رواية ليل الفصل الأربعون 40 بقلم ياسمين خالد

“بيخبطوا علي الباب ، حازم بيفتح الباب والنور بينور وبتبدي الزغاريط رودينا ف صدمه بصت للكل بدهشه وعدم استيعاب للي بيحصل فاقت من شرودها على صوت حازم وهو بيقدملها الخاتم وبيقولها : تتجوزيني !

“دموع الغرحه كانت ف عيونها بصت للكل بحيره وصدمه ” قالت بصوت مهزوز من العياط : ياجماعه هو ده بجد ولا حلم !

_ حازم بمشاكسه : أبوس إيدك خُدي الخاتم رجلي وجعتني وبعدين اتصدمي براحتك عادي .

” ضحكت ، خدت الخاتم وهي إيديها بتترعش من التوتر “بصت علي الكل بفرحه الكل ف وقت واحد بيزغرط لبست الخاتم وحطت إيديها علي وشها بخجل ..أنس بيقرب عليها بيبوسها من راسها ، مبروك ياحبيبتي ، خلاص كبرتي وبقيتي عروسه !

_رودينا ب عدم إستيعاب:أنس هو ده حقيقي مش حلم!

= أنس بيغمزلها :لا مش حلم ياحبيبتي ، خلاص كبرتي وبقيتي عروسه أيُعقل !

_قالت بصوت خافت ل أنس:يعني أنا إتغفلت !

= دكتور حازم بغرور بيعدل بدلتهُ: بس أحلي تغفيله متنكريش صح  ، وكمان البدله نفس اللوم الفستان ها “بيغمزلها

_ أنس : إيه ياباشا انا واقف ها متغمزلهاش ..

= حازم بمشاكسه: اه هنبتديها بقي ! 

_ انس خَد رودينا ف حضنه : اه ياباشا هنبتديها انت مش هتشوفها غير يوم كتب الكتاب اصلا ..

“رودينا بتضحك وهي ف حضن أنس على غيرتهُ عليها “

_ حازم بمشاكسه : قول إنك عايزني امشي .

= انس : طب يلا مع السلامه انت بقي يافرج يااخويا .

“كلهم بيضحكوا على المشاكسه إللي دارت بين أنس وحازم ، الكل ابتدا يحتفل بيهم وهما فرحانين ، قرايه الفاتحه جت بسرعه والكُل على وجهُه علامات البهجه ، رودينا ف حاله اندهاش رغم ابتسامتها وفرحتها اللي باينه عليها إلا إنها مش مستوعبه 

“حازم ورودينا قاعدين علي الكرسي إللي متزين علشانهم مخصوص “

_ رودينا بتقول ف سرها وهي بتخطف نظرات لحازم إللي فرحته باينه عليه وكإنه إمتلك الدُنيا كُلها ، بتسال نفسها ف تعجب : معقول كل اللي انا فيه ده حقيقه مش حلم ! معقول حازم بقي ليا ! معقول انا قاعده ف الكرسي إللي جمبه وهيتقري فاتحتنا ! .

_ قاطع شرودها حازم وهو بيقولها بنظرات كُلها حُب : بقيتي خطيبتي رسمي خدي بالك يعني تديني حلويات واحنا نازلين علي السلم براحتك وتموتيني عادي ، او انس هيموتني بردو أيهما أقرب.

_ ضحكت وقالت : بعد الشر عليك.، حازم هو إنت عملت كل ده ازاي!، انت اصلا عاوزني ولا انت عملت كده ليه فهمني !

= على صوتك شويه علشان العيله فرحانه وانا مش سامع حاجه .

_غمضت عينيها بتساؤل : مش سامع بجد ولا بتتهرب من السؤال !

= ضحك بمعني إنه سامعها : الحقيقه كده بسم الله الرحمن الرحيم الإجابه هي : إني عايزك من أول يوم شوفتك فيه وأديني جيت واتقدمتلك وخلاص هنقرا فاتحه وكمان كام يوم نحدد خطوبه والاسبوع اللي بعدو اتجوزك ايه رايك ؟.

_زادت إبتسامتها وعلامات الدهشه على ملامحها !!، حازم إنت بتهزر أكيد صح !

 علي الجانب الأخر ، أنس مراقب كلامهم .

