Uncategorized

رواية دموع سيليا الفصل الحادى عشر 11 بقلم منة سامح

 رواية دموع سيليا الفصل الحادى عشر 11 بقلم منة سامح
رواية دموع سيليا الفصل الحادى عشر 11 بقلم منة سامح

رواية دموع سيليا الفصل الحادى عشر 11 بقلم منة سامح

مراد بصدمة:ا انتي بت بتقولي اي 
زينب بدموع وقهرة:بقول أن اختك بضيع مني تاني بعد مالقتها ااااه يوجع قلبي الله 
مراد بصلها بحزن ودموع وخرج من غير ولا كلمة 
&&&&&&&&&&&&&&&&&&&&&&&&&&&&&&&&&&
تاني يوم 
سارة بقلق:راحة فين ياسيليا انتي لسة تعبانة 
سيليا بهدوء وابتسامة خفيفة:لا ياحبيبتي انا كويسة بس لازم اطلع دلوقتي اروح مشوار وجاية 
سارة :طب استني اجي معاكي 
سيليا بحب:لا لا خليكي انا هروح ومش هتاخر متقلقيش بس روحي انتي الشركة علشان كان في شغل كتير 
سارة بابتسامة حب:طيب ياحبيبتي خلي بالك من نفسك 
خرجت سيليا وسارة اتنهدت بحزن 
&&&&&& 
مراد :نهي سيليا جوة 
نهي:لا يامراد بيه مجتش النهاردة بس سارة هانم موجودة لو عايزها في شغل يعني 
مراد نفخ بضيق وحزن :طب هي فين سارة 
نهي باستغراب:في مكتبها يافندم 
مراد بص علي اوضة سيليا بحزن ومشي 
……..
مراد خبط 
سارة وهي باصة في الاوراق :اتفضل 
مراد دخل 
سارة وهي لسة باصة للاوراق :هتفضل ساكت 
مراد :آنسة سارة ممكن اتكلم مع حضرتك شوية 
سارة بصتله شوية وقالت ببرود:لا لو في شغل اتفضل لو مش في شغل يبقي الباب في ايدك 
مراد بغيظ:يابنتي هو انا عملتلك حاجة بقولك عايز اتزفت اتكلم معاكي في موضوع مهم 
سارة بحزن ودموع:عملت لأختي وصحبت عمري الي بسببكم اختارت الموت اهون عليها وهتسبني وتمشي وهبقي لوحدي تاني 
مراد بترجي وحزن؛طب ارجوكي عايزة اعرف حاجة بجد انا عايزها تسامحني 
سارة بصتله شوية وقالت بجمود: قول 
مراد بحزن :عايزة اعرف هي  تعبانة فعلا 
سارة بصتله بدموع وكسرة:امممم تعبانة تعبانة وخلاص كلها ايام ومش هتبقي موجودة خلاص هتسبني زي ما كلهم سابوني 
مراد بصلها بحزن ودموع محبوسة:ي يعني مفيش امل مفيش امل تتعالج هسافرها برة المهم نرجع زي الاول 
سارة بصتله بابتسامة وجع وهزت رأسها بمعني لا 
مراد بصلها والدموع اتملت في عينه وخرج من غير ماينطق ولا كلمة وهو مش شايف قدامه 
&&&&&&&&&
سيليا ماشية بالعربية بس وقفها صوت عياط طفل 
نزلت سيليا وقربت عليه 
سيليا بحنية :مالك ياحبيبي 
ياسين بدموع:م ما ماما سابتني سابتني ومشيت 
سيليا بعدم فهم :يعني اي 
ياسين بطفولة وحزن:ا انتي مين انا معرفكيش انتي هتخطفيني صح …وأكمل بترجي وعياط:سيبني والله و…….
قاطعته سيليا بحنية وحب:شششش بس بس انا والله طيبة 
ياسين بصلها بشك طفولي
 اكملت سيليا :طب استني ..وطلعت حاجة من جيبها ..خد ديه يعاام متغلاش عليك 
ياسين يصلها ومد أيده بتوتر وخدها :ش شكرا 
سيليا بحنية وهدوء:قولي بقي كنت بتعيط لي 
ياسين بدء الدموع تتجمع في عينه :ماما سابتني هنا ومشيت وانا معرفش حد 
سيليا بصتله بعدم فهم:يعني انت تهت منها ولا اي 
ياسين بطفولة وحزن:مش عارف هي قالتلي انا مش عايزاك ابعد عني انا همشي ومتجيش ورايا …وأكمل بعياط:هي قالت كدة علشان انا شقي قعدت اقولها استني متسبنيش وانا هلقي حلو ومش هعمل شقاوة والله خديني معاكي ب بس انا مليش غيرك  سابتني ومشيت وملقتهاش بعد كدة 
سيليا بصتله بحزن ودموع وخدته في حضنها من غير أي كلام 
سيليا بوجع ودموع:ا انا عارفة انا عارفة وحاسة بيك حاسة بكل حاجة انت حاسس بيها ضياع ووحدة والم وحزن وكل حاجة .
ياسين بصلها بحزن وطفولة:انتي بردوا مامتك سابتك 
سيليا بصتله وابتسمت ابتسامة وجع :اممم كنت قدك كدة وقالتلي نفس الكلام هه تقريبا الزمن بيعيد نفسه معاك ياحبيبي 
