Uncategorized
قصة وجع الحياة الجزء الثاني 2 بقلم منى عبدالغني
قصة وجع الحياة الجزء الثاني 2 بقلم منى عبدالغني
 |
| قصة وجع الحياة الجزء الثاني 2 بقلم منى عبدالغني |
قصة وجع الحياة الجزء الثاني 2 بقلم منى عبدالغني
_اتوترت جامد وفضلت ادعك في أيدي، إيه اللي في دماغك يا ماما لقيتها بصت لبابا وهو بصلها وانا وقفت مش فاهمه حاجه..، هو في ايه!
-بت انتي قوليلي….. هو انتي حامل؟؟
_نعم!!! ،مسك ايدي جامد
-قوليلي حالا انتي حامل صح عشان كدا سيبتي عمر وبعدتي ومرضتيش تقولي السبب.
_ايه يا بابا ال……، ضربني بالقلم
-اخرسي يا واطيه بقى انا على اخر الزمن تستغفليني، مسكها من كتفها… مين قوليلي حامل من مين مين ابن الكلب اللي عمل فيكي كدا؟؟
_يا بابا والله انت فاهم غلط ما تتكلمي يا ماما انتي سيباه يضربني وهو مش فاهم حاجه والله مش حامل..
:ريحينا يا بنتي وقوليلنا مين اللي عمل فيكي كدا؟
_هو انتي كمان مصدقه اللي بابا بيقوله بجد يا ماما؟؟، كانت واقفه ساكته وبتعيط وانا بقيت خايفه ومش عارفه اعمل ايه واقولهم كل حاجه ولا ايه يارب ساعدني يارب..
-ادخلي البسي.
_اتوترت جامد، ليه؟
-بقولك ادخلي البسي وحالااااا..
_دخلت لبست وانا خايفه ومتوتره انا مكنتش عايزه اوصل لكده انا مش فاهمه هما ليه بيعملوا كل دا.
-يلا انزلي
_بابا انت جايبني هنا ليه!!
-الطفل دا لازم ينزل
:ايه يا محمد اللي بتقوله دا انت هتعمل كدا في بنتك؟!
-اسكتي انتي خالص انزلي.
_شدني من ايدي ونزلني وانا مش فاهمه هو ايه اللي بيحصل ولا هو بيعمل ايه اصلا وايه اللي عايز ينزله انا مش فاهمه حاجه.
°اهلا اتفضلوا اقعدوا
-عايزين نعمل عمليه إجهاض
°لمين
_لقيته بيشاور عليا وبيقول ليها مكنتش عارفه طب اتكلم والحق نفسي ولا بلاش واسيبهم يعملوا اللي عايزينه طب اعمل ايه كنت واقفه خايفه ومش عارفه اعمل ايه وازاي بابا اتحول كدا لشخص تاني، بابا انت والله فاهمني غلط اسمعن…….
-اسكتي انا مش عايز اسمع صوتك.
°اتفضلي حضرتك نامي على السرير هكشف عليكي الأول.
_نعم؟؟؟..، كنت خايفه ومتوتره مكنتش عيزاهم يعرفوا دلوقتي حاجه بقيت خايفه اكتر واكتر.
°ايه يا مدام اتفضلي اقعدي.
_قعدت وانا خايفه وهموت من التوتر والدكتور بدأ يكشف…
°ابتسم، انا مش فاهم انتوا عايزين تسقطوا ايه؟
-العيل اللي في بطنها.
°بس هي مش حامل عشان تسقط..
:ازاي يا دكتور دي بترجع كل يوم ودايما بطنها بتوجعها.
°ممكن يبقى وجع عادي او وجع تعب تاني بس اللي متأكد منه أن المدام مش حامل وان دي مش عشان أعراض حمل يبقى خلاص هي مش أعراض اي حاجه تانيه انتوا ممكن تعرضوها على دكتور شريف اللي في العياده اللي قدامي هو دكتور باطنه وممكن يعرف عندها ايه.
-اتكلم براحه، تمام يا دكتور شكرا اوي ليك عن اذنك يلا يا ام رندا هاتي بنتك.
