Uncategorized
رواية جريمة فرح الفصل الخامس 5 بقلم مروة فتحي
رواية جريمة فرح الفصل الخامس 5 بقلم مروة فتحي
 |
| رواية جريمة فرح الفصل الخامس 5 بقلم مروة فتحي |
رواية جريمة فرح الفصل الخامس 5 بقلم مروة فتحي
خلاص دماغي كانت هتنقسم نصين من كتر الصداع من التعب و التفكير لا خلاص انا بجد مش متحملة كل الي بيحصل ده
قعدت افكر لو بجد فرح مخطوفة ايه الي يخلي الخاطف ميتكلمش غير انهارده بعد ما كان خطفيها لاكتر من أسبوعين…
و ليه فرح بذات ما في بنات كتيره حلوه بردو و اغني منها في الشركة
و ازاي الخاطف يطلب مليون جنيه هو عارف ان لا يمكن بابها يقدر يدفع مبلغ بشكل دي
من كتر التفكير النوم غلبني و نمت
صحيت اتوضيت و صليت و حاولت اجمع داتا عن الموظفين الي شغلين مع فرح في نفس القسم في الشركة و اكتشفت ان المكتب الي تبشتغل فيه موجود فيه خمسه غيرها شغالين معاها
و انهم كلهم حدثين التخرج زيها و كل واحد بيحاول يثبت نفسه عشان يقدر يثبت مكانتو
و كان اول حد كان موجود مع فرح في المكتب هي نسمة حديثة تخرج زيها و انهم صحاب و علي طول مع بعض و في كل حاجة تقريبا
و تاني واحده نرمين دايما هادية و بتقعد في حالها و مش ليها دعوة بحد و التالت منير من اصل صعيدي و متشدد حبتين و مش بركز في اي حاجه غير شغلة
و الرابع ابراهيم كان زميل فرح في جامعة و لان كان دايما بينجح بتقدير قدر يشتغل في شركه دي و اخر واحده غادة بنت رجل الاعمال المشهور فريد المنياوي و قدرت انها تشتغل في شركه بواسطة ابوبها و كل يشهد انها طول الوقت متكبرة و بتعامل الناس بقرف و كأنهم شغالين عندها و علي طول بتعمل مشاكل مع اي حد
كل المعلومات دي قالها لي واحد في اوفس بوي بيشتغل في الشركة عرفت اوصلو لما كنت بروح هناك شكرا و اديتو فلوس و طلبت منو ان لو حصل حاجه غربية في شركة يجي يبلغني علي طول
و قبل ما يمشي قال
في حاجه واحده بس هي الغربية الي بتحصل
اتحمست جدا و قولت ليه
– قول بسرعة ساكت ليه
_ان سالم بيه بقا يجي الشركة و يشتغل و دي علي عادة
ركزت اكتر و قولت ليه
– مش فاهمه قصدك ايه يعني
_ قصدي اني سالم بيه دي مستهتر و فين و فين لما يجي الشركة حتي لما كان بيجي كان بيجي يعمل مشاكل و يوز الدنيا و يمشي و علي طول في خلاف بينو و بين ادهم بيه
بدأت اتشتت تاني فاخدت نفس عميق و بدأت اتكلم بهدوء
– انا بدأت اتهون منك… ممكن تفهمني كل حاجه و من الاول… علشان المفروض و علي حسب كلام الجرايد ان الشركة دي بيدرها التلات اخوات و ادهم بس ليه النصيب الاكبر فيها من الاسهم لما كانت الشركة هتفلس و هو لحقها
رد عليا و بدأ يوضح لي
_ لا الكلام ده بس موجود في الجرايد و كمان بدأ بتنشر الكلام ده بس من حاولي أسبوعين غير كده الكل عارف ان الي ماسك الشركة و بيعمل كل حاجه تخص الشغل هو ادهم بيه و بعض الاحيان لما راشد بية يمسك مشروع من كل فترة و تانية و بعدين ادهم بيه مش بيعجبو شغل راشد بيه فيفضل يعدّل كتيرة وراه و علي طول بيتخنقوا… و علي طول كمان بيقعد يلوم في سالم بيه الي مش بيهتم بحاجه غير نفسه…. و متعتو سهر و خرجاته دي حتي من حاولي شهر
ماجد بيه ابوهم عمل اجتماع و كان مقرر فيه يكتب كل حاجه بأسم ادهم بيه ولو مش حال راشد و سالم بيه انعدل و خلاص كانت كل حاجه هتم لما ادهم بيه يسافر و يرجع تاني…. بس فجأة كل حاجه اتأجلت و ادهم بيه فضل قاعد و كمان بقا يخلي راشد بيه مشاريع كبيرة زيو و سالم بيه حالو انعدل و بيجي الشركة و يشتغل
