Uncategorized
رواية أميرتي الفصل الثاني 2 بقلم منة حسني
رواية أميرتي الفصل الثاني 2 بقلم منة حسني
 |
| رواية أميرتي الفصل الثاني 2 بقلم منة حسني |
رواية أميرتي الفصل الثاني 2 بقلم منة حسني
الا بقولك اي يسمراني انت
=اعتبر دي تفرقه عنصريه؟!
_لا خالص والله
=عايزه اي طيب
_كنت بس عايزاك تساعدني
=ف اي
_اتعدل… ضهري وجعني جامد وبجد م هستحمل لحد ما خالو يجي
=طب ثواني
راح لبس جوانتيين وجه عشان يساعدني
_هو حد عرفك اني بوسخ ولا حاجه؟!
=افندم؟
_اصل م فاهمه يعني لبست الجوانتي لي؟ خايف انقلك مرض ولا حاجه؟!
=هو انتي لي عايزه تضايقي نفسك ع الفاضي؟
_يعني كمان حطيت الحق عليا؟!
=يلهوي يامااا عليا…. لا حضرتك انا لبسته م خوفا منك ع فكرا دا بس لاني هشيلك المحلول وهشيل الكانيولا… ولا تحبي اتعامل مع الدم بوشي؟
_انت بتكلمني كدا لي اصلا؟!
=يادي اليوم الابيض… اناااا اسف.. حقك عليا لو سمحتي بقي هاتي ايدك
_انت م محترم وهديك ايدي لي كمان ان شاءلله
=هعيد يعني اللي قولته تاني؟ هشيل الكانيولا من ايدك هي والمحلول ف طبيعي هحتاج ايدك
_اه… اسفه ماشي خد اهي
مسك ايدي وفضل مركز شويه…. هو يعني لازم يبقي بالقرب دا؟!!…. ريحه البرفيوم بتاعته وصلت لاعماق اعماق خلايا عقلي…. يلهوي عليا ولا كأني لسه متطلقه مبقاليش كام ساعه فوقت من كل الهبل دا ع زعيق منه او بمعني اصح صوته علي شويه
_ياانسه…. ياانسههه
=اا.. ايه
_لو سمحتي امسكي القطنه شويه بس ع ما اجبلك لزقه
=حاضر
مشي وهو فيه شبح ابتسامه ع وشه …. والله حقه يضحك كمان م ابتسامه بس.. مانا بصراحه م فاهمه بقي مالي كدا استغفرالله العظيم بجد.. خالي شكله راخر م ناوي يجي
_هو انت صاحب الصيدليه؟
=لا انا شغال بس
_امم طيب
=لي محتاجه حاجه؟
_كنت عايزه اشتغل
=انتي كليه اي
_لا انا دبلوم تجاره
=طب لي تشتغلي ما تكملي كليه
_لا م عايزة دلوقتي… عايزه بس اشتغل
=هو انا ممكن اقول لاخويا ولو كدا تعالي اشتغلي معايا ف الصيدليه
_انت اخوك صاحب الصيدليه
=اه… لوحابه يعني.. هقوله عادي اصل هو كان بيدور اصلا ع اي بنت تشتغل مع الستات
_بس انا اصلا مبعرفش اعمل اي حاجه
=هعلمك عادي.. مفيش حاجه صعبه
مديت ليه ايديا وانا مبتسمه _انا اميمه
=وانا باسل…. عندك كام سنه بقي يااميمه
_تخيل كدا
=اممم… م اكتر من 20 سنه
_اي دا… دا انا كدا اتغر بقي
=لي.. انتي اكبر من كدا؟
_اه
=25 طيب؟!
_كبر يبني اكتر يلهوي
=لا بقي مستحيل تبقي اكبر من كدا
ضحكت جامد ع طريقته _انا 18 سنه يباشا
=اايوا انا قولت بردو م معقول يعني
_هههه… انت كام سنه طيب
=تخيلي
_لا احنا كدا بنقطع ع بعض حضرتك انت تقول علطول انما انا ك بنت مقولش عندي قد اي
_انتي ع فكرا مفرقه عنصريه جامد يعني
=محصلش.. كام بقي بجد
_انا 23 ياستي
=يصغنوووون
_انا بردو؟!
=ههههه….. انا هقوم بقي اروح
_طب والحساب
=الحساب كام؟!
_40
=طب ياعم هشتغل وابقي خدهم من المرتب
_لا احنا كدا مينفعش يعني هتيجي عليا بخساره كمان؟!
قالها بضحك بس بجد الكلمه ضايقتني اوي
=لولا الظروف مكنتش هشتغل اصلا بس صدقني فلوسك امانه وهترجعلك انا م هاكل حقك يعني
_م قصدي….
=انا هسيبلك رقم تليفوني عامه ولو مردتش عليا بكرا ع اخر النهار هكون جيبالك الفلوس.. السلام عليكم
ومشيت قبل ما يزود كلمه كمان
……………….
ف الجزء التاني من الكوكب بيصحي ادم من النوم ع صوت سيلينا حبيبته وهي بتصحيه ع الشغل (ف دول الغرب بيبقوا مرتبطين وقاعدين ف بيت واحد عادي)
_حبيبي… ادم اصحي
=صباح الخير … قالها بابتسامه
_صباح الخير يحبيبي اصحي بقي عشان متتاخرش ع الشغل
قام وباس خدها ودخل ياخد شاور
**طبعا كل الكلام دا بالانجلش بس نظرا لانكوا جامدين عرفتوا تقرأوا عادي????????**
طلع ادم من الشاور كانت سيلينا جهزتله هدومه اللي هيلبسها مكونه من تيشرت ساده ابيض بنطلون ابيض وعليه بليزر اسود وجزمه بيضا طلع لبس ع ما عملتله الانش بوكس بتاعه (ولا اجدعها عيل ف سته ابتدائي)خلص لبس وفطر وخد الانش بوكس اللي بياخده عشان ميزعلهاش بس ونزل من العماره….
ولسه هيركب عربيته جاتله مكالمه دوليه من مصر
_الو
=……
_حصصل امتي الكلام دا؟!