Uncategorized

رواية مثلث برمودا الفصل التاسع عشر 19 بقلم بنت الصعيد

                رواية مثلث برمودا الفصل التاسع عشر 19 بقلم بنت الصعيد

رواية مثلث برمودا الفصل التاسع عشر 19 بقلم بنت الصعيد

رواية مثلث برمودا الفصل التاسع عشر 19 بقلم بنت الصعيد

(يوما ما سنجلس سويا في شرفة منزلنا في ليلة قمرية نرتشف بعض القهوة  لاقص لكي كم عانيت لاجلكِ ، يوما ما سيلتف حولي ابنائنا لنروي لهم أسطورة عشقنا❤️)
وفجأة يخرج جان حاضن تالين من اوضتهم  وهي بتضحك ضحكة رقيعة وهو بيبوسها 
الملك بص لهم بدهشة .. هكذا يعذبها ؟؟!!!!
ياسين حط أيديه في جيوب بنطلونه وابتسم .. أحلي عذاب دا ولا ايه وبعدين جز علي أسنانه وكمل ..
منك لله يا يامان الكلب ضيعت لحظة تعذيبي 
جان بصلهم بدهشة .. لما انتم هنا وبعدين انتبه لوجود يامان وقرب عليه بغضب ومسكه من هدومه وقال.. كيف تجرأت ايها المهرج علي الهروب وكيف لك أن تفكر مجرد تفكير في الأميرة سألقنك درسا لن تنساه 
ياسين اتحرك ناحيت جان  عشان يفك أيده من يامان 
تالين صرخت بغضب .. جان لقد وعدتني بالتغيير أليس كذلك .. اتركه جان 
جان ساب هدوم يامان وكان بيبصله بتوعد وقال .. من اليوم لا اريد رؤيتك في القلعة ارحل عن هنا في الحال 
الملك بهدوء  … ماذا يحدث هنا اريد معرفة كل شئ 
جان اتنهد .. قلت اترك لي أمور القرية ايها الملك واهتم بشؤونك السياسية فالجزيرة بأكملها علي المحك 
تاران … اخاف أن تدمر كل شئ جان 
جان بغضب … قلت لك يجب أن تثق بي 
نوريس كانت متابعة كل حاجة بحزن اتمنت لو تروح تقف في وش جان وتقوله انها بتحب يامان ومش فارق معاها الفروق الاجتماعية اللي بينهم بس مش عندها الجرأة اللي تقدر تواجه بها جان 
ياسين … اسمع يا امير جان مش من حقك تطرد اي حد من بلده او بيته المفروض انت كأمير تحمي الاشخاص دي وتحافظ علي حياتهم مش تطردهم وترميهم 
جان قرب ل ياسين وجز علي أسنانه .. كنت أنوي أن افتك بك اشكر الظروف التي انقذتك مني 
ياسين جز علي أسنانه وقال  … انت ماتعرفش اني كنت هاقاوم لاخر نفس ماتعرفش اني في قوة إرادة جوايا اسمها الحب وكنت هانتصر عليك في كل الأحوال 
جان اتعصب من كلام ياسين 
بس تالين انقذت الموقف ومسكت ايد جان وقالت بدلع .. نريد أن نحتفل بعودتنا ونزوج ياسين وكنز أمام الجميع 
جان بصدمة وغضب .. وكيف تعرفين كنز وهذا *شاور علي ياسين *
ياسين حب يغيظ جان ضيق عينيه وقال .. كويس انك ما نطقتش اسمي عشان ما اكرهوش 
جان … اتقي شري 
ياسين … ياعم روح داوي جروحك الاول 
جان جز علي أسنانه وهو وياسين بيبصه لبعض بتحدي بس كنز مسكت دراع ياسين وتالين مسكت دراع جان 
كنز حبت تنهي المناقشة والمشادة اللي بين ياسين وجان .. امير جان احنا جينا نطمن أن تالين بخير والحمدلله اطمنا يلا يا ياسين نمشي يلا يا يامان 
