رواية بيجان الفصل الثاني والخمسون 52 بقلم نعمة ابراهيم

في اليوم التالي 

في البيت الكبير 

كانت جريئه تجلس في غرفتها أمام المرآة و هي تلف حجابها من اللون الاسود 

بعدما ارتدت ملابسها 

كان بيجان يجلس خلفها علي السرير وهو يرتدي شورت جينز قصير و تيشرت ابيض عليه أحد الرسومات الكرتونيه وهو يحمل كاتي 

فقد كان ينظر لها 

بيجان . مامي هو أنا هفضل قاعد هنا 

نظرت له جريئه من المرآة

و هي تقول ب حنان

جريئه . لإ ي حبيبي هننزل مع بعض ل تحت 

ليه بتقول كده 

بيجان . اصل عمو حسام قالي اني لازم ابقا فوق بعيد شوية علشان مينفعش حد يشفني من الضيوف 

قالت جريئه و هي ترتدي حذائها

جريئه . ملكش دعوة ي حبيبي ب كلام حسام 

سيبك منه 

ثم استقامت واقفه بعدما انتهت و هي تقول بمرح 

يلا ي حبيبي علشان ننزل تحت قبل لما نانا آيه تجي تزعق علي التاخير ده كله 

بيجان بسعاده . يلا ي مامي 

جريئه . يلا ي روح مامي 

بعد قليل كانت جريئه تقف مع والدتها وداليا في مطبخ المنزل

وبيجان جالس علي رخامه المطبخ 

قالت جريئه ب رفض و هي تضغط على أسنانها بضيق

جريئه . ي امي مش هروح…..أنا مش فاهمه اروح ليه  

آيه . وليه متروحيش ي بنت حمزه 

داليا . ايوه ي جيرا ليه 

وضعت جريئه قطعه من الحلويات الموجوده في فم بيجان 

و هي تقول 

جريئه . الحجات دي بقت موضه قديمه قوي يعني اي اروح اقدم أنا العصير علشان يشوفوني ليه هو جاي يتقدم وهو ميعرفش شكلي 

ولا عزت غريب و ميعرفنيش مثلا 

آيه . ي بت اسمعي الكلام 

خودي الصنيه و اطلعي قدميها 

جريئه . هو حد قالك اني waitress وده مطعم ولا coffee shop 

في اي امي 

وثانيا انت مفكره أن عاصم أو عناني هيسمحوا اصلا اني اروح اقعد كده عادي معاهم و اقدم الحاجه 

ده انا لو روحت هياخدو مني الحاجه من علي الباب و يكرشوني 

قالت والدتها ب استنكار 

آيه . ليه ي بنت حمزه

جريئه . علي فكره أنا متفق معاهم في ده جدا…….وثانيا امي أنا مش سلعه علشان اروح أعرض نفسي 

آيه . طب هتتكلمي مع الواد ازاي…..ولا ناويه تتخطب كده 

اللي هو ميشفوش بعض ولا يتكلموا لحد لما يتجوزوا 

جريئه . عاصم قالي أن هما هيجبوه اوضة الضيوف التانيه 

و هيبقى يخلي حد منكوا يقعد معنا 

ثم نظرت ل داليا وهي تكمل 

داليا معلش بقا خلي حد من البنات توديه 

داليا . و بنت توديه ليه اروح أنا اودي الحاجه وخلاص ي جيرا 

جريئه . مرسي ي دولي 

بعد ذهاب داليا ب صنيه العصير 

هتفت آيه ب استنكار 

آيه . حد يقعد معاكوا…..هو اي ده لإ طبعا 

قالت جريئه ب مشاكسه وهي تغمز لوالدتها ب مرح 

جريئه . أنا مقدره ي حجه انك عارفة أنها بتبقا حاجه رخمه قوي لما حد يبقا قاعد مبين اتنين خاصتا أن عطيه مكنش بيسيبك انت وميزو لوحدكوا ابدا في فترة الخطوبه 

