Uncategorized

قصة وجع الحياة الجزء الأول 1 بقلم منى عبدالغني

 قصة وجع الحياة الجزء الأول 1 بقلم منى عبدالغني

قصة وجع الحياة الجزء الأول 1 بقلم منى عبدالغني

قصة وجع الحياة الجزء الأول 1 بقلم منى عبدالغني

_انا مش عايزه اكمل
=تكملي ايه العصير عادي هاتيه انا هكمله.
_عمر انا مش بهزر انا مش عايزه اكمل في الخطوبه دي
=انتي بتقولي ايه يا رندا يعني ايه يعني؟. 
_انا اسفه يا عمر، قلعت الدبله وحطتها قدامه ومشيت.
=كنت قاعد مش فاهم ايه اللي حصل دلوقتي وليه فجأه تعمل كدا؟.
_خرجت برا الكافيه وفضلت اعيط، انا اسفه يا عمر انا اسفه بس هو دا الحل الوحيد.. 
“انا رندا عندي 24 سنه خريجه كليه فنون جميله وعايشه مع امي ووالدي ودا عمر خطيبي او كان خطيبي قبل ما اسيبه” …
_روحت البيت وانا بعيط طول الطريق. 
:رندا مالك بتعيطي ليه في ايه؟ طب ادخلي واحكيلي في ايه حد عملك حاجه؟
_…..
:يا بنتي فهميني في ايه هو انتي مش كنتي خارجه مع عمر حصل ايه اتخانقتوا؟ 
_انا عايزه ادخل انام عن اذنك يا ماما
:طب فهميني في ايه يا رندا يا بنتي
_دخلت اوضتي وانا مش قادره كل حاجه فيا مستحملتش اكتر من كدا ووقعت في الأرض من التعب والعياط وكملت عياط.. 
=كنت مش فاهم ايه اللي حصل ليه فجأه تقولي انها مش عايزه تكمل انا مش فاهم حاجه دي كانت قاعده بتهزر عادي طول الوقت ليه فجأه كدا تبقى مش عايزه تكمل معايا هي اكيد بتهزر صح، رنيت عليها كذا مره ومش بترد وبعتلها رسايل كتير عشان افهم منها ليه ايه السبب طيب وبردوا مردتش عليا…، كلمت باباها يمكن يفهمني ايه اللي حصل وليه رندا مش عايزه تكمل معايا.
“انا عمر عندي 26 سنه بشتغل مهندس وعايش مع والدتي ووالدي وليا اخ بس مسافر برا” 
-الوا 
=الوا يا عمي ازي حضرتك؟ 
-الحمدلله يا عمر انت عامل ايه؟ 
=تمام، انا كنت متصل بيك يا عمي عشان حضرتك تفهمني اللي حصل انا رندا مرضتش تقولي حاجه هو انا عملت حاجه غلط يا عمي؟
-انت بتتكلم على ايه يا عمر انا مش فاهم حاجه! 
=هي رندا مقلتش لحضرتك انها مش عايزه تكمل معايا انا كنت فاكر ان حضرتك عارف وموافق على اللي بتعمله دا .
-لا يا عمر مش عارف والله انا مش فاهم ازاي تعمل كدا. 
=انا بس يا عمي عايز افهم هو انا عملت ايه والله احنا كنا خارجين عادي ومبسوطين فجأه لقيتها بتقولي كدا اسألها لو في حاجه عملتها غلط طيب وانا هعتذر والله بس بلاش نفشكل الخطوبه عشان خاطري يا عمي دا مكنش فاضل غير شهر على الفرح. 
-خلاص يا عمر اهدي يا بني وانا هفهم منها اللي حصل وهكلمك.
=تمام يا عمي شكرا ليك.. 
_طب اعمل ايه انا مش عارفه هقولهم ايه في البيت انا مش عايزه حد يعرف حاجه انا مش عايزه حد يبصلي نظره حزن وشفقه على حالي واللي حصلي عشان انا بجد مش ناقصه ومش قادره ومش عارفه انا ازاي هبعد عن عمر بس دا كان الحل الوحيد انا مش عايزه اجرحه معايا بعد اللي حصل.. 
