رواية كسرة نفس الفصل الثالث عشر 13 بقلم بيسو

ﻋﻠﻴﺎ ﻭﻫﻲ ﺑﺘﺎﺧﺪ ﺍﻟﻔﻮﻥ : ﻣﻴﻦ ؟

‏( ﺗﻼﻗﻲ ﻣﻜﺘﻮﺏ ﺍﺩﻫﻢ ﺗﺘﺨﺾ .. ﻳﺴﻜﺖ ﺍﻟﻔﻮﻥ .. ﺍﺣﻤﺪ ﺑﺎﺻﺼﻠﻬﺎ ‏)

ﺍﺣﻤﺪ : ﺍﻧﺘﻲ ﺑﺘﻜﻠﻤﻴﻪ ؟

ﻋﻠﻴﺎ : ﻻ .. ﻭﺍﻟﻠﻪ ﺍﺑﺪﺍ

ﺍﺣﻤﺪ : ﺍﻭﻣﺎﻝ ﻟﻴﻪ ﺑﻴﺘﺼﻞ ﺑﻴﻜﻲ ؟؟

ﻋﻠﻴﺎ : ﻣﻌﺮﻓﺶ .. ﺩﻱ ﺍﻭﻝ ﻣﺮﺓ ﻣﻦ ﺳﺎﻋﺔ ﻣﺘﺠﻮﺯﺕ !!!

ﺍﺣﻤﺪ : ﺗﻤﺎﻡ .. ﻣﺎﺷﻲ

‏( ﻳﻘﻮﻡ ﺍﺣﻤﺪ ﻳﻤﺸﻲ ‏)

ﻋﻠﻴﺎ : ﺭﺍﻳﺢ ﻓﻴﻦ .. ﺍﺣﻤﺪ ﺭﺩ ﻋﻠﻴﺎ

‏( ﻳﻨﺰﻝ ﻡ ﺍﻟﺒﻴﺖ ﺗﻨﺰﻝ ﻭﺭﺍﻩ ‏)

ﻋﻠﻴﺎ : ﻱ ﺍﺣﻤﺪ ﺍﺳﺘﻨﻰ .. ﺑﺎﻟﻠﻪ ﻋﻠﻴﻚ ﻣﺘﺘﺼﺮﻓﺶ ﺗﺼﺮﻑ ﻭﺣﺶ ﺍﺻﺒﺮ

‏( ﻣﻴﺮﺩﺵ .. ﻳﺮﻛﺐ ﻋﺮﺑﻴﺘﻪ ﻭﻳﻤﺸﻲ ‏)

ﻋﻠﻴﺎ : ﻱ ﺭﺑﻲ ﻉ ﻛﺪﺓ

‏( ﺗﺮﻛﺐ ﻋﺮﺑﻴﺘﻬﺎ ﻭﺗﺮﻭﺡ ﻭﺭﺍﻩ .. ﻳﻮﺻﻠﻮﺍ ﻗﺪﺍﻡ ﺍﻟﻔﻴﻼ .. ﻳﻨﺰﻝ ﺍﺣﻤﺪ ﻡ ﺍﻟﻌﺮﺑﻴﺔ ﻳﺠﺮﻱ ﻉ ﺍﻟﺒﺎﺏ .. ﺗﺠﺮﻱ ﻋﻠﻴﺎ ﺗﺴﺒﻘﻪ ﻭﺗﻘﻒ ﺑﻴﻨﻪ ﻭﺑﻴﻦ ﺍﻟﺒﺎﺏ ﻭﺗﺼﺪﻩ ﺏ ﺍﻳﺪﻫﺎ ﻉ ﺻﺪﺭﻩ ‏)

ﻋﻠﻴﺎ : ﺍﺣﻤﺪ ﺍﺳﻤﻌﻨﻲ ﺍﻛﻴﺪ ﺍﺗﺼﻞ ﻏﻠﻂ

ﺍﺣﻤﺪ : ﺍﻭﻋﻲ ﻱ ﻋﻠﻴﺎ ﻣﻦ ﻗﺪﺍﻣﻲ

‏( ﻳﺰﻗﻬﺎ ﻭﻫﻲ ﺗﺰﻗﻪ ‏)

ﻋﻠﻴﺎ : ﻋﺸﺎﻥ ﺧﺎﻃﺮﻱ ﻣﻴﻨﻔﻌﺶ ﺗﺪﺧﻞ ﻭﺍﻧﺖ ﻣﺘﻌﺼﺐ ﻛﺪﺓ ﻫﺘﺤﺼﻞ ﻣﺼﻴﺒﺔ ﻭﺍﻟﻤﻮﺿﻮﻉ ﻫﻴﻜﺒﺮ ﻉ ﺍﻟﻔﺎﺿﻲ

‏( ﻳﻀﺮﺏ ﺍﻟﺒﺎﺏ ﺏ ﺭﺟﻠﻪ ﻣﻦ ﻋﺼﺒﻴﺘﻪ .. ﻳﻔﺘﺢ ﺣﺴﺎﻡ ﺍﻟﺒﺎﺏ ‏)

ﺣﺴﺎﻡ : ﻓﻲ ﺍﻳﻪ ؟ !!

ﺍﺣﻤﺪ : ﻓﻴﻦ ﺟﺪﻙ ؟

ﺣﺴﺎﻡ : ﻧﺎﻳﻢ .. ﺍﺻﺤﻴﻪ ﻭﻻ ﺍﻳﻪ ؟ !!!