ابتسمت آيه حنين ل تلك الذكريات الجميلة

آيه . ده كان اجمل وقت في حياتي 

ابوكي ساعتها كان بيتحجج ب اي حاجه حتي لو تافه 

المهم أنه يشفني 

و عطيه الله يرحمه مكنش سهل بردوا 

ثم ضحكت وهي تتذكر 

أحد المواقف 

الاء في مرا ي جيرا ابوكي كان عاوز يشفني و منتظر زي كل مرة لما جدك يمشي علشان مكنش ب يخلينا نشوف بعض ابدا بعد لما اتخطبنا لبعض راح جدك قام عمل اي 

قالت جريئه ب حماس 

قالت جريئه لوالدتها و هي تمسح فم بيجان ب أحد المناديل الورقية و تعطيه أحد اكواب العصير ل يشربها 

جريئه . عمل اي ي ام سليم ي عسل انتي 

آيه . جدك عطيه راح استحلف ل ابوكي……….و جام وخدني معاه تاني يوم مصر معاه في الفيلا بتاعته اللي هناك أنا و امي 

نجعد معاه فيها لحد لما يخلص شغله وياخد إجازة ويرجع بنا تاني 

و ابوكي بجا كان رايح البيت فرحان علشان ساعتها امي كانت بتسبنا لوحدنا مع بعض عادي ما أنا امي كانت مصراوية 

مش بدوية زينا كده ف كان الموضوع عادي بالنسبه لها 

و ابوكي كان يحب جدتك جوي عشان كده 

راح جعد يخبط يخبط محدش رد و زمان مكنش في 

تلفونات علشان يكلمني و يعرف 

و فضل طول اليوم جاعد جدام البيت مفكر اني خرجت من البيت من غير ورح اليوم ده المغرب و اتهزج من جدك حسن اليوم ده

ضحكت جريئه و هي تقول ب مرح 

جريئه . والله احسن فيكوا 

آيه . احسن فينا بكره لما تحبي هتعرفي الاشتياق 

الاشتياق ديه بيبجا عامل زي النار الجايده محتاج حبيبك علشان يطفيها 

قالت جريئه ب مرح 

جريئه . ي سلام عليكي ي ام سليم وانتي رايقه كده…..وبتتكلمي عن الحب

متسيبك مني ي ام سليم وسيبني أنا التانيه استنا ابو سليم بتاعي لحد لما يجي 

ضحكت والدتها 

ثم قالت بحب 

آيه . هو في حد زي ابوكي….. و علي أساس انتي مدية فرصة ل حد يقرب منك ي بت ده انتي بتحدفي طوب زي جدك حسن الله يرحمه 

ضحكت جريئه بشده 

ثم قالت بمشاكسه 

جريئه . الله يرحمك ي حسن كانت لما بتسمع اسمك كانت بتستخبي ورا ضهر ميزو من الخوف 

آيه . الله يرحمه كان ليه هيبه كده بتخلي اللي قدامه يحترمه و يعمله الف حساب 

علي الرغم من أنه كان عمي الكبير وحتي بعد لما اتجوزت ابوكي و بقيت مرات ابنه الوسطاني

بس عمري  

ما عرفت اتخلي عن الرهبه اللي جوايه ليه ابدا

جريئه . الله يرحمه 

اتي عاصم وهو يقول ب ضيق ل جريئه 

عاصم . جريئه يلا علشان نخلص 

ضحكت آيه بشده و هي تقول

آيه . عاصم انت غيران علي جريئه  

قال عاصم ب ضيق 

عاصم . عادي ي ام سليم 

ضحكت مره اخري هي وجريئة 

فقالت جريئه ب مشاكسه

جريئه . خلاص بقا ي امي مهو عاصم لازم يغير مش انا بردوا اخته الصغيرة وزي بنته بالظبط 

عاصم . طب يلا علشان أنا هبقا واقف برا 

آيه . تروح ايه ي ابو حسام 

أنا اللي هروح معاه روح انت خليك مع عزت 

عاصم بضيق . ماشي بس متسبهمش مع بعض كتير 

آيه . روح انت بقا 

عاصم . طب يلا بقا قدامي 

ضحكت آيه و هي تقول 

آيه . روح ي عاصم أنا مش هنتوه عن اوضه الضيوف 

عاصم . بس…..

