Uncategorized

رواية ليل الفصل التاسع والثلاثون 39 بقلم ياسمين خالد

   رواية ليل الفصل التاسع والثلاثون 39 بقلم ياسمين خالد

رواية ليل الفصل التاسع والثلاثون 39 بقلم ياسمين خالد

رواية ليل الفصل التاسع والثلاثون 39 بقلم ياسمين خالد

مؤمن إتكلم نيابةً عن حازم كإنه والدهُ: بُص يايوسف ، من الأخر كده دكتور حازم معجب ب رودينا وطلب إيديها مني وأنا جاي ف مقام والدهُ وجاي أطلُب إيد رودينا بنتك علي سنةُ الله ورسوله لِ حازم.
_ يوسف ب دهشه قال :رودينا بنتي أنا !
= حازم كان بيفرك ف إيدوا من الإرتباك رد عليه وقال : أه ياعمي يشرفني إني أطلب إيديها من حضرتك.
_ بس يابني انت لسه جاي من كام يوم يعني ملحقتش تشوفها يعني إنك تيجي وتتقدملها !
= الحقيقه شوفتها مرتين كده وهي نازله علي السلم وحسيت ب اعجاب واتكلمت مع عمي مؤمن وانس وقولنا نيجي لحضرتك ..
يوسف بص ل انس ومؤمن وف عيونه أسأله كتير ..
_قطع شروده حازم وإتكلم بشجاعه وحماس : إسأل الإساله إللي حضرتك عاوزها ، أنا مستعد أجاوب علي أي حاجه إعتبر إني جاي لوحدي وهما مش معايا .
= يوسف إبتسم ل شجاعه حازم وقال : والله يابني أنا فرحان بشجاعتك دِ بس إنت يابني دخلت حياتنا فاجأه أينعم الحاج وافق انك تعيش معانا وتاخد الشقه تمليك يعني إعتبرك واحد من العيله وانا فهمت السبب من مؤمن ف التليفون النهارده بس يابني العادات والتقاليد اللي اتربينا عليها إننا بنسأل على العريس وأهله 
_  حازم : مقدر خوف حضرتك ، بس إعتبرني جيت الدنيا يتيم بطولي ماليش حد ، وف فتره خطوبه لو ظهر مني أي حاجه فيا معجبتكش تقدر تعمل فيا إللي إنت عايزوا وهيكون حقك ..
_ بس يابني شرع ربنا بيقول نستشير العروسه .
_ أنس رد ب ثقه : المهم موافقتك يابابا ورودينا إحنا هنعملهالها مُفاجأه 
= وإفرض كانت رافضه !
_ أنس أومأ رأسه ل يوسف بمعني إنه ميقلقش رد عليه ب إبتسامه وقال:سيبها عليا انا المهم إنت دلوقتي؟
= علي بركه الله 
_ طب طلباتك ياعمي !
= طلباتي كلها يا إبني إنك تحافظ عليها وبنتي متجيش ف يوم معيطه ولا تنام دموعها على خدها .
_ حازم ب إبتسامه :ياعمي وأنا قد الأمانه إللي إنت إدتهاني وأي حاجه هتطلبها أنا موافق عليها .
= إللي ف مقدرتك هاتوا وأنا وإنت واحد .
“حازم بفرحه قام حضن يوسف وتبت فِ قميصهُ بقوة نزلت دموعه ب إستسلام على قميص يوسف بيحمد ربنا ف سروا إن ربنا رزقهُ بعيله وخلاص هيبقي ليه شريكه حياته تقاسمه كل حاجه ، يوسف طبطب عليه ب حنيه ، وقال : ألف مبروك يا إبني 
_ حازم خرج من حضنهُ مع إبتسامه : الله يبارك فيك ياعمي ..
حازم حضن أنس ومؤمن وباركولهُ 
_ أنس ل يوسف: متبلغش رودينا ب أي حاجه يابابا وهنعمل قرايه الفاتحه مُفاجأه ليها زي م اتفقنا..
= يابني بس انا خايف من رد فعلها .
_ قولتلك متقلقش يابوب .
= إفرض جت من عند مامتها !
_أنس: إحنا نخلي قرايه الفاتحه كمان ٣ أيام تمام ! يعني على يوم الجمعه مناسب ليك ياحازم !
