Uncategorized

رواية عشق القاسي الفصل الرابع عشر 14 بقلم صابرين علاء

 رواية عشق القاسي الفصل الرابع عشر 14 بقلم صابرين علاء
رواية عشق القاسي الفصل الرابع عشر 14 بقلم صابرين علاء

رواية عشق القاسي الفصل الرابع عشر 14 بقلم صابرين علاء

مها العمري كانت خلاص بتودع وامير كان هيموت ويعرف هي مخبيه ايه وفجأه مها وقعت بين ايد امير وامير فضل يقولها 
مها،،،،، مها ارجوكي فوقي،،، مش بعد كل اللي انتي قولتيه دا عايزه تموتي،،، ومن غير ماتفهميني ولا تقوليلي اي حاجه 
قمر فين،،،،،، قمر لسه عايشه،،،، امال ازاي كلكم قولتولي انها ماتت،،،، طيب وازاي كمان كانت حامل مني انتي عارفه هي بعيد عني من امته دا من خمس سنين واكتر….. خمس سنين وانا عمال اتعذب بسبب موتها،،،،،،، مها فوقي واحكيلي متسبنيش كدا 
قعد امير يتكلم علي اساس امل انها ممكن تسمعه وترد عليه بس خلاص كان فات الاوان ومها العمري روحها طلعت 
امير سابها مكانها ومسك منديل ومسح كل بصماته من علي كل حاجه لمسها وبعدها مشي 
لقي رجله مودياه عند ازهار من غير تفكير 
وقعد جمبها وبدأت يقول اللي جواه 
شوفتي يا ازهار….. من بعد ما بعدتي عني وانا حياتي ادمرت،،،،،،، ازهار انا بموت انا محتاجلك،،،،  ارجوكي انتي كمان متسبنيش 
ارجوكي متسبنيش وسامحيني علي كل اللي عملته،،،،،، 
امير كان ماسك ايد ازهار وحاطط دماغه علي ايديها وعمال يبكي ويشكيلها 
وفجأه ازهار حركت ايديها 
امير فرح اوي انها بدأت تستعيد وعيها بس هي ف الحقيقه سارحه ف خيالها وبتحلم بيه 
ازهار كانت بتحلم حلم جميل جدا بتحلم انهم علي شط البحر وكانو ماشيين سوا ومستمتعين بالجو الجميل والطبيعه الساحره الخلابه 
وقعدو جمب بعض علي الشط وبنو بيوت جميله عالرمله 
وكانو مبسوطين جدا وكل شويه يحضنو بعض وبيبصو علي جمال الشمس ف ساعه الغروب وفجأه جم ناس كتيير وقفو حواليهم من عددهم الكبير خلو نور الشمس يطفي من عليهم 
وواحد راح طلع مسدسه 
وفجأه امير اطخ بالرصاص قدامها 
ازهار ف اللحظه دي فاقت بسرعه من الغيبوبه وقالت بعلو صوتها امييييييير 
امير كان جمبها حضنها بسرعه وقالها متخافيش يا ازهار انا جمبك،،،،، انا هنا معاكي 
ازهار هي كمان حضنته جامد واتشعلقت ف رقبته جامد وكأنها بنته وقالت 
الحمد لله،،،،،  الحمد لله انك بخير وريني ضهرك كدا… الترابيس كوويسه 
امير قالها هههههههه حتي  وانتي تعبانه بتقولي نكت 
ازهار قالتله ياساتر اي دا،،، دا الغيبوبه دي طلعت حاجه زفت خالص طب انت عارف ف الروايات لما كانت البطله تروح ف غيبوبه كنت اقول يابختها 
امير استغرب قالها ليه يعني 
قالتله علشان البطل يفضل جمبها ويقعد يتكلم معاها ويحكلها قصص وانا اقعد اول ف سري يارب ما تفوق ويبقي نفسي 
اروح واعمل نفسي ممرضه واخطفه منها 
بس استني،،،،،  هو انا ليه مفقدتش الذاكره،،،،،، لا لا كدا الموضوع في حاجه غلط،،،، هو انا مش اتخبط بالعربيه ولا ايه 
امير بصلها بإستغراب وف نفسه قال الحمد لله انها نسيت اني جلدتها 
ورجع قالها،،،، طب بقولك ايه ياحببتي 
انا هاروح اعرف من الدكتور هاتخرجي امته خاليكي قاعده هنا متتحركيش اتفقنا 
