رواية عشق المراد 2 الفصل الحادي والثلاثون 31 بقلم فاطمة جودة

في صباح يوم جديد ملئ بالاحداث 

في التليفون

حازم .. صباح الخير  

ليان .. حازم حرام عليك والله 

حازم .. انا عملت اي 

ليان .. يعني انا مروحتش الجامعه عشان انام تفضل ترن ميت مره 

حازم .. عشان أنا كمان مروحتش 

ليان .. لي 

حازم .. مش هعرف اكمل اليوم لأن كارمن قالتلي امبارح أن انتو مش رايحين الجامعه 

ليان .. نام يا حبيبي الله يقرفك عايزه انام انا كنت مرتاحه من غير خطوبه وارتباط 

حازم زعل من كلامها .. انا اسف اني كلمتك سلام 

ليان .. ح

لقته قفل السكه وبما أن ليان بتعشق النوم نامت عادي والا أكن حصل حاجه 

*****

ميرا .. ادم يا ادم 

ادم .. انتي تعبانه والا اي 

ميرا .. لا بس مروحتش الجامعه عادي 

ادم .. ماشي يا روحي انا رايح الشركه وانتي روحي كملي نوم 

ميرا .. هتوحشني 

ادم قبل رأسها .. وانتي اكتر يا حبيبي بس انتي عايزه تنامي مكنتش تصحي 

ميرا .. لا طبعا لازم اسلم عليك قبل ما تنزل 

ادم .. ربنا يخليكي ليا 

ميرا .. يلا انزل افطر 

ادم .. وانتي 

ميرا .. لا مش جعانه هنام 

****

Fatma goda

عهد .. عاصم يا حبيبي 

عاصم بنعاس .. اي الرضا دا كله 

عهد .. قوم عشان شغلك 

عاصم .. عايز انام 

عهد قبلته .. يلا بقي 

عاصم .. لا اله الا الله اثبتي علي كده انا عايز دلع من ده 

عهد ضحكت .. قوم 

عاصم قام وقبل رأسها .. صباح الخير يا روحي 

عهد .. صباح الورد 

عاصم .. انتي سخنه والا اي 

عهد .. ما انت جوزي والا اي عيب اني ادلعك 

عاصم .. والله خايف اكون بحلم 

عهد حدفته بالمخده .. تصدق انا غلطانه انا هنام وانت افطر معاهم لوحدك 

عاصم شالها 

عهد .. يخربيتك نزلني 

عاصم بهزار .. مش هتنزلي صح 

عهد بعند .. تؤتؤ 

عاصم اكنه هيوقعها مسكت في رقبته عهد .. خلاص خلاص والله هنزل 

عاصم .. ايوه كده 

عهد .. بقولك هنروح نجيب الحاجه اللي قولتلك عليها انهارده 

عاصم .. ايوه

عهد .. عايزه اقولك حاجه

عاصم قبلها .. قولي حاجه 

عهد .. مش بهزر .. لو عرفت انك خونتني صدقني حياتي مش هتبقي معاك انا في بداية جوازنا قولتلك تحترم كرامتي لحد ما نطلق دلوقتي احنا مش هنطلق والا اي 

عاصم قعد وهي علي رجله .. انتي عايزه تتطلقي 

عهد عيطت .. لا مش عايزاك تسيبني 

عاصم حضنها بحنيه وهو بيحسس علي شعرها .. مش انتي اللي قولتي بتعيطي لي 

عهد .. ايوه يعني انت مش عايزني 

عاصم .. عايزك بس انا راجل ومراضاش ان واحده تعيش معايا بالغصب 

عهد .. يعني بتحبني 

عاصم .. طب قوليلي اثبتلك ازي 

عهد مسحت دموعها زي الاطفال وبزعل طفولي .. معرفش بقي 

عاصم .. عهد يا حبيبتي افهمي شويه كلمة بحبك قليله عليكي اتنهد لأني ادمنت وجودك ادمنت انفاسك وحياتي معاكي مفيش كلمه هتوصف انا بحبك قد اي 

عهد حضنته .. انا بحبك اوي 

عاصم .. بجد انتي خوفك زايد اوي اني اسيبك وانا والله ما هسيبك 

عهد .. مهي ماما كلمتني وقالت لو المشكله اتحلت ملوش لزوم افضل معاك عشان تعيش حياتك 

عاصم بعصبيه .. عهد محدش ليه دعوه بحياتنا انا من ساعة ما اتجوزنا خليت اهلي يتدخلو في حاجه او حكتلهم اي حاجه عن اللي بيحصل محصلش يبقي مامتك ملهاش دعوه انا لو الدنيا انطبقت علي الارض مش هطلقك 

عهد قبلت شفاتيه بخجل .. خلاص اهدي .