:حاضر يلا يا بنتي
_حمدت ربنا ان محصلش حاجه وقولت خلاص اليوم عدي وهنمشي.
-لو سمحت عايز احجز كشف
`بإسم مين
-رندا محمد
_كنت واقفه مصدومه مكنتش عارفه اتكلم اقول ايه حسيت انه خلاص مفيش مفر وهما هيعرفوا كل حاجه وبيتنا هيتقلب غم خلاص مبقاش في أيدي حاجه اعملها انا حاولت أقصى ما يمكن اخبي عنهم دلوقتي عشان مجرحهمش بس للاسف انا فشلت….
~اتفضلي حضرتك على السرير وانا هكشف عليكي
_روحت قعدت على السرير بكل استسلام وانا خلاص تعبت من المعافره وتعبت من حفظ السر دا عنهم كلهم فضلت قاعده ساكته وانا متوقعه كل كلمه هيقولها…
:ها خير يا دكتور؟
~خير ان شاء الله انا بس في حاجه شاكك فيها فا ممكن تعملوا التحاليل دي….
-حاضر طب هتطلع امتى؟
~يومين تلاته كدا
-تمام شكرا يا دكتور.
_انا مش محتاجه اعمل تحاليل..
-قصدك ايه؟
_انا عارفه انا عندي ايه
~اتكلم بستهزاء، وهو حضرتك دكتوره يا انسه؟
_هه لا مش دكتوره… بابا ماما انا حاولت كتير اني اخبي عليكم حاولت مخلكوش تعرفوا حاجه كلكم عشان مجرحكمش اتحملت تعب وشتايم وتهزيق منكم بس عشان مش عايزه اشوف في عينكم نظره حزن على بنتكم مكنتش عايزه احس في يوم من الايام انكم عاجزين انكم تساعدوني اه عارفه انكم كنتوا هتعرفوا في يوم من الايام بس كنت بتمنى ان اليوم دا ميقربش وتضطروا تعرفوا كل حاجه……
-في ايه يا رندا ما تتكلمي وكفايه الالغاز دي؟
_انا.. انا عندي سرطان في المعده.
:ايه انتي بتقولي ايه؟؟
-ايه الهبل اللي بتقوليه دا يا رندا كلامك دا اكيد مش صحيح صح يا دكتور؟
_انا كشفت وعملت تحاليل وطلعلي انه عندي ووصل لمرحله الخطر.
~هو انا فعلا كنت شاكك في كانسر فا كنت هتأكد من الاشعه.
-يلا نروح
:محمد هي بتكدب صح انتي بتكدبي علينا يا رندا قوليلي ليه عشان خاطري يا بنتي قولي انك بتكدبي عشان خاطري..
_فضلت اعيط وخرجت بسرعه وركبت العربيه.
-يلا يا ام رندا.
:محمد هنعمل ايه بنتي بنتي يا محمد هتضيع مني يعني بنتي كدا هتسيبني اااه يارب لا لا يارب مش هستحمل يارب دي بنتي الوحيده يارب اشفهالي يارب.
-حضنتها، اهدي اهدي ويلا ونتكلم في البيت يلا.
_ركبوا العربيه وكلنا كنا قاعدين ساكتين وامي الوحيده اللي عماله تعيط انا كنت قاعده مش مصدقه اني قولتلهم خلاص بس مكنش في أيدي حاجه تاني اعملها عشان اخبي عنهم انا مكنتش عايزه اجرحهم بس يارب…..
_____________
‘ايه يا بني انت متصل عشان تسكت
=شوفتها يا حازم شوفتها في الكافيه بتاعنا.
‘ ايه ازاي احكيلي!
=بدأت احكيله……
‘طب وخطيبتك ؟
=مالها!
‘ عملت ايه لما شافتك بتبصلها؟
=معرفش ادايقت شويه وخلاص.
‘ انت مش شايف انك كدا بتجرحها معاك وبتدوقها من نفس اللي انت فيه حرام عليك يا عمر نيره كويسه ومتستاهلش منك المعامله دي..