-رنداااااااا
:ايه يا محمد داخل تزعق ليه؟ 
_ايوه يا بابا في ايه؟ 
-انتي قولتي لعمر انك مش هتكملي؟! 
_حاولت اتماسك ومبينش زعلي ولا ضعفي، اه يا بابا. 
:ايه يا رندا انتي بتقولي ايه!! 
-استنى انتي.. ايوه ليه ايه السبب اللي مخليكي مش عايزه تكملي وانتوا مكنش فاضل غير شهر على جوازكم هو عمل حاجه؟ 
_لا مفيش انا مش مرتاحه ومش عايزه اكمل ولو سمحت يا بابا متغصبنيش على حاجه انا مش عايزاها.
-رندا انا لغايه دلوقتي ماسك نفسي عنك لكن والله صبري لو نفذ انا مش هرحمك فهميني ايه السبب عشان متعصبش عليكي.
_يا بابا انا مش عايزاه مش عايزه اكمل معاه مش قادره   مش عارفه بس خلاص انا مش عايزه اتجوزه وكده احسن عشان يتجوز واحده بتحبه. 
-ضربها بالقلم، هو انتي فاكره الجواز لعبه يعني بعد ما فضلتوا مخطوبين سنتين ونص ومفهمانا كلنا انكم كويسين مع بعض وبتحبوا بعض ومفيش خناق بينكم تيجي تقوليلي قبل الفرح بشهر انك مش قادره وزهقتي هو انتي معندكيش دم انتي مش شايفه هو عامل ازاي دلوقتي دا استحمل كل حاجه انتي عوزتيها ودايما خارج داخل بهدايا وورد وطفح عشانك وعشان يفرحك انتي ليه عايزه تهينينا قدام الناس ليه عايزه اهله يشمتوا فينا وقرايبنا يقولوا معرفناش نربي وبنتنا زهقت من خطيبها قبل الفرح بشهر وسابته انتي ليه انانيه ومش بتفكري غير في نفسك؟…
_فضلت اعيط من كلامه ومن القلم اللي علم على وشي، أنت انت عمرك ما هتحس باللي انا فيه يا بابا وبعدين انا مالي بالناس انا مالي يقولوا ايه عني وانت ليه بتدافع عنه ولا اكنه ابنك ليه محسسني اني كنت وحشه اوي معاه طول الوقت وهو اللي كان مستحملني ليه محسسني انه..انه ليه جمايل عليا هو مغلطش اه ومعملش حاجه تزعلني او تدايقني بس انا لاقيتني مش مرتاحه ومش عايزه اكمل انا شايفه ان دا احسن ليا وليه.. 
-وانا مش بدافع عنه انا بقول اللي شوفته قدامي وتمام يا رندا اعملي اللي انتي عيزاه بس ساعتها انتي مش هتبقى بنتي. 
:ايه يا محمد اللي بتقوله دا?! 
-ايوه عشان تعرف ان مشاعر الناس مش لعبه وان الجواز مش حاجه تهرب منها وخلاص وانا مش راضي عن قرارك بس اعملي اللي تعمليه انا داخل اوضتي بلا قرف دا انتوا عيال تسد البدن. 
_دخلت اوضتي وفضلت اعيط هو انا فعلا وحشه انا شوفت ان دا هيبقى احسن ليه انا بس مش عايزه اجرحه معايا مش هقدر اشوفه هو اللي يبعد عني بسبب اللي حصلي…. 
‘ايه يا عمر مالك؟ 
=مفيش 
‘ طب ايه هتفضل قاعد كدا ما تيجي نروح اي حته نقعد فيها؟ 
=حازم سيبني في حالي انت عايز تروح في حته امشي وسيبني وملكش دعوه بيا. 
‘ اممم دا الموضوع كبير بقى طب احكيلي ايه حصل.. 
=….. 
‘ يا بني احكيلي ما انا مش جاي اقعد معاك عشان نفضل ساكتين 
=…..
‘تمام خلاص متحكيش وخلينا ساكتين بقى.. 