= أه مناسب جدًا 
_ تمام ، ديكوريشن الشقه هنظبطوا أنا وعائشه وماما ساره وماما ليل وتبقي مُفاجأه حلوه ليها تبقي قرايه فاتحه وخطوبه مع بعض، وانا هكلم ماما افرحها واخليها ماسكه ف رودينا ال كام يوم دول لحد ما نظبط الدنيا تمام !
_ يوسف ومؤمن ف نفس واحد: توكلنا علي الله.
“ف الخلفيه ساره كانت بتزغرط ، والكل ضحك علي تلقائيتها وفرحتها اللي عبرت عنها فاجأه”..
قربت علي حازم وباركتلهُ ، وجهت كلامها ل أنس : عقبال خطوبتك إنت وعائشه ياحبيبي يارب
= أمين ياماما ف حياتك ..
___________
مؤمن بينزل على بيتهُ ، بيلاقي لميس ومعتز ..
_ لميس بمشاكسه : ايه صوت الزغاريط دي يامؤمن اتجوزت .
= ليل ب تهديد : والله هقوملك يالميس .
_يووه ياختي ايه يعني لما يتجوز !
=ليل: وحشك ضربي مش كده !
_ قلبك ابيض كنت بهزر ، ها يامؤمن مين كان بيزغرط !
= دي ساره 
_ معتز بتلقائيه : إيه إتجوزت !
= لميس: تعرف تسكت ياجوازه الندامه ! 
_ الله مش بستفسر !
_سيبك منهُ يامؤمن ، كانت بتزغرط ليه !
= هقولك بس متسيحيش ها علشان احنا عاملين مفاجاه 
_عيب عليك سرك ف بير!
= مبيخوفنيش غير عيب عليك دي ، المهم ياستي  دكتور حازم  الولد إللي جيه سكن جديد معانا أتقدم لرودينا ويوسف وافق بس البنت متعرفش 
_ لميس زغرطت بتلقائيه :ما شاء الله، عقبال عائشه ورحيم ياحبيبي .
_ ربنا يخليكي عقبال محمد وياسمين يارب .
= عائشه : ما شاء الله يابابا بجد والله فرحتلها جدا ربنا يتمملها على خير يارب ، هدخل الاوضه ابارك ل أنس .
_ لميس بتغمز ل عائشه : قوليله عقبالنا يابت واتكلمي كده حسسيه انك انثي مش بيحب عم عبده البواب هو .
= عائشه بتضحك _ حاضر عينيا .
_ ليل : ما شاء الله ياحبيبي الف الف مبروك عقبال ولادنا يارب .
= مؤمن بيقرب علي ليل وبيبوس كف إيديها _ الله يبارك فيكي ياحبيبتي 
“لميس بتضرب معتز على راسه ” اتعلم ياموكوس .
_ عاجبك كده ياعم مؤمن !
= والله يابني إنت صعبان عليا قرعتك إللي شبعت ضرب دي .
_ بيضربها ف كتفها _ شوفتي جيبالي الكلام سديتي نفسي .
= ياخويا ان شالله يسمع من بوقك ربنا ونفسك تتسد ..
_ طب ناوليني طبق الحلويات دي ف حتت بسبوسه عيني جت عليها .
= عوض يارب عليا عوض الصابرين .
ليل ومؤمن بيضحكوا على طريقه المشاكسه بتاعتهم.
___________
علي الجانب الأخر ف غرفه عائشه .
_ألو يا أنس 
= إيه ياباشا عامله إيه !
_ كويسه يامعلم ، عرفت ان عمو يوسف وافق الف الف مبروك .
= الله يبارك فيكي عقبالنا كده يارب .
_ يارب إن شاء الله .
= هنعمل انا وإنتي الديكور وهنظبط الدنيا !
_ حاضر ، هيبقي يوم إيه !
= الجمعه ..بس رودينا متعرفش حاجه ها .
_ ما أنا فاهمه والله.
=خلاص اتفقنا .
_ مش هتنزل تقعد شويه ! عمتو لميس هنا .
= بنبره غِيره : ومحمد معاها !
_ عائشه ب مشاكسه : اه برا وقعدنا نهزر ونضحك وهنلعب ونسهر للصبح 
= بعصبيه : نعم !!!!!
_ إيه !
= هو إيه إللي إيه ! إنتي عبيطه ! إيه هنلعب ونهزر ونضحك وهو هيبات ليه اصلا انا هنزل اخدوا يبات معايا 
_ وانت مالك إنت ! وبعدين انا مش عبيطه وإحترم لسانك شويه .
= لأ إللي بتقوليه ده عبط وهبت منك على الأخر إيه بتهزري وبتلعبي دي !!