=وانا مش بحبها يا حازم كنت فاكر اني هعرف كنت فاكر اني على الاقل هتقبلها بس مقدرتش انا مش شايفها اصلا..
‘ يبقى تسيبها يا عمر ليه تعلقها بيك وتخليها تحس انها مش كامله بسبب انك بتحب غيرها وبتبص لغيرها.
=تمام يا حازم سلام دلوقتي، قفلت وفضلت أفكر هو معاه حق فعلا وانا كدا بجرح شخص وبخليه يحس نفس الاحساس اللي انا حاسه دلوقتي انا لازم اسيب نيره انا مش هينفع اجرحها وانا اصلا مش متقبل فكره اني احاول مع حد غير رندا…..
=الو يا عمي
¦الوا يا عمر في حاجه يا ابني
=انا اسف يا عمي بس كنت عايز اقابل حضرتك في موضوع مهم.
¦تمام يا ابني تنور في اي وقت.
=تمام شكرا يا عمي.
وصلنا البيت وكلنا طلعنا وانا دخلت اوضتي وكل واحد دخل اوضته من غير ما يكلم التاني البيت كان ساكت كان اسود وتحس ان بقى فيه طاقه حزن غير طبيعيه وعشان كدا انا من الاول مكنتش عايزه احكي حاجه…
_كنت نايمه وفجأه لقيت حد نايم جمبي وحاضني بلف ولقيتها ماما وحضناني وهي دموعها لسه على خدها، انا اسفه يا ماما والله مكنتش عايزاكم تعرفوا عشان متبقوش عاملين كدا دلوقتي انا اسفه يا ماما انا اسفه..
:…..
_انا بحبك اوي انتي وبابا انا مش عايزه ابعد عنكم بس والله مش بإيدي حاجه اعملها ربنا أراد دا انا اسفه يا ماما..
:متتأسفيش يا بنتي دي مش غلطتك كان لازم نعرف وكان المفروض من الاول خالص نبقى عارفين ونبقى جمبك ومعاكي انا اللي اسفه يا رندا اسفه اني مكنتش جمبك في أكتر الأوقات المتعبه وان احنا شكينا فيكي يا بنتي..
_شديت على حضنها وفضلت اعيط انا وهي لحد ما نمنا.
____________
¦ازيك يا عمر
=الحمدلله يا عمي
¦اتفضل ادخل استريح يا ابني
=دخلت وانا مكسوف ومتوتر ومش عارف هتكلم ولا هفتح الموضوع دا ازاي وخايف من رده فعله، بصراحه يا عمي انا كنت جاي…. كنت جاي يعني عشان….
¦في ايه يا عمر قلقتني ما تقول..
=انا اسف يا عمي بس انا مش عايز اكمل الخطوبه دي..
¦ليه يا بني كده هي نيره دايقتك في حاجه؟
=لا يا عمي والله نيره شخص محترم جدا جدا واي راجل يتمناها هي المشكله فيا انا انا اللي مش قادر ادخل في علاقات دلوقتي.
¦وانت كلمتها في الموضوع دا يا عمر؟
=بصراحه لا يا عمي خوفت ازعلها او حاجه فا قولت اكلم حضرتك انت الاول انا اسف جدا يا عمي والله بس غصب عني صدقني..
¦انا مدايق جدا من كلامك دا بالذات انك كان المفروض تبقى عارف حاجه زي كده من قبل ما تبدأ اي خطوه رسميه بس خلاص دي حاجه حصلت خلاص وانت حر فيها وانا مقدرش اغصبك على حاجه فا تمام يا ابني انا هدخل اجيبلك حاجتك.
=كنت قاعد مدايق وحاسس بالذنب بس مكنش في أيدي اي حاجه اعملها..
+كنت واقفه وسامعه كل حاجه ومجرد ما بابا دخل انا خرجت، انت هتسيبني عشان مدايق مني؟
=نيره! ان انا اسف والله بس انا مش قادر ادخل في علاقه دلوقتي..
