Uncategorized

رواية أقتحمت قلبي حورية الفصل الثالث والثلاثون 33 بقلم هاجر

          رواية أقتحمت قلبي حورية  الثالث والثلاثون 33 بقلم هاجر أحمد 

رواية أقتحمت قلبي حورية  الفصل الثالث والثلاثون 33 بقلم هاجر أحمد

رواية أقتحمت قلبي حورية  الفصل الثالث والثلاثون 33 بقلم هاجر

بعد ما كل حاجه كانت مثاليه وماشيه صح كل حاجه اتلغبطت بالنسبه للعيله،تعب رعد اثر علي الكل زي ميكون رعد ده اساس البيت ولما اساس البيت ضعف البيت كله وقع علي دماغ صحابه
في بيت عم محمود 
سميه بحزن: رعد هيبداء علاج بكره لازم نروح نشوفه النهارده قبل ميدخل المستشفى
معاذ: اتفقنا اننا نتجمع كلنا هناك النهارده
سندس: انا هاجي معاك يا معاذ
محمود: كلنا هنروح عشان نكون جمبه 
سميه: عيني عليكي يا حور ملحقتيش تفرحي بحملك وجوازك
معاذ: قولى الحمدلله يا ماما ده نصيب 
سميه: الحمدلله يا ابني 
فى بيت ليل 
ليل قاعد ساكت مش بيتكلم وماسك تلفونه بيتفرج علي صورو مع رعد من ايام الكليه وجت رقيه باست راسه
رقيه: ادعيلو يا حبيبي ادعيلو ربنا يشفيه 
ليل بدموع: مش قادر يا رقيه مش قادر حاسس ان روحي بتتسحب مني لحد دلوقتي مش مصدق حاسس اني فى حلم او رعد بيعمل فينا مقلب زي ايام الكليه،رعد مش بس صاحبي يا رقيه رعد اخويا وابويا وسندي لو جراله حاجه انا ممكن اموت فيها 
رقيه بدموع: بعد الشر عليك وعليه يا حبيبي ده اختبار من ربنا ولازم نكون قده
ليل: بس ده اختبار صعب عليا اوي
رقيه: انت قد اي اختبار بس انت قول يارب 
ليل: يارب 
رقيه: يلا يا حبيبي قوم جهز نفسك عشان نروحلهم حور لسه مكلمني وطلبت مننا نروح هناك عشان الكل متجمعين هناك النهارده 
ليل: حاضر
في قصر السيوفي تحديداً في اوضه رعد وحور
حور قاعده ورعد نايم علي رجلها وهي بتمسح علي راسه
رعد: هتعرفي تخالي بالك منه لوحدك
حور: هو مين 
رعد: ابننا
حور بحده: و لوحدي ليه منتا معايا وموجود اهو 
رعد: موجود النهارده الله اعلم موجود بكره ولا لا
حور بعصبيه ودموع: متقولش كده حرام عليك ليه مصمم توجعني وتكسر قلبي بكلامك ده انت حاسس وفاهم كلامك بيعمل فيا ايه
رعد لقي حور زادت في العياط وجسمها كله بينتفض من الخوف قام وخدها في حضنه عشان يهديها
رعد: ششششش اهدي يا حبيبتي انا مش قصدي اضايقك انا بتكلم معاكي عادي 
حور بعياط: لا والنبي بلاش تقول الكلام ده تاني انت هتخف وهتبقا كويس وانت اللي هتربي ابننا و هيكبر علي ايدك بس بلاش تتشائم ارمي حملك علي الله 
رعد: ونعمه بالله 
حور: قوم يلا خد دش وانا هسبقك علي تحت عشان زمانهم وصلو 
رعد: حاضر 
اتجمعو كلهم كل واحد فيهم بيحاول يدارى حزنه عشان رعد ميحسش بحاجه،عدت القاعده بين هزار وضحك وحب ودموع مخفيه 
بعد شويه سندس اخدت بالها ان جاسر مش موجود في القاعده راحت سالت نور عليه وقالتلها انه في اوضته وطلعتله خبطت علي الباب