_ وإنت متعصب ليه دلوقتي !
= يعني إنتي مش عارفه أنا متعصب ليه دلوقتي !
_ كتمت ضحكتها وفرحتها ب غيره أنس عليها ردت عليه و قالت : لا مش عارفه !
= طب خفي إللي بتعمليه ده ياعائشه بجد علشان إتخنقت دلوقتي 
_ إتخنقت ليه ! 
= بردو !
_ أه بردو .
= طب انا غيران ياعائشه 
“ضحكت بصوت مش مسموع وحضنت دبدوبها بفرحه زي الاطفال ” وكملت كلامها وقالت : بتغير من محمد !
_ وأغير من أي حد خلقه ربنا يعمل معاكي الحاجات إللي المفروض انا بس اللي اعملها .
= يعني انا اضحك واهزر معاك إنت بس !
_ أه أنا بس .
= طب على فكره محمد مش هنا أصلًا ، محمد ف شغلهُ .
_ بجد والله ! يعني إنتي عايزه يتنكد عليكي دلوقتي ! 
= بحب غيرتك عليا.
_أنس ب حنيه :وأنا بحبك إنتي 
= ها ..!
_ هتفضل تقولي ها وتفتح بؤها دلوقتي .
= بتتريق عليا !
_ مقدرش .
= النهارده كان يوم حلو بصراحه .
_ علشان كنتي معايا فيه .
= طب س سلا سلام.
_ خدي هنا يابت!
= عاوز إيه !
_ مفيش أي كلمه حلوه !
= مش بعرف ارد علي الكلام الحلو اوي يعني انا اتعلمت منك شويه
_ طب اقفلي ياعائشه .
= قفوشه اوي ، المهم بقي هتتعشى !
_ لا مش قادر خالص والله .
= خلاص يلا روح نام علشان شغلك .
_ حاضر ، عاوزه حاجه !
= عاوزه أقولك حاجه وخايفه !
_ قولي !
= بس متزعقش !
=قولي متخافيش .
_ انا اتصلت ب مروان .
= تمام وفين المشكله يعني لما تتصلي بيه ..سكت شويه وجمع أفكاره وقال ب غيظ .. عائشه إنتي إتصلتي بيه تتطمني على مازن صح !
_ بصراحه أه يا أنس ، انا عارفه ان مروان عمروا ما هيروح يقولك إني أتصلت بيه بس انا مكنتش حابه أخبي عنك حاجه 
=إيه السذاجه إللي إنتي فيها دِ بجد !
_ دي مش سذاجه يا أنس ، أنا لو مازن جراله حاجه مش هعرف أعيش حياتي الطبيعيه أبدًا وهفضل شايله ذنبهُ وإن جراله حاجه بسببي .
= لو جراله حاجه هتبقي بسبب قله أدبه ووقاحته مش بسببك إنتي ، إنتي معملتيش حاجه ومالكيش ذنب .
_ مش حاسس بيا يا أنس .
= لا حاسس يا عائشه ، بس انا دكتور حازم كان معايا كان ممكن اسال عليه ، بس انا معملتش ده علشان أنا حتي إسمه مش طايقوا .
_ عارفه ، بس خلاص متزعلش مني انا كده عمري ما عرفت أكرهه حد أذاني الجانب الإيجابي اللي جوايا دايما طاغي علي تصرفاتي غصب عني ، انا لو قولتلك إني فرحت إنه خرج ف غرفه ومبقاش ف غرفه العنايه المركزه ممكن تقول عليا عبيطه بس دي الحقيقه .
_……
= انا عارفه إنك ممكن تكون زعلان مني ، بس انا قبل ما اعتبرك حبيبي ف انت صاحبي ياأنس ، إنت مرايتي اللي بتكلم قصادها وبشوف نفسي فيها من غير ما أعمل حساب لكلامي ولا أرتب كلامي.
_ ماشي ياحبيبتي ، عاوزه حاجه !
= هتنام زعلان !
_ لأ مش زعلان ، بس هنام علشان الشغل .
_ماشي تصبح علي خير .
= وانتي من اهل الخير.
___________
كل واحد ف اوضته بيفكر ف اللي حصل ، واللي حصل حاجه كبيره بالنسبه للاتنين ، حنيه عائشه طاغيه عليها مبتعرفش تقسى ودايما بتسامح ، انس رغم انه زعل منها بس مبسوط ان ربنا رزقه ب قلب طيب زي عائشه وعرف انه اختار ام ليه ول لأودلاه حنينه ، خد تنهيده وقرأ قران ونام ..