مشيوا كلهم 
وجان قعد بغيظ وهو بيبص علي طيفهم 
لغاية ما اختفوا 
تالين قعدت جمبه .. ماذا قررت جان بخصوص تورطك مع حلف الشيطا*ن 
جان غمض عينيه بضيق وقال .. تالين لا تضغطي عليّ أكثر من ذلك فإذا تخليت عن عملي معهم سأعرض القلعة كلها للخطر أرجو أن تتفهمي كلامي جيدا 
تالين بصت له بضيق وفضلت تهز رجلها بغضب وبعدين قالت بحزم … جان اريد أن اربي طفلي في وسط  أمن لا اريده أن يأتي و يجد هذا الخطر يلاحقه ارجوك 
***********
وصلوا التلاتة بيت يامان 
دخلوا وقعدوا وكان يامان ساكت وحزين 
ياسين حاسس به لأنه مجرب احساس انك تكون بتحب واحدة واهلها يكونوا عقبه في طريق حبكم . اتنهد تنهيدة طويلة وقال ..وهتعمل ايه 
يامان بحزن … لاشئ . كنت اعلم منذ البداية أن حبي لها مستحيل لم يكن بإمكاني أن أتأمل كثيرا .. يجب أن أبتعد 
ياسين باستنكار .. انت مالك يا ابني كده يائس لازم تغامر عشان توصل لحبك .. انا رميت نفسي في المحيط عشان اوصل لحبي * كنز كانت مركزة مع كلام ياسين وابتسمت لما قال كده وفضلت سرحانة في تفاصيله و هو مش واخد باله وفجأة بص لها بطرف عينه لقاها سرحانة فيه قام من مكانه وقعد جمبها وحاوطها بإيده 
كنز بصت له بدهشة وهو همس لها  .. عاجبك 
كنز هزت راسها بخجل وقامت جريت علي الاوضة لما انكسفت 
ياسين ابتسم وبعدها بص ليامان .. منور يا ماااان (man)
يامان بحزن .. شكرا لك 
ياسين حس بحزنه اتحرك وقعد جمبه .. ما تزعلش أنا هاساعدك توصل لحبك . انت كنت جدع مع كنز وحافظت عليها وكدبت علي جان وقولت أنها مراتك من غير ما تخاف 
يامان ابتسم غصب عنه .. أشعر أن قلبي يتمزق كلما افكر أنني سأتركها 
ياسين … ادخل نام دلوقتي وفي النور نبقي نفكر هنعمل ايه .. وبعدين قال باستغراب (في النور ) هو أنا بقيت باتكلم زيهم كده ليه 
قام ودخل الأوضة لقي كنز راحت في النوم قلع التي شيرت بتاعه ومدد جمبها بالراحة عشان ماتصحاش حط أيده تحت راسه وسرح وهو بيفكر احنا ازاي نخرج من هنا 
يا تري جان هيوافق يخرجنا ولا هيرفض .. عمر واحشتني اوي يا صاحبي وياتري بابا عامل ايه من بعدي يارب يكون بخير 
بعد تفكير طويل بص لكنز وحضنها وغمض عينيه وراح في النوم 
************
ولاية فلوريدا ١٩٩٣ 
في الصباح 
أصالة عاملة دوشة وجايبة شغالين كتير وبتلف حوالين نفسها ومعاها واحدة صاحبتها دكتورة زيها 
الدكتورة ميرنا … ايه يا بنتي اهدي انتي عروسة سيبي كل حاجة من ايدك واطلعي اغسلي وشك م الماسك دا واهتمي بنفسك بقي 
أصالة .. اوك بس بتأكد أن كل حاجة تمام عشان مابقاش قلقانة 
عمر جي من واراها لف ايديه حوالين وسطها وقرب من دونها وهمس .. حبيبي قلقان من ايه 
التفت بصدمة .. عمر ! 