جاسر: مش عوز حد سيبوني في حالى عوز اقعود لوحدي 
سندس: طب ينفع انا ادخل
جاسر اول مشافها مفكرش ثانيه وجري اترمي في حضنها وبقا يعيط زي العيال الصغيره
سندس بدموع: عيط يا حبيبي وخرج كل اللي جواك 
جاسر بعياط: رعد يا سندس رعد تعبان رعد يا سندس
سندس: مفيش في ايدينا حاجه غير اننا ندعيله ونقف جمبه
مينفعش يشوفنا ضعاف احنا اللي لازم نقويه
جاسر: انا مش مستوعب لسه يا سندس ازاى كل ده يحصل في يوم وليله كان كويس حبه صداع يعملو كل ده 
سندس: ده نصيب يا حبيبي وقدر وامتحان لينا كلنا ولازم نعديه ومش هنعديه غير واحنا وقفين في ضهر رعد
جاسر: يارب نعدي كل ده بسرعه وافوق من الكابوس ده
سندس: ان شالله يا حبيبي يلا قوم اغسل وشك وتعالي ننزل عشان ميقلقوش 
جاسر: حاضر،سندس
سندس: نعم 
جاسر: ربنا يخليكي ليا 
سندس ابتسمت: ويخليك ليا يا حبيبي 
جاسر: بحبك
سندس: وانا كمان بحبك
اليوم خلص وبعد الاحاح من حور انها تكون مع رعد في المستشفى وافق اخيرا، وبدات رحله العلاج اول جلسه عدت علي خير والتاني بداء فيها شعر رعد يقع والموضوع ده كان مضايق رعد جدا اكتر من فكره المرض نفسه
فى الاوضه اللي فيها رعد وحور معه
رعد: حور جبتيه اللي قولتلك عليه 
حور بحزن: اه جبتها،بس بلاش يا رعد
رعد بسخريه: مهو كده كده هيقع هتفرق بقا لما احلقه انا 
حور شالت حجابها ووقفت وراء رعد
رعد: شيلتي حجابك ليه البسيه ممكن دكتور هاني يدخل في اي وقت 
حور: انا قفله الباب محدش هيعرف يدخل 
رعد: تمام
حور: اقعود يلا خاليني احلقلك شعرك
رعد: هتعرفي 
حور بمرح: عيب عليك 
رعد: وريني يا حوريتي هتعملي ايه 
حور: حاضر
شغلت حور مكنه الحلاقه وبدات تشيل شعر رعد لحد مخلصت،بس رعد استغرب صوت المكنه لسه شغال بس حور مش بتعمل حاجه لف بص عليها لقي حور شالت نص شعرها بالمكنه وهي بتعيط بس بتبص لي وبتبتسم
رعد بدموع: ليه كده يا حور ليه عملتي كده ليه 
حور باست راسه: عشان ابقا قمر شبهك كده
رعد بحزن: انتي بتحبي شعرك يا حور ليه عملتي كده
حور بحب: بحبك انت اكتر من اي حاجه في الدنيا 
رعد: مش عارف اقولك ايه،انا اسف يا حور لو مكنتش ظهرت في حياتك مكنش حصل كل ده 
حور بعتاب: والله لو قولت الكلام ده تاني هزعل منك بجد ومش هسمحك ابدا 
رعد: حاضر
حور بمرح: ممكن بقا تمسك دي وتكمل عشان انا مش شايفه بدل منا حاسه اني بقيت شبه القرموطي كده 
رعد ابتسم ابتسمه حزينه: حاضر اقعودي 
عدا الوقت وخرج رعد من المستشفي بعد اول كورس علاج ورجع البيت والعيله فرحت برجوعه،طبعا محدش يعرف حور عملت ايه عشان هي على طول لبسه الحجاب قدامهم بس لما شالته قدام ستات العيله كلهم اتصدمو 
سميه بصدمه: ايه اللي انتي عملتيه ده يا حور
حور ابتسمت: معملتش حاجه يا ماما اصلي غيرت من رعد لما حلق شعره وطلع زى القمر قولت لازم اكون احلي منه 
ميرفت قربت عليها وباست راسها: ابني عرف يختار صح عرف يختار اللي تقف جمبه وفي ضهره فى الوقت الصح ربنا يحميكي ويحفظك يا حبيبتي