=… رندا مش عايزه تكمل 
‘ مش فاهم تكمل ايه؟ 
=مش عايزه تكمل معايا حاجه مش عايزه تكمل في الخطوبه دي. 
‘ دا ازاي يعني وليه ايه الهبل دا دا الفرح خلاص كان الشهر الجاي فجأه كدا حست انها مش عايزه! 
=انا مش عارف ومش فاهم حاجه هو انا ممكن اكون عملت حاجه دايقتها مني فا دا خلاها مش عايزه تكمل يعني؟؟
‘ عمر انت كنت بتعملها كل اللي هي عيزاه وبتحبها حب انا عمري ما شوفت راجل بيحب بنت بالطريقه اللي كنت بتحبها بيها دي فا الغلط اكيد مش فيك.
=طب ما هي كمان كانت بتحبني كدا يا حازم ويمكن اكتر كمان فا ليه فجأه كدا مش عايزانى انا من كتر التفكير دماغي هتنفجر انا مبقتش فاهم هي ليه بتعمل كدا…… 
:رندا انا عايزه اتكلم معاكي 
_ماما لو على موضوع عمر فا انا مش عايزه اتكلم فيه لو سمحت 
:ما انا وابوكي عايزين نفهم في ايه ليه مش عايزه تكملي ايه حصل عمر عمل ايه طيب؟..
_ماما انا قولت مش عا……، حطيت ايدي على بوقي و قومت جريت علي الحمام.
:رندا رندا انتي كويسه في ايه يا بنتي مالك! 
_خرجت من الحمام، مفيش يا ماما بطني بس وجعاني شويه.
:اعملك حاجه سخنه تشربيها طيب؟ 
_لا مش عايزه انا هنام شويه. 
:ماشي يا حبيبتي بس فكري تاني في موضوع عمر عشان خاطري وخاطر ابوكي يا رندا.. 
_خرجت وقفلت الباب وانا مقدرتش معيطش، اه يارب ساعدني يارب اقدر استحمل كل اللي بيحصل دا يارب خليك معايا والله تعبت اوي تعبت يارب بس الحمدلله الحمدلله على كل حال.. نمت من التعب ومن المجهود اللي عملته. 
_صباح الخير يا بابا 
-….. 
_مردش عليا ودور وشه فا مكنتش قادره اني اتكلم تاني أو ادخل في حوار وزعيق زي امبارح فا سكت. 
:ايه دا انتي نازله بدري كده؟ 
_اه هروح الشغل عشان عندي لوح كتير محتاجه تخلص وتتسلم. 
:تمام يا بنتي طب التعب اللي كان في بطنك امبارح راح؟ 
-تعب ايه دا كمان؟ 
_اتوترت، ها لا دا كان تعب عادي وو انا كويسه دلوقتي جدا عن اذنكوا انا نازله سلام.،نزلت بسرعه وانا متوتره وخايفه حد يعرف حاجه… 
_السلام عليكم عاملين ايه كلكم؟
الحمدلله انتي اخبارك ايه؟ 
_تمام الحمدلله، نغم تعالي ثانيه 
§حاضر 
_خلصتوا اللوح اللي سلمتها ليكم؟ 
§ اه خلاص بنخلص فيها فاضل اللوحتين بس اللي قولتي هتعمليهم بنفسك. 
_طب خلاص انا هبدأ فيهم 
§ انتي كويسه؟ 
_اه في ايه! 
§لو تعبانه هعملهم انا.. 
_نغم انا كويسه وقولتلك متبينيش اي حاجه ولا تقولي لحد فا ممكن تسمعي كلامي وتنسى خالص الحوار دا؟
§رندا انا بقول كدا عشانك وعشان خايفه عليكي والله.. 
_انا كويسه الحمد لله ومفيش اي حاجه وروحي كملي اللي بتعمليه يا نغم. 
§حاضر. 
§رندا عمر برا 
_كنت قاعده برسم في أول لوحه ولقيت نغم داخله تقولي كدا فا اتوترت جدا، ايه؟ لييه؟ 
§معرفش بيقول انه عايز يتكلم معاكي شويه هتعملي ايه؟ 
_هتصرف قوليله يدخل.. 