ﻋﻠﻴﺎ : ﻻ ﻻ ﻣﺘﺼﺤﻬﻮﺵ ﻱ ﺣﺴﺎﻡ

‏( ﻳﺮﻭﺡ ﺍﺣﻤﺪ ﻳﺮﻛﺐ ﺍﻟﻌﺮﺑﻴﺔ ﻭﻳﻤﺸﻲ ‏)

ﺣﺴﺎﻡ : ﻫﻮ ﺣﺼﻞ ﺍﻳﻪ ؟

ﻋﻠﻴﺎ : ﻣﺎﻓﻴﺶ ﺣﺎﺟﺔ ﻣﺘﻘﻠﻘﺶ ﺍﺩﺧﻞ

‏( ﺗﺮﺟﻊ ﻋﻠﻴﺎ ﺗﺮﻛﺐ ﻋﺮﺑﻴﺘﻬﺎ ﻭﺗﻤﺸﻮﺍ .. ﻳﻮﺻﻠﻮﺍ ﺍﻟﺒﻴﺖ .. ﻳﺪﺧﻞ ﺍﺣﻤﺪ ﻳﻘﻌﺪ ﻉ ﺍﻟﻜﻨﺒﺔ .. ﺗﺪﺧﻞ ﻋﻠﻴﺎ ﺗﺠﻴﺐ ﻛﺒﺎﻳﺔ ﻣﺎﻳﺔ ﻭﺗﺮﻭﺡ ﺗﻘﻌﺪ ﺟﻨﺒﻪ ‏)

ﻋﻠﻴﺎ : ﺧﺪ ﺍﺷﺮﺏ ﻭﺍﻫﺪﻯ

‏( ﻳﺤﻂ ﺍﻳﺪﻩ ﺍﻻﺗﻨﻴﻦ ﻉ ﺭﺍﺳﻪ .. ﺗﻤﺴﻚ ﺍﻳﺪﻩ ﻋﻠﻴﺎ ﻭﺗﺤﻂ ﻓﻴﻬﺎ ﻛﺒﺎﻳﺔ ﺍﻟﻤﺎﻳﻪ .. ﻳﺸﺮﺏ ﺍﺣﻤﺪ ﺣﺒﺔ ﻭﻳﻔﻀﻞ ﻣﺎﺳﻚ ﺍﻟﻜﺒﺎﻳﺔ ﻭﺣﺎﻃﻂ ﻭﺷﻪ ﻑ ﺍﻻﺭﺽ .. ﻳﻘﻮﻡ ﻳﻘﻒ .. ﺗﻘﻒ ﻗﺼﺎﺩﻩ ﻋﻠﻴﺎ ‏)

ﻋﻠﻴﺎ : ﺍﺣﻤﺪ ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﻣﺒﻜﻠﻤﻮﺵ ﻭﺭﺑﻨﺎ

ﺍﺣﻤﺪ : ﺍﺣﻀﻨﻴﻨﻲ

‏( ﺗﺘﺨﺾ ﻋﻠﻴﺎ ‏)

ﺍﺣﻤﺪ : ﻣﺤﺘﺎﺝ ﻝ ﺣﻀﻨﻚ ﺑﺠﺪ

‏( ﺗﺘﺤﺮﺝ ﻋﻠﻴﺎ ﻭﺗﺤﺲ ﺏ ﺿﻌﻔﻪ ﻭﺍﺣﺘﻴﺎﺟﻪ ﻟﻴﻬﺎ ‏)

ﺍﺣﻤﺪ : ﺍﺣﺼﻨﻴﻨﻲ .. ﻋﺸﺎﻥ ﺧﺎﻃﺮﻱ

‏( ﻋﻠﻴﺎ ﺑﻴﻨﻬﺎ ﻭﺑﻴﻨﻪ ﺧﻄﻮﺓ .. ﺗﻘﺮﺏ ﺍﻟﺨﻄﻮﺓ ﺩﻱ ﺑﺲ ﺗﺘﺤﺮﺝ ﺗﺤﺮﻙ ﺍﻳﺪﻫﺎ ﻧﺤﻴﺘﻪ .. ﻳﺤﻀﻨﻬﺎ ﻫﻮ .. ﺗﺤﺮﻙ ﺍﻳﺪﻫﺎ ﺗﻠﻔﻬﺎ ﺣﻮﺍﻟﻴﻦ ﺿﻬﺮﻩ .. ﻳﻀﻤﻬﺎ ﺏ ﻗﻮﺓ ﺑﺠﺪ ﻛﺎﻥ ﻣﺤﺘﺎﺝ ﺣﻀﻨﻬﺎ .. ﺗﺤﺲ ﺏ ﻫﺪﻭﺀ ﻧﺒﺾ ﻗﻠﺒﻪ ﻭﺗﺸﻢ ﺭﻳﺤﺔ ﺑﺮﻓﺎﻧﻪ ﻭﻛﺄﻥ ﺟﺴﻤﻬﺎ ﻛﻠﻪ ﺑﻘﺎ ﻣﺠﺮﺩ ﻗﻄﻌﺔ ﻧﺎﺭ ﻑ ﺍﻟﻠﺤﻈﺔ ﺩﻱ .. ﻳﻀﻤﻬﺎ ﺍﻛﺘﺮ .. ﺗﺤﺲ ﺍﻧﻬﺎ ﺑﺠﺪ ﻫﺘﺤﻦ ﻭﺗﻨﺪﻣﺞ .. ﺗﻔﺘﻜﺮ ﻗﺴﻮﺗﻪ .. ﺗﺒﺪﺀ ﻫﻲ ﺗﺒﻌﺪ ‏)

