Uncategorized

رواية أقتحمت قلبي حورية الفصل الأربعون 40 والأخير بقلم هاجر

                 رواية أقتحمت قلبي حورية  الأربعون 40 بقلم هاجر أحمد 

رواية أقتحمت قلبي حورية  الفصل الأربعون 40 بقلم هاجر أحمد

رواية أقتحمت قلبي حورية  الفصل الأربعون 40 والأخير بقلم هاجر

تاني يوم في قصر السيوفي رجعت نور البيت وكانت ساكته وكلهم مستغربين من رد فعلها كانو متوقعين العكس بس كانت اهدا من كده
ميرفت: هى ساكته كده ليه
حور: متقلقيش يا ماما من الصدمه بس الدكتور قال ان الصدمه شديده شويه عليها واحنا لازم نكون جمبها ونخرجها من الحاله دي
مايا: متقلقيش احنا كلنا معاها وياسين كمان معاها وانا متاكده هتبقا كويسه
ميرفت: يارب
بعد شويه جه معاذ وحور استغربت
حور بستغراب: ميزو انت ايه اللي جابك
معاذ: ايه يا رورى مش عوزني اجي 
حور: لا اكيد مش قصدي كده بس استغربت 
معاذ: بهزر يا قلبي انا جاي ل رعد كنت عوزه فى موضوع 
حور بغمزه: واخيراً
معاذ بصدمه: هو انتي تعرفى حاجه 
حور بصوت واطي: لما تعوز تخبي حاجه متخبيهاش علي حد حافظك يا ميزو 
معاذ: مش سهله انتي بردو يا رورى 
رعد جه عليهم وهما بيتكلمو وللمره المليون يغير من قرب معاذ ل حور رغم انه عارف انه اخوها بس غصب عنه غريزه الغيره موجوده 
رعد بغيره: انتو مقربين اوي وبتتوشوشو كده ليه 
معاذ: هاا لا ابدا
حور: ميزو هيقولك 
رعد: يقولى ايه 
معاذ: مش هنا ممكن علي انفراض 
رعد: طب تعالي نطلع الجنينه ونتكلم 
معاذ: يلا 
خرجو وقاعدو مع بعض ومايا كان باين عليها القلق
حور: متقلقيش انت واثقه ان رعد هيوافق
مايا: يارب يارب
عند رعد ومعاذ
معاذ: بص يا رعد هو الموضوع… اصل
رعد: متنجز يابني مالك محسيسني انك رايح تخطب وانا ابو العروسه
معاذ: حاجه شبه كده 
رعد: بمعني
معاذ بسرعه: بص يا رعد ومن غير مقدمات انا بحب مايا وعوز اتجوزها وعوز افتحك فى الموضوع ده بقالي فتره بس خايف ترفض عشان فرق المستوى…. اوف
رعد بعصبيه: انت غبي صح فرق مستوى ايه معقول كل ده لسه معرفتش العيله 
معاذ: مهو انا 
رعد: بس يا معاذ عشان انت ضايقتني بجد يا معاذ مايا دي اختي ومش هبقا ببالغ لو قولت بنتي لان هي ونور غلاوه واحده وانا مش هلقى ليها حد احسن منك 
معاذ بفرحه: بجد 
رعد: اه طبعا بجد انا هسالها ولو موافقه هكلم عمي ونحدد كل حاجه واظن شقتك جاهزه مش محتاج وقت تجهز 
معاذ: لا مهو انت مش محتاج تسالها هو لو ينفع تكلم عمو اكمل علي طول 
رعد: والله يعني انتو بتحبو بعض ومظبطنها سواه
معاذ: حاجه زي كده 
رعد: ماشي حسابكو معايا بعدين
معاذ: المهم بس اجيب الحج والحجه امتي
رعد: انت مالك مستعجل كده ليه يا ابني 
معاذ: بصراحه عوز نتفق علي كل حاجه قبل عمليه سندس عشان بعد العمليه كله هيبقا متوتر
رعد: عندك حق واهي حاجه تحصل تدخل الفرحه علي البيت 
معاذ: طب امتي 
رعد: تعالي ندخل جوه وهجبلك الرد فورا
معاذ بمرح: يلا وحيات ابوك
رعد ضحك: ههههه يلا 
دخلو جوه و رعد فاتح اكمل وفريد فى الموضوع ومكنش عندهم اي اعتراض وتاني يوم معاذ جاب اهلو وقراو الفتحه واتفقو ان الجواز بعد شهر بالظبط
فى اوضه مايا بتكلم معاذ فى الفون
مايا بفرحه: انا مش مصدقه يا معاذ معقول انا خلاص هبقا مراتك
معاذ: صدقي يا قلب معاذ كلها ايام وتبقي معايا لاخر العمر
مايا بدلع: بحبك يا ميزو
معاذ بمرح: اموت فيك انت يواد يا ابيض يا عرسي انت 
مايا ضحكت: ههههه مجنون 
فى اوضه نور وياسين
نور قاعده سرحانه وياسين قاعد مضايق عليها 
نور: ياسين انا خدت قرار وعوزه اقولك عليه
ياسين: ايه هو يا حبيبتي 
نور: انا مش هخلف غير لما اخلص الكليه
ياسين: ليه القرار ده يا نور
نور بدموع: عشان انا مش حمل ان اللي حصل يتكرار معايا تاني 
ياسين بحنان خدها فى حضنه: خلاص يا حبيبتي لو ده هيريحك انا معنديش مانع
نور: بجد يا ياسين 
ياسين: بجد يا روح ياسين 
نور: بحبك يا ياسو