ازهار قالتله ياخويه اتحرك فين بس دا انا عندي هبوت حاد ناديلي علي الممرضه تعملي بسكوييييت باللبن علشان مش بحبه بالميه زي فيلم محمد سعد كدا لما فاق من الغيبوبه 
امير ضحك وقالها جايلك سلام يامجنونه 
امير وهو ماشي ف الطرقه كان ماشي بسرعه وفجأه شاف واحد بيتمشي مع مراته ف طرقه المستشفي وكان مسندها لانها حامل وعلي وش ولاده
سرح بخياله واتمني يوم زي ده مع ازهار  وفجأه خبط ف وحده وهو مش شايف 
قال انا اسف مكنتش اقصد……… 
ولما بص علي وشها اتفاجئ وقال ققققمر 
قمر اتلبكت جدا ومشيت بسرعه وكان معاها ولد صغير 
امير ماصدق شافها جري وراها بسرعه 
ولما نزل لقاها ركبت تاكسي ركب عربيته وجري وراها بسرعه 
ومره واحده وقف ف وش التاكسي 
وراح فتح الباب لقمر ونزلها منه 
وقالها،،، انا مش قادر اصدق اللي شايفه بعيني،،،،، انتي لسه عايشه 
ومين الولد دا،،،،،، دا ابني ياقمر 
ردي عليا الولد دا ابني،،،،، بقولك ردي 
قمر قالت ايوا ابنك،،،،، ابنك يا امير 
امير بص عالولد وقالها،،،، طب انتي ليه اختفيتي من حياتي،،،،،، ليه مره واحده بعدتي وقولتي هانتحر،،،،،، اومال مين اللي دفنتها بإيدي دي 
قمر قالتله اللي دفنتها مش انا،،،،، 
روح اسأل مامتك،،،،، او عمك يوسف بيه الفرماوي ليه كانو عايزين يقتلوني 
اسألهم ليه مكانوش موافقين علي جوازنا 
عارف ليه يا امييير لاني انا البنت الممرضه البسيطه اللي مش من مستواكم الاجتماعي ولا الثقافي ولا المادي 
امير انا كنت هموت بجد لولا ربنا كتبلي عمر جديد،،،،،، وسافرت عند عمي ف الشرقيه وبعدت عنك وعن عيلتك كلها 
والنهارده كان لازم اعمل تحاليل مهمه علشان امير ابني وعلشان كدا اطريت انزل القاهره ومكنتش عايزه اشوفك 
امير قرب من الولد وحضنه وباسه من دماغه 
وقالها ازاي عايزاني ابعد عنكم 
دا مستحيل من هنا ورايح انتو كل حاجه 
والباقي مش مهم 
بقلم صابرين علاء. 
قمر قالتله لا يا امير انا عرفت انك اتجوزت ومش عايزه ادمر سعادتكم وفرقكم عن بعض،،،،،،  ارجوك يا امير انا مش عاوزه مشاكل سبني،، سبني امشي انا خلاص بنيت حياتي هناك ف الشرقيه 
امير قالها هشششششششش خلاص 
متخافيش من اي حاجه من النهارده انتو ف حمايتي،،،، ومش هتبعدو عني تاني 
وامير خد قمر وامير الصغير ف العربيه 
وقالها احنا دلوقتي هانروح عالمأذون وهنكتب كتابنا وهتدخلي بيتي انتي وابننا ومش هتخرجي منه،،،، محدش هايقربلك ولا هايديقك تاني،،،، اوعدك 
قمر كانت فرحانه اوي ومبسوطه ان خطتها مشيت مظبوط وامير مشكش فيها ولو للحظه وحضنت الولد وقررت انها تبدأ حياه جديده ف وسط عيله الفرماوي 
♕♕♕♕♕♕♕♕♕♕♕♕♕♕♕♕♕
ازهار كانت قاعده علي السرير ف المستشفي وعماله بتتفرج علي مسرحيه كوميديه ولا علي بالها 
ههههههههه والنبي ايه دا عادل امام دا عسل الا وهو بيقول برعي ياخراشي بتبقي
نغمه مازيكا من بؤقه 
دخلت الممرضه علشان تغيرلها المحلول 
ازهار قالتلها بقولك ايه ماتجيبي ياختي قرطاسين لب ونقعد نأزقز فيهم ونتفرج علي المسرحيه الحلوه دي 
الممرضه قالت ههههه والنبي انتي عسل وروحك حلوه جدا. 
