Uncategorized

اسكريبت ابن لم تلده زوجتي الجزء الثالث 3 والأخير بقلم منة أسامة

  اسكريبت ابن لم تلده زوجتي الجزء الثالث 3 بقلم منة أسامة

اسكريبت ابن لم تلده زوجتي الجزء الثالث 3 بقلم منة أسامة

اسكريبت ابن لم تلده زوجتي الجزء الثالث 3 والأخير بقلم منة أسامة

بعد ١٥ سنة……
عدت ايام وشهور وسنين وعلي كبر وبقا سندي وفعلاً ابني وونسي ودنيتي كلها… 
كبر وبقا مهندس ميكانيكي وفرحني…. 
يمكن كنت فرحان لما بقا مهندس… بس برده فرحتي دي
 متتقارنش بفرحتي لما يرجع كل يوم من شغله يجري يبوس ايدي ويقعد تاني عند رجلي ف مشهد بيتكرر بقاله سنين طويلة مخليني منساش لحظة من اللي عشته معاه
علي وهو بيدخل: يا حجوج
مصطفى بابتسامة: تعالي يا علي انا في البلكونة
جالي البلكونة بابتسامة بشوشة باس ايدي وقعد ع الارض قصادي فابتسمت ومسحت على شعره بحب
علي بابتسامة: عامل اي؟ 
مصطفى: انا الحمدلله بخير.. وانت يا سي علي؟ 
علي: في احسن احسن احسن حال الحمدلله 
مصطفى: امم… يبقا وراك حاجة، اشجيني
علي: بحب 
مصطفى: مين؟ 
علي بابتسامة: زميلتي في الشغل
مصطفى بهزار: ودي على كده حلوة؟ 
علي: زي القمر… هشوفلك اختها
مصطفى: وهي؟ 
علي: يعني اي؟ منا قولتلك هي حلوة وزي القمر
مصطفى: يا علي افهم… قصدي طباعها.. اخلاقها
علي: هي عصبية شوية بس قلبها ابيض… دبش بس يعني اللي في قلبها على لسانها
مصطفى: امم.. يبقا انت كده ماشي غلط
علي: ازاي مش فاهم؟ 
مصطفى: انت دورت من برا بس.. مش من جوا، لازم تفهم يا علي انك لما تخلف ويبقا عندك اولاد مش هيقولولك ماما مش حلوة ليه او شعرها مش اصفر وعينيها ملونين ليه… اول حاجة هتدور عليها قبل عيالك كمان هي الحنية والتفاهم والمودة، حاجات زي دي متقدرش تشتريها او تخلقها… دي حاجات بتتوجد مع الشخص اللي هتلاقي نفسك معاه.. الحب والتفاهم والمودة والحنية بتيجي بس في الوقت المناسب ومن الشخص الصح مش ف اي وقت ومن اي حد… مينفعش أبداً تتجوز عشان شايف انها حلوة من برا… دور من برا وجوا يا علي
علي: اممم.. يعني انت عملت كده لما اتجوزت طنط سارة؟ 
مصطفى: اممم…. بصراحة لا.. اتجوزتها عشان حلوة
بصينا لبعض للحظة قبل ما انفجر انا وهو في نوبة ضحك وبقينا كل ما نبص لبعض نضحك اكتر واخيراً بعد فترة هدينا ولقيته قام جاب كرسي وقعد جنبي
علي بابتسامة: طب ما تحكيلي عنها
مصطفى: احكيلك؟ تاني؟ هو انا ببطل كلام عنها ووصف فيها يبني؟ 
علي: واي يعني؟ احكي تاني واوصف تاني وانا هعمل نفسي متفاجئ زي كل مرة
مصطفى بابتسامة: كانت شبهك.. هي مش امك او يعني.. مش والدتك ملامحك الظاهرية مش زيها بس روحك نسخة صغيرة عنها… ضحكتك لما بتدخل عليا تشبه كتير لضحكتها ولما بتيجي تحضني بعد كل انجاز بتعمله او لمجرد اني واحشك بفتكرها لما كانت تجري عليا فرحانة عشان عملت الفشار من غير ما تحرق منه حبة… كنت بحب انجازاتها البسيطة دي عشان كانت بتحسسني انها بتملك الدنيا وما عليها بضحكتها… حتى لو عاملة حاجة بسيطة جداً.. كوباية شاي مظبوطة او قهوة حلوة… كلها حاجات كانت بتفرحها وتخليها تجري تحضني ونحتفل سوا.. وبرده مواساتك ليا وقت زعلي، انت اه اصغر مني بس وقت مواساتك بحسك كبرت وبحس اني انا اللي ابنك زيها برده كنت بحسها امي وهي بتنصحني… عشان كده قولت اني لايمكن هلاقي زيها ولا هحب بعدها.. سارة كانت حظي الحلو من الدنيا ولما ربنا بعدها عني كان عشان يفكرني ان كل حاجة رايحة وان مفيش حد باقيلي غيره.. ربنا خدها عشان ارجعله.. ولما رجعت طلبت عوض وجيتلي انت.. احلى عوض من الدنيا
علي وهو بيبوس ايده: والله انت اللي كنت عوضي وسندي من الدنيا دي
ابتسمت وحضنته وقومنا نصلي سوا لما المغرب اذن وقعدنا نتكلم سوا لحد ما نعسنا خالص فقومنا ننام وتاني يوم ملقيتوش في البيت فعرفت انه راح يجيبلنا فطار فبدأت احضر لحد ما جه فطرنا سوا وقعدنا في البلكونة نلعب طاولة وكوتشينه وشطرنج.. مسيبناش حاجة ملعبناهاش
المهم انه سمع كلامي وفعلاً مفاتحنيش في موضوع البنت دي تاني… حسيته زعلان لكن كنت متأكد ان ربنا هيعوضه وفعلاً عوض ربنا مكنش بعيد.. 
بعد تلات شهور جالي تاني وطلب مني اخطبله بس كانت جارتنا… 
كانت بنت لطيفة ومؤدبة والكل يشهدلها باحترامها وبمجرد ما قال انه عايزها مترددتش وروحت طلبتهاله ومن سنة كام فرحهم
النهاردة بقا معاهم سارة… بنتهم
النهاردة سارة فعلاً رجعتلي
النهاردة اتأكدت ان مش شرط دايماً يكون العوض على هيئة زواج… 
العوض حب.. لكن مش شرط بين زوجين
علاقة الابن بأبوه حب.. 
البنت وامها حب..
الاخ واخته حب… 
كل ده اسمه حب… لكن في النهاية مش بنميل ولا هنميل ف يوم الا للي فاهمنا وحاببنا بعيوبنا قبل مميزاتنا
تمت

اترك رد