ﻋﻠﻴﺎ : ﺗﺼﺒﺢ ﻉ ﺧﻴﺮ

‏( ﺗﺪﺧﻞ ﺍﻭﺿﺘﻬﺎ .. ﺗﻌﺪﻱ ﺍﻻﻳﺎﻡ .. ﻋﻠﻴﺎ ﻭﺍﺣﻤﺪ ﻣﻌﺰﻭﻣﻴﻦ ﻑ ﺑﻴﺖ ﺍﻟﻌﻴﻠﺔ ﻭﺗﻘﺮﻳﺒﺎ ﻛﻞ ﺍﻟﻌﻴﻠﺔ ﻣﻮﺟﻮﺩﻳﻦ ﺷﺒﺎﺏ ﻭﻛﺒﺎﺭ .. ﻋﻠﻴﺎ ﻣﺎﺳﻜﺔ ﺻﻨﻴﺔ ﻓﻴﻬﺎ ﻋﺼﻴﺮ ﻭﻃﺎﻟﻌﺔ ﺑﻴﻬﺎ ﻡ ﺍﻟﻤﻄﺒﺦ ﺗﺪﺧﻞ ﺍﻻﻭﺿﺔ ﺍﻟﻲ ﻣﺘﺠﻤﻌﻴﻦ ﻓﻴﻬﺎ ﺍﻟﺴﺘﺎﺕ ﺗﺤﻂ ﺍﻟﻌﺼﻴﺮ ﻭﺗﺮﺟﻊ ﺗﺨﺮﺝ ﺗﻠﻒ ﺗﺨﺒﻂ ﻑ ﺍﺩﻫﻢ .. ﺗﺘﺨﺾ ﻭﺗﺒﻠﻢ ‏)

ﺍﺩﻫﻢ : ﺍﺯﻳﻚ ؟

ﻋﻠﻴﺎ : ﺍﻟﺤﻤﺪﻟﻠﻪ

ﺍﺩﻫﻢ : ﻭﺣﺸﺘﻴﻨﻲ

‏( ﻣﺘﺮﺩﺵ ﻋﻠﻴﺎ ﻭﺗﻤﺸﻲ .. ﺍﺣﻤﺪ ﻗﺎﻋﺪ ﻣﻊ ﺑﺒﺎﻩ ‏)

ﺍﺣﻤﺪ : ﻱ ﺑﺎﺑﺎ ﻟﻮ ﻫﻴﺤﺼﻠﻲ ﺣﺎﺟﺔ ﺣﺘﻰ ﻟﻮ ﻑ ﺣﻀﻨﻚ ﻫﺘﺤﺼﻠﻲ

ﺍﻻﺏ : ﻉ ﺟﺜﺘﻲ ﺍﻧﻚ ﺗﺴﺎﻓﺮ ﻣﻦ ﻗﻠﺔ ﺍﻟﺸﻐﻞ ﻫﻨﺎ ﻡ ﺍﻧﺖ ﻣﺘﺰﻓﺖ ﻑ ﺍﻟﺸﺮﻛﺔ ﻭﻣﺎﻟﻚ ﻧﺼﻬﺎ ﻛﻤﺎﻥ ﺍﻟﻤﻮﺿﻮﻉ ﺩﺓ ﻣﻴﺘﻔﺘﺤﺶ ﺗﺎﻧﻲ ﻓﺎﻫﻢ

‏( ﻳﻘﻮﻡ ﺍﺣﻤﺪ ﻉ ﺍﺧﺮﻩ ﻳﻤﺸﻲ .. ﻳﻼﻗﻲ ﻋﻠﻴﺎ ﻑ ﻭﺷﻪ ‏)

ﺍﺣﻤﺪ : ﺗﻌﺎﻟﻲ ﻣﻌﺎﻳﺎ

ﻋﻠﻴﺎ : ﺭﺍﻳﺢ ﻓﻴﻦ ؟؟

‏( ﻣﻴﺮﺩﺵ ﻭﻳﻤﺸﻲ .. ﺗﻄﻠﻊ ﻋﻠﻴﺎ ﻭﺭﺍﻩ ﺗﺮﻛﺐ ﻣﻌﺎﻩ ﻭﻳﻤﺸﻮﺍ .. ﺑﻌﺪ ﻟﻒ ﺏ ﺍﻟﻌﺮﺑﻴﺔ ﺍﻛﺘﺮ ﻣﻦ ﻧﺺ ﺳﺎﻋﺔ ﻭﺍﻻﺗﻨﻴﻦ ﺳﺎﻛﺘﻴﻦ .. ﻳﻘﻒ ﺍﺣﻤﺪ ﻗﺪﺍﻡ ﺳﻮﺑﺮ ﻣﺎﺭﻛﺖ ‏)