حور: ويخليكي لينا يا ست الكل
سندس بتحاول تداري دموعها: بطلو نكد ىقا ويلا نخرج ليهم في الجنينه كلهم بره 
نور: ياريت يلا 
خرجو كلهم واتجمعو مع بعض وليل ورقيه وصلو وبدر واسراء وكملت العيله 
ليل بفرحه: عندي ليكو خبر حلو اوي 
رعد: ايه هو
ليل: رقيه حامل في رعد الصغير
رعد بفرحه: الف مبروك يا ليل
ليل: الله يبارك فيك يا ابن السيوفي 
البنات كلهم حضنو رقيه وبركولها بحملها
بدر بحزن مصطنع: اشمعنا يعني قول رعد الصغير ليه ميكونش بدر الصغير
ليل بمرح: الولده الجايه ان شاء الله
رقيه بصدمه: ولده يا نهار ابيض هو انا كلبه وانا معرفش
كلهم:ههههههه
رعد: متخديش علي كلامه ده اهبل
ليل: حبيبي والله يا عم العيال 
رعد: نتكلم جد خمسه
فريد: فى القاعده دي معتقدش هيبقا في حاجه جد
اكمل: انا بقول كده بردو
رعد: لا بجد نور وسندس انتو مش خلصتو امتحانات
نور: اه 
رعد: والمفروض ان فرحكو متحدد بعد الامتحانات
سندس: لا مهو احنا اتفقنا هنأجل لحد متبقا كويس وترجعلنا بسلامه
رعد: نعم تأجلو ايه لا طبعا مفيش تاجيل 
جاسر: لا يا رعد لما تبقا كويس ونطمن عليك هنعمل الفرح
ياسين: ايه بالظبط كده
رعد بحده مصطنعه: وانا قولت مفيش تأجيل،حور البنات يلزمهم قد ايه عشان يجهزو وفساتنيهم تاخد وقت قد ايه
حور: علي الاقل اسبوع
رعد: طب انا هعمل معاهم واجب الفرح كمان عشر تيام
جاسر: بس يارعد 
رعد: مفيش بس كل حاجه تجهز يالا عوز فرح يليق بعيله السيوفي
ياسين: يارعد مش هيحصل حاجه لو اجلنا شويه
رعد: لا انا تخدت القرار خلاص 
فريد: انا مع رعد جدا يلا ابداو تجهيز وشوفو هتعملو الفرح فين 
كلهم اقتنعو بكلام رعد و وافقو و قرارو يبداو تجهيزات الفرح من تاني يوم
كل واحد راجع علي بيته ومايا قاعده في الجنينه قدام حمام السباحه جالها مسدج علي الواتساب مكتوب فيها
(كنتي حلوه اوي النهاره بس نظره الحزن اللي في عينيكي دي مش عوز اشوفها تانى)
مايا شافت المسدج مرديتش بس فرحت اوي لان الشك اللي جوها اتاكد 
مايا بفرح: معاذ انا كنت واثقه انك انت،طب ليه بتعمل كده ليه مقولتليش علي طول ليه،بس ماشي يا حضرت الرائد معاذ ان مخاليتك تيجي وتعترفلي ب حبك بنفسك مبقاش انا مايا السيوفي 
في اوضه رعد وحور
حور بتعب: جهزتلك الحمام ياحبيبي ادخل خد دش
رعد بقلق: مالك يا حور وشك اصفر كده ليه
حور: دايخه ومش قادره حاسه الدنيا بتلف بيا
رعد: طب يلا نروح لدكتور
حور: لا يا حبيبي ده طبيعي فى شهور الحمل الاولي يحصل كده
رعد: انتي متاكده 
حور: اه متقلقش،يلا ادخل خد دش وتعالي عشان عوزه انام ومش بعرف انا غير في حضنك
رعد: حاضر يا حبيبتي 
عدات الايام ويوم الفرح جه وكان كل حاجه ماشيه طبيعي ومثاليه بس حصل اللي محدش يتوقعه…..

يتبع….

لقراءة الفصل الرابع والثلاثون : اضغط هنا

لقراءة باقي فصول الرواية : اضغط هنا

اترك رد