_ عائشه : مالك متوتر ليه ، غيران على رودينا !

= أنس بتأفف : غيران أوي .

_ بس دي سُنة الحياه هتعمل إيه لما تتجوز !

= مش عارف ، انا مش بكرهلها الخير ، بس اختي ف يوم وليله كده مش مصدق انها كبرت وخلاص هتتجوز وتسيبني .

_ وانت كمان هتتجوز وتسيبها ، بس عمر مشاغل الحياه ما هتنسيكم بعض وهتفضلوا دايمًا مع بعض ولو عاوز تشوفها كل دقيقه حازم مش هيمنعك ، إفرد وشك بقي علشان محدش ياخد بالهُ ..وبينلها فرحتك بيها إللي انت مداريها جواك .

_ بصلها ب إبتسامه : عمرك ما فشلتي تخرجيني من أي مود أو أي حيره أنا ببقي محطوط فيها  .

= ابتسمت _ ده واجبي ياأنس ، يلا بقي احتفل مع العيله وفك التكشيره .

_ حاضر .

___.

“حازم ورودينا بيكملوا كلامهم ” 

= لأ أنا بجد عايزك يارودينا ، أكيد مفيش دليل أكتر من كده ولا إيه !

_ يعني انت سيبت كل الدكاتره وعايزني أنا !

= القلب ومايريد بقي ، انا صحابي كانوا مسميني عديم المشاعر من كتر ما كانوا بيخرجوني معاهم ويغفلوني ويجيبوا بنات بسيبهم وامشي .

_ بنبره كلها غيره :امم بنات !

= ضحك ضيق عينيه بمكر : اه بنات وكانوا حلوين وقمرات كده مش قادر اقولك !

_ بنبره غضب : بجد والله ! ، طب علي فكره احنا لسه فيها وممكن تروحلهم عادي جدا 

= مش فارق معاكي يعني !

_ ما انت بتستفزني 

= غيرانه !

_ وانا هغير ليه يعني !

= اممم علي حسب فهمي ان اللي بيغير علي حد بيبقي معجب بيه يا إما بيحبه ومعني إنك غيرتي عليا وكنتي هتبلعيني كده دلوقتي انا والبنات يبقي انتي بتبادليني نفس الشعور مش كده !

_ قالت بتوتر : علي فكره انا مش غيرانه ، انا بس كنت بديلك حريه الاختيار 

= لا انتي غيرانه 

_ حازم انت بجد رخم اوي .

= ومستفز كمان .

_ معترف بنفسك يعني !

=شوفتي بقي ، بس سيبك انتي ، انا فرحان .

_ ابتسمت بخجل ووطت ف الارض وقالت : وانا كمان ..

ابتسم بفرحه ..

اصوات الزغاريط إبتدت تتعالى 

_ انس : يلا ياجماعه نقرا الفاتحه .

الكل بيرفع إيدو وبيبتدوا يقروا الفاتحه ف صوت خافت.

بسم الله الرحمن الرحيم .

الحمدلله رب العالمين الرحمن الرحيم مالك يوم الدين إياك نعبُد وإياك نستعين إهدنا الصراط المستقيم صراط الذين أنعمت عليهم غير المغضوب عليهم ولا الضالين .

_____

الكل بيباركلهم بعد ما إنتهوا من قراءه الفاتحه .

“عائشه بتطلع الحلويات وبتقدمها لعيلتها ، ول رودينا وحازم “، أنس واقف من بعيد باصص علي عائشه وفرحتها إللي بتبقي باينه دايما ف اي موقف بيحصل ف العيله ، تخيل انهم سوا ف يوم زي ده قاطع شروده نظره عائشه ليه إللي كانت مليانه كلها حُب وأمان ..حرك شفايفه ب ابتسامه وقال : بحبك .

ابتسمت ف خجل ودخلت المطبخ وهي قلبها بيدق ، علي  الرغم من ان انس مفروض يبقي مشغول ف فرح اخته إلا إنه من الوقت للتاني بيبص لعائشه بحُب وكإنه بيقولها مفيش حاجه تشغلني عنك.

“ليل ف المطبخ بتحط الحلويات ف الاطباق بتناول عائشه، لفت نظرها ساره واقفه على جمب ف المطبخ سرحانه وكاتمه الدموع ف عيونها “.