ﺍﺣﻤﺪ : ﻋﺎﻭﺯﺓ ﺣﺎﺟﺔ ﻣﻦ ﺟﻮﺓ ؟

ﻋﻠﻴﺎ : ﺍﻩ ﻣﺎﻳﺔ ﻋﻄﺸﺎﻧﺔ

ﺍﺣﻤﺪ : ﺍﻭﻙ

‏( ﻳﻨﺰﻝ ﺍﺣﻤﺪ ﻳﺪﺧﻞ ﺍﻟﺴﻮﺑﺮ ﻣﺎﺭﻛﺖ ﻭﺑﻌﺪﻳﻦ ﻳﻄﻠﻊ ﺏ ﺍﺯﺍﺯﺗﻴﻦ ﻣﺎﻳﺔ ﻭﺍﺯﺍﺯﺗﻴﻦ ﻋﺼﻴﺮ .. ﻳﺮﻛﺐ ﻭﻳﻤﺸﻲ .. ﻳﺪﻳﻬﺎ ﻣﺎﻳﺘﻬﺎ ﻭﻋﺼﻴﺮﻫﺎ .. ﺗﻔﺘﺢ ﻋﻠﻴﺎ ﺷﻨﻄﺘﻬﺎ ﺗﻄﻠﻊ ﻣﺴﺘﻴﻜﺔ ‏)

ﻋﻠﻴﺎ : ﺍﻣﺴﻚ

ﺍﺣﻤﺪ : ﺍﻳﻪ ﺩﺓ ؟

ﻋﻠﻴﺎ : ﻣﺴﺘﻴﻜﺔ .. ﻫﺘﻘﻠﻞ ﺍﻟﺘﻮﺗﺮ

‏( ﻳﺎﺧﺪﻫﺎ ﻣﻨﻬﺎ .. ﻳﺮﻥ ﻓﻮﻥ ﺍﺣﻤﺪ .. ﻣﻴﺮﺩﺵ .. ﻣﺮﺓ ﺍﺗﻨﻴﻦ ﺗﻼﺗﺔ ‏)

ﻋﻠﻴﺎ : ﻣﺘﺮﺩ

ﺍﺣﻤﺪ : ﻣﺶ ﻋﺎﻭﺯ ﺍﺭﺩ

ﻋﻠﻴﺎ : ﻟﻴﻜﻮﻥ ﻓﻲ ﺣﺎﺟﺔ ﻃﻴﺐ !!

ﺍﺣﻤﺪ : ﺩﻯ ﺍﻣﻰ ﻭﻟﻮ ﻛﻠﻤﺘﻬﺎ ﻫﺘﻌﺼﺐ ﻋﻠﻴﻬﺎ

‏( ﺗﻔﺘﺢ ﻋﻠﻴﺎ ﺍﺯﺍﺯﺓ ﺍﻟﻤﺎﻳﺔ ﺗﺸﺮﺏ ﻣﻨﻬﺎ ﻭﺗﻔﻀﻞ ﻣﺴﻜﺎﻫﺎ .. ﻳﺮﻥ ﺍﻟﻔﻮﻥ ﺗﺎﻧﻰ .. ﺗﺎﺧﺪ ﻋﻠﻴﺎ ﺍﻟﻔﻮﻥ ﻭﺗﺮﺩ ﻫﻲ .. ﻳﺴﺘﻐﺮﺏ ﺍﺣﻤﺪ ‏)

ﻋﻠﻴﺎ : ﺍﻳﻮﺓ ﻱ ﻃﻨﻂ .. ﺑﻨﺘﻤﺸﻰ ﻛﺪﺓ ﻣﺘﻘﻠﻘﻴﺶ .. ﻻ ﻫﻮ ﺑﻴﺠﻴﺐ ﺣﺎﺟﺎﺕ ﻡ ﺍﻟﺴﻮﺑﺮ ﻣﺎﺭﻛﺖ ﻭﺍﻟﻤﻮﺑﺎﻳﻞ ﻑ ﺍﻟﻌﺮﺑﻴﺔ .. ﺣﺎﺿﺮ ﻱ ﻃﻨﻂ .. ﺳﻼﻡ

‏( ﺗﻘﻔﻞ ﻋﻠﻴﺎ .. ﻳﻨﺰﻟﻮﺍ ﻳﺘﻤﺸﻮﺍ ﻑ ﺟﻨﻴﻨﺔ ﻭﺑﻌﺪﻳﻦ ﻳﻘﻌﺪﻭﺍ ﻉ ﻛﺮﺳﻲ .. ﻳﺎﺧﺪ ﺍﺣﻤﺪ ﻣﻨﻬﺎ ﺍﻟﻤﺎﻳﺔ .. ﺗﺴﺘﻐﺮﺏ ﻋﻠﻴﺎ ‏)

ﻋﻠﻴﺎ : ﺩﻯ ﻣﺎﻳﺘﻲ

‏( ﻳﺸﺮﺏ ﻧﺼﻬﺎ ‏)

ﻋﻠﻴﺎ : ﺍﻳﻴﻴﻴﻴﻪ ﻋﻨﺪﻙ ﺍﺯﺍﺯﺗﻚ

ﺍﺣﻤﺪ : ﻋﺎﺭﻑ .. ﻏﺮﻳﺒﺔ ﺍﻟﻤﺎﻳﺔ ﺩﻯ ﺍﻭﻝ ﻣﺮﺓ ﺍﺩﻭﻕ ﻣﺎﻳﺔ ﻃﻌﻤﻬﺎ ﺣﻠﻮ ﻛﺪﺓ ﺗﺼﺪﻗﻲ

ﻋﻠﻴﺎ : ﻻ ﻱ ﺷﻴﺦ

ﺍﺣﻤﺪ : ﺍﻫﺎﺍﺍ

‏( ﻳﻌﺪﻱ ﺍﻟﻮﻗﺖ .. ﻳﺘﻤﺸﻮﺍ ‏)

ﺍﺣﻤﺪ : ﻋﺎﻭﺯ ﺍﻃﻠﺐ ﻣﻨﻚ ﻃﻠﺐ

ﻋﻠﻴﺎ : ﻗﻮﻝ

ﺍﺣﻤﺪ : ﺗﻘﻨﻌﻲ ﺍﻣﻲ ﺍﻧﻬﺎ ﺗﻘﻨﻊ ﺍﺑﻮﻳﺎ ﺍﻧﻲ ﺍﺳﺎﻓﺮ

ﻋﻠﻴﺎ : ﺍﻧﺖ ﻟﻴﻪ ﻋﺎﻭﺯ ﺗﺴﺎﻓﺮ ؟ !!

