Uncategorized

رواية عشق ليان الفصل الرابع 4 بقلم غادة سعيد

 رواية عشق ليان الفصل الرابع 4 بقلم غادة سعيد

رواية عشق ليان الفصل الرابع 4 بقلم غادة سعيد

رواية عشق ليان الفصل الرابع 4 بقلم غادة سعيد

الباب خبط ودخلت روزا . . . . . . . 
( روزا تبقي مرات قاسم هي بنت جميلة جدا لكن هي مبتثقش في قاسم لأنها علي طول تمسك عليه حاجات وتلاقيه بيكلم ستات عليها برغم جمالها هي مش ماليه عينة وطبعا بتتغاضي عن افعاله لأنها لو سابته فهي الخسرانه فا بتعمل نفسها مش شايفة حاجه )
روزا : صباح الخير يا حبيبي . . . . 
قاسم : صباح النور . . . . . ايه سبب الزيارة المفجأه دي . . . .
روزا : لقيت نفسي زهقانه قولت آجي اقعد معاك شوية كده  . . . . .
مين دي انتوا جبتو حد جديد ولا ايه . . . . . . 
قاسم : عم سعد مات و دي ليان بنته جت تشتغل مكانه . . . . . 
ليان : اهلا بحضرتك تشربي حاجه . . . . . 
روزا : الله يرحمه يا ليان زعلت عشانه جدا مكنتش اعرف انه عنده بنت حلوة كده مكنش قايل باباكي دا عشرة عمر هنا فالشركه  . . . . . .  
ممكن تعمليلي كابتشينو بقي من ايديكي الحلوة . . . .   .
ليان : حاضر . . . .
خرجت بره وهي نازله قابلت فهد طالع علي مكتبه . . . .  
فهد : ازيك يا ليان عاملة ايه . . . . .
ليان : الحمد لله معلش اتأخرت النهارده راحت عليا نومه واستاذ قاسم اتضايق مني اوي . . . . . .
فهد : لا ولا يهمك بس انتي مال عينك انتي نايمه معيطه . . . . .
ليان : غصب عني يا استاذ فهد لو كانت الدموع بترجع الي راح كنت عيطت بدل الدموع دم . . . . . . . 
انا هنزل تحت عشان مرات استاذ قاسم عوزاني اعملها حاجه تشربها حضرتك تشرب اي حاجة . . . . . 
فهد : لا انتي خلصي كل الي وراكي وبعد كده تعاليلي المكتب شوفيني اشرب ايه . . . . .  .
ليان : حاضر . . . . .
نزلت ليان تحت تحضر الكابيتشينو وخدته و طلعت بيه فوق . . . . . 
_ اتفضلي يا استاذة روزا عملت لحضرتك الكابتشينو 
= شكرا يا ليان شكله حلو اوي . . . . . 
_ دا من زوقك . . . . 
= مكنتيش بتيجي ليه مع باباكي الله يرحمه هنا خالص اول مرة اعرف ان عم سعد عنده بنات . . . . . . .
_ اصل انا وحيده فا بابا كان بيخاف عليا اوي ومكنش بيرضي يخليني انزل من البيت او انزل اشتغل خالص . . . . . .
= الله يرحمه يارب كان راجل طيب . . . . . 
قاسم : ممكن لو هتقعدوا تتكلموا كتير كده تطلعوا بره . . . . .
ليان : انا خلاص همشي يا استاذه روزا وهشوفك تاني اكيد ربنا يكون في عونك بجد   . . . . . .
قاسم بصلها بصه كلها شر اول ما قالت كده 
_ انت تقصدي ايه بالظبط بالكلمه دي . . . . . 
= لا مش قصدي حاجه هيكون قصدي ايه يعني . . . . ..
_طيب ياريت متتعديش حدودك تاني عشان انا ممكن اقطع عيشك من هنا . . . . .  
= انا اسفه يا استاذ قاسم . . . . .
خرجت بره وعنيها اتغرقت بالدموع وروزا قعدت تتكلم مع قاسم . . . . . 
