رواية مغرور ولكنني أحببته الفصل الخامس 5 بقلم ملك محمود

وبعدين يمني اتصلت ب مايا وقالت لها

يمني:الحقي يا أستاذه مايا فيه واحده موظفه جديده اما مستر عمر بيطلبها بتدخل له وتقعد كتير جوه

مايا: بصدمه انتي بتقولي ايه!!!

يمني: والله زي مابقول لحضرتك كده واما سألتها انتو بتبقوا بتتكلموا في ايه بقالكوا نص ساعه.  قالتلي في الشغل

 وغريبه مستر عمر يقعد معاه حد ازيد من تلت ساعه بالكتير اوي وبعدها مستر عمر خرج علي صوتنا وشافنا في الكاميرا اللي في مكتبه واما خرج صدقها وخلي كرامتي في الارض

مايا: ومين المفعوصه دي

يمني:موظفه جديده اسمها تمارا

لا وكمان ايه ده بيدافع عنها

مايا: طيب اقفلي انتي دلوقتي

استوب اعرفكوا علي ميار

(مايا عندها 25 سنه طولها متوسط شعرها بني وكيرلي وعيونها عسلي فاتح وجسمها رفيع وبشرتها بيضاء وتبقي خطيبة عمر وهي من عائلة كبرياء وغنيه زي عائله عمر وكل هم عائلتها وعائلة عمر المظهر والمستوي )

ونسيت اعرفكوا علي يمني

(يمني عندها 24 سنه جسمها سمين ومتوسطه الطول وشعرها اسود وعيونها سوداء وبشرتها خمريه وتبقي السكرتيره بتاعت عمر وفي نفس الوقت شغاله عند خطيبته مايا بتنقلها كل خطوه وحركه عمر بيعملها وحقوده شويه بالذات من وقت ما تماره جات علي الشغل)

باااك

مايا: بعصبيه ايه ياعمر 

عمر: ايه ياحبيبتي

مايا: حبيبتك في عينك قولي مين تماره الموظفه الجديدة الجديده دي

عمر: انتي اتجننتي يا مايا ولا ايه وبعدين عرفتي منين التخريف ده

مايا: مش مهم عرفت منين بقي انا عايزه اعرف مين دي وايه بيدخلها مكتبك

عمر: بعصبيه دي موظفه لسه جديده وزيها زي اي موظفه عندي وبتدخل المكتب بصفتها موظفه ونتكلم في الشغل

مايا: بدلع ومسكنه معلش ياحبيبي ماتزعلش مني انت عارف ان انا بغير عليك

عمر: بس انتي كده مش واثقه فيا يا مايا 

مايا: لا ياحبيب قلبي انا واثقه فيك وواثقه ان انت مستحيل تبص لواحده غيري يا عيوني انت

عمر: طيب ياحبيبتي هقفل دلوقتي علشان عندي شغل

مايا: اوك ياعيوني خلي بالك من نفسك

عمر: حاضر وانتي كمان ياقلبي. وقفل بعدهاا

عمر بعدها قال اقسم بالله اللي راحت قالت لها في وقتها دي ماهسيبها ولازم اعاقبها 

الوو يمني تعاليلي دلوقتي حالا

يمني: برعب خافت لتكون مايا قالت له

راحت ودخلت

نعم مستر عمر

عمر: ممكن افهم ايه اللي بيحصل من ضهري ولو هتلفي وتدوري اعتبري نفسك مالكيش اكل عيش هنا تاني

يمني: بارتباك: انا مش فاهمه حضرتك بتتكلم عن ايه

عمر: بجديه ممكن افهم مين اللي راحت وصلت ل مايا معلومات غلط بخصوص الموضوع اللي لسه متكلمين فيه من شويه وتمارا مالهاش اي ذنب 

يمني: بخوف وا وانا اعرف م منين 

استني علشان شكلك هتتعبيني معاكي 

عمر: آنسه تمارا بعد اذنك اعملي فنجان قهوه ساده

يمني: اترعبت اكتر وقالت له مش معني حضرتك بتسألني انا هو انا هعمل حاجة زي كده ليه

عمر: بصوت عالي هو انتي بتسأليني انااا? ماتسألي نفسك قسما بالله لو بس عرفت او حسيت ان اي حاجة بتحصل هنا في الشركه اتسربت مره تانيه ما هيحصل طيب

يمني: بدموع حضرتك ظالمني والله انا اصلا ماليش كلام مع استاذه مايا

وبعدها الباب خبط دخلت تماره بالقهوه وحطتها وبعدها بتبص ل يمني قالت لها

ايه ده انتي بتعيطي 

يمني: اسكتي انتي خالص وماتدخليش كله بسببك

تمارا:  مستر عمر هو حصل حاجه تانيه غير اللي اتكلمنا فيه من شويه??