عائشه خرجت كملت باقي السهره مع لميس ومعتز ..
___________
_لميس: بوزك ممدود شبرين ليه !
_ قالت بجراءه : انا فرحانه ل رودينا جدا ، وكنت بحلم باليوم ده ليها ولكل بنات العيله ، بس ..
= مؤمن :بس إيه يابنتي !
_ خدت تنهيده وكملت بشجاعه : مينفعش نعمل أي فرح ولا كنا ينفع نزغرط مُراعاةً لمشاعر خالو لؤي وطنط حور علشان مازن ف المستشفي .
” ليل إبتسمت لشجاعه عائشه رغم زعلها من إبن أخوها إلا إنها قالت إللي جواها بس مكنش ينفع هي اللي تتكلم “
_ مؤمن : إحنا معتبرينهُم مش من عيلتنا اصلا 
= عائشه : مينفعش يابابا أنا إتربيت على إيدك علمتني التسامح والحب والموده ، ودي الأصول إللي ربتني عليها إنت وماما .
” مؤمن فكر ف كلام عائشه ل دقايق ، كملت كلامها مُحاوله إقناعهُ ” 
أنا عارفه إن حقك تزعل علشاني والغلط إللي هو عملهُ مش هين أبدًا ، بس انا عرفت إنه خرج للغرفه وده خبر ف حد ذاته كويس 
_ مؤمن بصلها ب حِده : عرفتي ازاي !
= معودتنيش علي الكدب يابابا علشان كده هقولك الحقيقه ، انا اتصلت ب مروان اطمن علي مازن منه وعرفت انه بقي يتحسن ويوم الجمعه لسه بعد ٣ ايام يمكن ربنا يكرمه و يخرج بكره او بعدو ، ونعمل فرحتنا عادي.
= اتصلتي ياعائشه!
_ ضميري يابابا كان مأنبني طول الوقت ، مكنتش عارفه اقعد على بعضي وعاوزه اطمن ب أي طريقه .
= ليل طبطبت على عائشه : كتر خيرك يابنتي ، صفه التسامح والقلب الابيض بقو قليلين ف الزمن ده ، ربنا يباركلك ياحبيبتي ..
_ مؤمن : يعني موفقاها على الرأي ده !
= عائشه بنتي وبنتك ، وانا وانت ياما سامحنا ، ودي حاجه ربنا زارعها جوانا وزَرعها ف عيالنا ف نحمد ربنا عليها.
” كانت تقصد سهيله ،لما كانت عامله عمل مدته عشر سنوات بعدم الانجاب ليهم ومع ذلك سامحوها ونسيوا أي حاجه حصلت منها .” 
مؤمن اقتنع بالكلام ، حضن عائشه وطبطب عليها .
_ تيتا فاطمه : خلاص ياولاد هعيط وانا مش مستحمله ..
_ لميس: قوليلهم حاجه ياتيتا ، انا جايه علشان ينكدوا عليا مش كفايه اللي مستر سلطع عاملوا فيا !
“بيضحكوا “..
_ عائشه : ربنا ما يجيب نكد ولا أي زعل ، انا هقوم أحضر فشار ونقعد نسهر سوا .
= معتز “بيسقف ” ايوه كده اللهم صلِّ علي النبي الله يفتح عليكي ياعائشه .
_ لميس : ده لو عائشه سَمعِت ليك سوره البقره كلها مش هتشجعها كده 
=عائشه بتضحك_ سيبيه ياعمتو على راحته 
____________
بتدخل المطبخ وبتبدي تحضر الفشار
____________
علي الجانب الأخر عند المستشفي .
____________
_ حور : حسيت ان مازن اتحسن لما شافنا احنا الاتنين سوا صح يا لؤي !
= اه ياحبيبتي ، هانت ان شاء الله ، كلها بكره أو بعدو ويخرج بالسلامه
_________
بيقاطع كلامهم مروان وهو بينهج كإنه بيجري مسافه طويله ..
_ حور ولؤي وعلامات الخوف ظهرت على وشهم ، ف ايه طمنا مازن جراله حاجه ؟
= بيتكلم وهو ضربات قلبه سريعه : انا لسه جاي من عند الدكتور وخدتها جري علشان أبلغكم، والحمدلله مازن هيخرج بكره ..
_حور بدموع الفرحه : بجد ! الله يباركلك يابني ” خدته ف حضنها وطبطبت عليه” ..