_ ليه كده يا قاسم حرام عليك البنت عملت ايه يعني . . . . . 
= مش شايفه طريقه كلامه وانتي عارفه انها قصدها عليا وبعدين انتي قاعده تحكي مع بتاعه البوفيه ليه فوقي يا ماما انتي مرات قاسم يعني مش اي حد تقعدي تكلميه كده . . . . ..
_ نفسي اعرف هتبطل الغرور بتاعك ده امتي انا حره اكلم الي اكلمه دي بنت مكسورة باباها لسه ميت وانت زودت همها اكتر حرام عليك هو انت والزمن عليها . . . . . .
= يبقي متتعداش حدودها تاتي . . . . . . 
قاسم حس من جواه انه جرحها بالكلام و ذلها لأنها محتاجه الشغل ده واتضايق من نفسه مع انه قلبه حجر وعمره ما زعل انه جرح حد . . . . . . .
ليان خرجت برة وراحت علي مكتب فهد عشان تشوفه هيشرب ايه . . . . . . . .
خبطت عالباب ودخلت  .. .  . .. . . . . 
_ اتفضل حضرتك هتشرب ايه . . . . . . 
= اشرب . . . . . . .  مالك يا ليان مين مزعلك . . . . .
_ لا ابدا انا بس مخنوقه شوية . . . . . . 
= لا والله في حد مزعلك ومخليكي معيطه مين هنا فالشركه ضايقك وانا هجبلك حقك . . . . . . . .
_ لا والله مفيش حاجه بس استاذ قاسم من ساعة ما جيت وهو بيعاملني بطريقه غريبة اوي . . . . . . 
= طريقه غريبه ازاي يعني . . . . . 
_ بيكلمني بطريقه صعبة وكل شوية يفكرني اني شغالة عندكم ويقولي هقطع عيشك . . . … 
= طيب وانتي ازاي متجيش تحكيلي الكلام ده . . . . ..
_ انا مبحبش اعمل مشاكل بس عشان حضرتك سألت بس بالله عليك متقولوش الكلام ده عشان هيعند معايا ويحطني في دماغه . . . . . . . . 
= متخافيش انا عاوزك تعرفي بس ان محدش يقدر يمشيكي من هنا غير ب إذن مني انا صاحب الشركه دي وهو ليه فيها جزء بسيط متقلقيش خالص انا هتكلم معاه عشان ميضايقكيش تاني ومتقلقيش معاملته مش هتبقي وحشه معاكي تاني . .. . . . .  . 
سابها وخرج راح عند قاسم خبط عليه الباب ودخل . . . . . . 
روزا : اهلا اهلا ازيك يافهد . .. . .  
فهد : ازيك يا روزا انتي جيتي هنا امتي مكنتش اعرف انك هنا . . . . . . . 
روزا : انا هنا من شوية بس ابن عمك من ساعه ما شافني وهو الجنان ماسكه و مش طايق حد وعمال يزعق يمين وشمال كأني جيت كبست علي نفسه وطلع غيظه فالبنت الغلبانه الي باباها لسه ميت . . . . . . . .
قاسم : انا مطلعتش غيظي في حد هي الي قليله الأدب يعني ايه بتقولك ربنا يكون في عونك قصدها اني مجنون يعني فهد لو سمحت البت دي تمشي من هنا . . . . .. . . .
فهد : دي بت غلبانه باباها لسه ميت هتمشي تروح فين يعني هنبقي احنا والزمن عليها وراها التزامات ومفيش غيرها يصرف عالبيت دنا عرضت عليها فلوس رفضت تاخدها من غير شغل نقوم احنا نمشيها دي عندها عزة نفس مش عند حد . . . . . . . .
فجأه الباب خبط و ليان دخلت . . . . . 
ليان : انا اسفه اني دخلت فجأه وكنت سامعه الكلام لأن صوتكم عالي لو سمحت يا استاذ فهد انا عاوزه اسيب الشغل مش انا الي استعطف حد ولا اصعب عليكم عشان تسيبوني فالشغل انا بشتغل زي اي حد وباخد فلوس مقابل الشغل انا ولا بمد ايدي ولا بطلب منكم فلوس ولو عالشغل هنزل ادور وهلاقي . . . . .  . . . .