_ ليل بتقرب عليها بخوف : مالك يا حبيبتي فِ إيه ! 

=…

= ليل بتكرر سؤالها : مالك ياساره ! طب وقوفك ده نتيجه فرحك ل رودينا ولا ف حاجه زعلتك ولا إيه !  

_ عائشه قربت عليها بلهفه : مالك ياخالتو ف إيه !.

=ساره بصت لعيونهم هما الاتنين بخوف وتساؤل : تفتكروا يوسف لسه بيفكر ف سهيله وبيحبها .!

عائشه وليل بصوا لبعض بتعجب .

_ليل ردت مُسرعه : إيه الهبل ده ياساره ما تكبري ياحبيبتي مش كده ازاي بتقولي كده يوسف بيحبك ! 

=ساره دموعها نزلت ب إستسلام:بس بيكلمها بحُب كده وبيهزر معاها ياليل 

_ ياحبيبتي دي قرايه فاتحه بنتهم ، ده لو ف بينهم نار إستحاله لما يتجمعوا ف مكان قدام عيالهم يكشروا ف وش بعض مش كده! مينفعش خالص ودي فرحة بنتهم واكيد هو بيباركلها بس،مينفعش تزعلي علشان محدش يفهمك غلط ويفتكر إنك متضايقه 

=بالعكس والله أنا فرحانه من كل قلبي ل رودينا دي بنتي إللي ربيتها.

_طب روقي بس كده وهتلاقيه جاي دلوقتي بيرخم عليكي ..

“بيقاطع صوتهم يوسف ” .

_ ها ياجماعه ناقصكم حاجه انزل اجيبها !

= ليل : مش كنت افتكرت سيره ١٠٠ جنيه كانت جاتلي دلوقتي.

_ يوسف بص ل ساره وقال بتساؤل : مين بقي اللي جاب ف سيرتي .!

= ساره حاولت تداري وشها وتقدم الحلويات ف الاطباق ،، قرب عليها وقال بحنيه : والله العظيم م قولتلها غير الف مبروك عقبال انس .

_ عادي انا مش غيرانه 

= امال عينك اللي حمرا دي من ايه !

_ مفيش عادي .

= بحبك ياساره والله،ومبحبش غيرك ولا هحب غيرك 

_ ماشي.

= متقلبيش وشك طيب.

_ مش قالبه يايوسف 

= ناقص تطلعي نار من بؤك .

_ ملكش دعوه .

= طب هاتي قبله خاليه من الفتن !

_ ضحكت _ خلاص طيب.

= مش هتجيبي قبله !

_ اتلم عائشه وليل واقفين .

= هتلم حاضر ، بس اتراضيتي يعني !.

_ اه إتراضيت .

= طب قولي لجوزك بحبك يلا بسرعه.

_ ابتسمت _ بحبك .

= ياولا يازعيم .

_ يلا اطلع بقي .

= ماشي ، اطلعي ورايا يلا .

_حاضر .

_______

“ساره بينها وبين نفسها “

الحمدلله يارب إنك عوضتني ب يوسف ، عمري ما هونت عليه ، دايما بيحس بيا وب الحاجه اللي بتوجعني وبيراضيني حتي لو غلطانه بيراضيني ، وبعدها بيعاتبني ، يارب ما شوفش فيه أي أذي وإبعد عنه كل حاجه هتبعدنا عن بعض ف يوم يارب.

____________

اليوم بيعدي بسلام وفرحه علي الجميع ..

____________

الساعه 11 ، بعد ما خلصوا تنضيف الشقه ..

وكل واحد نزل شقته ..

_ عائشه قبل ما تنزل وجهت كلامها ل أنس :انت ليه مكلتش !

= انا ميت جوع والله ، تيجي تنزلي معايا اشتري فينو 

_ طب ما تاكل اي حاجه ، فيه جاتوه وهعملك شاي بلبن .

= لا جاي ف بالي اكل فينو وجبنه رومي 

_ طب استاذن من بابا .

= ماشي ..

“بيروح ل مؤمن “

_ بعد اذنك هاخد عائشه هنزل اشتري فينو واطلع .

= طب الوقت متاخر

_ لسه الساعه ١١ ومش هنتاخر والله.

= ماشي خلي بالك منها ها .

_ ف عيني والله .

