Uncategorized
رواية عشق ليان الفصل الثالث 3 بقلم غادة سعيد
رواية عشق ليان الفصل الثالث 3 بقلم غادة سعيد
 |
| رواية عشق ليان الفصل الثالث 3 بقلم غادة سعيد |
رواية عشق ليان الفصل الثالث 3 بقلم غادة سعيد
شافت فهد الي كان بيعزيها امبارح و بيسلم عالناس كلها الكبير قبل الصغير والفقير قبل الغني قعدت تبص عليه شوية بعد كده افتكرت النيسكافيه بتاع نانسي و راحت بسرعه تعمله . . . . . .
وقفت تعمل النيسكافيه ودخل عليها عم عصام زميل باباها تحت . . . . . . .
_ هاا يا ليان يا بنتي مبسوطه هنا معاناولا حد مضايقك . . . . . .
= لا والله الحمد لله مبسوطه كويس اوي اني لقيت شغل بالسرعه دي مكنتش عارفه هلاقي شغل فين . . . . . .
_ ربنا يوفقك يا بنتي ويعينك علي الي انتي فيه . . . . . .
= انا هطلع اطلع النيسكافيه ده ل استاذه نانسي . . . . . .
خدت النيسكافيه وطلعت توديه ل نانسي . . . . . .
اول ما طلعت توديلها النيسكافيه لقيتها خارجه تجري من مكتبها علي مكتب فهد اول ما عرفت انه جه . . . . . . .
_ انا جبت لحضرتك النيسكافيه يا استاذة نانسي . . . . . .
= هاتيه ورايا عالمكتب بتاع استاذ فهد . . . . . .
وراحت نانسي سبقتها علي مكتب فهد وقفلت الباب وراها هي راحت وراها وهي محرجه ومش عارفه تعمل ايه وشايلة النيسكافيه وصلت عند مكتب فهد وخبطت عالباب . . . . . .
فهد : إدخل . . . . .
ليان : النيسكافيه يا استاذة نانسي . . . . . .
نانسي : تعالي حطيه هنا عالمكتب . . . . .
فهد رفع دماغه وبصلها ب استغراب .. . . . . .
_ برضو عملتي الي في دماغك و نزلتي الشغل علي طول مش قولتلك ارتاحي كام يوم . . . . . . . .
= كده احسن عشان الشهر ميروحش عليا . . . . . .
نانسي : ايه ده انتي جيبالي النيسكافيه بارد انا بحبه سخن . . . . . . .
ليان : هو كان سخن والله بس حضرتك جيتي هنا واتأخرتي كان النيسكافيه برد . . . . . .
نانسي : انتي هتحاسبيني ولا ايه روحي اعملي نيسكافيه سخن يلا و هاتيه بسرعه . . . . . . .
ليان : حاضر . . . . . اعملك حاجه يا استاذ فهد . . . .
نانسي : فهد مبيشربش حاجه الصبح بدري ساعتين واعمليله . . . .
فهد : اعمليلي شاي بعد إذنك يا ليان . . . . . .
نانسي بصتله بإستغراب لانها متعوده انه مبيشربش حاجة الصبح . . . . . . .
راحت ليان تعمل الي طلبوه منها وهي كل الي شاغل تفكيرها فهد و ازاي انسان في مستواه ومكانته كل الناس بتحبه كده عملت الشاي والنيسكافيه وطلعت بيهم علي مكتب فهد . . . . .
حطتهم عالمكتب . . . . . .
ليان : اتفضلوا . . . . .
فهد : طيب يا نانسي انتي نواركيش شغل ولا ايه من فضلك سيبيلي ليان عاوزها في كلمتين . . . . . .
نانسي بصتله بإستغراب وبصت ل ليا من فوق ل تحت وخدت النيسكافيه بتاعها ومشيت . . . . . . . .
فهد : ازيك يا ليان برضوا نفذتي الي في دماغك وجيتي الشغل . . . . . .
ليان : خوفت تجيبو حد مكاني والشغل يروح عليا . . . . .