=كنت واقف برا مكتبها ومستني ادخل بعد ما قررت اني هاجي افهم منها بنفسي ايه السبب ولو فعلا انا غلط في حاجه فا هتأسفلها بس انا مش هقدر ابعد عنها دي حبي الوحيد… 
§اتفضل يا عمر 
=تمام شكرا يا نغم، دخلت وانا شايفها قدامي قاعده على الكرسي وبترسم متعود دايما اشوفها كدا فا ابتسمت بعدين ابتسامتي اختفت لما افتكرت اللي قالته امبارح.. 
_كنت قاعده متوتره وخايفه ومش عارفه هعرف اهرب منه المره دي كمان واقول اي حاجه تخليه يبعد عني ولا هتكشف في الأخر..
=ازيك يا رندا؟ 
_تمام 
=ممكن نتكلم شويه؟ 
_سيبت الفرشه، اتفضل عايز ايه؟ 
=ممكن افهم ايه السبب قوليلي على الاقل انا غلط في ايه عملت ايه خلاكي مش عايزه تكملي وانا مستعد اعتذرلك والله. 
_معملتش حاجه.
=يعني ايه!! 
_يعني انت مغلطش في حاجه ومعملتش حاجه عشان تعتذر عليها، كنت ماسكه نفسي بالعافيه وبحاول أبين اني مش فارق معايا حاجه كنت بتكلم بقوه وجبروت عكس اللي جوايا.. 
=اومال انتي بتبعدي ليه هو البعد من غير أسباب عادي عندك ولا انتي بطلتي تحبيني فهميني ايه السبب عايزه تبعدي ليييه ايه خلاكي تتغيري كدا فهميني يا رندااا انا عايز افهم لييه..لييه عايزه تبعدي عني وانتي عارفه اني محبتش قدك فهميني ليييييييه؟؟؟
_عشان زهقت عشان انا مش عيزاك اه انا مبقتش احبك انا مش عيزاك يا عمر ومش عايزه اكمل حياتي معاك انا بكرهك ومش مستح…….. مش مستحمله اني اكمل معاك انا مش عيزاك معايا يا عمر، كنت بقول الكلام وانا بعيط كنت بقوله وانا قلبي وعقلي مش فاهمين انا بقول الكلام دا ازاي كنت بقوله وانا عارفه اني بكدب بس عارفه انه مش هيبعد غير بالطريقه دي… 
=كنت مصدوم من الكلام فضلت ساكت شويه، انتي كذابه يا رندا انا عارف انك بتكذبي انتي اكتر واحده انا عارفها وفاهمها وحافظ كل حاجه فيها وانا متأكد انك بتكذبي ولو مش بتكدبي كان زمانك مش بتعيطي دلوقتي.. 
_مكنتش عارفه ارد بإيه بس مينفعش أضعف انا والله بعمل كل دا عشانه وعشان مصلحته وعشان مجرحهوش معايا..
=اتكلمي يا رندا فهميني ليه بتكدبي ليه بتكابري وبتقولي انك عايزه تسيبيني وانتي قلبك مش مصدقك ولا عايز كدا فهميني ليييه فهميني يا رندا.. 
_كنت بعيط ومش عارفه اقول ايه.. ،انا.. انا مش بكدب انا بجد مبقتش عايزه اكمل انا مش عيزاك يا عمر عشان خاطري متضغطش عليا اكتر من كدا انا مش هقدر اقولك حاجه تاني. 
=انتي متأكده من قرارك دا هو دا اللي انتي عيزاه هترتاحي لما تبعدي عني يعني؟؟ 
_اه 
=متأكده من قرارك دا كويس؟ 
_كنت بصاله بحزن ورجاء انه يسامحني وانا شايفه نظره الحزن والخذلان اللي باصصهالي في عينه،…….. 
=تمام يا رندا شكرا على كل حاجه واسف لو دايقتك في يوم من الايام وشكرا على كل الذكريات الحلوه اللي كانت بينا عن اذنك.. 