= عائشه ابتسمت ل مؤمن إنه وافق..

_________

نزلوا ..السوبر ماركت يبعُد عن البيت حوالي ١٠ د ..

_______ 

_ عقبالنا ياقمر انتي..

= امين يارب ، اليوم النهارده كان لطيف الحمدلله .

_ اه الحمدلله ، وهي كانت فرحانه اوي 

= عائشه : جدا جدا ربنا يفرحها دايما يارب ..

_امين يارب

” عائشه فجأه وقفت ” .

_ انس اتخض وقال بخوف : مالك انتي تعبانه !

= لا لا ، انت سامع الصوت اللي انا سمعاه ده !

_ انس بيركز ، وفعلًا بيأكد كلام عائشه ان ف صوت شخص عياطه مكتوم …

= عائشه : انس دور معايا ، اتجاهه الصوت فين !

_ ياحبيبتي امشي واحنا مالنا ، بلاش خلينا نمشي يمكن فخ علشان حد يسرق ..

= عائشه ركزت علي اتجاهه الصوت وتجاهلت كلام انس ، جريت اتجاهه الصوت .

_ انس : عائشه إستني من فضلك .

” بيقربوا هما الاتنين ، بيلاقوا بنت جميله ، ف سن العشرينات ، شعرها كيرلي قصير ملامحها جميله وهاديه ، عيونها مليانه دموع وحاطه إيديها على بؤها ، والدم بينزف من أنفها ..

_ عائشه بتشيل الشعر من علي عينيها وبتقول بخوف : مالك إهدي بس إهدي ف إيه !

“البنت حضنت عائشه ، بتعيط عياط هستيري “..

انس مخضوض وبيتلفت حواليه خايف على عائشه ليكون ف حد هيأذيهم ، بص تاني ل عائشه إللي إبتدت تعيط علي عياط البنت بدأ يقتنع إن فعلًا البنت محتاجه مساعده لإن عياطها هستيري .

بدأت عائشه تمشي إيديها على شعرها وتقرأ قرأن ، من غير ما تسألها مالك ولا أي حاجه .. حضنت وشها بين كفوفها وقالت ب ابتسامه : يرضيكي كده تعيطيني ! 

_ البنت مازالت ف عياط هستيري مُستمر ..وجهت كلامها ل أنس : من فضلك هات منديل ..

=أنس بيطلع منديل من جيبهُ وبيقول ب حنيه: انا هروح اجيبلها عصير وهاجي بسرعه ، خلي بالك من نفسك ياعائشه ها .

_ حاضر ، متتاخرش عليا.

= حاضر ياحبيبتي متخافيش ..

” انس بيجري يجيب عصير وبيحاسب بسرعه علشان ميسيبش عائشه لوحدها “..

= عائشه بخوف : إهدى ياحبيبي خد نفس اهدي ، انت كنت بتجري !

_ اه والله ، اتفضلي العصير .

_ عائشه بتاخد منهُ العصير ، وبتديه للبنت ..

_ قالت بصوت مُتقطع من العياط : لا مش عايزه ..

= لا لازم تشربي مش هينفع كده ، انتي مستسلمه خالص وشكلك تعبانه .

_ مش قادره والله ..

” بيقعدوا ف مكان الإستراحه بتاعت الأتوبيسات ” ..

ادينا قعدنا وسيبتك تعيطي براحتك ف ممكن تقوليلي بقي ياستي بتعيطي ليه !

= مش قادره اتكلم ..

” كانت إيديها كلها بتترعش وجسمها كله بيتنفض ” 

_ انس كان واقف عن قرب بس مش قاعد جمبهم 

= طب اسمك ايه !

_ ياسمين .

= طب ممكن تمسحي دموعك ! 

“بتمسح دموعها ” ..

_ حد قمر كده يعيط بس بالله عليكي !

= ابتسمت ..

= قدام ضحكتي ، يبقي لازم تتكلمي ماليش دعوه ..

_ موجوعه أوي .

_ طب انا سمعاكي احكي ، ايه السبب اللي يخليكي تعيطي للدرجه دي ف الوقت ده لوحدك من غير حد !

= علشان انا ماليش حد .

_ متقوليش كده وفين ربنا !.

يقول الله -تبارك وتعالى: وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ [سورة البقرة:186].