قاطعته آيه 

آيه . روح اجعد مع الراحل ي ابو حسام….روح 

ذهب عاصم من أمامهم ب صعوبه 

ف هو يغير علي جريئه ف هي بالنسبه له ليست ابنه عمه الصغيره بل ابنته التي تمني أن ينجبها

بعد دقائق كانت جريئه تقف أمام الباب 

قبل أن تتطرقها والدتها و تذهب 

فتحت جريئه الباب و هي تبتسم ب خجل لا تعرف من متي أصبحت تخجل هكذا 

ف هذا ليس من طباعها ابدا 

جريئه . السلام عليكم 

وقف غسان عندما استمع الى صوتها و هو يقول

وعلي شفتيه ابتسامه سعيده 

غسان . وعليكم السلام ورحمه الله وبركاته 

ثم مد يده ليه وهو يقول 

غسان . عامله اي 

مدت جريئه يدها ب حياء و تلعن داخلها خجلها الزائد عن حده اليوم 

و تقول ب صوت ضعيف 

يشبه الهمس 

جريئه . الحمد لله 

اتفضل 

ثم جلست علي أحد الارأك 

بعد فترة كان جريئه تقف في شرفة غرفتها من الاعلي

ولكنها كانت بعيدة قليلا عن سور الشرفه حتي لا يلاحظها أحد  و هي تحمل بيجان و تشاهد عناني و عاصم يودعوه 

عند باب المنزل 

ثم يركب هو ووالده السيارة ليذهبوا 

قالت والدتها من خلفها 

من بين ضحكتها هي وداليا 

آيه . يلهوي علي اللي عمله عاصم النهارده ي داليا 

داليا . بجد فظيع في حد يروح يفتح الباب كده 

و هما قاعدين مع بعض 

دخلت جريئه الي الغرفه 

جريئه . أحرجني جامد 

أنا كان نفسي اضحك بس مقدرتش اضحك اكتر من كده 

داليا .  لإ والقرد الصغير ده….اه منه…..دخل الأوضه علي طول هو بيقول ي مامي 

قالت داليا اخر جمله ب سخريه 

قالت جريئه ب حنان وحب 

بعدما رأت تجهم وجه بيجان 

جريئه . يعيش ويقولي ي مامي 

ده حبيبي وابني اللي مخلفتوش 

وبموت فيه

ثم قبلته من وجنته و هي ما زالت تحمله 

ف ابتسم بيجان 

وقبله من وجنته وهو يقول ب حب 

بيجان . وانا بحبك قوي كمان ي مامي 

بس هو بابي هيرجع امتي 

قالت جريئه ب حنان 

جريئه . مش انا علمتك لما نصلي مع بعض أنا وانته تدعيله يرجع ب السلامه 

و ربنا هيستجيب لدعائك 

بيجان . ايوه ي مامي…..بس هو اتاخر قوي 

هو ربنا مش رادي يستجيب ليه 

قالت جريئه ب حب 

جريئه . مين قال كده….ربنا سبحانه و تعالى بيسمع دعاء الكل و بيستجيب ليهم كلهم 

بس كل واحد بقا علي حسب كتر طلبه 

يعني لما تقعد تدعي كتير قوي قوي و تطلب منه و من غير ما تمل أو تزهق ابدا هيستجيب ليك ب سرعه اكتر 