عمر شافها بمسك الطمي الاسود .. ياما سلام قول من رب رحيم من دي 
ميرنا انفجرت ضحك وقالت .. دا ماسك يا عريس 
اصالة ما اهتمتش بكلامه وكملت بغضب  .. انا مش أكدت عليك ما تظهرش قدامي انهاردة الا في الفرح
عمر بغضب مصطنع  .. لا ما قدرش أنا اصلا اتعودت اني اشوفك كل فيمتو ثانية 
أصالة ضحكت .. طب يلا أخرج بقي عشان ما ينفعش العريس يشوف عروسته 
خرج عمر وتابعت أصالة تجهيزات فرحها 
وشريف كان واقف مع عمر في الجنينة بيتمموا علي اللمسات الأخيرة للديكور 
قرابة الضهر 
كانت أصالة جاهزة بفستان ابيض رقيق  وعمر كان لابس بدلة سودة شيك كانوا لايقين علي بعض 
شريف كان ماسك أصالة وبيتصنع الابتسامة غصب عنه عشان ما يكسرش فرحة عمر وأصالة بس كان من جواه حزين علي ياسين اللي حرم نفسه وحرمه من اللحظة دي 
عمر مسك ايد أصالة وفضلوا يلفوا حوالين الناس ويسلموا ع الكل وبعد شوية رقصوا 
وفي لحظة عمر افتكر ياسين ولمعت دمعة في عينيه أصالة عرفت سببها مسكت أيده وضغطت عليها يعني بتقوله أنا معاك وهنتجاوز حزننا مع بعض ابتسم لها ابتسامة خفيفة وطبع قبلة هادية علي جبينها وبدأوا في مراسم كتب الكتاب 
وبعد مرور وقت الفرح انتهي وعمر وأصالة اخدوا شنطهم وطلعوا شهر عسل في باريس لان دي كان حلم أصالة 
*************
بعد مرور فترة غير معلومة ياسين كان خلاص اتعافي تماما من إصاباته 
وفي يوم 
كان ياسين نايم وكنز في حضنه 
كنز بدأت تتململ وتصحي علي صوت خبط ع الباب فلتت نفسها من حضن ياسين وقامت عشان تفتح 
فتحت الباب بس اتفأجت لما شافت تالين 
تالين .. صباح الخير 
كنز بتفرك عينيها بنعاس .. صباح النور . تالين ! .. خير ايه اللي جابك 
تالين بفرحة .. لقد أقنعت جان بأن نقيم احتفالا في القلعة بمناسبة رجوعنا وايضا بمناسبة زواجك من ياسين استعدي في الظلام سنحتفل 
كنز بفرحة .. بجد .. وحضنت تالين بفرحة 
دخلت كنز عند ياسين وصحته وهي بتتنطط جمبه زي الاطفال .. ياسوووو ياسو 
ياسين فتح عينيه وابتسم وشدها ناحيته .. ليه الازعاج دا ع الصبح 
كنز .. جان أخيرا رضي عننا وهيعملنا فرح والقلعة كلها هتعرف اننا متجوزين 
ياسين .. غريبة! وانتي عرفتي ازاي 
كنز … تالين جات قالتلي 
ياسين بخبث .. امم أنا كنت بفكر بما اني شلت الجبس من رجلي امبارح انه أنهاردة يبقي يومنا الاول .. حلو الفرح جي في وقته بالظبط 
كنز ارتبكت وبعدت عن ياسين وقالت .. أنا هاعمل فطار عقبال ما تاخد شاور 
ياسين وهو بيقوم من السرير .. اوك 
***********
عمر وأصالة سافروا باريس 
وكانوا بيقضوا اجمل ايام حياتهم بيتفسحوا ويسهروا ويتصوروا وفي يوم 
في نايت كلاب 
بيرقصوا سلو 
أصالة كانت سرحانة وباصة لتحت 
عمر .. صولا .. أصالة روحتي فين 
أصالة انتبهت .. ها نعم يا ياسين 
عمر أنصدم وبص لها بحزن وهمس .. ياسين !! ايديه اللي كانت حاضناها سابتها وهي من الصدمة مش عارفة تنطق ولا كلمة فضلت واقفة مكانها بصدمة وبعدها انتبهت لخروج عمر من المحل هو بيحب ياسين اوي لانه صاحبه بس أنه مراته تفكر في شخص تاني وتنطق اسمه دا يجرح كرامة اي راجل 