لو قرأتي الآيه دي ف سوره البقره كنتي هتعرفي انك مش لوحدك وانك لو قولتي يارب ريح قلبي وبالي كان هيستجيب ربنا أمرنا بالدعاء ووعدنا بالإستجابه .

_ ونعم بالله 

= طب ياستي كملي كلامك وقولي موجوعه من إيه !

_ بتعالج نفسيًا بقالي ٤ سنين 

= ٤ سنين ! 

_ ابتسمت ب سخريه _ اه ٤ سنين اكتر من المده اللي كنت معاه فيها  .

= هو مين ! 

_ عمر 

= كملي !

_ اتقابلنا ف يوم صدفه ، قعدنا فتره نرخم علي بعض ، مره علي مره لاقيته من طريقه كلامه انه معجب بيا ، رفضت الموضوع أول ما اعترفلي لإني كنت لسه خارجه من علاقه فاشله وكنت بحب الشخص ده وبعدوا عني بردو سببلي أذي نفسي وعدم الثقه ف إللي حواليا ف مكنتش مقتنعه خالص بالكلام إللي عمر بيقولهولي ، كنت شايفه ان دي لهفه البدايات كنت دايما بتعصب وبعمل تصرفات تزعله الاقيه ف نفس الوقت بيتصل يراضيني ، نزعل من بعض الاقيه اتصل ف وقتها يقولي مش هاين عليا اسيبك زعلانه ، ازاي اسيبك تروحي البيت معيطه ! قعدنا شهرين علي الوضع ده كل ده مكنتش اعترفتله بحبي ، بدأت أحس معاه بالأمان ، بدأت أطمن ، وهي البنت محتاجه إيه غير إنها تطمن ! اعترفتله بحُبي بعدها بشهرين لما اتاكدت ان ده الشخص اللي هيطمني ومش هيبعد عني ولا يتعبني ف يوم ، ووعدني إنه مش هيسيبني وأنا صدقته ، طبعا البدايه اللطيفه اللي بتبقي كلها حب وإهتمام ولو ف زعل بيبقي التراضي ف وقتها ، خدت وقتها وبح .. عارفه اللي هيجنني انه قعد فتره كبيره معجب بيا من غير ما يقولي قبل الشهرين اللي حاول معايا فيهم كمان، كان عاوز يحاول معايا ويكلم خطيبه صاحبه علشان اوافق ، مشوفتيش الفرحه اللي كانت ف عينيه لما وافقت كان عامل ازاي كل ده فين ! عدا الوقت ومرينا بمشاكل كتير جدا ، وكنا بنسيب بعض ونرجع ، كان ف بعض المشاكل ألاقيه بيقولي كلام وقت عصبيه معلِم فيا لحد الآن ، وعديت ، مقولتش انه معداش ، او مقدمليش حلو ، بالعكس الشخص ده سابلي كتير ذكريات جميله،واوقات كتير كنت بزعله انا مش ملاك  ، بس مع كل مشكله بينا ورد فعله وقت عصبيته كان بيسلب شعور الامان اللي كنت بحسه معاه وهو مش حاسس، الامان اللي حسيته معاه وحببني فيه من البدايه خلاص مبقاش موجود! ، وكنت برجع علشان بحبه ، انا اللي شدني ليه من البدايه حنيته عليا ، غيرته وطيبته ، اني مبهونش عليه ، لما كل ده يروح فجأه طبيعي هخاف وهختار البُعد ، ضحكت ب سخريه : او هو إللي إختار كمان ، كان بيقولها بجد من كل قلبه انه مش عايزني..،زهقتي مني صح !

_ لا بالعكس انا سمعاكي مزهقتش خالص ..