لؤي حضنهُ .. الحمدلله ، الف حمد وشكر ليك يارب ، شكرا يامروان يابني على وقفتك جمب مازن ..
_ الحمدلله ، رغم زعلى منهُ على إللي عملهُ بس لازم ابقي جمبه على المُره قبل الحلوه والحمدلله إنه قام بالسلامه ..
= حور ولؤي ف نفس واحد ..
الحمدلله 
_ مروان بفرحّه : انا هدخل أطمنه إنه هيخرج ..
_ ماشي ياحبيبي ..
___________
” مروان بيخبط على باب الاوضه وبيدخل ” ..
_ عامل ايه ياصاحبي !
= مازن بصوت يكاد يكون مسموع : الحمدلله.
_ خلاص هتخرج بكره .
_ مازن بفرحه : بجد !
= اه والله بجد .. بس عايزك تتغير ١٨٠ درجه ، هنبتدي حياه جديده لا فيها نانسي ولا لارا ولا الشله دي تمامًا .
_ هتغير وهبقي واحد تاني والله.
= وعد ياصاحبي !
_وعد ياأعز صحابي .
= انا هطلع بقي اطمن ابوك وامك عليك علشان قلقانين ..
_ مازن ب ابتسامه _ ماشي ياصاحبي.
__________
مروان بيخرج وبيطمنهم عليه ..
__________
علي الجانب الأخر عند سهيله..
___________
انت بتتكلم بجد يا يوسف !
_ اه والله يا سهيله ، بنتنا خلاص كبرت وهتبقي عروسه ..
= سهيله نزلت منها دموع الفرحه وقالت : انا عايزه ازغرط انا فرحانه اوي يايوسف 
_ استني عندك،  اوعي تزغرطي ولا تبينيلها أي حاجه ، علشان عاملينلها مفاجاه يوم الجمعه 
= بجد ! 
_ اه والله ، بس صحيح انس قالي هتبقي قرايه فاتحه وخطوبه مع بعض ازاي والشبكه مفروض هي اللي تنقيها ! 
= طب خلاص تبقي قرايه فاتحه عادي ب بوكيه ورد وخلاص ويبقوا يعملوا بعدين خطوبه بردو ولا حاجه ..
_ ايوه فكره بردو ، الف مبروك يا ام انس ..
= الله يبارك فيك يايوسف 
_ هتصل بيكي يوم الجمعه امتي تجهزوا وتيجوا تمام !
= خلاص تمام ، وانا هنزل بكره معاها اشتريلها فستان بالمناسبه دي وهقولها بنت صاحبتي ف الشغل هتتجوز يوم الجمعه وعاوزاكي تروحي معايا .
_ خلاص فكره حلوه جدا .
= خلاص علي بركه الله ، سلملي على ساره ومروان .
_ يوصل الله يسلمك ، مع السلامه 
= الله يسلمك ، باي .
____________
_ ايه بصالي كده ليه ياساره !
= بنبره زعل :مفيش يايوسف ، احضرلك تتعشى ! 
_ هو الكلام مش قدامك ، ومفهوش حاجه انك تغيري عليا يعني !
= لمجرد كلامكم بغير اعمل ايه !
” بيقرب عليها وبيطبع قبله على إيديها ، وبيحط إيديها على قلبه ” ، إنتي اللي ساكنه جوا هنا .
_ابتسمت _ بحبك يايوسف ، لسه بحبك زي اول يوم اتقابلنا فيه .
= وانا كمان بحبك ياساره ، وعمري ابدا ما هحن لسهيله ، سهيله ام عيالي وبس وقولتلهالك كتير اللي بينا احترام متبادل مش اكتر ولا أقل .
_ عارفه وواثقه فيك .
= ياولا ياواثق انت ، ” بيطلع فلوس من جيبه ” دول خديهم اشتريلك بيهم احلي فستان سواريه ، علشان تبقي احلي واحده ف قرايه الفاتحه
_ ابتسمت وبصتلهُ بحُب _ ربنا يباركلي فيك يايوسف وميحرمنيش منك أبدًا ..
_ ولا منك يارب ، حضرلنا عشا يلا من ايدك الحلوين دول لو مش هتعبك معايا ..
= حاضر ياحبيبي 
_ حضرلك الخير يارب .
___________
ع الجانب الاخر عند رودينا ف البلكونه .
_________
_ الجميل سرحان ف ايه !
