Uncategorized

رواية صداقة أم حب الفصل الثامن 8 والأخير بقلم آية عامر

     رواية صداقة أم حب الفصل الثامن 8 بقلم آية عامر

رواية صداقة أم حب الفصل الثامن 8 بقلم آية عامر

رواية صداقة أم حب الفصل الثامن 8 والأخير بقلم آية عامر

مريم: أنا موافقه.. 
بدر سكت شوية وبعدين عينيه وسعت وهو بيبص ليها بشك.. 
بدر: علي اي؟ 
مريم: اني اتجوزك.. 
بدر: بتتكلمي جد والله.. 
مريم بإبتسامه: اه والله.. بتكلم بجد.. 
بدر: اخيراااااااااا… ده انتي طلعتي عيني ي بنتي.. ي ربييييي.. 
مريم بضحك: بس مش هقعد من الشغل.. 
بدر: ابو فصلانك ي شيخه.. مين قال تقعدي من الشغل مقولتش كده انا.. 
مريم: طب اي هتتقدملي امتي.. 
بدر: هو انا لسه هتقدم اصلا..احنا نكتب الكتاب علطول.. 
مريم: لا طبعا مليش دعوه.. انا عايزة علبه جاتوه وتيجي تتقدملي.. وانزل اغنية ي دبلة الخطوبه.. واقول للبنات عنيكو من حياتي… انت مش فاهم الموضوع كبير اووي سعادتك.. 
بدر: خلصتي.. هنكتب الكتاب واعملي اللي انتي عايزاة.. 
مريم: كده!! طب استني بقي رد مني بكره زي م احنا متفقين وانسي اللي قولته.. واه تجيب جاتوه والا هتترفض.. 
بدر بضحك: ماشي ي ست مريم.. ي عروستي.. 
مريم: لسه مبقيتش عروستك.. 
بدر: م تخرسي بقي انتي قرفتيني في عيشتي.. يلا نمشي بقي عشان ورانا شغل وفي مكتب هيتقفل وناس بيتوها هتتخرب.. 
مريم: مكتب مين لا طبعا انا هروح.. انا عروسة.. 
بدر: لسة مبقيتيش عروسة.. يلا قدامي.. 
مريم: هي بقت كده.. 
بدر: ااه بقت كده.. 
مريم: وحياة عيالك اشيخ تديني اجازة.. اللهي ربنا يجبر بخاطرك.. ي رب لا تحزن ابدا.. روح ي شيخ ربنا… 
بدر ببرود: مفيش اجازة ي مريم.. 
مريم: ياخدك.. ربنا ياخدك.. 
بدر: قدااامي.. 
مريم بغضب: طيب.. 
خرجت مريم و وراها بدر و وصلوا للشغل.. 
بدر: هبعت اجيب فطار ونفطر سوا.. 
مريم: لا انا فطرت قبل م انزل… 
بدر: عمرك م عملتيها دي.. 
مريم: ده انت مركز بقي. 
بدر: عقبال م تركزي انتي كمان.. 
مريم: طب روح مكتبك بقي ممكن؟ 
بدر: ماشي.. 
مر اليوم بسلام علي الجميع بهدوء..عادت مريم لبيتها و وجدت منار و سليم يجلسون مع والدتهم.. 
ارتبكت لتذكرها بأن سليم يعلم بما مرت به.. ولكن لانها استجمعت نفسها وتوضح شعورها كانت اكثر راحه.. وتصرفت بشكل طبيعي.. 
مريم: مبوزين ليه كده.. 
منار: سليم خلاص هيسافر اخر الاسبوع الجاي.. 
مريم: بجد..طب زعلانه ليه م انتي كنتي عارفه انه هيسافر.. 
سليم: قوليلها.. 
مريم: بس اكيد ليكي حق تزعلي.. بس ي منار دي فرصه كويسه لسليم وهو مش هيتأخر عليكي والسنه دي هتعدي بسرعه.. 
منار: انا عارفه والله بس… 
مريم: مبسش انتي معاكي اسبوع اهو متقضيهوش في الزعل.. اعملوا ذكريات حلوة واخرجوا مع بعض الاسبوع. ده.. بس هو يعني ع الخبر اللي انا هقوله ده بصراحه هتتشغلي معايا انا.. 