عاصم .. بطريقه دي مش هروح الشركه

عهد .. انا غلطانه يعني 

عاصم مسك ايديها .. تولع الشركه 

عهد قبلته مره اخري .. يلا قوم البس 

*****

Fatma goda 

تحت 

ادم ضحك لما شاف عاصم وعهد .. انتم معتقلين فوق 

عهد .. دا العسل ده  

عاصم .. مالك يلا 

ادم .. بلاحظ اني بقيت بتشتم كتير في البيت ده 

عز .. ما تاكل وانت ساكت 

ليليان .. ادم حبيب أمه 

ادم .. والله انتي اللي فيهم 

*****

عدي وقت 

في شركة الجوهري

كيان .. خلاص يا جماعه الاجازه ناخدها من بكره انا مظبط كل حاجه 

ادهم .. اخيرا الواحد هياخد نفسه 

مراد. .. بس يا ادهم الله يكرمك انا بقالي يومين مشوفتكش في الشركه 

ادهم .. عادي كنت مع مراتي اسيبها زعلانه مني يعني 

اسر .. لا طبعا تسيب الشغل 

وليد .. يا اونكل يا جامد كنت عايز اقول حاجه 

كيان .. قول وخلصنا 

وليد .. عيب لما نبقي اطول منكم ونقولكم اونكل وانتو باين أن انتو اصغر مننا 

ادهم .. سيبك منهم قولي ادهم عادي 

اسر .. انا مش اونكل اصلا 

مراد .. ما تقول اللي يريحك انت شايفنا واقفين بالعصايا 

خلصو وكل واحد روح بيته 

******

Fatma god 

في التليفون

وليد .. معلش يا حبيبتي مشوفتش الفون لما رنيتي 

كارمن .. كنت فين ومع مين 

وليد .. كنت في البار .. سؤال غبي من واحده اغبي اكيد كنت في الشركه واسألي ابوكي 

كارمن .. بابا .. بابا هو وليد كان معاك في الشركه انهارده 

مراد .. اه وتعب معانا 

كارمن .. ماشي 

وليد .. اطمنتي 

كارمن .. الله مش بغير عليك 

وليد. .. دا شك مش غيره 

كارمن .. خلاص بقي 

وليد .. ماشي 

كارمن .. انا خارجه بليل 

وليد .. لوحدك 

كارمن .. مع ليان وميرا وحور وهيدي 

وليد .. اشمعنا عهد مش هتروح معاكم 

كارمن .. ملكش دعوه

*****

في التليفون 

ليان رنت كتير اوي علي حازم 

حازم .. نعم 

ليان .. حازم انا مبحبش الطريقه دي وانت عارف لما بكون نايمه بكون زي الجثه ومبكونش فايقه والا مركزه بقول اي 

حازم .. ماشي

ليان .. مش زعلان

حازم .. مقدرش ازعل منك 

****

Fatma goda 

في مول 

عاصم .. انتي عايزه تجيبي اي 

عهد .. لبس للمصيف 

عاصم .. حلو دا اوي 

عهد بصدمه .. هتخليني البس بكيني قدام الناس والعيله 

عاصم .. ليكي خال اهبل انتي هاتي وانتي ساكته هفجأك لما نروح 

عهد .. انا مش هلبس كده 

عاصم خده وحاسب عليه 

عهد .. والله انت رزل 

عاصم .. بس يا بت شوفي هتجيبي اي 

عهد دخلت محل وجابت كذا فستان حلوين جدا 

عاصم .. نفسي تجيبي وتلبسيهم بدل ما انتي بتجيبي بتونسي بيهم الدولاب

عهد .. ملكش دعوه 

عاصم .. دا حلو 

عهد همست في اذانيه 

عاصم .. يعني هتلبسيهم 

عهد .. هناك لما نروح المصيف 

عاصم .. هاتي المحل كله 

عهد .. يخربيتك صوتك

عاصم .. انا اللي هختار 

عهد .. اختار دا انت طفل والله 

جابو لبس كتير اوي للبيت فساتين سهره وبيجامات حمالات كتير وجابو لبس خروج وعاصم اللي نقاه

يتبع…..