_كنت شيفاه وهو ماشي وسايبني ومجرد ما خرج من مكتبي وانا قعدت على الأرض وفضلت اعيط بكل قهره على نفسي وعلى حبي اللي بعد عني وبإيدي انا… 
§رندا رندا انتي كويسه 
_…… 
§كنتي قوليله الحقيقه ليه تعملي كدا في نفسك وفيه ليه يا رندا ليه عايزه تجرحي نفسك وتجرحيه ليه يا حبيبتي؟..
_كنت مش برد عليها ومكمله في العياط وانا مش قادره وكل حاجه فيا مش عارفه تستحمل التعب اللي في بطني ولا التعب اللي في قلبي ولا التعب اللي في دماغي من التفكير…. 
=كنت خارج مش قادر حاسس ان الدنيا كلها اغمقت فجأه وكل حاجه بقت بدون الوان الدنيا بقت ابيض في اسود وبس حاسس ان قلبي مش معايا وروحي مش معايا..خرجت ركبت عربيتي وروحت على الشغل. 
‘روحتلها؟ قولي قالتلك ايه ولا حصل ايه؟ 
=محصلش حاجه 
‘ يعني ايه يعني لسه مصممه على قرارها 
=اه ولو سمحت يا حازم سيبني لوحدي دلوقتي وأخرج برا ومعلش خد الشغل بتاعي النهارده عشان مش قادر.. 
‘حاضر يا عمر. 
_عدي اسبوعين وعمر كان خد الشبكه وكل حاجته من بابا وطبعا مسلمتش من تهزيق بابا وماما ليا طول الوقت وكنت حرفيا كل يوم بعيط وجسمي بيضعف اكتر وللأسف اهلي بدأوا يشكوا فيا بسبب دخولي الحمام كتير والترجيع كل شويه وملامحي البهتانه بقيت خايفه انهم يكشفوني مش عايزه اجرحهم انا عارفه كويس بيتنا هيبقى عامل ازاي لو حد فيه عرف اللي حصلي… 
§عامله ايه دلوقتي؟ 
_الحمدلله 
§لسه تعبانه؟ 
_ الحمدلله على كل حال. 
§الحمدلله يا حبيبتي بقولك.. 
_ايه؟
§هقولك حاجه بس متزعليش عشان خاطري عشان متتعبيش اكتر ماشي؟ 
_في ايه يا نغم قولي!
§عمر خطب 
_اييييييه؟
§عشان خاطري متزعليش وانسيه بقى دا كان إختيارك من الاول فا حاولي تستحملي عشان خاطري يا رندا. 
_انا عايزه ابقى لوحدي. 
§رندا عشان خاطري متضعفيش هو اكيد مش بيحبها هتلاقيه خطبها عشان يدايقك بس. 
_تمام ممكن تسيبيني لوحدي شويه يا نغم لو سمحت.. 
§حاضر. 
_فضلت اعيط واسأل نفسي زي المجنونه، هو ازاي ازاي لحق ينساني في أسبوعين ازاي هونت عليه وخطب على طول كده هو فعلا كان بيحبني ولا كل دا كان كذب ازاي يخطب ازاااي؟!!…
…………………………………
‘انت شايف ان اللي بتعمله دا صح؟! 
=عايز ايه يا حازم؟ 
‘ عايز افهم هتستفاد ايه لما تخطب واحده تانيه وتعلقها بيك وانت عارف كويس انك مش بتحبها وانك لسه منستش رندا. 
=عادي اكيد مش هوقف حياتي وكدا كدا كان هيجي اليوم اللي اتخطب واتجوز تاني فا عادي لما يكون دلوقتي وبعدين امي شافتها وعجبتها فا مفيش مشكله اني احاول معاها واحاول اتقبلها واحبها.. 
‘ اه كان هيجي اليوم اللي هتخطب فيه بس مش بالسرعه دي يا عمر انت رندا لسه سيباك من اسبوعين وانت ملحقتش تتخطاها وانا متأكد من دا وبعدين هي امك اللي هتتجوزها هو مش المفروض انت اللي تعجب بيها وتختارها وبعدين انت كدا بتعلقها بيك على الفاضي مفيش حاجه اسمها هجرب يا عمر الحب والجواز مفهمش تجربه… 
= حازم انا مش عايز اسمع الكلام دا ومش حابب حتى إن سيرتها تيجي قدامي فا لو سمحت متحاولش تفكرني  بيها حتى وممكن تطلع وتسيبني لوحدي بقى؟
‘براحتك يا عمر.. 
