وغمضت عيونها ونامت 

_______

*في بيت يونس*

قعد جمبه ابنه قُصي وهو بيقوله:بتعمل ايه ياحبيبي وحاطط ايدك علي ايه 

قُصي وهو بيشيل إيده برق يونس لانه لاقي صرصارفقال قُصي:بابا ممكن اخليه معايا 

جت غرام وصوتت:صرصار

طار الصرصار فعيط قُصي وهو بيشد هدوم يونس وبيقوله:بابا خليه يرجعلي 

غرام بصريخ:يونس اقتل البتاع ده 

ميليا جت بقطتها وهي بتشد هدوم يونس:بابي بوسي جعانة تعال أكلها انت 

غرام بصريخ:انا مش قولت القطة دي متطلعتش من الأوضة 

ميليا عيطت وهي بتحضن قطتها 

عدي بغضب طفولي:مش عارف اكتب الhome work من دوشتكم دي 

يونس بزعيق:بسسسسس ايه منك لله يا غرام انا حاسس اني عايش في اللالاند منك انتي وعيالك 

غرام بتهكم:دلوقتي بقوا عيالي

يونس بنفاذ صبر:عيالي انا ياستي ارتاحتي كده ثم أكمل بهدوء ميليا حبيبة بابي ادخلي يابابا بالقطة دي عشان ماما بتخاف من القطط قُصي روح العب بالألعاب عشان شوية وهنروح عند تيتة نسرين عدي روح اكتب الhome work بتاعك في اوضتك يلا 

راح لغرام وحاضنها:تعالي ياحبيبي نرتاح من دوشتهم 

يونس حاضن غرام وبيعدل شعرهاوهوبيقول بحب:الوقت بيعدي وربنا رزقنا بتلات هدايا وانا لسه بشوفك البنت الشقية الجميلة اللي وقعتني في غرامها وكل يوم بحبك أزيد أنا بحبك اوي ياغرامي♡

غرام:وأنا بموت فيك ياقلب غرامك♤

*فجأة سمعوا صوت خبط طفولي 

ميليا بعياط:بابي قُصي ضرب بوسي

قُصي:يابابي كانت عاوزه تعضني 

عدي:ماما افتحي اعملي معايا الhome work 

يونس بعصبية:ده ربنا رزقني بتلات بلاوي يكفروا عن ذنوبي 

__________

*في فيلا منير الصفتي*

نسرين قاعدة علي المرجيحة جه منير من وراها وهو بيقول بحب:فيه جدة قمر كده بتخطفيني بنظرة كل ماأشوفك بحس اني بحبك من اول وجديد♡

نسرين بضحك:بكاش اوي انت انا هقوم اخد ادويتي احسن دي اعراض هلاوس 

ضحك منير وقال:طب يلا لان زمان يونس وآسر جايين من الشغل وهيجيبوا غرام والولاد وأحمد من المطار ونرجس وجاسر علي وصول 

دخل قُصي وهو بيردد بمرح:تيتة نسرين انا جيت 

ودخل جاسر وحاضن مراته نرجس وهوبيقول:واحنا كمان 

*بعد الغداء*

قُصي لنسرين:تيتة مش هتقوليلي بعد ماالبطل شاف مامته واتجوز البطلة عمل ايه 

يونس بضحك شاله وقال:اقولك انا عاش سعيد جدا وخلف ولد قمور وجميل ولمض زيك كده 

قُصي بمرح:واسمه قُصي

يونس بضحك:لماح ماشاء الله 

نسرين مسكت دفتر مذكراتها وكتبت…. 

الحب والكره وجهان لعملة واحدة ولكنك لا تستطيع الا أن تلقي الاثنين لن تعيش بدون واحد منهم الأمر الجدير بالذكر هو أنك ستكره الكره وليس من أجل تلك المعركة التي اقحمك بها بل ستكرهه لانه قطع ساعات الحب تلك لايوجد تعريف لاشياء كثيرة مثل الحب الكره السعادة التعاسة الحياة والموت ولكن ماأجمل التناقض الذي يُشعرك بلذة الأشياء وأحيانا يجعلك في انفصام عن الواقع 

شيزوفرنيا♤

THE END❤️

نقول بأي بأي شيزوفرنيا بقي????❤️