ﺍﺣﻤﺪ : ﻛﺪﺓ ﻣﺶ ﻋﺎﻭﺯ ﺍﻗﻌﺪ ﻫﻨﺎ

ﻋﻠﻴﺎ : ﺍﻧﺖ ﻋﺎﺭﻑ ﺍﻧﺎ ﻣﺎﻟﻴﺶ ﻛﻼﻡ ﻣﻊ ﻃﻨﻂ ﺳﻠﻮﻯ

ﺍﺣﻤﺪ : ﺣﺎﻭﻟﻲ ﻃﻴﺐ

ﻋﻠﻴﺎ : ﻃﻴﺐ ﺭﺑﻨﺎ ﻳﺴﻬﻞ

‏( ﻳﻘﺮﺑﻮﺍ 3 ﺑﻨﺎﺕ ﺑﻴﻬﺰﺭﻭﺍ ﻭﻣﻌﺎﻫﻢ ﻛﺎﻥ ‏)

ﺑﻨﺖ 1 : ﺑﻠﻴﺰ ﺗﻔﺘﺤﻠﻬﺎ ﺍﻟﻜﺎﻥ ﺍﺣﺴﻦ ﺧﺎﻳﻔﺔ ﻉ ﺿﻮﺍﻓﺮﻫﺎ

‏( ﻳﻀﺤﻜﻮﺍ ﺍﻟﺒﻨﺎﺕ ‏)

ﺍﺣﻤﺪ ﻭﻫﻮ ﺑﻴﻔﺘﺢ ﺍﻟﻜﺎﻥ : ﻋﻨﺪﻫﺎ ﺣﻖ ﻳﻌﻨﻲ ﺣﺮﺍﻡ ﺍﻟﻀﻮﺍﻓﺮ ﺩﻱ ﺗﻨﻜﺴﺮ ﻳﻌﻨﻲ

ﺑﻨﺖ 2 : ﺷﻮﻓﺘﻮﻭﻭﺍ ﻗﻠﻬﻢ ﻭﺍﻟﻨﺒﻲ ﻳﺎﺍﺍﺍﺍ

ﺍﺣﻤﺪ : ﺍﺣﻤﺪ

ﺑﻨﺖ 2 : ﻗﻠﻬﻢ ﻱ ﺍﺣﻤﺪ

ﺑﻨﺖ 1 : ﻫﻨﺒﺪﺀ ﺍﻟﻐﺮﻭﺭ ﺑﻘﺎ

‏( ﺗﺘﻐﺎﻅ ﻋﻠﻴﺎ ﻉ ﺍﺧﺮﻫﺎ ‏)

ﺍﺣﻤﺪ : ﺍﺗﻔﻀﻠﻲ

ﺑﻨﺖ 2 : ﻣﻴﺮﺳﻲ

‏( ﻳﻤﺸﻮﺍ ﺍﻟﺒﻨﺎﺕ ‏)

ﻋﻠﻴﺎ : ﻣﻜﻨﺖ ﺍﺩﻳﺘﻬﺎ ﺭﻗﻤﻚ ﺑﺎﻟﻤﺮﺓ ﻳﺎﺭﻳﺖ ﻟﻤﺎ ﻳﻜﻮﻥ ﻣﻌﺎﻙ ﺑﻨﺖ ﺗﺤﺎﻓﻆ ﻉ ﺷﻜﻠﻬﺎ ﺍﻛﺘﺮ ﻣﻦ ﻛﺪﺓ

ﺍﺣﻤﺪ : ﺷﻜﻞ ﺍﻳﻪ ؟ !

‏( ﺗﻤﺸﻲ ﻋﻠﻴﺎ ﺏ ﻛﻞ ﻧﺮﻓﺰﺓ ﺗﺮﺟﻊ ﺗﺮﻛﺐ ﺍﻟﻌﺮﺑﻴﺔ .. ﻳﻘﺮﺏ ﺍﺣﻤﺪ ﻋﻠﻴﻬﺎ .. ﻳﻔﺘﺢ ﺑﺎﺏ ﺍﻟﻌﺮﺑﻴﺔ ﻧﺤﻴﺘﻬﺎ ﻭﻳﻮﻃﻲ ﻑ ﺍﻻﺭﺽ ‏)

ﺍﺣﻤﺪ : ﺍﻧﺘﻰ ﻏﻴﺮﺍﻧﺔ ؟؟ !!!!