وكمان كل لما ربنا يتأخر في استجابه دعاء ليك اعرف ان 

هو هيكفأك علي انتظارك و صبرك و ثقتك فيه 

ب حجات حلوة قوي 

تبقا يلا بقا نروح بسرعة علشان نصلي العشاء 

و ندعي سوي…..علشان ربنا يرجع لك بابا بسرعه 

ماشي 

بيجان . ماشي ي مامي 

قبلته جريئه من وجنته 

وهي تقول ب حب 

جريئه . يلا ي روح مامي 

ثم نظرت إلي والدتها التي كانت تنظر لهم ب ابتسامه حالمه 

جريئه . ماما مالك 

آيه . كان ربنا استجاب ل دعايه 

و خلني اشوفك و انتي شايفه ابنك 

مش ناويه تريحي جلب امك ي بنت ابوكي 

جريئه . اللي رايده ربنا هيكون يلا بقا

علشان سايبه عايده لوحدها في البيت من الصبح 

و كانت قايله ليه أنها مصدعه شوية و تعابنه 

اروح أشوفها بقا 

آيه . ماشي ي جيرا اهربي زي ما انتي عاوزة 

ارسلت جريئه لها قبله في الهواء 

و هي تقول بمرح 

جريئه . تصبحي علي خير ي ست الكل 

باي ي ديدا 

داليا . مع السلامه ام بيجان 

ابتسمت جريئه 

ثم قال بسعاده 

جريئه . سلام 

بعد ذهاب جريئه 

قالت داليا 

داليا . أنا هقوم امشي أنا بقا ي ام سليم 

علشان تستريحي و تاخدي الدوا بتاعك قبل النوم 

آيه . ماشي ي حبيبتي 

داليا . سلام 

آيه . مع السلامه 

بعد ذهابه قررت الذهاب للنوم 

………..في الفيلا عند جريئه 

صعدت جريئه الي و هي تنادي علي عايدة 

جريئه . عاااايدة…..عااايده 

همست جريئه ل نفسها ب استغراب 

جريئه . هي راحت فين دي 

ثم انزلت بيجان علي الارض و هي تقول 

ادخل الاضة ي حبيبي و انا هشوف عايدة و هاجي علي حول 

بيجان . حاضر ي مامي

بعد ذهاب بيجان تحركت جريئه في اتجاه غرفتها المجاورة ل جناح جريئه 

فتحت جريئه الباب بعدما طرقت عدة طرقات علي الباب 

ولم تستمع 

الي اي اجابه منها 

قالت جريئه بعدما دخلت الي الغرفه 

جريئه . عايده انتي فين 

بحثت بنظرها عنها في الغرفه 

ف لمحت قدمها علي الارض بجوار السرير 

فتوقعت أنها قد فقدت الوعي بجواره 

ف ركضت عليها 

و كما توقعت ف قد كانت فاقده للوعي 

بعد فتره كانت 

جريئه تقف مع فهد 

اخو صديقتها القديمه ياسمين 

في بهو الفيلا 

بعدما كشف علي عايده 

وهو يشرح لها حالتها 

فهد . عندها نازلة شعبيه حادة وكمان ارتفاع في درجه الحراره 

و هبعت لك واحده دلوقتي من الممرضات اللي موجودين في المستشفى تيجي تعلق محلول مغذي ليها  

و تجيب معاها الدوا 

و ي ريت الاهتمام ب الاكل و شرب السوائل ب كثره  كمان ي ريت الاكل مبكونش في دهون 

يفضل أن الاكل يبقا كله مسلوق

جريئه . تمام 

مفيش مشكله 

فهد . علي الرغم من أنها جاية متأخر شوية 

بس حمد الله علي سلامتك ي دكتورة  

ضحكت جريئه و هي تقول 

بمرح 

جريئه . يااااه لسه فاكر 

فهد . اعمل اي مهو الواحد مش بيشوفك خالص حتي لما بتجي مش بتخرجي من البيت 

جريئه . ماشي ي دكتور فهد 

الله يسلمك 

فهد . أنا هنشي بقا…..سلام 

جريئه . مع السلامه

بعد ذهابه 

صعدت جريئه الي الاعلي 

وقالت و هي تدخل الي غرفة عايدة 

جريئه .  ي رب تكون دلوقتي احسن 

عايدة . اه الحمد لله 

شكرا ليكي 

جريئه . علي اي دنتي ضفتي 

قالت عايدة ب تعب 

عايدة . لإ بجد شكرا ليكي…..اصل انا عمر ما حد اهتم بيه كده 

جريئه . انتي سمعتي أنا قلت اي….انتي ضفتي وكمان تعبك عندي ده معناه اني قصرت في ضيافتك 