منار: خبر اي!! 
مريم: انا موافقه علي بدر..
سلوي خرجت من المطبخ اول م سمعتها وقامت مزغرطه وحضنتها.. 
سلوي: الف مبروك ي حبيبتي الف مبروك.. 
مريم بضحك: اي ي ماما ده احنا لسه متفقناش علي اي حاجه.. 
سلوي: ايوا بس انتي موافقه والواد شاريكي هعوز اي تاني.. 
مريم: عمتا هو جاي بكره وهنتفق علي كل حاجه.. سليم وجودك بكره اساسي…
سليم بإبتسامه:  أكيد.. مبروك ي مريومه.. 
مريم: الله يبارك فيك.. 
منار بسعادة: الف الف مبروك ي روحي ربنا يتمملك علي خير ي احلي عروسه في الدنيا دي كلها.. 
مريم: الله يبارك فيكي ي حبيبتي.. 
سلوي: اعملوا الخطوبه الاسبوع ده عشان سليم يبقي موجود.. 
مريم: هو جاي بكره اتفقوا معاه.. انا المفروض بقي عروسه ومكسوفه وكده..وبعدين هبقي انا اقوله بس ده اكيد يعني قبل م سليم يسافر…. 
….. 
فترة غريبه مرت علي مريم.. كانت غريبه بس مريحه اوي وسعادة جديدة دخلت علي حياتها بعد خطوبتها من بدر.. وسفر سليم كان متعب ومرهق ليها بس كانت فرصه مهمه ليه.. 
بدأت تقتنع ان هي دي الحياة وان الدروب ممكن كتير تختلف بس القلوب لا.. 
اما بدر ف هو ده كان اللي اشتركوا في نفس الدرب.. 
اتعرفت علي ولاد اخوه وكانوا ودودين ولطاف وحبتهم جدا فوق كل الوصف.. 
……. 
بعد خمس شهور.. 
بدر: لولولولولي… 
مريم بضحك: ي ابني بقي هتلم علينا الناس.. 
بدر: مش مصدق اننا اتجوزنا.. 
مريم: لا ي سيدي صدق.. 
بدر: بقولك اي.. بحبك.. 
مريم ب خجل شديد: وانا كمان.. 
بدر: ااااه قلبي هيقف.. وانتي كمان اي.. 
مريم: هوو الولاد فين! 
بدر: مامتهم خدتهم تخيلي دي.. 
مريم بصدمه: خدتهم خالص!! 
بدر: لا يومين تلاته كده..
مريم: لا مينفعش يتعلقوا بيها وهي كده كده هتسيبهم.. 
بدر: هي أمهم ي مريم في الاول وفي الاخر يعني.. 
مريم: بس برضو.. بكره الصبح تروح تجيبهم.. 
بدر: حاضر.. 
مريم: كنت قولتلي ان في ناس بتشتغل هنا.. 
بدر: هما اه بيتشغلوا عندي بس انا بعتبرهم جزء من عيلتي.. بس بردو مش هنا.. 
مريم: طب انا جعانه.. 
بدر: هو انتي متبطليش أكل.. 
مريم: والله مليش دعوه الكاتبه هي اللي عايزة كده.. 
بدر:؟؟؟؟ 
أية:فيها اي يعني.. ها فيها اي ولا انت مستخسر تأكلها هااا.. مش كفاية في الواقع رياضه ودايت سيبونا نتخيل بقي.. 
بدر: وتخربي بيتي انا بقي.. 
أية: اقسم بالله اشغلك الهرمونات دلوقتي واخليها تنكد عليك.. او ارجعها لسليم انا اصلا مبقبلكش.. 
بدر: لا خلاص الطيب احسن.. اتفضلي بقي انتي مع السلامه.. 
أية: هي بقت كده.. طب البس بقي.. 
مريم وقعت علي الأرض من التعب… 
بدر: لا لا خلاص وحياتك والنبي متبوظيش اليوم.. 
أية: م كان م الاول.. 
وقالت لبدر.. 
مريم: انا جعانه ي عم انت.. 