+ليه عشانها؟؟
=بصتلها بستغراب وصدمه، هي مين؟
+البنت اللي شوفناها المره اللي فاتت..
=انا اسف يا نيره.
+عيط، طب ليه هي فيها ايه زياده عني هو انا كنت وحشه يعني ليه هتسيبني ليه انت كمان محبتنيش….
=ن نيره ايه الكلام دا والله انا مقولتش كدا وانتي والله شخص جميل جدا ومحترم والله وانتي مفكيش اي حاجه أقل منها ولا عملتي حاجه غلط هو انا اللي غلط لما دخلت علاقه وانا مش مستعد ليها لسه دخلتها وانا في قلبي حد تاني ووانا متأكد اني صعب أخرجه من دماغي ومن قلبي او اني احب غيره انا اللي غلطان يا نيره انا اسف اني جرحتك والله…
+تمام يا عمر…..
=سكت وهي سكتت وبطلت عياط.
+طب ممكن اطلب منك طلب؟
=اتفضلي.
+ينفع نبقى صحاب على الاقل؟
=اتفاجئت من سؤالها، اشمعنا؟!
+مش عارفه بس حاسه اني مش عايزه اخسرك حتى لو هنبقى صحاب ومش اكتر.
=ابتسمت، معنديش مشكله.
¦اتفضل يا عمر.
=شكرا يا عمي وانا اسف جدا مره كمان انا حقيقي مستاهلش ناس محترمه زيكم.
¦بلاش الكلام دا يا عمر يا ابني احنا خلاص مش زعلانين منك كل حاجه قسمه ونصيب يا بني ويمكن ربنا مش رايد اننا نكون قرايب.
=ونعمه بالله يا عمي عن اذنك سلام يا نيره.
_سلام يا عمر…
=كنت مرتاح كنت رايحلهم وانا خايف ومتوتر وشايل حمل المقابله والكلام اللي هقوله على قلبي وراجع من عندهم مرتاح البال وفرحان بيهم وبكلامهم وحاسس اني خسرت عيله حقيقي من أفضل العائلات.
:رندا يا حبيبتي قومي
_نعم يا ماما
:قومي يا بنتي عشان تفطري وعشان عايزين نتكلم معاكي شويه
_حاضر يا ماما جايه، دخلت غسلت وشي وخرجت لقيتهم قاعدين باصين في الأرض والحزن باين في عيونهم..
_نعم يا بابا كنت عايزني في حاجه؟
-تعالي في حضني يا رندا
_روحت حضنته وهو كان بيعيط وانا كنت بموت من جوايا بالبطئ كان جوايا وجع اكبر من وجع السرطان كان جوايا وجع اني شايفه حزن ابويا وامي وزعلهم عليا..
-انا اسف انا اسف يا بنتي انا اللي اهملتك ومخدتش بالي منك وشكيت فيكي انا اللي وقفتلك في كل حاجه ومحاولتش افهم ليه بتعمليها كله بسببي انا اسف يا بنتي ابوكي اسف..
_بابا عشان خاطري بطل عياط ويا ماما بطلي انتي كمان عشان خاطري يا بابا ويا ماما مش قادره اشوف الحزن في عينكم.
:حاضر يا بنتي حاضر.
-عرفتي امتى يا رندا؟
_من شهر في اليوم اللي قبل ما اسيب فيه عمر.
-وانتي سيبتي عمر بسبب كدا؟
_اه يا بابا مقدرتش اخدعه ومقدرتش اشوف في عيونه حزن وزعل زي اللي في عينكم دا مش هقدر اشوفه جمبي وشايفيني وانا بتعذب يا بابا مكنتش هقدر والله..
:بس هو من حقه يعرف يا بنتي عمر بيحبك واوي والله وانتي كده بعدتي عنه من غير ما تعرفيه وهو فكرك بعتيه وسيبتيه عشان مش عيزاه…
_خليه يفتكر كدا احسن ما يعرف اللي حصلي.. افتكرت لما شوفته مع خطيبته وابتسمت بحزن، هه ولا متقلقوش هو خلاص نساني وعايش حياته كويس اوي من غيرى..