فهد : حتي لو جبنا حد مكانك كنت هشوفلك شغل تاني باباكي كان عزيز عليا جدا وكان راجل طيب بس محدش كان يعرف انه عنده بنت كبيرة عمره ما جاب سيرتك . . . . . . .
ليان : بابا كان بيخاف عليا جدا مبيخرجنيش من البيت خالص كان رافض اني انزل اشتغل عشان خايف عليا . . .. .. . .
فهد : حقه بصراحه يخاف علي بنته . . .
المهم انتي لو محتاجه اي حاجه قوليلي متتكسفيش . . . . . .
ليان : بصراحه انا محتاجه فعلا انا كنت عاوزه اقبض الشهر ده باليوميه انا اسفه والله بس البيت مفيهوش فلوس ولا اكل . . . ..
فهد : طبعا اتفضلي دي يوميتك والاسبوع الي باباكي اشتغله . . . . .
ليان : بس الفلوس دي اكتر من مرتب بابا كله لو سمحت انا مش هاخد اكتر من حقي انا مش بشحت انا بشتغل . . . . . .
ورجعتله باقي الفلوس ومشيت زعلانه . . . . . . .
فهد استغرب جدا من عزه نفسها وانها رفضت تاخد الفلوس وهي في عز احتياجها . . . .. . .
فتحت الباب لقت نانسي واقفه علي الباب من بره وبتبصلها بقرف . . . . . ..
فهد : انتي واقفه عندك ليه
نانسي :واقفه مستنياك تخلص الحوار بتاعك وامضي منك شوية ورق . .. . . . . .
فهد : طيب تعالي . .. . .
مشيت ليان وهي نازله عالسلم نده عليها قاسم . .. . . .
_ انتي ياا . . . . .
= ليان اسمي ليان . . . .. . .
_ماشي يا ليان اعمليلي شاي وهاتيهولي بسرعه . . . . .
= حاضر . . . . . .
نزلت تحت تعمل ل قاسم الشاي وطلعتهوله فوق . .. . . . .
قاسم : ايه ده الشاي ده ناقص سكر ليه هما مش قالولك اني بشرب السكر زياده . . . .. .
ليان : انا حاطه ٣ معالق . . . .. .
قاسم : لا بعد كده حطي ٤ وشيلي الشاي ده من قدامي خلاص مش عاوز حاجه . . . . . . . .
ليان : هو حضرتك بتكلمني كده ليه هو انا ضايقتك في حاجه . . . . . . .
قاسم : خير انتي كمان بتناقشيني وتقوليلي بتكلمني كده ليه . . . . . .
ليان : هو كمان عيب اني اتكلم معاك واناقشك . . . . . . . .
قاسم بص في وشها ب حده لكن لما شاف وشها الطفولي وعيونها الخضرا ضحك وقالها . . . . . .
_ روحي شوفي شغلك عشان انا مش قد العيون الحلوة دي . . . . . .
مشيت وسابته فورا لانه احرجها بالكلام جدا ومبقتش عارفه ترد تقول ايه . . . .. . .
بعد يوم شغل طويل وطلبات مش بتخلص خلصت شغلها وخرجت برة الشركه تشوف حاجه تركبها عشان تروح عالبيت . . . . . .
فضلت واقفه كتير لكن من غير اي نتيجه قعدت ماشية فالشمس حوالي ربع ساعه وبعدها لقت عربيه وراها واقفلها بتزمر خافت تبص وراها احسن يطلع حد بيعاكس ويعمل فيها حاجه خصوصا انها في مكان مكنش فيها ناس . . . . . .
فضلت ماشيه في طريقها والي كان فالعربية نزل منها وطلع فهد . . . . .. . .
فهد : انتي ايه ممشيكي هنا لوحدك . . . . . . . .
ليان : ملقتش حاجه اركبها مشيت عشان ادور علي اي اتوبيس . . . . . . .
كتابات ل ghada saeed
فهد : طيب انتي كده ماشية غلط تعالي اركبي وهوصلك . . . .