= رودينا ب ابتسامه _ مفيش ياماما سلامتك .
_ اممم بتخبي علي ماما !
= لا ياماما ابدا مفيش ، بس افتكرت شكل حازم وهو واقف مستنيني امشي معاكي ف العربيه كان بيبصلي ب حُب كده صح !
_ سهيله الفرحه باينه ف عيونها وف كلامها بس بتتكلم ب لغز علشان رودينا متحسش ب حاجه : مش عارفه بصراحه يمكن دي بصات عاديه يعني يارودينا .
_ ملامح رودينا اتغيرت : يعني قصدك اني بوهم نفسي ياماما !
= لا بس يعني هو مقالش حاجه صريحه .
_ عندك حق ..طب هو انا ليه ياماما تفكيري مشغول بيه كده !
= علشان هو محترم وأُعجبتي بيه .
_ خايفه قلبي يكون متعشم بحاجه مش ليا .
= متقلقيش ياحبيبتي ، يلا ادخلي نامي ومتفكريش ف اي حاجه ، خلصتي كل الفروض اللي عليكي !
_ اه الحمدلله 
= طب يلا ادخلي نامي .
_ حاضر .
= اه بالمناسبه صح ، بكره بعد ما أجي من الشغل هاخدك وننزل نشتري فستان علشان بنت صاحبتي هتتخطب وهاخدك معايا  .
_ ما شاء الله ، الف مبروك ياماما .
= الله يبارك فيكي يانور عيني.
_ عن اذنك ، تصبحي علي خير .
= وانتي من اهل الخير ياحبيبتي .
رودينا دخلت وسهيله بصت للسما وقالت : الحمدلله يارب ، الحمدلله علي ان اليوم ده جيه وهشوف بنتي فرحانه مع اللي بتتمناه ..عقبالك يا أنس ياحبيبي
__________
دخلت اوضتها ونامت ..
___________
تاني يوم ، مازن رجع بيته ، ومروان عرف ان رودينا هتتخطب وفرح جدًا ، ولؤي وحور فرحوا جدا وخصوصا انها هتاخد دكتور حازم لانهم عرفوا جدعنته مع مازن وانه هيحافظ عليها ويصونها ..
، عدا الوقت والكل بيرتب وبيجهز للخطوبه ليل وعائشه ومؤمن وانس ابتدوا يجهزوا ويختاروا لبس يناسب قرايه الفاتحه …. لؤي وحور راحوا يباركوا ل ساره ويوسف 
________
ف المول ..
___________
_ عائشه بتوجهه كلامها للجميع : كان عندي امل ان مازن هيخرج وان فرحتنا هتكمل إن شاء الله .
_ انس ب نبره غيره : طب خرج اهلا وسهلا نعملهُ ايه يعني !
= ضحكت _ مش هنعملوا بس يعني انا بقول ان دعوتي استجابت ان ربنا مبوظش فرحتنا مش اكتر ..وان كانت ثقتي ف ربنا كبيره والحمدلله
_ انس : طب اقطمي بقي خالص .
= طيب .
= خلاص هانت فاضل على عيد ميلادك اربع ايام ..كل سنه وانتي معايا .
_ابتسمت ف خجل _ وانت معايا ..
ياتري المفاجاه هتبقي ايه السنادي بقي !
= لو قولتها مش هتبقي مفاجأه .
_ انا بهزر معاك ، انا مش عايزه حاجه غيرك ..
مؤمن كان مسابقهم بخطوات ، ليل كانت جمبهم : لاحظي ان ماما واقفه جمبك ياعائشه .
_ ضحكت _ اسفه ياماما والله .
= ربنا يهنيكم يابنتي ويهدي سركم .
_ اللهم امين يارب .
___________
ف غرفه مازن.
__________
_ بتأفف _ انا اتخنقت .
= مروان : لارا اللي بترن مش كده !
_ اه وانا حرفيا مش طايقها .
= غير رقمك وملكش دعوه بيها .
_ هعمل كده ، بس تفتكر هخلع منها بسهوله 
= اه طبعا ، هي كاسره عينك بحاجه !
_ لا بس لارا ممكن تعمل اي حاجه علشان انا سيبتها ، عندها كبرياء رهيب لو انا اللي سيبتها هتعمل اي حاجه علشان كرامتها المهم تاخد حقها .
= ياعم سيبك اللي عندها تعملوا .
_ ع الله بقي ..المهم هي عائشه كويسه !
= الحمدلله .