فهد : ليه كده يا ليان هو حد زعلك دلوقتي . . . . . . 
ليان : لا اصل حضرتك بتستعطفه عشان اصعب عليه لا يا استاذ فهد انا بشتغل هنا زيي زيكم بالظبط انا مش شغاله عند حد . . . . . . .. 
قاسم : بيعجبني فيكي جرأتك و اسلوبك انتي المفروض تمسكي الشركه دي . . . . . .
ليان : و مين يعرف ممكن فيوم يكون عندي شركه اكبر من دي مفيش حاجه بعيد عن ربنا . . . . . . 
فهد : هفرحلك بجد لأنك حد كويس ومكافح . . . . . . 
روزا : خلاص بقي يا ليان حصل خير متزعليش هو قاسم كده اسوبه دبش شوية حقك عليا انا . . . . . . .
ليان : عشان خاطرك بس يا استاذه روزا هسكت خالص عشان انتي حد محترم اوي . . . .. . . 
وسابتهم ومشيت . . . . . .
قاسم : البت دي بجحه بجاحه انا مشوفتش كده . . . . . . 
فهد : خلاص بقي يا قاسم حرام عليك هتبقي انت والزمن عليها .. . . . . . .  .
انا رايح مكتبي وتعالالي عالمكتب عشان نحسب المصاريف كلها . . . . . . 
كتابات ل ghada saeed
راح فهد علي مكتبه واتصل بالبوفيه طلب من ليان قهوة مظبوط . . . .. . . .  
عملت ليان القهوه وطلعت علي مكتب فهد كان قاعد هو وقاسم بيحسبوا بيحسبوا المصاريف وقاسم بيقوله احسب كده شغل الأله الحاسبة 
١٤٥٠+٥٥٠×٢٠٠ 
وهو بيحسب ردت ليان ١٢٤٦٠
هما الاتنين بصولها بإستغراب 
_ انتي حسبتيها ازاي . . . .  . .
= هي دي محتاجه اله حاسبه يعني حسبتها بدماغي طبعا . . ..
_ انتي دخلتي المدرسه يا ليان . . . . . . 
= انا خريجه كليه تجارة بتقدير وكنت الاولي علي دفعتي ٤ سنين . . . . . . 
_ ماشاء الله عليكي بجد انتي عبقرية عشان تحسبي رقم زي ده بالسرعه دي فا بجد برافو  . . . . . . 
= اتفضل القهوة يا استاذ فهد تؤمروني ب حاجه تاني . . . . . 
_ شكرا يا ليان اتفضلي .. . . . . . 
خرجت ليان بره وهو قعد يتكلم مع قاسم . . . . . . 
_ ايه رأيك يا قاسم البنت دي عبقريه اوي احنا ممكن نستفاد منها جامد . . . . . 
= نستفاد ايه هنشغل بتاعه بوفيه معانا فالشركه وتعرف شغلنا . . .  . . .
_ ايه يعني بتاعة بوفيه مش بني ادمه . . . . .
= باباك لو عرف هيعمل مشكله كبيرة . . . . . . 
_ سيبني بس ادرس الموضوع ده واختبرها ولو تنفع هشغلها . . . . . .  
فجأه الباب خبط و نانسي دخلت . . . . . . . 
نانسي : ازيكم عاملين ايه. . . .  . . .
قاسم : تعالي شوفي ابن عمك المجنون عاوز يشغل بتاعة البوفيه معانا عشان صعبانة عليه . . . .  . ..
نانسي : يعجبني فيك قلبك الطيب هتشغلها معاك في ايه بقي هي بتعرف تقرا وتكتب اصلا . . . . . .  .
فهد : بتعرف تحسب احسن من اي  حد فالشركه دي . . .  . . .
قاسم : اه بصراحه البت حسبت اعداد كبيرة وهي واقفه مستحيل حد يقدر يحسبهم . . . . . .  . . 