=مش عارف انا عملت كدا ازاي انا اه متخطتهاش ومنستهاش وهي لسه في قلبي مش قادر انساها ولا أنسى اي حاجه كانت بينا ولسه مش فاهم ايه سبب البعد بردوا وكنت شايف اني لو خطبت واحده تانيه ممكن انساها بس انا حتى مش قادر اني اتعامل مع اللي خطبتها مش قادر اتقبلها… 
بعد اسبوع
<عمر هتروح لنيره النهارده تتغدى معاهم.
=مش عايز يا أمي ومش قادر اروح في حته.
<عيب يا عمر ومينفعش انت مخرجتش خروجه واحده معاها من ساعه الخطوبه فا روح اتغدى معاهم وبعدين انزل خرجها في اي حته.
=يا أمي مش قادر انزل في حته انا لسه راجع من الشغل وعايز انام. 
<عمر بطل دلع ومتكسفناش قدام الناس ويلا قوم واخلص.. 
=حاضر، قومت لبست وانا جسمي مهدود ومش قادر اني اروح في حته اصلا بس نزلت عشان امي متزعلش وروحت. 
^ عامل ايه يا بني واخبارك ايه؟ 
=الحمدلله يا طنط 
^ ايه مش بتيجي خالص كده تشوف خطيبتك؟
=معلش يا طنط والله كنت مشغول جدا في الشغل وكده.
^تمام يا بني هدخل اندهالك واجي. 
=تمام يا طنط اتفضلي، خمس دقايق ولقيتها خارجه نيره شخصيه جميله وطيبه وهي قموره كمان بس انا بردوا مش شايفها ومش قادر احبها. 
+ دخلت وانا مكسوفه وباصه في الأرض، ازيك يا عمر؟ 
=الحمدلله، رديت عليها وفضلت ساكت ولاحظت انها اتكسفت بسبب اني مسألتهاش انا كمان.. 
=وانتي؟ 
+ابتسمت، الحمدلله بخير.
=دايما 
+ليا وليك ان شاء الله. 
^يا نيره تعالي يا بنتي طلعي الاكل. 
+حاضر يا ماما، عن اذنك.. 
=اتفضلي، كنت قاعد وحاسس اني مخنوق ومتكتف ومش عارف اتعامل او اتصرف وكل اللي في دماغي وبفكر فيه لو رندا عرفت هيكون ايه رده فعلها وازاي انا قاعد مع واحده غير رندا اصلا!!.. 
^اتفضل يا بني على السفره. 
=تمام
^ايه عجبك الاكل؟ 
=اه تسلم ايدك يا طنط. 
^بالهنا والشفا يا بني، ورى خطيبك الحمام فين يا نيره.
+حاضر يا ماما اتفضل من هنا.
=مشيت وراها لحد ما شاورتلي عليه ودخلت غسلت ايدي وخرجت، شكرا. 
+العفو 
=هو باباكي فين؟
+في الشغل وزمانوا راجع.
¦السلام عليكم 
+اهو جه.. ازيك يا بابا 
¦اذيك يا حبيبتي  ايه دا دا عمر عندنا وانا اقول البيت منور ليه.. 
=تسلم يا عمي لذوقك البيت منور بأصحابه، قعدنا انا وهو مع بعض وفضلنا نتكلم ونهزر وهي كانت قاعده على جمب وساكته طول الوقت ومكسوفه.. 
+عمر اتفضل موبايلك بيرن. 
=اه شكرا عن اذنكم يا عمي هرد بس. 
¦اتفضل يا ابني البيت بيتك. 
=الو 
< الوا يا عمر عامل ايه؟ 
=الحمدلله في حاجه يا أمي ولا ايه؟ 
< لا متصله اطمن عليك بس واشوفك عملت ايه مع نيره 
=حبكت دلوقتي يا أمي لما نروح نتكلم يا أمي سلام 
< طب خرجها زي ما قولتلك ها يا عمر
=ان شاء الله يا أمي سلام دلوقتي..