ياسين بحزن ودموع:ا انا بحبها اوي مليش غيرها مش عارف هي لي سبتني هي مبتحبنيش لي 
سيليا بصتله بدموع كسرة وسكتوا شوية 
بعد وقت 
سيليا مسكت وشه بحنية ومسحت دموعه :مش عايزة اشوفك بتعيط تاني عارف انا لما كنت قدك نفس الكلام حصل معايا ويمكن اكتر كمان عيط وتعبت في نفسي ومريت بحاجات كتير اوي واتعلمت حاجات اكتر  واكتر حاجة ندمت عليها دلوقتي هو اني تعبت في نفسي زمان وعيطت علي ناس متستهلش عياطي فهمتني ياحبيبي ..اكملت سيليا بحنية :خدها نصيحة مني متبصش علي الماضي لانه يعطل وبيتعب لا بص علي المستقبل ابني حياتك انت وشوف بعد كدة اي الي هيحصل مش عايزة احرقلك واقولك اي الي هيحصل خليها متعة ليك انت احسن 
ياسين بصلها ومسح دموعه واتكلم بطفولة:هو انتي اسمك اي  انتي بجد جميلة اوي 
سيليا بضحك :والله مفيش اجمل منك انا بقي ياسيدي اسمي سيليا وانت 
ياسين بابتسامة:ياسين عندي ٩ سنين
سيليا بمرح:اجمل من اسمي يابطل …واكملت بابتسامة حب:فهمتني 
ياسين بصلها بابتسامة خفيفة وهز رأسه بمعني اه 
سيليا بصتله بحب وكسرة ووجع اد اي هو هيعاني في حياته فهي عارفة ومجربة
سيليا بهدوء ودموع محبوسة:هو انا ينفع احضنك صح 
ياسين بصلها بصة حب وبصة محدش يفهمها غيرها وحضنها جامد وهي كذالك اكنها كانت محتاجة الحضن ده اكتر منه 
بعد وقت 
ياسين بحزن:هتسبيني صح 
سيليا بصتله بحب:انا مصدقت لقيتك ينفع تيجي تعيش معايا يابطل 
ياسين فرح جدا :ينفع جدا انا حبيتك اوي بجد 
سيليا وهي بتقوم وتقومه :وانا اكتر والله …وركبوا العربية 
سيليا بحنية:بس ممكن قبل اي حاجة نروح مشوار انا كنت هروحه ومهم جدا بنسبة ليا 
ياسين هز رأسه بمعني اه …وسيليا بدأت تتحرك 
&&&&&&&&&&
كريم بقلق:سارة بقولك مشفتيش سيليا 
سارة :هي مجتش النهاردة ياكريم قالت هتروح مشوار في شغل عايزها في 
كريم :لا انا كنت بطمن عليها بس
سارة بصتله بحزن وابتسامة كسرة:تمام يلا انا ماشية ومشيت 
وكريم بصلها بقلة راحة ومشي
&&&&&&&&
سيليا وهي بتنزل ياسين بابتسامة :بص ياسيدي دا المكان الي انا كنت عايشة في 
ياسين وهو بيبص حوليه باستغراب :هو اي ده ده غريب اوي 
سيليا وهي ماشية ماسكة ياسين :ده اسمو ميتم وانا صغيرة محدش كان عايزني فجم سابوني هنا ومشيوا ..والمستم ده يعني اي طفل مش عندو أم أو أب عايشين هنا 
ياسين يصلها بحزن ودموع:وانتي هتسبيني هنا صح 
سيليا بصتله بحب ونزلت لمستواه:لا مين الي قال كدة مش هسيبك ابدا يا ياسين ..انا جيت هنا علشان ازور الأطفال وانت هتحب الموضوع ده علي فكرة بس اهم حاجة انك متفكرش اني اسيبك  تاني  ممكن 
ياسين ابتسم بحب وطفولة:انتي طيبة اوي اوي انا بحبك اوي ياسيليا 
سيليا حضنتو بحب ودخلوا 
واول مادخلوا كل الاطفال جريوا علي سيليا بفرحة وحب 
_ياااه بقالك كتير يابنتي مش بتيجي لي 
سيليا بحب:معلش بقي كان في شوية ظروف 
_ابنك ده 
سيليا بصت لياسين بحب وابتسامة:امم ابني 
ياسين فرح جدا أنها قالت كدة وابتسملها بحب 
_ربنا يخليهولك ياحبيبتي 
سيليا بصتلها بحب وحضنتها جامد؛انتي الي ربتيني يعتبر بجد انا ممنونة ليكي اوي مش عارفة اشكرك ازاي 
_ياعبيطة في حد يقول كدة لامو ده انتي بنتي 
سيليا بصتلها وابتسمت بحب وبدءت تلعب مع الاطفال وياسين فرحان جدا 
&&&&&&&&
عمر :الو سارة يابنتي ممكن تيجي ثواني 
سارة بقلق :اي يادكتور سيليا فيها حاجة 
عمر :لا بس تعالي دلوقتي في موضوع مهم لازم أكلمك فيه 
سارة وهي بتلف بالعربية:تمام نص ساعة وابقي عندك ..وقفلت بقلق 
وعمر بص علي الاشاعة الي في أيده بأمل 
بعد وقت دخلت سارة بقلق وخوف 
سارة بخوف:ها يادكتور س سيليا فيها حاجة
عمر……….
يتبع ……
لقراءة الفصل الثانى عشر : اضغط هنا
لقراءة باقى فصول الرواية : اضغط هنا

اترك رد