_ مش عارف ازاي سمعت كلام لارا دي ، كنت مُغيب حقيقي ، والله أنا ندمان أوي أوي بجد.
= لو كنت خرجت ومتغيرتش انا مكنتش هعرفك تاني حقيقي
_ والله اتغيرت وناوي اصلح كل ده ان شاء الله .
= ان شاء الله .
_ شكرا علي وقفتك جمبي يامروان 
= انت اخويا يابني متقولش كده .
“ابتسموا لبعض ب حُب “
مازن ادرك وقتها ان الصاحب والاخ واي شخص بيدَعيِ الحُب بيبان ف الشده وملقاش حد من صحابه جمبه غير مروان ، وإن دايما لما كان بينصحهُ ب حاجه ف علشان كانت ف مصلحته حتي لو هو وقتها كان شايف ان مروان بيخنقهُ بنصايحهُ، بس علشان هو بيحبهُ وخايف عليه ❤ 
___________
علي الجانب الاخر عند حازم ف احدي المولات .
_ انا فرحان اوي يا أبيه حازم .
_ وانا كمان ياسليم فرحان اوي ، يارب تكون رودينا  فرحانه زي م انا فرحان كده .
= الف واحده تتمناك والله ، وانا واثق انها عايزاك.
_ ربنا يخليك ياسليم عقبال ما اشوفك ياحبيبي عريس وأطمن عليك .
= امين يارب ، أبيه إيه رأيك ف البدله ال بيبي بلو دي !
_ هتبقي حلوه عليا !
= جدا والله ادخل قيس كده !
_ حاضر ..
طلع من البروفا وكانت مظبوطه عليه وشكلها حلو شاف الإنبهار ف عيون سليم وفرحته اللي كانت ظاهره علي ملامحهُ
_ سليم ب انبهار : بجد تحفه كإنها متفصله عليك والله.
= يعني خلاص كده أشتريها؟ .
_ طبعا من غير كلام.
= حاضر ياحبيبي .
___________
بعد مرور ٥ د دكتور حازم خرج من البروفا ..الراجل حطله البدله ف الكيس وقال ب ابتسامه : مبروك عليك يافندم.
_ب ابتسامه_ الله يبارك فيك ..الحساب كام من فضلك!
_ أخو حضرتك دفع الفلوس خلاص.
= حازم بص ل سليم ب دهشه : انت بجد دفعت الفلوس !
_ سليم ب فرحه : اه ياأبيه ، يلا نمشي .
_____
حازم مشي مع سليم وهو مش مستوعب اكيد البدله غاليه ازاي دفع تمنها ، سأله ب حيره : ازاي دفعت تمن البدله ياسليم؟
_ قال ب ابتسامه كلها فخر : حاسس اني مبسوط أوي إني عملت حاجه تفرحك يا أبيه حازم ، يوم ما جيت وقولتلي يا سليم انا جيبتلك شقه ب اسمك ووريتني العقد وروحنا بعدها شوفت شقتي وتخيلت نفسي وانا بتجوز ومعايا اولاد فيها وجبتلي شقه بشقاك وتعبك من غير ما انا اتعب ولا اعمل اي حاجه وموفرلي كل حاجه بحتاجها ومن غير حتي ما اطلب ،و من وقتها قررت اني لازم افرحك ، كنت كل ما تديني فلوس وتنزل الشغل علشان اشتري ليا اكل وحلويات اشيلها ف الحصاله وقولت لازم انا اشتريلك بدلتك ودي كانت حلم من احلامي ابتديت احوش اول مبلغ ٥٠ ج وميأستش ، وكل ما أعِد فِ  الفلوس والاقيها بتزيد فرحتي مبتبقاش سيعاني ، وف النهايه دي فلوسك انت بس حاسس اني فرحان .
“حازم خدوا ف حضنه وتبت فيه مكنش مصدق كلام سليم ليه أبدًا ، وإنه ازاي فكر كده رغم صُغر سنهُ ” ..
_ مبروك يااحلي اخ واب ليا ف الدنيا .
= الله يبارك فيك يا اول ابن ليا ، انت مش متصور انا فرحان ازاي.. انا بجد فرحتي مش سيعاني انا بحبك اوي ياسليم .
_ وانا كمان بحبك أوي ❤
حازم بيحط ايدو علي كتف سليم وبيمشوا ..وهما الاتنين حاسين ب الفرحه وان ربنا طبطب علي قلوبهم والحياه هتبتدي تضحكلهم ❤
___________
علي الجانب الأخر ..عند لارا ، بنبره غِل ..بتتكلم ف التليفون ..