أصالة جريت ورا عمر وفضلت تنادي عليه .. عمر عمــــــــــــــر استني يا عُمااااااااار  
************
في الظلام 
كانت مراسم الاحتفال أسطورية في القلعة كلها وياسين وكنز بيتجوزوا للمرة التانية  ياسين كان ماسك ايد كنز بحب وبيبصوا لبعض وفرحانين كأنهم اول مرة يتجوزوا و جان ماسك ايد تالين بتملك كأنه بيقول للكل دي تخصني أنا وبس 
يامان كان قاعد في ركن بعيد وبيبص لنوريس كأنها حلم بعيد مستحيل يحققه 
وهي كانت بصاله بحزن 
وفجأة جان يفجر قنبلة في الحفلة 
جان … اليوم طلب مني الأمير (جينك) أن يتزوج الأميرة نوريس وقريبا سنحتفل بزفافهم  الكل بدأ يصقف 
نوريس اتفاجئت وفضلت تبص ليامان اللي كان هينسحب ويمشي 
وكنز وياسين زعلوا عشان يامان 
لكن اخير انتهزت نوريس فرصة انشغال جان بالاحتفال وقربت عند يامان مسكت أيده وقالت .. يامان يجب أن نهرب حتي نستطيع أن نكمل حياتنا سويا والا لن تتسني لنا فرصة اللقاء مرة ثانية ما رأيك يامان هيا قرر لم يعد أمامنا وقت للتفكير 
يامان بص لها بأمل ومسك أيدها وهز راسه يعني موافق
نوريس ابتسمت .. سأحدد الوقت المناسب لكي نرحل من هنا الي الأبد  
اخيرا الحفلة خلصت وياسين اخد كنز وراحوا علي بيت يامان ويامان كان وراهم 
فتح ياسين الباب بحماس وقال .. نورتي بيتك يا شابة هههههه( بصوت ريا وسكينة )
لسة هيدخولوا لقوا يامان وراهم 
وقف ياسين عند الباب وقال بضيق .. انت ما عندكش دم ؟؟!! 
يامان ببلاهة  .. لا لدي الكثير 
ياسين جز علي أسنانه.. والله طب اروح اجيب سكينة اشرحك وأشوف عندك دم اد ايه 
يامان بعدم فهم … ماذا تقول يا صاح هي لدي أخبارا جيدة لكم 
ياسين .. لا متشكرين يا سيدي مش عايزين اخبار حلوة طرقنا انت بس وخلي عند اهلك دم انهاردة يوم فرحنا وعايزين نكون علي راحتنا ممكن حضرتك 
يامان ابتسم .. لقد فهمت ايها اللئيم حسنا سأرحل 
ياسين رماله بوسة في الهوا وقفل الباب بسرعة ودخل لقي كنز بتبدل فستان الزفاف 
ابتسم بخبث جاب مية يشرب بعد فترة فتحت كنز الباب وكانت متوترة 
ياسين قرب لكنز وباسها بوسة رقيقة وقالها ثواني وراجعلك دخل غير بدلته وخرج وهو  لابس بنطلون 
كنز بصت لتحت بكسوف وارتباك ووقفت .. ياسين أنا هادخل أنام 
ياسين .. وحياة امك ؟؟!! تنامي دا ايه 
كنز بلعت ريقها بالعافية  ..ا  اصلي تعبانة عندي عذر شرعي 
ياسين بتعبير وش باكي  … عذر ايه وحبكت يعني انهاردة 
بصت له ببرأة .. مش ذنبي يا ياسو 
قرب لها ومسك راسها باسها بهدوء .. عارف يا قلب ياسو طب انتي كويسة اعملك حاجة تشريبها  
كنز .. لا لا أنا لو نمت هابقي كويسة . ودخلت بسرعة ع الاوضة تنام وهي داخلة ابتسمت بخبث 
ياسين نايم ع الكنبة .. عمال يتقلب يمين وشمال مش جايله نوم حط أيده علي عينيه برضو مافيش فايدة أنه قام عشان يروح يشرب وهو معدي من جمب اوضة كنز سمعها يتقول … السلام عليكم ورحمة الله 
اتجنن فتح الباب باندفاع لقي كنز كانت بتصلي ربع ايديه وسند ع الباب وبص لها بطرف عينه وقال بسخرية .. وهي اللي عندها عذر شرعي بتصلي برضو يا كنز ….
يتبع…..
لقراءة الفصل العشرون : اضغط هنا
لقراءة باقي فصول الرواية : اضغط هنا

اترك رد