انا اول مره اشوف واحده خارجه من غيبوبه 
بالروقان دا 
ازهار قالتلها امال ايه كلهم بيبقو مشلولين ولا ايه 
المهم ياختي،،،، مشوفتليش امير جوزي 
الواد الطويل المز دا،،،، ابو ترابيس، 
الممرضه قالت ترابيس اي حضرتك بس 
ازهار قالتها ياشيخه يعني ماخديش بالك ولا مره منها 
الممرضه قالت بصراحه هو فعلا ترابيسه حلوه 
ازهار طلعت بنت الشوارع اللي جواها وقالتلها ناااااااعم ياااااختي،،،، ممممالك انتي ومال ترابيس جووووزي 
ناقص تقوليلي اوكره حلوه،،،، امشي يابت من قدامي بدال ما اقوم اجبلك قفل واكتف بيه رجلك وارميكي تحت السرير لما يظهرلك صاحب 
الممرضه خافت منها وقالت اي دا،،،، 
انتي لايمكن تكوني واحده خارجه من غيبوبه انتي اكيد خارجه من العباسيه 
ازهار قالتلها مالك انتي  يا اختي بالعباسيه والقطه بتاعتي المشمشيه 
الممرضه مشيت وسابتها مع نفسها 
ازهار بصت عالمسرحيه وقالت منك لله ضيعتي الحته بتاعت الكازوزه 
♕♕♕♕♕♕♕♕♕♕♕♕♕♕♕♕♕♕
امير وصل علي قصر الفرماوي والعزا كان خلص والناس مشيت ومفضلش قاعد غير بس العيله اللي ف البيت 
امير دخل القصر والكل اتصدم من اللي شافوه 
الكل قام وقف اول ماشافو قمر الكل كان مصدوم 
نهال ومروه قالو سوا قمر،،،، انتي عايشه 
امير قرب منها وحط ايده علي كتفها وقال قدامهم قمر عايشه قدامكم اهي زي ما انتو شايفين،،،،، مش هحاسب اللي كان مسؤل عن اختفائها الخمس سنين اللي فاتو،،،،،، واللي كان سبب ف فراقنا الفتره اللي فاتت بس انا عايز الكل يعرف ان قمر خلاص بقت مراتي 
والحلم اللي مقدرتش احققه زمان حققته دلوقتي،،،،،، واحب اعرفكم علي امير الصغير 
ابني انا وقمر 
قمر دلوقتي مراتي علي سنه. الله ورسوله 
نهال قالت هو ايه اصله دا كل يوم تجبلنا واحده من الشارع وتقول وتتجوزها وتقول مراتي والمطلوب مننا كلنا نصدق ونشيلها ف العين والراس مش كدا 
امير ضحك وقال برافو عليكي يابنت عمي هو دا المطلوب 
متنسوش تنوروني عالصفحه الكاتبه صابرين علاء. 