ﻋﻠﻴﺎ : ﻻﺍﺍﺍﺍﺍ ﻱ ﺣﺒﻴﺒﻲ ﻣﻴﺮﻭﺣﺶ ﻓﻜﺮﻙ ﻝ ﺑﻌﻴﺪ

ﺍﺣﻤﺪ : ﺍﻣﻤﻤﻢ ﺣﺒﻴﺒﻲ .. ﻳﺒﻘﺎ ﻏﻴﺮﺍﻧﺔ

‏( ﻳﻀﺤﻚ ﺍﺣﻤﺪ .. ﺗﺘﺤﺮﺝ ﻋﻠﻴﺎ ﻭﺗﻀﻴﺮ ﻭﺷﻬﺎ ‏)

ﻋﻠﻴﺎ : ﻣﺶ ﻏﻴﺮﺍﻧﺔ

ﺍﺣﻤﺪ : ﻃﺐ ﺍﺣﻠﻔﻲ ﺍﻧﻚ ﻣﺶ ﻏﻴﺮﺍﻧﺔ ﻛﺪﺓ ؟؟

ﻋﻠﻴﺎ : ﺍﺣﻤﺪ ﺍﺭﻛﺐ ﻳﻼ

ﺍﺣﻤﺪ : ﻏﻴﺮﺍﻧﺔ ﺍﻗﺴﻢ ﺑﺎﻟﻠﻪ ﻳﻨﻬﺎﺭ ﺍﺳﻮﺩ ﻋﻠﻴﺎ

ﻋﻠﻴﺎ : ﺑﻼﺵ ﺭﺧﺎﻣﺔ ﺑﻘﺎ ﻭﺍﺭﻛﺐ

ﺍﺣﻤﺪ : ﻫﻬﻬﻬﻬﻪ ﻣﺎﺷﻲ

‏( ﻳﺮﻛﺐ ﺍﺣﻤﺪ .. ﻳﻮﺻﻠﻮﺍ ﻗﺪﺍﻡ ﺑﺎﺏ ﺍﻟﻌﻤﺎﺭﺓ .. ﻳﻘﻔﻞ ﺍﺣﻤﺪ ﺑﺎﺏ ﺍﻟﻌﺮﺑﻴﺔ .. ﺗﺴﺘﻐﺮﺏ ﻋﻠﻴﺎ ‏)

ﻋﻠﻴﺎ : ﻣﻤﻜﻦ ﺍﻧﺰﻝ ؟

ﺍﺣﻤﺪ : ﻭﺍﻟﻠﻪ ﺑﺤﺒﻚ .. ﻧﻔﺴﻲ ﺗﺴﺎﻣﺤﻴﻨﻲ ﺑﻘﺎ ﻭﻧﺒﻘﺎ ﺯﻱ ﺍﻱ ﺍﺗﻨﻴﻦ ﻣﺘﺠﻮﺯﻳﻦ .. ﻧﻔﺴﻲ ﺗﺤﺒﻴﻨﻲ ﺯﻱ ﻡ ﺑﺤﺒﻚ ﻱ ﻋﻠﻴﺎ

‏( ﻋﻠﻴﺎ ﺳﺎﻛﺘﺔ .. ﺗﺸﺎﻭﺭﻟﻪ ﻉ ﺍﻟﺒﺎﺏ .. ﻳﻔﺘﺤﻬﻮﻟﻬﺎ .. ﺗﻨﺰﻝ ﻋﻠﻴﺎ ﻡ ﺍﻟﻌﺮﺑﻴﺔ ﺗﻄﻠﻊ ﺍﻟﺒﻴﺖ .. ﺗﺪﺧﻞ ﺍﻭﺿﺘﻬﺎ .. ﺗﺎﻧﻲ ﻳﻮﻡ .. ﻳﺮﺟﻊ ﺍﺣﻤﺪ ﻡ ﺍﻟﺸﻐﻞ ﺗﻜﻮﻥ ﻋﻠﻴﺎ ﻣﺤﻀﺮﺓ ﺍﻟﻐﺪﺍ ‏)

ﺍﺣﻤﺪ : ﺍﺍﺍﻩ ﺣﻤﺎﺗﻲ ﺑﺘﺤﺒﻨﻲ ﺍﻧﺎ ﻣﻴﺖ ﻡ ﺍﻟﺠﻮﻉ

‏( ﻳﺠﺮﻱ ﻳﻘﻌﺪ ﻉ ﺍﻟﺴﻔﺮﺓ ﻳﺎﻛﻞ ‏)

ﺍﺣﻤﺪ : ﺍﻛﻠﻚ ﻳﺠﻨﻦ ﺑﺠﺪ

ﻋﻠﻴﺎ : ﺏ ﺍﻟﻬﻨﺎ

‏( ﻳﺨﻠﺼﻮﺍ ﺍﻛﻞ ﻭﺗﺸﻴﻞ ﻋﻠﻴﺎ ﺍﻻﻃﺒﺎﻕ ﻭﺗﻐﺴﻠﻬﺎ ‏)

ﺍﺣﻤﺪ : ﺍﻋﻤﻠﻲ ﺣﺴﺎﺑﻚ ﻣﻌﺰﻭﻣﻴﻦ ﻉ ﺍﻟﻌﺸﺎ ﻑ ﻣﻄﻌﻢ

ﻋﻠﻴﺎ : ﻣﻴﻦ ﻋﺎﺯﻣﻨﺎ ؟؟

ﺍﺣﻤﺪ : ﺑﺎﻟﻠﻴﻞ ﻫﺘﻌﺮﻓﻲ

ﻋﻠﻴﺎ : ﻃﺐ ﻣﺘﻘﻮﻟﻲ

ﺍﺣﻤﺪ : ﺑﺎﻟﻠﻴﻞ ﻫﺘﻌﺮﻓﻲ

‏( ﺗﺘﻨﻬﺪ ﻋﻠﻴﺎ .. ﻳﻌﺪﻯ ﺍﻟﻮﻗﺖ ‏)