عمر: قال ل يمني: ده مش اسلوب تكلمي بيه زميتلك وفي الشغل 

تمارا: بصت ل يمني بفرحه

حضرتك تؤمرني بحاجة تانيه

عمر: شكرا اتفضلي

وبص ل يمني وقال لها لو كلمتي مايا تاني تصرفي معاكي هيبقي تصرف تاني غير الطرد

انا المرادي كلمتك بهدوء

(وبتحذير )وغير مايا حتي اي معلومه هتتسرب هيحصل فيكي زي ماقولتلك 

خلصت الكلام اللي عندي

يمني: لسه هتتكلم

عمر: بجديه الكلام انتهي وبرقلها

خرجت

بعدها بشويه تماره دخلت قالت له انا اخدت القرار النهائي وهشترك في المسابقه 

عمر: ممتاز كنت متوقع انك هتشتركي 

وبابتسامه خبيثه بس ايه الهدوء اللي نزل عليكي مره واحده ده 

تمارا: بضحكه كده.  عايزني اتخانق يعني ولا ايه 

عمر: خلاص ولا تتخانقي ولا اتخانق خليكي كده علطول ههههه

تمارا :بإبتسامه بسيطه وقالتله تمام انا رايحه علي شغلي

عمر: اتفضلي

أسيل: اي يا تمارا بقول لك انا هطلع من الكليه اروح عند اهلي علشان اشوفهم

تمارا: ماشي ياروحي اهم حاجة بس خدي بالك من نفسك

أسيل: حاضر ياحبيبتي وانتي كمان

تمارا: ماتقلقيش عليا ياروحي

أسيل: اهاا صحيح انا سيبت حور في البيت 

تمارا: هي كلمتني ياقلبي.  بس مش انتي المفروض تروحي لاهلك الخميس والجمعه

أسيل: عادي يا حبيبتي انا النهارده هروح اقعد معاهم شويه وارجع انام معاكي ياروحي

تمارا: ماشي ياروحي

أسيل: باي ياقلبي

تمارا: باي

&_______________&

تمارا: انا لازم انا اللي أفوز في المسابقه دي ادعولي يارب اكسب وتصميمي اللي يكون مميز وياخد اكبر نقاط

حور: بإذن الله هتكسبي ياقلبي وكمان انتي شاطره في الرسم وانا عارفه انك قدها

أسيل: ايوه يا تمارا انتي قدها وقدود وانا واثقه فيكي وفي موهبتك وبإذن الله انتي اللي هتكسبي

تمارا: يسمع منكوا ربنا

حور: بتشجيع. عاوزانا نساعدك ف ايه بقي ياقلبي انتي

تمارا: لا ياروحي تسلمولي انا عايزه اطلع موهبتي كلها لوحدي في التصميم ده انا هدخل انا الاوضه واقعد في هدوء واعمله واقعدوا انتو مع بعض

تمارا: بعد مادخلت الاوضه فضلت تفكر في عمر وتفتكر كلامه وغروره وتبتسم وهي سرحانه

في نفسها اي يابت ياتمارا انتي هتقعي في حبه ولا ايه 

وقع تفكيرها رنه موبايلها لقت يمني

يمني بكل هدوء وبرود: اذيك يا تمارا

تمارا: الحمد لله تمام 

يمني: اتمني تبقي بخير

تمارا: عايزه ايه

يمني: لا مش عايزه حاجة انا بس بعتذر من علي اللي حصل النهارده

تمارا: بحده اعتقد كده الموضوع انتهي 

يمني: تمام انتي هتشتركي في المسابقه

تمارا: انتي عايزه تقولي ايه وهاتي من الاخر

يمني: عادي والله كنت بتصل اعتذر منك

تمارا: ماشي وانا قبلت اعتذارك فيه حاجة تانيه

يمني: انتي هتشتركي في المسابقه ولا ايه

تمارا: اه هشترك وحاسسه من كلامك انك ناويه علي حاجة

يمني: لا خالص احنا بقينا صحاب وحبايب اهو

تمارا: قالت لها ماشي سلام وقفلت في وشها

يمني:بقي قفلتي في وشي. ماشي!

&_______________&

مايا: ايه يازفته احكيلي حصل ايه

يمني: ماحصلش حاجة اما انتي قفلتي مع مستر عمر طلبني وهزقني وقال لي لو حس بس ان انا بعمل حاطة من ورا ضهره مش هيحصل طيب

مايا: طيب والبت اللي اسمها تمارا دي عملت ايه تاني

يمني: (في سرها بتقول لا مش هقول حاجة ل عمر يموتني) ماعملتش حاجة

مايا: بت انتي هتلفي وتدوري عليا ولا ايه

يمني: لا انا مابلفش وادور انا بقول لك اللي بشوفه وانا ماشوفتهاش دخلت عنده تاني

مايا: طيب اقفلي ياختي

&_______________&

أسيل: وريني عملتي ايه ياتمارا

تمارا: تعالوا شوفوا انا لسه بعمل فيها اهي شوفوا الخلفيه كده ايه رأيكوا فيها لسه هعمل بالالوان

حور وأسيل في صوت واحد بدهشه: واااااو

تمارا: بصتلهم بتعجب.  اي

أسيل: دي جامده اوي والله

حور: ايوه حلوه اوي واما تتلون هتبقي احلي

تمارا: بجد رأيكوا حفزني وشجعني اكتر ربنا يخليكوا ليا

حور: نسيبك احنا بقي وكملي انتي

تمارا: ماشي يا قلبي روحي بقي ذاكري يلا انتي وأسيل علشان افرح بيكوا انتو كمان

أسيل بفرحه: حاضر ياعيوني ربنا يخليكي لينا يارب

وبعد شويه الباب خبط____!!

ياتري مين اللي علي الباب……….؟