¦خير يا ابني 
=لا دي امي بس وبتسلم عليكم كلكم 
¦الله يسلمها يارب 
=معلش يا عمي ممكن اطلب من حضرتك طلب؟
¦اتفضل يا ابني 
=هو ينفع.. ينفع يعني ااخد نيره ونخرج شويه؟ ، كنت بسأل وانا متوتر ومكسوف ومش عارف انا ليه اصلا بسمع كلام امي في حاجه زي كدا وانا مش عايزها.. 
¦اكيد طبعا يا ابني دي خطيبتك وتقدروا تخرجوا مع بعض.
=شكرا يا عمي، وفعلا خدتها ونزلنا ووديتها اكتر كافيه انا بحبه وفضلنا قاعدين ساكتين احنا الاتنين… 
§هو مش دا عمر 
_بصيت ورايا واتصدمت لما لقيته هنا في الكافيه اللي دايما كنا بنقعد فيه مع بعض واللي شوفنا فيه بعض اول مره ومش لوحده لا معاه بنت كنت مصدومه ومش مصدقه ازاي جايبها المكان بتاعنا ازاي بقى بالبجاحه دي….
§انا اسفه يا رندا اني قولتلك ننزل نقعد شويه في الكافيه مكنتش اعرف انه هيبقى موجود هنا والله.. 
_عادي يا نغم محصلش حاجه، فضلت قاعده باصه عليهم طول الوقت ومركزه مع كل تفصيله فيه وفيها كنت ببص عليها وانا من جوايا بولع.. هي حلوه واوي كل حاجه فيها حلوه شكلها حلو وتتحب فعلا واكيد هو خطبها ونساني على طول اول ما شافها كده…. 
=كنت قاعد متوتر وببص حواليا وانا بفتكر ليا كل ذكرى حلوه وموجعه كانت في المكان دا كل خناقه وكل ضحكه وكل حاجه حصلت بينا في الكافيه دا ووسط ما انا بلف بعيني في المكان لقيتها.. عنيا جت في عينها  وفضلنا باصين لبعض كل واحد باصص للتاني وهو بيعاتبه بعينه وبقلبه بس من غير كلام ولا أفعال بالنظرات وبس. 
+كنت واخده بالي من بصتوا ليها ودا خلاني ادايق بس حاولت مبينش، أنت تعرفها؟!.. 
=رديت وانا مش باصصلها، معرفش غيرها هنا…. 
_كنت بصاله وانا قلبي بينبض بطريقه مش طبيعيه كان نفسي اقوم في اللحظه دي اقوله انا اسفه بس متبعدش عني ومتسبنيش حقك عليا سامحني انا غلط وكان لازم اعترفلك بكل حاجه بس مسيبكش واسيب نفسي تتعذب كدا…. 
§يلا يا رندا 
_….. 
§رندا يلا نمشي 
_مش عايزه انا عايزه اكلمه.. 
§رندا مبقاش ينفع خلاص هو مش خطيبك يلا يا رندا نمشي. 
_بس انا لسه بحبه. 
§رندا فوقي هو دلوقتي خاطب ومينفعش اللي بتعمليه دا انتي اخدتي قرار كمليه للنهايه ومتضعفيش في النص.. 
_فوقت على كلمتها وعلى انه خطب، يلا نمشي. 
=رندا… 
_لفيت وشي وبصيتله. 
=عامله ايه؟ 
_تمام وانت اخبارك ايه، بصيت على خطيبته والدبله اللي في ايده، اه الف مبروك الخطوبه. 
=رندا انا… 
_عن اذنك انا لازم امشي، خرجت بسرعه قبل ما أضعف واعيط قدامه… 
+كنت قاعده مش طايقه نفسي وانا شيفاه واقف بيكلم واحده غيري والنظره اللي في عنيه كانت موضحه كل حاجه وعرفتني ان اكيد دي مش واحده عاديه يعرفها وخلاص، ممكن افهم في ايه؟؟ 
=يلا نروح 
+انا عايزه افهم لو سمحت مين دي وليه بتكلمها 
=يلا يا نيره اركبي 
+مش هركب غير لما افهم 
=اخلصي يا نيره و اركبي 
+برغم انه كان بيتكلم بهدوء وبصوت واطي الا ان نبره صوته كانت كفيله تخليني اخاف فا ركبت من غير ما اتكلم زياده لحد ما وصلني ونزلت من غير كلام وحتى هو محاولش يكلمني.. 