ﺍﺣﻤﺪ : ﻋﻠﻴﺎ ﺍﻧﺎ ﺧﻠﺼﺖ ﻫﺴﺘﻨﺎﻛﻲ ﻑ ﺍﻟﻌﺮﺑﻴﺔ

ﻋﻠﻴﺎ : ﺍﻭﻛﺎﺍﺍﺍﻱ

‏( ﻳﻨﺰﻝ ﺍﺣﻤﺪ .. ﺗﺨﻠﺺ ﻋﻠﻴﺎ ﻭﺗﻨﺰﻝ .. ﺍﺣﻤﺪ ﻭﺍﻗﻒ ﻋﻨﺪ ﺍﻟﻌﺮﺑﻴﺔ ﻗﺪﺍﻡ ﺍﻟﻌﻤﺎﺭﺓ .. ﻳﺸﻮﻑ ﻋﻠﻴﺎ ﻭﻫﻲ ﻧﺎﺯﻟﺔ ﻉ ﺍﻟﺴﻠﻢ .. ﻳﻔﻀﻞ ﺑﺎﺻﺼﻠﻬﺎ .. ﻋﻠﻴﺎ ﻻﺑﺴﺔ ﻓﺴﺘﺎﻥ ﺑﻜﻢ ﻃﻮﻳﻞ ﺍﺳﻮﺩ ﻗﻄﻴﻔﺔ ﺳﺎﺩﺓ ﻭﻋﻠﻴﻪ ﺯﻱ ﺣﺰﺍﻡ ﻋﻨﺪ ﺑﻄﻨﻬﺎ ﺩﻫﺒﻲ ﻭﻣﻜﻴﺎﺝ ﺭﻗﻴﻖ ﻭﻫﻲ ﻛﻞ ﺣﺎﺟﺔ ﻓﻴﻬﺎ ﺭﻗﻴﻘﺔ ‏)

ﻋﻠﻴﺎ : ﻳﻼ

‏( ﻳﻔﺘﺤﻠﻬﺎ ﺑﺎﺏ ﺍﻟﻌﺮﺑﻴﺔ .. ﻳﺮﻛﺒﻮﺍ ﻭﻳﻤﺸﻮﺍ .. ﻑ ﺍﻟﻄﺮﻳﻖ ‏)

ﻋﻠﻴﺎ : ﻣﺶ ﻋﺎﻭﺯ ﺗﻘﻮﻟﻲ ﺑﺮﺩﻭﺍ ﻣﻴﻦ ﻋﺎﺯﻣﻨﺎ ؟

ﺍﺣﻤﺪ : ﺧﻼﺹ ﻫﺎﻧﺖ ﻗﺮﺑﻨﺎ ﻧﻮﺻﻞ ﻭﻫﺎﺗﻌﺮﻓﻲ

ﻋﻠﻴﺎ : ﺍﻭﻙ

‏( ﻳﻮﺻﻠﻮﺍ ﻗﺪﺍﻡ ﻣﻄﻌﻢ .. ﻳﻨﺰﻟﻮﺍ ﻭﻳﺪﺧﻠﻮﺍ ‏)

ﺍﺣﻤﺪ : ﻟﻮ ﺳﻤﺤﺖ ﻓﻲ ﺣﺠﺰ ﺏ ﺍﺳﻢ ﺍﺣﻤﺪ ﺍﻟﺸﺮﻳﻒ

ﺍﻻﺳﺘﻘﺒﺎﻝ : ﺍﻳﻮﺓ ﻱ ﻓﻨﺪﻡ ﺍﺗﻔﻀﻞ

‏( ﺗﺴﺘﻐﺮﺏ ﻋﻠﻴﺎ .. ﻳﻤﺸﻲ ﺍﻟﺸﺎﺏ ﻭﻫﻤﺎ ﻭﺭﺍﻩ .. ﻳﻘﻒ ﻋﻨﺪ ﺗﺮﺍﺑﻴﺰﺓ ﻝ ﻓﺮﺩﻳﻦ ‏)

ﺍﻟﺸﺎﺏ : ﺍﺗﻔﻀﻠﻮﺍ

‏( ﻳﻘﻌﺪﻭﺍ .. ﻳﺸﺎﻭﺭ ﺍﻟﺸﺎﺏ ﻟﻠﺠﺮﺳﻮﻥ ‏)

ﺍﻟﺠﺮﺳﻮﻥ : ﺃﺃﻣﺮﻭﺍ ؟

ﺍﺣﻤﺪ : ﺗﺸﺮﺑﻲ ﺍﻳﻪ ؟

ﻋﻠﻴﺎ : ﺍﻣﻤﻢ ﺍﻱ ﺣﺎﺟﺔ ﺳﺨﻨﺔ

ﺍﺣﻤﺪ : 2 ﻛﺎﺑﺘﺸﻴﻨﻮﺍ

ﺍﻟﺠﺮﺳﻮﻥ : ﺗﺤﺖ ﺍﻣﺮﻙ

‏( ﻳﻤﺸﻲ ﺍﻟﺠﺮﺳﻮﻥ ‏)

ﻋﻠﻴﺎ : ﻓﻴﻦ ﺍﻟﻨﺎﺱ ﺍﻟﻲ ﻋﺰﻣﻨﺎ ؟

ﺍﺣﻤﺪ : ﺍﻧﺎ ﺍﻟﻲ ﻋﺎﺯﻣﻚ

ﻋﻠﻴﺎ : ﻻ ﻭﺍﻟﻠﻪ !!

