Uncategorized

رواية أميرتي الفصل الرابع 4 بقلم منة حسني

 رواية أميرتي الفصل الرابع 4 بقلم منة حسني

رواية أميرتي الفصل الرابع 4 بقلم منة حسني

رواية أميرتي الفصل الرابع 4 بقلم منة حسني

هي مصر بقت كدا؟!  يعني هو انا جاي من امريكا لمصر بعد غياب طال كام سنه اتهزأ؟!!! لا وكمان من ست يعني م راجل؟!! دا البنات ف امريكا كانت تتمني بس لو ابصلها اجي هنا اتهزأ من بنت طول ركبتي؟! لا والمشكله متجيش 1%من جمال اللي كانو بيتمنوني ف امريكا.. انا بقول ارجع امريكا تاني احسن.. 
وصلت البيت عند بابا بعد بالضبط 5 دقايق من الخناقه مااصل لحسن الحظ ان بيتنا طلع قريب من بيتها ودا هيخليني اعرف اتسلي عليها براحتي……
_ ياااحجوووج وحشتني والله 
=وحشتك بردو؟! دا انت بقالك 5 سنين يابن ال*** منزلتش مصر 
_بس متنكرش انك لما جتلي من سنه وكام شهر روحت استقبلتك ف المطار وقعدت معايا 3 ايام 
=3ايام؟ دا بدل ما كل شهر تنزل تشوفني مت ولا حصلي حاجه… انما نقول اي
_ياحجوج مانا جيت اهو الله 
=طب ادخل يخويا زمان ابو نسمه حضرلك اوضتك
_ابو نسمه؟  طب مينفعش تكون نسمه نفسها هي اللي بتحضرها؟ 
=امشي يابن ال***من وشي 
_اخلاقك راحت ف داهيه يابابا والله 
=انا بردو؟! امشي ياض ع اوضتك بلاش كتر كلام
_حاضر.. شوفت بسمع الكلام ازاي… 
ضحكت وبعدها طلعت ع اوضتي 
اوضتي اللي تقريبا شبه سويت ف فندق حقيقي بحبها اكتر من شقتي اللي امريكا.. اخر مره جددتها كنت وقتها لسه ف ثانوي وكانت احلامي كتير وعملت تقريبا الاوضه كلها باللون البيبي بلو (سماوي) بسبب اني كنت بعشق اللون دا وابتديت ف اجازه تالته اعدادي احفز نفسي عشان ادخل الثانوي واجيب مجموع… كنت عايز اجيب طب.. واخترت قسم القلب بالذات عشان امي توفت بسبب مرض نادر جالها ف القلب….المهم فكرت ف فكره حلوه احفز بيها نفسي ولقيت فكره الحفر ع الخشب مناسبه جدا روحت ع اول الشارع واشتريت خشب وقصيطه بطول معين واشتريت علبه بويا بتاعه الباب وروحت ابتديت احفر والون اللي بحفره باللون الاسود بصراحه الكتابه مكنتش احسن حاجه ولا الشكل كان احسن حاجه بس كنت حاسس اني عملت انجاز ف الاخر مدخلتش طب اصلا بس يلا اهي ذكريات 
                                  ………………. 
(اميمه) 
صحيت الصبح مأريفه وم طايقه حد حرفيا عشان منمتش كويس بسبب ال***** بتاع امبارح بس كان غصب عني لازم اقوم البس واروح الشغل
قومت لبست وطلعت ع الصيدليه 
_صباح الخير يامستر باسل
=ميمشيش معاكي دكتور؟ 
ابتسمت _لا يمشي يامستر 
=يختااااي 
ضحكت_ خلاص يجدع م للدجادي 
=جدع؟ لا انا بقول الالقاب هتزيد سوء مع الوقت ف حلو مستر ومالو
حطيت ايدي ع وشي او بمعني اصح ع بوقي عشان ابطل ضحك واخفي سناني.. بس ف لحظه حسيته اتغير.. بلا سبب قلب وشه قلب اصفر 
_حضرتك كويس؟ 
=هو انتي متجوزه؟ 
_لي السؤال؟! 
=لا اصل باين عليكي نونو يعني ف استغربت لما شوفت دبلتك 
_اه… لا م عايزه اصدمك انا متطلقه كمان
وشه جاب حرفيا بعد الكلمه دي الوان =بتهزري صح 
_لا والله… انا متجوزه من شهر واتطلقت اول امبارح… اصلا بسبب الطلاق جتلك هنا عشان الكاتنج فاكر
=شهر واحد بس جواز؟! 
_اه… اصله مكنش ببحبني…. كان.. دخل وقتها زبون ف وقفت كلام ع ما يمشي 
بعد ما الراجل مشي لقيت باسل بيقولي =تيجي اعلمك الضغط؟ 
_بس سمعت انه صعب 
=مفيش حاجه صعبه ع اللي عايز يتعلم بصي هقولك ع تيكتيك بمجرد ما هتعمليه هتسمعي الضغط من اول مره 
اتحمست وحرفيا ركزت ف كل كلمه قالها بعدها خلاني اجرب اقيسله وفعلا قدرت اقيسه 
                           …………………………. 
(اادم) 
_يا سيلين غصب عني.. لازم اقعد شهر هنا بابا تعبان جامد 
=يعني اي يعني ياادم.. خلاص انا هجيلك 
_اانا قولت لا قبل كدا ياسيلين… انتي عارفه ان البيت اللي هناك بتاع بابا والشركه كمان بتاعته ولو عرف اللي بينا اكيد م هيرضي عن العلاقه دي وهيبعدني عنك يحبيبتي وانا مقدرش… يرضيكي يعني يبعدني عنك؟ 
=بس ادم باباك لازم يعرف اللي بينا وخصوصا ان هيبقي فيه شخص تالت معانا 
_م فاهم
=يعني انا حامل ياادم
يتبع…..
لقراءة الفصل الخامس : اضغط هنا
لقراءة باقي فصول الرواية : اضغط هنا

اترك رد