بدر: خلاص ي روحي تعالي ناكل مفيهاش حاجه انتي اصلا هفتانه.. 
مريم: ماشي ي حبيبي… 
…… 
بعد 7 شهور….. 
منار: انا متحمسه اوووي ي مريم ان سليم رااجع اخيرا انا مبسوطه اووي.. 
مريم: انا اللي مش مصدقه ان فرحك اتحدد بعد اسبوعين وهتبقي عروسه قمر ي روحي.. 
منار: بس ي رب ي مريم متعمليهاش وتولدي في الفترة دي.. 
مريم: ي بت انا لسه في السادس.. اولد اي بس دلوقتي.. 
منار: مهو بعد اسبوعين هتبقي دخلتي في السابع انتي مش في نص السادس ي بنتي!! 
مريم: اه صح.. بس بردو… 
سلوي: مفيش بردو في ستات كتير ولدت في السابع.. من دلوقتي تجهزي كل حاجات المستشفي.. 
مريم: ماشي ي ماما.. 
بدر: ازيكواااا.. 
سلوي: انت اتأخرت ليه ي واد انت! 
بدر: كنت بجيب العيال م المدرسة.. 
سلوى: هما فين دول! 
بدر: م انا وديتهم البيت.. 
مريم: مجيبتهمش هنا ليه ي بدر؟ 
بدر: مش انتوا هتروحوا المطار هناخدهم ونبقي بندور حوالين نفسنا منهم.. وانتي عارفه ي مريم..
مريم: ايوا حتي لو هما مشاغبين شوية مش معناه نسيبهم ومنخرجهمش معانا… 
سلوي: خلصتي!! انتي اصلا مش هتروحي المطار.. 
مريم: نعم وده ليه بقي.. 
سلوي: ايوا هتتعبي ساعة ونص رايح وساعة ونص جااي.. والدكتورة قالتلك راحه تامه وانتي مبتقعديش.. 
مريم: بس لازم اروح ي ماما.. 
سلوي: لا مش لازم ي حبيبتي.. 
مريم: يعني هقعد هنا لوحدي!! 
سلوي: لا انا كمان مش هروح.. وانت ي بدر اتصل بالمربيه بتاعتهم تجيب الاولاد علي هنا! 
منار: ايوا يعني كده مين هيروح؟ 
سلوي: انتي و بدر وحماتك.. 
منار: ماشي.. انا هدخل البس… 
…… 
بعد فترة وصل سليم للبيت أخيرا بحمااس كبير.. 
مريم: اومال هما فين!! 
بدر: راح علي بيته اكيد مش هيجي هناااا.. 
سليم بحمااس: لاااا اكيد هااجي اسلم علي مرييييي.. اي دا انتي عندك انتفاخ.. 
بدر: وحياة امك انت هتستعبط!!! 
مريم: لا انا حامل ي ابني م انت عارف! 
سليم ب دراما: اااي حامل… اكيد هو اللي عمل  فيكي كده.. 
بدر: انا جوزها ي عيله اوووفر… ي ابو دم يلطش.. 
سليم بضحك: ي عم انا كان نفسي اطلع ممثل سيبني اندمج… 
بدر: ي اخي نقابة الممثلين لو سمعوا عنك هيدفنوك وانت عايش.. 
سليم بضحك: ولد ولا بنت ي مريم! 
مريم: بنوته.. 
سليم: ربنا يقومك بالسلامه ي مريومه.. 
بدر: ده انت غتت اي مريومه دي.. 
سليم: المهم ي رايق تفضل مفرحها دايما وتحافظ عليها ومتزعلهاش ابدا.. خلي بالك وراها رجاله.. 
بدر: لا متقلقش مريم في عنيا وفي قلبي.. 
سليم: اصحابي عمالين يحذروني م الجواز زي م يكون رايح الاعدام.. 
بدر: بص ي صاحبي انا معايا احلي بنت في الدنيا كلها واحن ام واجمل زوجه.. ومشوفتش منها غير كل خير.. حتي جنونها احلي حاجه ممكن اعيشها.. 
ومتأكد ان منار فيها من مريم.. حافظ انت عليها بس واعرف ان وراها رجاله… 
سليم: اي ده بتردهالي بقي و كده.. 