ﺍﺣﻤﺪ : ﺍﻩ ﻭﺍﻟﻠﻪ

ﻋﻠﻴﺎ : ﻭﻣﻘﻠﺘﻠﻴﺶ ﻟﻴﻪ ﻃﻴﺐ ؟ !!

ﺍﺣﻤﺪ : ﺧﻔﺖ ﺗﺮﻓﻀﻲ

‏( ﻳﺤﻂ ﺍﻟﺠﺮﺳﻮﻥ ﺍﻟﻜﺎﺑﺘﺸﻴﻨﻮﺍ ﻭﻳﻤﺸﻲ ‏)

ﻋﻠﻴﺎ : ﻣﻜﻨﺘﺶ ﻫﺎﺭﻓﺾ ﻉ ﻓﻜﺮﺓ

‏( ﻳﺴﻜﺖ ﺍﺣﻤﺪ ﺛﺎﻧﻴﺔ ‏)

ﺍﺣﻤﺪ : ﺍﺣﻴﺎﻧﺎ ﺑﺨﺎﻑ ﻣﻦ ﺭﺩ ﻓﻌﻠﻚ

ﻋﻠﻴﺎ : ﻟﻴﻪ ؟ !

ﺍﺣﻤﺪ : ﺑﺨﺎﻑ ﺍﻗﻮﻟﻚ ﺣﺎﺟﺔ ﺗﺰﻋﻠﻚ ﻑ ﺗﺘﻌﺒﻲ .. ﻭﺍﻧﺎ ﻣﺒﺤﺒﺶ ﺍﺷﻮﻓﻚ ﺗﻌﺒﺎﻧﺔ ﺍﺑﺪﺍ

‏( ﺗﺒﺮﻕ ﻋﻠﻴﺎ ‏)

ﻋﻠﻴﺎ ﻑ ﺳﺮﻫﺎ : ﻫﻮ ﺳﺎﻣﻊ ﺑﻴﻘﻮﻝ ﺍﻳﻪ ﻭﺍﻳﻪ ﺍﻟﺒﺮﺍﺀﺓ ﻭﺍﻟﺤﺐ ﺍﻟﻲ ﻫﻴﻨﻄﻮﺍ ﻣﻦ ﻋﻴﻮﻧﻪ ﺩﻭﻝ ???? ﻭﺑﻴﻘﻮﻝ ﻛﺪﺓ ﻟﻴﻪ ﺍﺻﻼ .. ﻓﻴﻦ ﻗﺴﻮﺗﻚ ﺍﻟﻲ ﺷﻮﻓﺘﻬﺎ ﻱ ﺍﺣﻤﺪ .. ﻓﻴﻦ ؟ !!

‏( ﻳﻘﻄﻊ ﺻﻮﺕ ﺗﻔﻜﻴﺮﻫﺎ ‏)

ﺍﺣﻤﺪ : ﻋﻠﻴﺎ ﻛﻤﻠﻲ ﻣﻌﺎﻳﺎ ﻭﺍﻧﺎ ﻭﺍﻟﻠﻪ ﻣﻬﺨﺬﻟﻚ ﺍﺑﺪﺍ

‏( ﺗﺘﺨﺾ ﻋﻠﻴﺎ ‏)

ﻋﻠﻴﺎ : ﺍﻛﻤﻞ ﺍﻳﻪ ????

ﺍﺣﻤﺪ : ﺍﻧﺎ ﻋﺎﺭﻑ ﺍﻧﻚ ﻣﺶ ﻋﻮﺯﺍﻧﻲ ﻣﺶ ﻣﺤﺘﺎﺟﺔ ﺗﻔﻜﻴﺮ ﻳﻌﻨﻲ .. ﺑﺲ ﺍﻧﺎ ﻣﺶ ﻋﺎﻭﺯ ﺍﻃﻠﻘﻚ ﻭﺍﻟﻠﻪ

ﻋﻠﻴﺎ : ﺧﻠﻴﻨﺎ ﻧﻐﻴﺮ ﺍﻟﺴﻴﺮﺓ ﺩﻱ ﻱ ﺍﺣﻤﺪ .. ﻭﺑﻌﺪ ﻛﺪﺓ ﻟﻤﺎ ﺗﻌﻮﺯ ﻧﺨﺮﺝ ﻗﻮﻟﻲ ﻭﺍﻧﺎ ﻣﺶ ﻫﺎﺭﻓﺾ ﺍﻧﺖ ﺍﺑﻦ ﻋﻤﻲ ﻗﺒﻞ ﺍﻱ ﺣﺎﺟﺔ ﻳﻌﻨﻲ ﻋﺎﺩﻯ ﻭﺣﻼﻝ ﺍﻧﻲ ﺍﺧﺮﺝ ﻣﻌﺎﻙ

ﺍﺣﻤﺪ : ﻭﻣﻦ ﺍﻟﺤﻼﻝ ﺑﺮﺩﻭﺍ ﺍﻧﻲ ﺍﺑﻘﻰ ﺟﻮﺯﻙ ﻭﻣﻘﺪﺭﺵ ﺍﻣﺴﻚ ﺍﻳﺪﻙ ﺣﺘﻰ .. ﺑﺴﺒﺐ ﺍﻧﻲ ﻭﻋﺪﺗﻚ ﻭﻋﺪ ﻫﺎﻓﻀﻞ ﻧﺎﺩﻡ ﻋﻠﻴﻪ ﻃﻮﻝ ﻋﻤﺮﻱ ……..