ليان : مقدرش يا استاذ لو حد شافني يقول عليا ايه ابوها مات ولفت عالرجالة . . . . .
فهد : ههههههه ايه الي بتقوليه ده اعتبريني مديرك فالشغل مينفعش اشوفك كده ماشية في مكان زي ده و اسيبك . . . .
ليان : اصل انا رايحه اشتري شوية حاجات الاول . . . . ..
فهد : طيب تعالي وهوصلك ل اقرب مكان فيه مواصلات . .. . . . . .
ركبت ليان معاه لأن مكنش عندها اختيار تاني . . . . . . .
فهد : انتي دماغك ناشفه اوي خايفه تركبي العربية هو انا هاكلك يعني انا خايف حد يطلعلك يضايقك المنطقه هنا مقطوعه . . . . . . . .
ليان : وحتي لو حد طلعلي مش برد علي اي حد ماشي فالشارع بيني وبينك يا استاذ انا كنت ماشيه خايفه ومرعوبة انت انقذتني مع اني مكنش يصح اني اركب العربية مع حد غريب . . . .. .
فهد : انا مش غريب يا ليان انا اعرف باباكي من ايام ما كنت طفل صغير و كنت بحبه جدا الله يرحمه انا اتصدمت لما سمعت خبر وفاته . . . . . .
ليان : انا و ماما لحد دلوقتي حاسيين اننا بنحلم ب كابوس . . . .
بابا هو الي كان بيعملنا كل حاجه فالبيت وبره البيت احنا ضهرنا اتكسر بعده و مش عارفين نعمل ايه من غيره بجد . . . . .
فهد : ربنا يعينك ويقويكي يارب الحمل هيبقي تقيل عليكي عشان انتي بنت وحيده . . . . . . .
احنا وصلنا الموقف الي بتركبي منه اهو . . . . . .
ليان : شكرا لحضرتك بجد اوي انا هنزل اشتري شوية حاجات واركب و اروح البيت . . . . . . .
نزلت ليان وفهد وقف بالعربية بتاعته بعيد يراقبها وهو مش عارف بيعمل كده ليه . . . . . . . .
لقاها طلعت كل الفلوس الي معاها وبدأت تعد فيهم وراحت اشترت شوية حاجات بسيطه وركبت اتوبيس ومشيت . . . . . . .
قعد يفكر ازاي هي قدرت تتحمل وفاة باباها وسندها في نفس الوقت عاوزه تساعد مامتها عشان ميترموش فالشارع ومرضتش تمد ايديها وتاخد الفلوس الي اديهالها ونزلت الشغل من تاني يوم وفاة باباها . . . . . . .
مشي بالعربية وراح علي بيته و ليان راحت بيتهم بالأكل ل مامتها الي مستنياها لأن مفيش فالبيت اي اكل خالص . . . . . .
_ معلش يا ماما اتأخرت عليكي صح والله النواصلات صعبة اوي . . . . . .
= لا يا بنتي طمنيني عليكي بس انتي كويسه . . . . . .
_ الحمد لله يا ماما ابتديت الشغل اهو وبدأت اتعلم بس مكنتش اعرف ان بابا يا حبيبي كان بيتعب اوي كده ويفضل واقف طول اليوم علي رجله يعمل في طلبات ويروح يوديها الله يرحمه كان شايل حمل كبير اوي واحنا مكناش حاسيين . . . . .
انا جبت اكل بسيط النهاردة يا ماما اوعدك اول ما اقبض هجيبلك كل الي نفسك فيه بس انا خوفت اصرف كل الي معايا احسن يحصل اي ظروف ونحتاج للفلوس . . . . . .
=كتر خيرك يا بنتي روحي انتي غيري هدومك وانا هقوم احضر لقمه ناكلها . .. . . . . . .
دخلت ليان تغير هدومها وكانت بتفكر في فهد انه اول ما شافها مرضاش يسيبها ويمشي و اد ايه هو إنسان محترم مفيش منه فالوسط بتاعهم . . . . . .