بدر: حاجه زي كده… 
….. 
بعد اسبوعين.. 
مريم: مش مصدقه ان فرح احتي الوحيدة احضروا وانا مبقلله كده.. 
بدر وهو بيحاول يكتم ضحكته.. 
بدر: لا ي حبيبتي انتي زي القمر بردو… 
مريم: والله.. وكاتمها ليه ي حبيبي م تورينا جمال ضحكتك كده بدل م يجرالك حاجه.. 
بدر بهمس: الهرمونات اشتغلت تاني!!!! 
مريم: بتقول حاجه؟ 
بدر: بقول احنا في فرح والناس بتبص علينا وبلاش خناق هنا.. 
مريم: قصدك اي ي بدر قصدك اني نكدية؟ 
بدر: لا ي حبيبتي انتي مش نكديه انتي زي القمر.. 
مريم: انتي بتاخدني علي قد عقلي ي بدر ماااشي.. 
بدر: ي مريم.. ي مريم استني بس… 
….. 
في بيت بدر ومريم
بدر: ي مريم خلاص بقي.. 
مريم: متتعصبش عليا.. 
بدر: طب اهدي انتي شكلك تعبان اوي من الفرح.. روحي نامي ي حبيبتي وارتاحي.. 
مريم: بدر.. انا.. اااه.. 
بدر: ااااي!!! 
مريم: بطني بتوجعني اوي.. بس بس بتحصل هو بيروح ويجي.. 
بدر: هو اي ده يلا هنروح المستشفي.. 
مريم: لا لا.. مستشفي اي بقولك وجع عااااااااااه.. 
بدر: ي شيخه يخربيت كده… 
بدر شالها ونزل بيها تاني وحطها في العربيه وهي بتصرخ من الوجع…. 
مريم ب تعب: بدر اتصل.. ب ماما.. بسرعه.. 
بدر: حاضر.. حاضر هتصل بيهاا. 
….. 
بدر كان واقف قدام اوضه العمليات وهو قلقان ومتوتر لحد م سلوي وصلت.. 
سلوي: خير ان شاء الله خير.. 
بدر: ي طنط انا قلقان اوي دي لسه اول السابع.. 
سلوي: ربنا يستر ي ابني.. ربنا معاها وهي ونصيبها بقي.. 
بدر: انا خايف يحصلها حاجه.. 
سلوي: معاها ي رب يعديها علي خير..
بعد فترة خرج الدكتور من اوضه العمليات… 
الدكتور: متقلقوش المدام بخير.. 
سلوي: الحمد لله.. 
الدكتور: احنا نقلناها لأوضه عادية حضرتك تقدري تروحيلها.. 
سلوي: حااضر هروحلها… 
بدر: بنتي جرالها حاجه صح! ماتت
الدكتور: لا لا.. عايشه بس في الحضانه وضعيفه شوية.. وهتحتاج انها تفضل هنا من عشر ايام ل أسبوعين… 
بدر بحزن: يعني في امل انها تبقي كويسه… 
الدكتور: ربنا كبير.. احنا هنعمل كل اللي نقدر عليه.. 
الدكتور ساب بدر وهو قلبه واجعه علي بنته.. وازاي هيقول لمريم الكلام ده… 
بدر دخل لأوضة مريم ولقاها قاعده علي السرير و وشها باهت وتعبان وعليه ملامح الخوف والذعر و والدتها جمبها… 
مريم ب بكاء: بنتي فين ي بدر خليهم يجيبوها.. 
بدر مقدرش يمسك دموعه وهو بيبصلها.. 
مريم بخوف: انت… بتعيط.. لا.. لا بنتي فين.. جرالها ااي!! 
بدر: انا مش بعيط ولا عايزك انتي كمان تعيطي ي مريم.. بنتنا في الحضانه متقلقيش.. هي بس تعبانه شوية..ده طبيعي بيحصل لما بتكون الولادة مبكره و ستات كتير ولدت في السابع… 
مريم ب دموع: طب وديني عندها.. عايزه اشوفهاا.. 