_ مازن خلاص خرج يانانسي ومبيردش عليا ..
خدت شفره من الكاس مع نفس من سِجارتها .
= اهدي يالارا متعمليش ف نفسك كده 
_ انا مغلوله اوي من حازم ومروان ولازم اخد حقي منهم وبعدها افوق لمازن .
= هتعملي ايه يامجنونه ! 
_بنبرن انتقام ..الاول حازم ، وبعدها نشوف الباقي..
___________
علي الجانب الأخر ف المول عند سهيله ورودينا.
_ بس انا بحب اللون البيبي بلو اكتر من اللافندر ياماما .
= ياحبيبتي الاتنين حلوين جدًا عليكي ، وخلاص إختاري اللي بترتاحي فيه ..
_ هختار البيبي بلو خلاص .
= هياكل منك حته يانور عين ماما ، ماشي ياحبيبتي ، مبروك عليكي .
_ الله يبارك فيكي ياماما ، متحرمش منك ابدا يارب
= ولا منك ياحبيبتي وعقبال ما اشتريلك فستان فرحك
_ أمين يارب❤
_______________
يوم الجمعه ، بعد صلاه الضهر ..
_____________
أنس بيبتدي هو وعائشه ومروانط ولميس وليل وساره ومؤمن يزينوا الشقه ..
__________
انس ب غزل ل عائشه : عقبال م نعمل ديكور خطوبتنا ..
= عائشه ب خجل : يارب ياأنس .
_ بس ايه القمر ده بس ، الدريس هياكل منك حته 
= بجد شكلي حلو يا أنس !
_ ده أنا يابختي وهنايا والله .
” كملت تزين الشقه وهي فرحانه “.
____________
مؤمن : فاكره يوم خطوبتنا !
_ ليل : هو ده يوم يتنسي !
_ بس بقولك صح ؟
= قول ياحبيبي .
_ مكنش ينفع تخفي حلاوه النهارده ، هتاكلي الجو كده من رودينا !.
= ضحكت _ مؤمن متكسفنيش .
_ بحبك طيب ياام العيال .
= وانا كمان بحبك ..❤️
________
بعد مرور اربع ساعات خلصوا كل التجهيزات..وكل واحد نزل علي بيتهُ إبتدا يجهز ..
سهيله ورودينا وحسام وجده أنس ورودينا راكبين اوبر وبيتجهوا ل بيت يوسف كلهم عارفين م عدا رودينا ..
سهيله ب تبص ب انبهار ل شكل رودينا .
_ ياماما بتكسفيني بنظراتك ليا ..وليه الدموع اللي  ف عيونك دي ؟
= فرحانه بيكي اوي يانور عيني شكلك زي القمر .
_ علشان شايفاني ب عيونك ياحبيبتي ،.. ماما ف حاجه غريبه الطريق ده بيودي علي بيتنا !
= سهيله ب توتر _ اه اه ياحبيبتي ما هي ساكنه هناك بردو ..
_ ماشي ياحبيبتي .
__________
“بعد مرور تلت ساعه “
الكل بيطلع ف شقه يوسف ومنتظرين إطلاله رودينا ..
_ رودينا  ب حيره :ماما احنا ليه طالعين بيتنا !
_ما هو علشان قولت اسلم علي الجماعه بالمره وانا جمبهم ..
= امممم ماشي ياماما..
طلعت وهي مصدقه سهيله ومحستش ب اي حاجه تانيه ..
_________
يوسف عزم حور ولؤي ومازن علشان ده الواجب لكنهم كانوا واخدين جمب وقاعدين باصين ف الارض من غير ما يحتكوا ب أي حد 
____________
” سهيله بتبعت مسدج ل انس انهم يقفلوا النور ويجهزوا و انهم خلاص طالعين ع السلم ” 
________
_ انس ع الجانب الاخر : اقفلوا النور ياجماعه طالعين ..
وانت ياحازم افتح الباب واقعد علي ركبتك بالورد اتفقنا .
= حاضر 
________
“بيخبطوا علي الباب ، حازم بيفتح الباب والنور بينور وبتبدي الزغاريط ورودينا ف صدمه بصت للكل بدهشه وعدم استيعاب للي بيحصل فاقت من شرودها علي صوت حازم وهو بيقدملها الورد وبيقولها تتجوزيني !
يتبع..
لقراءة الفصل الأربعون : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران

اترك رد