عايدة . لإ ابدا ده انتي بتعاملني ولا كاني اخت ليكي 

وربنا يعلم اني انا  التانيه بحبك زي أخت صغيرة 

جريئه . ربنا يديم المحبه مبنا 

المهم أنا هقوم اعملك شربة خضار زي اللي امي كانت بتعملها لي زمان ك عقاب 

ضحكت عايدة ب تعب 

و هي تقول 

عايدة . هو في حد بيتعاقب ب شربة الخضار 

أنا أعرف بيتعاقب لما احرمه من مصروفه أو لعبوة أو حتي خروجه لكن شربة خضار جديده 

جريئه بمرح . مهي الحاجه مكنتش تعرف ازاي تعاقبني

لما اغلط 

اصلي البنت الواحدانيه المدلعه فلو هي مدتنيش في غيرها كتير هيدوا 

فلما غرفت أن بكرها كانت بتعقبني بيها 

ضحكت عايده 

و هي تقول 

عايدة . مهي غُلبت معاكي بقا 

جريئه بمرح . بالظبط 

اقوم أنا بقا أحضر لك الشربة بسرعه علشان في ممرضه هتيجي دلوقتي 

تعلق محلول و كمان هتجيب الدواء و الحقن 

عايدة . متتعبيش نفسك 

جريئه . بس مش عاوزة كلام…..أنا قايمه 

ثم وقفت عند الباب و هي تقول بمرح 

هاجي بسرعه اوعي تنامي قبل لما تاخدي الحقنه 

قالت عايدة ب تعب وهي تبتسم

عايدة . ماشي 

بعد مرور عشرة أيام 

كانت جريئه تتكلم مع حامد في الهاتف 

جريئه . حامد هو مفيش اي تحسن في حالته خالص 

حامد . لإ فيه جروح العمليه بدأت تلتأم ب شكل كويس 

بس الغيبوبه لسه 

بس الحمد لله الاشعه بتاعت المخ بينت أنه مفيش اي خلايا ميته 

يعني الموضوع بقا وقت بس ويفوف وجسمه يستعيد عافيته تدريجيا 

جريئه . طب الحمد لله ربنا يقومه ب السلامه

بجد بيجان مش مبطل سؤال عليه…..ومش لاقيه حجج اسكته بيها

وكمان مقدرش اطلع بيه برا البلد افسحه ل يحصل حاجه 

زي ما حصل من تلت ايام كده 

حامد . هو بجد اللي اسمه رائد اللاشيني ده اللي كان باعت الناس تاخد الولد 

جريئه . أيوة كان باعتهم ب اسم رئيس حراسة ايهم علي أساس يعني أن دول من رجالته وهو عاوز الولد………

بس اكمني مدية الحراسه أوامر مشددة أن مفيش حد يدخل الفيلا غير لما أوافق أنا الأول 

ولما خرجت وكالمته و قلت اني الاول هتصل ب رشيد راحوا ظهرين علي حقيقتهم اول لما سبتهم و دخلت الفيلا 

بس الحمد لله الحراسه تدريبها ممتاز وقدرت تتصرف  

حامد . طب الحمد لله بس عملتوا معاهم اي وفي حد انصاب

جريئه . لإ طبعا هو لعب عيال…..عناني حطهم في واحد من مخزنا 

ونزل فيهم ضرب لحد لما اعترفوا مين اللي باعتهم…..و اه

و موروني اتصاب في كتفه بس الحمد لله أصابه سطحيه 

واتعافا منها خلال يومين 

حامد . الحمد لله…..ربنا ستر 

جريئه . ايوه 

أحد الممرضات 

وهي تنادي علي حامد 

الممرضة . دكتور حامد….دكتور حامد المريض اللي في غرفة **** في العناية صحي من الغيبوبه 

حامد . اي

جريئه هكلمك بعدين 

ثم اغلق الهاتف وهو ياخذ السماعه ال طبيه الخاصة به 

ويقول 

حامد . انت متاكده من أنه فاق 

الممرضة . أيوة ي دكتور…..انا دخلت الاوضه علشان اديله العلاج زي ما أمرت 

قبل لما اديله العلاج لاقيته بيفتح عينيه ف جيت جري عليك 

علي طول