= ابتسمت _ خدت هدنه مليانه كلام كتير مكتوم ..عارفه كنت بحبه كإني أمه ، كنت بتجنن لو فيه حاجه ، ابتدا يقسى عليا ،ابتديت اهون عليه بالايام اتكلمت بدموع وب انهيار _ ابتدت دموعي تبقي رخيصه عندو ، ابتدت الناس تشوف دموعي وهو معايا ، ابتدا يشوف عياطي شئ عادي بعد ما كانت دمعه واحده مني بتهز بدنه ويفضل متضايق انه ازي عمل فيا كده وازاي عيطني ويفضل يلوم نفسه ويعتذر ، انا قلبي بيتقطع ، انا تعبانه والله تعبانه بجد ، ومش عارفه اتكلم مع حد ، حتي الجلسات اللي بروحها للدكتور بفضل ساكته 

_ ممكن تهدي! ، انتي قويه ، انتي احسن اهو وابتديتي تطلعي اللي جواكي كملي انا سمعاكي 

=خدت هدنه طويله واتكلمت بعياط : اخر مره شوفته فيها حصلت حاجه وجعتني ، كنت غيرانه بس مش اكتر ، طلبت اني امشي بهدوء ، لاقيت شخص تاني خالص ، شخص تاني اتحول مبقاش الشخص اللي بحبه ، صوته ابتدا يعلى عليا ، اداني تليفونه قالي امسحي كل ذكري بينا ، انا خلاص مش عايزك ، كان بيقولها بجد من قلبه ، عينه احمرت جامد ، حرفيا اتحولت ملامحه البريئه لشخص بيهاجمني ، شخص كإني عدوته ، خدت منهُ التليفون بكل هدوء وابتديت امسح ف كل ذكرياتنا وانا مستسلمه ، او يمكن خلاص خايفه منه وعايزه انفذ اي حاجه هيقولها بس امشي ، امشي من قدامه ، ابتدت الناس كلها تنتبه علي صوته وهو مش خايف عليا وعلي شكلي معاه ، كملت ب انهيار : كإنه بيقولهم إتفضلوا اتفرجوا عليا وانا بهينها ، عيط تاني قدامه قلع دبلته ، وقالي مش من حقك تزعلي ، هو انا حتي لو مش من حقي ازعل يعمل كده فيا !، طب ردي عليا بالله عليكي علشان انا بجد تعبانه والله وتايهه اوي ، ده مبرر انه يزعقلي ويعلي صوته عليا ويمنعني من اني امشي غير لما لازم كل حاجه تنتهي ! 

_ انس ب انفعال: لا مش مبرر ، مفيش راجل بيحب من قلبه هتهون عليه واحده بيحبها ، مفيش راجل هيقبل ان اخته تتحط ف الموقف ده ، تخيلي لو ابوكي عدا صدفه ولقى واحد غريب ف الاول والاخر هو مش جوزك ولو جوزك بردو مينفعش يزعقلك ، تخيلي شعور ووجع ابوكي عليكي هيكون ايه ! ابوكي اللي معززك طول عمرك ، ومخليكي غاليه وسط كل الناس جيه واحد رخص دموعك علشان خاطر بتحبيه ملعون الحب اللي يخلي واحده تقبل علي كرامتها كده فوقي ، متعيطيش ،وقدام هونتي عليه،وهان عليه عياطك وسابك تنامي يوم واحد بس زعلانه ميستاهلش تعيطي تاني علشانه ، تعالي نبدل الادوار لو انتي كنتي سبب لمده دقيقه ف عياطه هتعملي ايه !

_قالت بدموع: كنت هتشقلب علشان اراضيه والله انت معاك حق ف كل كلمه، انا عايزه اسالك بس سؤال واحد ، هل اللي بيحب بجد ، مهما مرت عليه السنين والايام بيقسي ! بيعرف يتجاهل زعل إللي بيحبه ويتعامل طبيعي !بيتغير علي اللي بيحبه ! بيبقي شخص تاني ف عصبيته ! 

_ لا مبيعرفش ، بصي ياابنت الناس ، انتي غاليه وخليكي غاليه ، انتي عرفتيه ان هو نقطه ضعفك ، وعرفتيه ان الدنيا من غيروا هتقف عليه ، وعرفتيه ان هو كل حاجه ف حياتك ، وعرفتيه ان هو عوض من ربنا ، بس كل ده مش حقيقي لو هو فعلا العوض اللي ربنا بعتهولك مكنتيش وصلتي لكميه العياط دي ، مكنتيش انهارتي الانهيار ده ، عجبني فيكي انك اعترفتي انك بتزعليه وبتغلطي ، بس البنت اضعف من الراجل وحتي لو البنت زعلت الراجل ف الراجل بردو بيفضل قوي لو احتواها وعاتبها هي هتعترف بغلطها وهتحس بالذنب كمان وهتعتذر حتي لو هي فيها كبرياء العالم كله ، قدام بتحب هتعتذر .