-ليه بتقولي كدا يا رندا؟
_ولا حاجه معلش يا بابا انا هدخل البس عشان الشغل عن اذنكم، دخلت بسرعه وانا بلحق نفسي اني اعيط قدامهم ولبست وروحت الشغل.
§صباح الخير يا رندا
_صباح النور يا نغم قوليلي سلمتي اللوحه اللي انا خلصتها؟
§لا ما انتي مخلصتيش اللوحه التانيه..
_هما اللوحتين لنفس الشخص!
§اه يا رندا انتي نسيتي ولا ايه؟
_اه معلش طب هشتغل فيها دلوقتي ولما اخلصها هقولك
§مالك؟
_بصتلها بستغراب، مالي!
§احكيلي حصل ايه ومالك هو لسه موضوع خطيبته دا مدايقك؟
_لا عادي.
§ ؟؟
_بابا وماما عرفوا…
§عرفوا ايه؟!
_اني عندي سرطان يا نغم هيعرفوا ايه يعني..
§اييه ازاي وحصل امتى وازاي متكلمنيش طب هما هما عاملين اي قالولك ايه انتي عامله ايه????
_اهدي يا نغم في ايه براحه.
§احكي طيب
_مفيش عرفوا امبارح وبس البيت مقلوب من ساعتها كله متنكد ومدايق وبيعيط وعشان كده انا مكنتش عايزه حد فيهم يعرف نظرتهم ليا وهما في عيونهم حزن وشفقه على بنتهم دي بتقتلني يا نغم ببقى حاسه اني متكتفه مش عارفه أعملهم حاجه ولا حتى قادره اواسيهم دا انا عايزه اللي يواسيني كل حاجه بقت أصعب من الاول….
§اهدي يا حبيبتي ان شاء الله خير ومش هيحصل حاجه وان شاء الله هتخفي وهتبقى زي الفل وهيرجعوا كويسين ومبسوطين تاني.
_لا يا نغم انا مش هخف بلاش تديني امل كاذب وانتي مش واثقه منه اصلا انا مستحيل اخف وملهوش علاج وحتى العمليه نسبه نجاحها قليله جدا وانا خلاص راضيه بقضاء ربنا ومش عايزه حاجه تانيه ولا حتى عايزه احط امل كذاب اندم عليه بعدين.
§عيط من كلامها، لا يا رندا انتي هتبقي كويسه انا واثقه في ربنا ثقي فيه انتي كمان مستحيل يحصلك حاجه انتي عارفه قد ايه ناس هتتعب لو حصلك حاجه انتي هتبقي بخير يا رندا ان شاء الله هتبقى كويسه…
_يعني لسه بقولك مش قادره اواسي حد تقومي تعيطيلي كفايه يا شيخه بقى دا انتي نكد اكتر مني.
§ضحكت وحضنتها جامد، انا بحبك اوي والله.
_وانا كمان يا حبيبتي بس يلا اطلعي برا عشان ابدأ في اللوحه اللي اتأخرنا على تسليمها دي.
§حاضر يا حبيبتي..
=حازم
‘ارغي
=انا سيبت نيره.
‘ بجد ازاي؟
=عادي روحت اعتذرتلها هي ووالدها.
‘ايه السهوله دي طب وهي مزعلتش.
=زعلت شويه يعني وخلاص بس كنت عايزه أسألك في حاجه تانيه..
‘ها قول زهقتني
=اتكلم عدل ياض يا إما هطردك برا المكتب
‘خلاص يا باشا هتتكبر علينا قول عايز ايه؟
=بفكر اروح لراندا.
‘امم امتى؟
=دلوقتي
‘ايه يا عم في ايه براحه يا شبح دا انت لسه سايب خطيبتك امبارح يعني.
=وفيها ايه يعني؟
‘لا عادي خالص افضل العب بيهم كدا وكل اسبوع مع واحده منهم كدا عشان متزهقش واهو بتجدد بردوا انت اهبل يا عمر؟ دا انت لو روحت كلمت رندا دلوقتي يبقى ليها حق تديك بالجزمه على نفوخك دا..