سألت بتستفراب
– ما عادي يمكن عملو كده بعد تهديد ابوهم انو هيكتب كل حاجه بأسم ادهم….. فسالم و راشد قالو بدل ما نطلع من المولد بلا حمص نتعدل و تشتغل
كمل لي
_ لا ليمكن دي بحصل لان اليوم الي عرف فيه سالم و راشد بيه قرار ماجد بيه طنشو و كان ولا كان فارق معاهم حتى قالوا لو عايز يكتب كل حاجه يكتب انهارده و ان امهم سوزي و هتقدر تجيب ليهم الي يخليهم يتبسطو و زيادة و ان بكده احسن عشان مش يشلو هم حاجه بعد كده…
معرفتش ارد بأيه غير اني انهي الحوار الي شتتني اكتر دي
– تمام شكرا لو حصل اي جديد بلغني و حلوتك محفوظة
_ ماشي يا ست هانم استأذن انا بقا
شورت ليه ان يقدر يتفضل
قعدت مع نفسي افكر
ان لو اخد احتمال تكون فرح اتخطفت عشان هادية….. طب الي مش خطف نرمين عشان هي اهدي منها وكمان حالتها المدية احسن منها بكتير و يمكن اهلها يقدرو يدفع الفدية و لو كان علي فلوس و عايز فلوس اكتر كان ممكن يخطف غادة كان في اقل من 24 ساعة كان اهلها قدرو يدفع الفدية اسرع و اقل عشان مش تحصل مشاكل و شوشرة علي سمعت ابوها لانو راجل مهم و مشهورة
و ايه الي جد يخلي فجأة راشد و سالم و يرجعو عن قرارهم و ينزلو يشتغلو بعد ما كانو عيشين حياتهم بطول و العرض
و في وسط دوامة تفكري الباب خبط
– ادخل
_ مسا مسا علي احلي محامية في المجرة
– طالما داخلة بي بكش كده يبقي عاوزه تخلي انهارده بدري يا صفاء
_ ألاه… و ليه لأ و انا خلصت كل الي ورايا
– ايوا طمنيني عملت ايه
_ اخدت تسجيل المكالمة الي تسجليتها لنيابة زي ما انتي طلبتي و طلب انهم يعرفو مصدر المكالمة و ازاي كان فعلا دي صوت صحاب الشخص الي ببتكلم ولا دي برامج بتعلب في الاصوات
و استنيت لحد ما المهندس خلص تقارير بتاعت مطابقة شكل و لون العربية الي ركبتها فرح بالعربيات التانيه الي موجوده في الشركه
و طلع ان لون العربيه و شكلها و موصفتها مش هنطبق غير علي تلاتة بس و هما اول حد مهندس مدني شغال هناك و دي خرج بدري مش شركة و مرجعش تاني و تاني واحد الماسك الحسابات الي هناك و اخر واحد راشد ابن صاحب الشركة
– تمام تقدري تسيبي التقرير و تمشي
_ يعني اروح بدري
– انا مش عارفه انتي نستعجلة علي ايه بس
_ يا بنتي احمد هيخلص شغل انهارده بدري و ما هصدق اشوفو
– بردو عاوزه تثقي في راجل و كمان احمد… يا بنتي احمد خاين
_ بيحني و انا كمان بحبه و اول ما الامور تستقر هنتجوز علي طول عشان مش عارفه انتي مصعبه الدنيا ليه
– و علي ايه روحي شوفيه يا اخره صبري
خلصت شغل و عديت علي المستشفى عشان اطمن علي عم سيد و انا مروحة لقيت ادهم حاولت اتجاهلة و امشي بس وقف في طريقي
_ انا مش عارف انتي ليه بتعمليني كده
– لا عادي انا بعامل كل النااس كده
_ طب ما تندي فرصة مش ممكن اكون غيرهم
– مش عندي وقت لعب العيال دي
سبتو و مشيت و فضلت افكر في كلامو
بس بعد أستغفرت ربنا و صليت و نمت و صحيت بدري روحت النيابة عشان اعرف اخر التحقيقات الي وصلو ليها مع الناس الي عربيتهم مشتبيه انها تكون ركبت فيها فرح
و اول ما وصلت النيابة
فوني رن بنفس الرقم البريفت… رديت عليه
-الو
_ انا مش عارف انتي ليه مصممه تتعبي نفسك في نيابة و قواضي وحاجات مش ليها لازمه ما انا جيتلك سكة و دغوري ادفعي المليون جنيه… اديكي فرح
و قفل السكه علي كده
هو اكيد كداب و مش معاه فرح
ولا بيتكلم جد و انا فعلاً بضيع وقت كده فرح ممكن تضيع مني