_ عارف ان اللي واجعني اني لسه بحبه أوي ، بس انا مش فارقه معاه وهو اثبتلي افعال، بس عمتا عندك حق ، انا بس كل اللي واجعني ان شكله قدام ماما ايه ! ده قالتله بنتي امانه معاك وهو وعدها انه مش هيخون الامانه ، طب هيقول ل ربنا ايه وهو واجعني كده ! طب انا عمري ما اذيت حد ف مشاعروا ليه بتجرح وبتوجع اوي كده ! انا لما حكيتله عن المعارك اللي خسرتها وعن كميه الخذلان اللي اتعرضتله مش علشان يعايرني بيها ويقولي انتي مش بتيجي غير اللي يديكي علي دماغك لا ، انا كنت عايزاه ميبقاش زيهم ، هو ليه عشمني انه هيفضل ووجعني كده بجد.

_ عائشه : طب حصل بينكم كلام تاني !

= محصلش ، بس عارفه لو جيه اليوم اللي اتواجهنا فيه وكلمني ، هقوله انت خسرت واحده حبيتك بجد ، وان رجوعي ليك مستحيل لو هموت من غيروا ، وانه فقد شعور الثقه والامان اللي كنت بحسهم معاه خلاص ، وانه رجعني تاني لنقطه الصفر ، وسابني بعاني ، يارتني ما دخلت حد ف حياتي ، انا اللي غلطانه ، انا اللي بأذي نفسي بإيدي ، طب هو انا وحشه ! شكلي وحش ! متحبش طيب ! طب لو انا متحبش ليه بيحاولوا من البدايه يدخلوا حياتي ! 

ليه !

_عائشه :لو كان بيحبك مكنش هيوصلك انك تسالي نفسك هو بيحبني ولا لا وقدام حطك ف الحيره دي يبقي مبيحبكيش.

ف الخلفيه :

بَعضُ الكلماتِ تَشبهُ الخنجر المسموم الذي يُطعنْ فِ مُنتصف القلب، تلك الكلمات لديها المقدره علي هدم الحب الذي يكمُن داخل قلبك .

_ انا بعتذر عن تأخيركم والله ، انا اسفه .

_ متقوليش كده ، خدي رقمي وروحي ونتكلم علي الواتساب اتفقنا !

= ابتسمت اتفقنا .

عائشه مسحتلها دموعها ، متعيطيش ، وكل حاجه هتبقي تمام ، روحي نامي ومتشيليش هم اي حاجه 

_ حطي ايدك علي قلبك .

“بتحط ايديها علي قلبها “.

_ رددي ورايا .

= حاضر ..

_قولي : اللهم اخرجني من حولي وقوتي إلي حولك وقوتك ، لا اله الا انت سبحانك اني كنت من الظالمين .

= بتردد وراها  .

_ شاطوره والله ياياسمين .

= ابتسمت ، هو صحيح اسمك ايه !

_ انا اسمي عائشه ، وده انس خطيبي .

_ ابتسمت _ ربنا يباركلكم ف بعض انا اسفه بجد علي الازعاج ..

” بتترمي ف حضن عائشه “.

_ شكرا ليكي جدا.

= العفو ياحبيبتي ، هستناكي تكلميني .

_حاضر ، تصبحوا علي خير .

_ عائشه وانس ف نفس واحد: وانتي من اهل الخير .

“ياسمين بتمشي عكس طريق انس وعائشه “.

_ عائشه بخوف : ياترا هيجي عليك اليوم اللي تقسى عليا فيه ياأنس !

= ممكن متعصبنيش انا بجد مخنوق جدا علشانها 

_….

= عائشه متخافيش ، انا بحبك ، وعمري ما هقسى عليكي أبدا .

_ بجد ياأنس !

= بجد ياعائشه ..

_” ابتسمت ومشيوا “

__________

علي الجانب الاخر ..

_ حازم بخضه بيتكلم ف التليفون: انت بتقول ايه ! ، انا جاي ع المستشفي حالا.

__________

علي الجانب الاخر.

__________

لارا بتاخد نفس من سجارتها ، وبتقفل التليفون وبتضحك ضحكه شريره ..

وبتقول بمكر: كده اللعب يبتدي يحلو.