مامتها جهزت الاكل و نادت عليها عشان تيجي تاكل . . . . . .
اول نا قعدوا ياكلوا فجأه جرس الباب رن وقامت ليان تفتح . . . . . .
_ ازيك يا قمر عاملة ايه . . . . . .
= اهلا يا حمو خير جاي ليه . . . . . . ..
_ مفيش اتفضل طيب . . . . . .
= لا مينفعش تتفضل اصل مفيش راجل فالبيت زي مانت عارف واحنا اتنين ستات لوحدنا فا ميصحش تدخل .. . . . ..
_ منا جاي عشان اتكلم معاكم فالموضوع ده انا عاوز الحاجه فكلمتين . . . . . .
_ خلاص يا ليان سيبيه يدخل نشوفه عاوز ايه بس . . . . . . . .
= شكرا يا حاجه انا كنت جايلك في كلمتين بس انا دلوقتي شايف انكم اتنين ستات قاعدين لوحدكم محتاجيين راجل ميصحش تقعدوا كده لوحدكم انا طالب ايد ليان يا ام ليان . . . . . . . .
ليان : واحنا بقي لما نحتاج راجل هيبقي انت يا حمو دانت سمعتك زي الزفت فالمنطقه كلها . . . . . .
حمو : ماشي يا قمر انا بس مقدر الحاله الي انتو فيها لكن لو مش بمزاجك هيبقي غصب عنك احنا معندناش ستات فالمنطقه هنا تقعد كده لوحدها من غير راجل انتي عاوزه الناس يتكلموا عليكم ولا ايه . . . . . . .
ليان : طظ فالناس كلها ويلا بره بقي من غير مطرود كده بدل ما ابلغ عنك . . . . . . .
كتابات ل ghada saeed
حمو : ماشي يا ليان بس والله ما هسيبك هخليكي تيجي كده تبوسي رجلي وتقوليلي والنبي اتجوزني . . . . . .
ليان : غور بره ومتخبطش عالباب دا تاني عشان ملمش الناس عليك . . . . . .
طلعته بره وقفلت الباب وراه . .. . . . . .
_ تعالي يا بنتي اقعدي كملي اكلك . . . . .
= مش هاكل يا ماما خلاص سد نفسي منه لله . . . . . .
سابتها وراحت علي سريرها الي عملاله ستارة فالاوضه وبتنام عليه وقعدت تفتكر باباها وانه من ساعه ما مات وهي متبهدلة من غيره والحياه هتبقي صعبة عليهم من غير راجل . . . . . .
نامت وهي عمالة تعيط والدموع في عينيها وصحيت متأخرة نص ساعه علي ميعاد الشغل قامت لبست بسرعه جدا وغسلت وشها وسرحت شعرها ومبصتش حتي فالمرايا علي منظر عنيها الي كانت منفوخه من كتر العياط وطلعت تجري عالشغل . . . . .
وصلت الشركه ودخلت عالبوابه قابلت عم علي الي واقف أمن عالبوابه . . . . . .
_ من اول يوم كده تأخير يا لمياء . . . .. .
= انا اسفه والله راحت عليا نومه محستش بنفسي . . . . .
_ طيب غيري هدومك بسرعه واعملي القهوة لقاسم بيه احسن سأل عالقهوة كذا مرة وعلي اخره منك . . . . . . .
طلعت تجري بسرعه وغيرت هدومها وحطيتله القهوة عالنار بسرعه وعملتها وطلعت تديهاله . . . . .
خبطت عالباب بتاعه . . . . . .
_ ما لسة بدري يا استاذة ليان بعد كده نبقي نطلب قهوة من برة عشان حضرتك بتيجي بعدينا من اول يوم شغل ليكي . . . . .
= انا اسفه جدا يا استاذ قاسم والله معرفش ازاي راحت عليا نومه وجيت متأخر . . . . . .
_ طيب ماشي الموضوع ده ميتكررش تاني . . . . . . .
فجأه الباب خبط