=تصدق ان انا غلطان اني باخد رأي عيل زيك.
‘ انا عيل؟
=اه ويلا برا المكتب.
‘ تمام لو جيت سألتني على حاجه تاني شوف مين هيرد عليك.
=لو مخرجتش هيبقى خصم يومين ليك.
‘ لا وعلى ايه سلام.
=قومت اخدت مفاتيحي والجاكيت بتاعي وخرجت وراه ما انا مش هسمع كلام الأهبل دا يعني وانا قلبي وعقلي عايزين يشوفوها.
_كنت قاعده ومركزه جدا في الصوره اللي برسم زيها وكانت صوره لست عجوزه ملامحها هاديه وجميله بطريقه فظيعه والمفروض اني ارسم جمبها شاب كده بس كان جميل بردوا كانت عينوا خضرا وملامحه تخطف القلب حرفيا بس قلب اي بنت الا انا الوحيده اللي محدش خطف قلبها غيره هو عمر وبس..
§رندا استاذ رامي صاحب اللوحات برا.
_انهي اللي برسمها دي؟!!
§اه ما انا كنت متفقه معاه على معاد التسليم هيكون النهارده بس انتي اتأخرتي فيهم انا اعتذرتله وحاولت أأجلها بس هو مصمم يقابلك..
_تمام دقيقه ودخليه.
§حاضر
_عدلت نفسي وغسلت ايدي من الألوان وروحت قعدت على مكتبي لحد لما الباب خبط، ادخل..
*ازيك يا استاذه..
_مديت ايدي، بشمهندسه رندا يا استاذ رامي.
*تشرفت بحضرتك.
_يزيدني الشرف اتفضل اقعد.
*حضرتك انا كنت متفق علي ان معاد التسليم هيكون النهارده عشان دي مفجأه لأمي وهي عيد ميلادها بكره فا كنت عايز اجهزها عشان ادهالها…
_كل سنه وهي طيبه الأول وبجد انا اسفه اوي حصل ظروف كتير واخدت اللوحات متأخر شويه فا انا عملت واحده وواحده بس اللي ناقصه فا ان شاء الله هخلصها لحضرتك النهارده وهسهر عليها وحضرتك تقدر تيجي تخدها بكره.
*بس احنا كنا هنسافر بكره بدري الساحل ونعملها العيد ميلاد هناك فا كنت عايزها النهارده عشان تبقى معايا كده مش هعرف اخدها.
_هتسافر امتى بكره؟
*على 9 الصبح كده
_تمام حضرتك قبل المعاد دا هتكون خلصانه وتقدر تيجي تاخدها من 7 كمان بإذن الله..
*انا متشكر ليكي جدا يا استاذه رندا.
_الشكر لله واسفه تاني على التأخير دا.
*ولا يهمك عن اذنك ودا الكارت بتاعي.
_تمام يااا دكتور رامي تشرفت.
*ابتسمت، والله انا اللي اتشرفت جدا عن اذنك.
_خرج وانا استوعبت اخيرا ان دا نفس الشخص اللي في الصوره وغير انه حلو ما شاء الله فا هو كمان ذوق جدا ومحترم..
=نغم هي رندا في اوضتها صح؟
§عمر انت جيت امتى وليه؟!
=ردي بس رندا جوا؟
§اه بس….
=مشيت من غير ما اسمع الباقي وجريت على باب مكتبها وكنت لسه هخبط علي الباب لقيته بيتفتح في وشي..
*انا اسف يا فندم مخدتش بالي من حضرتك.
=لا ولا يهمك حضرتك مين؟
*بصله بستغراب ورفع حاجبه، نعم وحضرتك بتسأل ليه!
=لا ولا حاجه عن اذنك، دخلت لقيتها قاعده مبتسمه بطريقه غريبه…وهو للدرجادي بيضحكك بقى؟
_عمر!!! ،بصيتله وانا مفزوعه ومتوتره..