مروه قالت انا مش فاهمه حاجه يا امير 
هي قمر ازاي بعد السنين دي كلها تطلع عايشه……..  الله طب كانت فين السنين دي كلها 
امير قالها تحبي اقولها يافريده هانم وتقوللنا انتي،،،،، ليه عملتي كدا 
فريده قالت،،،،،  كنت عايزني اعمل ايه ياعني،،،،،، كنت اسيبها تدخل عليتنا كدا عادي وهي يادوب حته ممرضه لا راحت ولا جت ومش من مستوانا،،،،، انا كان لازم احميك منها 
امير قالها تحميني منها ولا تحرميمي منهاا 
تبعدي قلبين حبو بعض.،،،،،، 
تكسري قلب واحده وثقت فيا. وادتني كل حاجه،،،،،، 
وكانت النتيجه طفل مالهوش اي ذنب 
يتحرم من ابوه،،،،،،،، 
انتي عارفه انتي عملتي ايه،،،،، انتي حرمتيني 
من اني اشيله لاول مره،،،،، حرمتيني من 
اني العب معاه،،،،، واني اسمع منه كلمت بابا لاول مره يتكلم 
ليه عملتي كدا يا امي لييييه 
مرتضي ف نفسه هووووووبا،،،، مشهد مؤثر جدا بس ياتري الواد دا فعلا ابنه ويستاهل المسرحيه دي كلها 
اووووووف اي الزهق دا بقي،،،،، فينك يا ازهار تلطفي علينا شويه 
ازهار قالت انا جييييت 
الكل بص واتفاجئ،،،،، ازهاااار 
ازهار قالت ايه ياجماعه مالكو اتصدمتو كدا ليه،،،،،،،،  هو انا جايه من الفضاء،،،، في سفينه ورايا،،،،،،، اي دا مين الواد القمر دا 
ازيك،،،،،،،،  
امير قال لازهار انتي ازاي جبتي لوحدك 
ازهار قالتله ايه لاقيت ف حسابات المستشفى ٥٠ جنيه زياده قولت اخدها واطلب بيها ااااااوبر 
امير قالها طيب اطلعي علي اوضتك دلوقتي 
ازهار قالتله،،،،،، لا انا عايزه العب مع الواد القمر دا،،،،، تصدق انه شبهك 
نهال  قالت ماهو علشان دا ابنه 
ازهار بصتلها وخدت الموضوع ببساطه 
وقالت،،، بجد طب هاتتتتتيه 
قمر قالت،،،،،، هي مش بتهزر يا ازهار،،،، 
انا وامير كنا علي. علاقه ببعض 
وكنا بنحب بعض 
ودي ثمره حبنا 
ازهار اتصدمت وبصت لامير قالتله الكلام دا حقيقي يا امير،،،،،،، الولد دا يبقي ابنك 
امير بص ف الارض وقالها ايوا ابني 
ازهار قالتله،،،،،،، طيب انت زعلان ليه،،،،، 
مبرووك،،،،،،، مبروك ان انت طلع ليك ابن 
جميل وزي القمر كدا،،،،،،، ربنا يسعدك با امير 
ازهار رجعت بصت لقمر وقالتلها،،،،، 
متستغربيش يامدام قمر،،،،،، انا وامير 
مافيش بينا وبين بعض حاجه،،،،،، امير بيحبك،،،، بيحبك اوي،،،،،، دا لدرجه انه كان بينطق اسمك احيانا وهو نايم 
انا،،،،،، انا وامير كنا متفقين علي الطلاق 
احنا اصلا اتجوزنا ف ظروف غلط،،،،،، 
جوازنا دا مزييييف علي الورق وبس 
ودلوقتي بعد ازنكم،،،، انا تعبانه وهاطلع استريح 
قمر كانت مبسوطه جدا من الكلام اللي سمعته 
ازهار خدت بعضها وطلعت فوق 
وامير راح وراها ودخل وراها اوضتهم 
ازهار كانت بتعيط واول ماحست بوجود امير مسحت دموعها وابتسمت ابتسامه مميزه وقالتله 
انااااا هالم هدومي بسرعه،،،،،، وممكن ابات ف اوضه مروه عادي،،،،، 
امير قرب من ازهار اوي لدرجه انها كانت بين ضلوعه وخلي نفسه ف نفسها وقالها 
ازهار،،،،،،، متبعديش، عني ارجوكي 
ازهار متلومنيش علي حاجه انا ماليش يد فيها،،،،، حاجه مش بتاعتي،،،،، انا كنت اعرف قمر زمان،،،، من قبل مانتجوز بكتيير ولما شوفتها اتصدمت انها لسه عايشه وكمان مخلفه مني 
البيدج الاصليه الكاتبه صابرين علاء. 