ياسين: وانا بموت فيكي يا روح ياسو
جه معاد عمليه سندس والكل كان متجمع فى المستشفى وكلهم القلق باين عليهم وجاسر كان مرعوب وبعد شويه خرجت الدكتوره وطمنتهم ان العمليه نجحت والموضوع عدا علي خير وبعد فتره بدات فى العلاج 
وبعد شهر معاذ ومايا اتجوزو اخيراً اخر كابل سنجل اتجوز 
معاذ بفرحه: واخيراً بقيتي مراتي وبتعتي 
مايا: اخيراً يا قلب وروح مراتك انت
معاذ بخبث: طب ايه
مايا بخجل: ايه انت
معاذ: احنا كده بنلعب فى الوقت الضايع وانا عريس وكده غلط عليا
مايا: عوز ايه يعني
معاذ: عوز طب متيجي اقولك
وصمتت شهرزاد عن الكلام الغير مباح يلا من هنا بلاش قله ادب يا بت
وبعد خمس سنين
سندس بعصبيه: انا زهقت وقرفت من كتر الادويه والعلاج ومفيش اي تحسن او تغير
جاسر: اهدي يا حبيبتي كل حاجه مع الوقت هتبقي تمام
سندس بدموع: انا تعبت يا جاسر انا عوزه ابقى ام نفسي اشيل ابني فى حضني
جاسر اخدها فى حضنه: لو ربنا كتبلنا هتشيلى ولادك وولادهم كمان
سندس بدموع وتؤسل: يارب 
فى اوضه رعد وحور
حور بتجري وراه فهد بالاكل وفهد معاند ومش راضي ياكل 
حور بعصبيه مصطنعه: عارف يا فهد لو مجتش تاكل انا هعمل فيك ايه يا اوزعه انت
فهد بعناد: مث جعان ومث هاكل
حور: طب والله لما يجيلك رعد
عُدى: كل مله بتقولى كته وبابى مث بيعمل حاجه لينا
حور: ما هو اللي مدلعكو 
رعد من وراها: واعيش وادلعهم يا حوريتي
حور بعصبيه: عجبك اللي انا فيه ده 
رعد: معلش يروحي ولادك وبيدلعو عليكي
عُدى جرى علي رعد وحضنه من رجله ورعد شاله 
عُدى: بابى عوز اونكل ليل يجي عندنا عثان العب مع مليم 
رعد: اشمعنا مريم هي اللي بتحب تلعب معاها 
عُدى: عثان انا بحبها ولما اكبل وابقا قدك كدهو هجوزها
رعد ضحك: ههههه تتجوزها مره واحده ده انت مظبطت نفسك بقا
عُدى: بحبها اوى يا بابى عشان هي كيوت خالث ثبه مامي حور
حور: الواد طلع دنجوان من صغره 
رعد: استني اما نشوف فهد باشا حاطط عينه علي مين 
فهد: يعععع انا مث هتجوز انا مث بحب البنات اثلا
حور: ربنا يستر علي اللي هيحصل فى المستقبل
رعد: فعلا ربنا يستر يلا ننزل زمان الناس جت 
حور: يلا انا جاهزه بس التاخير بسبب ولادك
رعد: يعيشو وياخروكي يا روحي
حور: طب يلا يا سلطان 
الحفله كانت عباره عن رجال الاعمال معتز الصاوى ومهاب عز الدين طبعا عرفنهم ابطال روايه وقعت فى حبك واصحاب دكتور مراد اللي كان السبب فى ان رعد ومعتز ومهاب يعرفو بعض ويعملو بسنيز مع بعض 
والحفله كانت جميله وتحفه بوجود الكل
بعد سنه من يوم الحفله
سندس فى الحمام بتصوت بصوت عالي 
سندس بفرحه ودموع: جاسر يا جاسر يا جاسر 
جاسر بخضه: مالك يا سندس فى ايه
سندس: انا حامل يا جاسر حامل
جاسر بفرحه: بجد
سندس: اه بجد اخيراً ربنا جبر بخطرى اخيراً 
جاسر حضنها بفرحه: الحمدلله يا حبيبتي الحمدلله 
♕وبكده فرحه العيله اكتملت وكل واحد عمل لنفسو الحياه اللي كان بيحلم بيها، حور جبت ل رعد الاميره اللي كان نفسه فيها وسموها عشق، معاذ ومايا خلفو ولد وسموه ادهم، ليل و رقيه جابو بنت كمان سموها شغف، اسراء وبدر اكتفو بعد فتره طويله ربنا رزقهم ب انس نيجي بقا ل نور وياسين نور كانت حامل فى الوقت ده وكانت بتحاول علي قد ما تقدر تحافظ علي نفسها عشان اللي حصل ميتكرارش وبعد شهور ربنا رزقهم ب قمر و ورد بنتين زي القمر، شهد مرات دكتور مراد سليم خلفت ولد ومراد قرار انه يسميه رعد بسبب حبه الكبير ل رعد وعلاقتهم ببعض كانت كل يوم بتقوى مع مرور الوقت 
♡عارفه ان الروايه دي كلها مشاكل وحزن وتعب بس ده عشان محدش فينا حياته كامله بالشكل الصحيح او الشكل اللي ظاهر ل الناس كل واحد فينا عنده همه اللي همه مرض او مشاكل او حزن قديم مدفون جوه، بس بعد كل ده وبعد كل وجع او مشاكل او ظروف ربنا بيفرجها وبيحلها من غير معاد ومن غير سبب اكيد ده هيحصل بس احنا نثق فى ربنا 

تمت…

لقراءة باقي فصول الرواية : اضغط هنا

اترك رد