رواية تجمع الحب الفصل الأول 1 بقلم ندى محمد

مريم / يا احمااااا.. احمااااااا

احمد / اي يا بنتي  .. في واحده لسه متجوزة امبارح تنادي على جوزها كده .. 

مريم / يا عم بقا انت هتذلني عشان اتجوزتني منا كده كده كنت هتجوز يعني 

احمد / نعمممم كنتي هتتجوزي مين ياختي

مريم / اللي يجيبه ربنا ههههههه.. بهزر هو في غيرك ف قلبي يا حبي  .

احمد / ايوا كده جيبي ورا 

مريم / لا هو الموضوع مش كده.. بس انا جعانه بصراحه 

احمد /طب ما تقومي تاكلي 

مريم / منا خلصت الأكل اللي ماما جابته كله 

احمد بصدمه / إيه خلصتي كل الاكل اللي حماتي واختي جابوه

مريم / ايوا فيها اي يعني منا كنت جعانه 

احمد / ازاااي ..ايوا ازاي يعني اومال مش باين عليكي ليه 

مريم / قل أعوذ برب الفلق .. اخلص بقا بقولك جعانه 

احمد / يساتر يا رب ايوا يعني اعمل ايه 

مريم / هاتلي أكل يابني .. انزل اشتري او اطلبلي  ديليفري 

احمد / امم والسينيوره عايزاني اطلب اي 

مريم / اممم ممكن شاورما او بيتزا .. حاجه خفيفه كده عشان انا مبكلش اوي بعد العشا 

احمد في سره / ده انتي ناقص تاكليني.. قال مبتاكلش بعد العشاء قال .. اومال مين اللي شفط الأكل امبارح 

مريم / بتقول اي 

احمد / بقولك الرقم معاكي 

مريم / آه *******

بعد ساعه ونص تقريبا 

قاعدين بياكلوا 

مريم وهي بتاكل / تسلم ايدك يا حبي 

احمد بحب / بالهنا والشفا يا روحي ..

ليدق أحدهم الباب 

احمد / مين الرزل اللي جاي دلوقتي 

مريم /  دي تلاقيها امك ????

احمد / مريم .. احنا قولنا اي 

مريم / انا بقول تلاقي حماتي حبيبتي جايه تقعد معانا شويه قوم افتح الباب 

احمد / قومي طب البسي حاجه 

مريم / منا لابسه اهو

احمد / البسي حاجه طويله يلا 

مريم / ههههه انت بتغير عليا من حماتي 

احمد / حماتك دلوقتي باقت حماتك 

قام فتح الباب ومريم لبست عبايه 

احمد بصدمه / نوران 

نوران / احمد وحشتني اويي يا حبيبي 

وحضنته 

لتأتي مريم من خلفهم 

مريم / اي ده مين دي يا أحمد 

نوران / انتي اللي مين .. انا خطيبته يا حبيبتي 

مريم / خ اي 

احمد واقف مش بيتكلم 

لتدفعه مريم بقوة ..

مريم / ما تتكلم قول حاجه ثم اكملت بدموع قول انها بتكدب ..

احمد دفع نوران خارج باب المنزل 

احمد بغضب وعصبيه لنوران/ امشي .. امشي ..ارجعي من المكان اللي جيتي منه انا مش عايز اشوف وشك تاني …. يلااااااا

ثم أغلق الباب 

مريم بدموع / مين دي ههه وازاي تحضنكك كده

احمد / .. دي 

مريم / مين الزفته 

احمد بدموع / خطيبتي … بس .. و لسه هيكمل  بوووم

مريم ضربته بالقلم 

مريم / انا.. انا تعمل معايا كده يا احمد انا . ليييي

وسابته ودخلت قفلت باب الاوضه على نفسها 

احمد / مريم افتحي .. وانا هفهمك. 

مريم / مش فاتحه .. وطلقني بقا 

احمد / على فكرة ايدك تقيله اوي .. 

مريم / تستاهل 

احمد / طيب يا روحي ويا حبيبة قلبي ممكن تفتحي وهفهمك كل حاجه وبعد كده اعملي اللي انت عايزاه 

مريم / ……..

يتبع…..