ازهار بعدت عنه وقالتله،،،،،، دي حاجه مش وحشه ابدا يا امير،،،،، حببتك اللي كنت مفكر انها ماتت اهي طلعت عايشه،،،،،، 
وكمان حافظت علي ابنك اللي هو ثمره حبكم زي ما بتقول،،،، افرح يا اميير 
افرح،،،،،، مش هي دي قمر،،،، قمر اللي كنت بتعشقها مش بس بتحبها،،،،، وكنت بتخترف بإسمها باليل 
روحلها اهي بقت جمبك،،،،،،، 
وبدأت تقول بصوت مدبوح،،،،، انا خلاص مبقاش ليا لازمه ف حياتك،،،،، انا هانسحب من حياتكم علشان تعيشو ف سلام انتو الاتنين،،،، وابنكم يتربى ف حضنكم 
ويشبع من حنانكم 
امير انا طيبه اوي عمري ماجرحت حد ابدا 
انا عمري ماكان ف قلبي قسوه تجاه شخص،  عمري مابعدت عن حد بمزاجي 
كل واحد بيشوه مكانته بنفسه،،  كل واحد بينهي واقته علي طريقته. 
قالت كدا وبعدين سابته ومشيت 
امير اتعصب اوي وضرب ايده ف الباب جامد ف ايده اتعورت وجابت دم 
وفجأه دخلت قمر وقالتله ياخبر،،،،، 
اي دا يا امير انت اتجننت حبيبي ايدك بتنزف 
امير قالها الجروح اللي بره سهل انها تتطيب بس جروح القلب عمرها ما بتشفى
قمر قالتله،،،،، بس دا كان غصب عني يا امير وانت عارف مين السببب ف دا 
وقربت منه زي الحيه وبدأت تقول بس انا دلوقتي معاك وبين اديك وبقيت مراتك ام ابنك زي واكنا بنحلم وبنتمني فاكر يا امير 
فاكر ايام ما كنا بنحب بعض 
امير قاله لو سمحتي يا قمر اطلعي برا انتي دلوقتي عشان انا تعبان وعايز استريح 
قمر قالتله اي دا هو انا مش هنام هنا النهارده 
امير قالها لا معلش دي اوضه ازهار،،،،، 
انا هابقي اقول للخدم يجهزولك اوضه تانيه من فضلك اتفضلي دلوقتي 
قمر قالتله  حاضر ياحبيبي مش هضغط عليك 
ومشيت من قدامه وهي كلها غيظ وقهر الدنيا 
من بعدها ازهار حاولت تبعد عن امير كل مره تحاول تخرج من البيت ومش عارفه امير كان متمسك بيها جدا وكان ديما بيرفض بعدها عنه ودي كانت حاجه مضايقه قمر جدا وف يوم راحت اوضتها ونسيت الباب مفتوح 
كان فيها غضب الدنيا بسرعه ولعت سجاره وقعدت تنفخ فيها بغل وكره 
واول ماشافت الولد قعدت تقوله،،،،،، 
وشك فقر عليا،،،،،،،، امير كان بيحبني وبيموت فيا،،،،،، بس لما رجعت له. تاني وانت ظهرت ف حياتي،،،،،، والدنيا كلها اتقلبت انا بكرهك،،،، بكرهك ونفسي 
اقتلك بس مقدرش اعمل حاجه زي كدا الا لما اوصل لغرضي واعمل كل اللي انا عايزاه……… وقامت طفت السجاره اللي ف اديها ف ضهر الولد بكل بروود وقسوه 
وطبعا كان في اللي شايفها من بعيد وعمال يسمع كل كلمه بتقولها 
وفجأه،،،،،،،،،، 
ياتري مين اللي كان واقف وبيسمع كل كلمه بتقولها قمر وياتري هايعمل ايه وهايتصرف ازاي 
ازهار ايه هايكون مصيرها مع امييير 
وهل ياتري هايقفو ف وش الصعاب وهايحبو بعض ولا ايه هاتكون النهايه 
يتبع ……
لقراءة الفصل الخامس عشر : اضغط هنا
لقراءة باقى فصول الرواية : اضغط هنا

اترك رد