_روحت البيت وانا مش قادره كل حاجه فيا نفسها تنهار مبقتش قادره تستحمل كل اللي بيحصلي دخلت على اوضتي من غير كلام واتوضيت وصليت وفضلت اعيط لربنا، يارب انا تعبت خلاص مش قادره استحمل يارب ليه تخليه يخطب واحده تانيه انا عارفه ان دا كان قراري بس انا.. انا مكنتش عايزه كدا انا بعدت عشانه هو عشان مصلحته بس مكنتش اعرف انه لما يخطب غيري فا انا هبقي عامله كدا والله مبقتش مستحمله يارب…. 
:ايه يا رندا دخلتي من غي……، انتي بتعيطي؟
_…… 
:رندا في ايه حصل ايه مالك يا بنتي؟ 
_مفيش يا ماما حاجه 
:نزلت قعدت جمبها على الأرض، لا في احكيلي يا بنتي اللي حصل مالك عامله كدا ليه؟
_يا أمي مفيش انا بس تعبانه شويه وهبقي تمام. 
:بردوا يا رندا انتي مش عايزه تحكيلي حاجه ولا تريحي قلبي عليكي يا بنتي ليه كده مش كفايه عملتي اللي في دماغك ومكملتيش مع عمر ومرضتيش تقولي السبب لينا كلنا… 
_يوووه يا ماما هو احنا مش هنخلص من حوار عمر دا ممكن ننساه بقى ونعيش حياتنا عادي..
:قولي لنفسك يا بنتي انسيه وعيشي حياتك. 
_بصتلها بستغراب ، ما انا عايشه اهو وزي الفل ومكمله حياتي ايه مخليكي تقولي كده يعني. 
:متضحكيش على نفسك يا بنتي انا عارفه كويس انتي بتحبي عمر قد…. رندا رندا انتي كويسه؟!؟ 
_كانت بتتكلم وحسيت اني مش قادره وبطني وجعتني اوي فا جريت على الحمام بسرعه وفضلت ارجع وانا بطني بتموت من الوجع وكنت عماله اتوجع واحاول مطلعش صوت عشان محدش يحس بحاجه بس مقدرتش وصوتي كان عالي، ااااه ااااه يارب ياااارب اااه. 
:يا رندا يا بنتي في ايه افتحي الباب في ايه يا رندا بقى في ايه يا بنتي مالك؟ 
_كنت مكمله عياط وانا الوجع مش سايبني ومش قادره. 
:يا رندا افتحي 
-في ايه؟ 
:الحقني يا محمد بنتك بنتك عماله ترجع وتعيط جوا ومش راضيه تخرج. 
-رندا رندا انتي كويسه في حاجه؟ 
_الوجع كان خف شويه فا قومت بسرعه وغسلت وشي وطلعتلهم، في ايه يا ماما بتخضي بابا على الفاضي ليه انا كويسه يا بابا مفيش حاجه. 
:انتي بتكدبي يا رندا انا عايزه افهم مالك دي مش اول مره تدخلي وتفضلي ترجعي في ايه يا بنتي قوليلي مالك… 
_ايه يا ماما وجع عادي يعني مفهاش حاجه!
:رندا اوعي يكون اللي في دماغي…
_اتوترت جامد وفضلت ادعك في أيدي، إيه اللي في دماغك يا ماما لقيتها بصت لبابا وهو بصلها وانا وقفت مش فاهمه حاجه..، هو في ايه! 
-بت انتي قوليلي….. هو انتي حامل؟؟
 _نعم!!! 
يتبع…..
لقراءة الجزء الثاني : اضغط هنا
لقراءة باقي أجزاء القصة : اضغط هنا

اترك رد