نانسي : وده معناه انكم تشغلوها معاكم يعني انتو بتهزروا والله . . . . . .. . 
فهد : نفس تفكير الطبقيه بتاع اخوكي بالظبط هي لازم تكون حد مهم عشان نشغلها معانا مهي ممكن نستفاد منها اكتر من اي حد بغض النظر هي ايه وبنت مين انا هدرس الموضوع ده وهشوفه ولو كويسه فعلا هشغلها . . . . . . .  
قاسم : هقوم انا عشان ورايا شوية شغل . . . . . . 
مشي قاسم وساب نانسي وفهد قاعدين فالمكتب لوحدهم  . . . . . 
نانسي : انت مش شايف انك مزود شوية في موضوع البنت دي علي فكرة انا شوفتك امبارح وانت مركبها جنبك فالعربيه تقدر تقولي لو حد شافك هيبقي منظرك ايه طيب هي واحده بالنسبالها الكلام ده عادي انت واحد من عيلة كبيرة ومش اي حد تركبه جنبك فالعربيه لمجرد انه صعبان عليك . . . . .  .
فهد : ومين قالك انها كانت عاوزه تركب جنبي انا الي لحيت عليها عشان مكنتش عارفه الطريق . . . .  . .
نانسي : دي حركات بس بتعملها عشان تكسب تعاطفك . . .  .. 
فهد : وتكسب تعاطفي ليه دي كانت عاوزه تسيب الشغل واحنا قولنالها متمشيش مش معني انها بتشتغل هنا شغلانه بسيطه اني هسمح ل اي حد يهينها واي حد هيهين اي موظف عندي انا مش هسكتله دول بني أدمين زيهم زينا وبعدين انا بتكلم معاكي لي مانتي نفس تفكير اخوكي بالظبط معندكوش قلب زي بعض . . . . ..  . . 
نانسي : انا معنديش قلب يا فهد ماشي ولا انت عشان عارف اني بحبك بتعمل كده معايا وتجرحني بالكلام ماشي يافهد  . . . . . . .  
فهد : تحبي مين يا بنتي انتي لسه مشيلتيش الخرافات دي من دماغك احنا متربين مع بعض انا بعتبرك اختي يا نانسي . . . . .  .
نانسي : يعني انت مش ملاحظ اني هموت عليك ومستنيه بس إشارة منك وهتلاقيني قدامك علي طول ومسكت ايده . . . . . 
فجأه الباب اتفتح وليان دخلت وشافتها ماسكه ايده . . . . . 
ليان : انا اسفه . . . . . 
نانسي : انتي ازاي تدخلي كده من غير ما تخبطي الباب . . . . . 
،ليان : انا خبطت والله بس تقريبا انكم مسمعتوش انا اسفه مرة كمان . . . . . . 
فهد : تعالي يا ليان كنتي عاوزه حاجة . . . . . . 
ليان : كنت جايه اقول لحضرتك اني خلصت شغل وبستأذن وماشيه بشوف لو محتاج حاجه قبل ما اغير هدومي . . . . . . 
فهد : لا شكرا اتفضلي انتي . . . . . . .
سابتهم وخرجت وهي حاسة بالإحراج عشان ممكن يكونوا اتضايقوا منها عشان فتحت الباب فجأه وقطعت عليهم لحظه رومانسيه ومتعرفش ان فهد مش بيطيق نانسي بنت عمه ونفسه انها تبعد عنه . . . . . . . .
نانسي : البت دي قليله الزوق ازاي تفتح مكتب صاحب الشركه كده انت اخدتها عليك اوي بالإسلوب ده هيبقي متاح تعمل اي حاجه تانية انا معرفش البنت دي طلعتلنا منين بس . .   . . . 
فهد : لو سمحتي يا نانسي انا لازم امشي دلوقتي عشان ورايا مشوار . . . .  . . .
سابها ونزل عالسلم وهو نازل قابل ليان 
يتبع……
لقراءة الفصل الخامس : اضغط هنا
لقراءة باقي فصول الرواية : اضغط هنا

اترك رد