بدر: مش هينفع دلوقتي ي مريم..ارتاحي انتي عشان تعرفي تاخدي بالك منها لما تخرج من الحضانه… 
مريم: بنتي هتبقي كويسه ي بدر صح!! 
بدر: ايوا ي حبيبتي هتبقي كويسه.. متقلقيش.. 
مريم ب دموع: ي رب.. ي رب.. 
سلوي: متقلقيش ي بنتي هتبقي كويسه.. وانتي كمان لازم ترتاحي عشان تقدري تاخكي بالك منها و تراعيها.. 
بدر: ايوا والدتك معاها حق.. 
مريم: حاضر.. حاضر بس قولوا للدكتور عاوزه اشوفها من بعيد حتي.. 
بدر: حاضر.. 
بدر خرج و سابها وراح للدكتور في مكتبه.. 
بدر: انا عايز اعرف حاله مريم بالظبط ي دكتور وكمان بنتي اي المشكله اللي عندها.. 
الدكتور: المدام مريم كويسه.. الولادة المبكرة شئ وارد جدا وبيحصل كتير.. معندهاش اي مشاكل بعد كده انها تحمل تاني.. هي بس محتاجه راحه مش اكتر.. 
اما البيبي الصغيرة ف الاكسجين قليل في جسمها وهي طبعا جسمها ضعيف وميستحملش كل ده..و كل حاجه هتتوضح بكره الصبح… 
بدر: طيب هي مريم عايزة تشوف البنت.. 
الدكتور: بس مش هينفع تدخل هتشوفها من بره.. 
بدر: مااشي.. 
بعد شوية كانت مريم سانده علي بدر بكل تقلها عليه وهو ماسكها بقوه عشان متقعش.. 
واقفه ورا الازاز بتاع الحضانه وبتعيط وهي بتبص علي بنتها.. 
مريم ب بكاء: هي صغيرة اووي لي كده ي بدر.. 
بدر: م هي مشكلتها انها ضعيفه شوية.. 
مريم: مش عايزة افقد الامل انها تبقي كويسه.. انا بنتي هتبقي كويسه انا واثقه من كده.. 
بدر: ان شاء الله ي حبيبتي هتبقي كويسه.. 
…… 
بعد اسبوعين…. 
سلوي: هتفضلي رايحه جايه كده كتير… 
مريم: انا مش مصدقه انها خلاص هتخرج من المستشفي وهتنام في حضني انا ومش هضطر اشوفها مره واحده بس في اليوم.. هتفضل معايا انا وفي حضني كل الوقت.. 
سلوي: طيب اقعدي بقي زمان بدر و سليم جايين.. 
منار: م تقعدي ي بنتي بقي.. 
مريم: حاضر حااضر.. اااي ده وصلوا صح؟ 
منار: تقريبا استني افتح الباب…. ايوا هما.. 
سليم: وحشتيني.. 
منار: اتلم ي ابني انت مش وقتك.. 
بدر: سمعت مراتك صح!!  اتلم بقي.. 
مريم ب دموع: اديني البنت.. اشيلهااا بقي.. 
بدر: طب اهدي.. اقعدي عشان انتي بترتعشي.. اقعدي.. 
مريم: حاضر.. ايدهالي بقي.. 
بدر حط البنت علي رجلها ومريم رفعتها لحضنه وهي بتعيط وبتبوس في بنتها… 
مريم: الحمد لله انك جيتيلي بخير ي روح قلبي.. ي احلي ليان في الدنيا كلها.. ربنا يخليكي ليا ي قلبي… 
بدر: اااي ده ده خدت الحب كله سيبيلي شوية… 
مريم ب حب: عارف انا عمري م قولتها.. بس انا بحبك اووي اووي.. انا ربنا بيحبني انه بعتلي زوج زيك.. واب زيك وحبيب في حنيتك.. ربنا يخليك ليا ي بدر.. 
بدر قرب منا وباسها من جبهتها.. 
بدر: وانا كمان بحبك ي احلي حاجه في حياتي.. 
….. 
تمت… 
«وحبيبا كلماته ك أبيات الشعر.. ولمساته كنسمات الليل.. ورفيقا للدرب.. أنيسا للقلب..» 

اترك رد