رواية روح الصقر 2 (أحفاد العزايزي) الفصل الخامس 5 بقلم رنا أحمد عماد

في قصر العزايزي ❤️ .

غرفه صقر وروح ..

صقر بتعب /واه عاد كان يوم متعب جوي بس الحمد لله اننا اطمنه علي ريان .

روح بشرود /اه الحمد لله .

صقر ب قلق /مالك ي روح انتي مش مظبوطه خالص .

روح بارتباك /ابدا ي صقر مفيش حاجه واصل هروح اطمن علي ايمي لأنها كانت تعبانه شويه .

صقر ب شك /ماشي ي روح .

في غرفه رحمه وشاكر .

شاكر ب غضب /ممكن اعرف ايه قله الحيا الي عملتيها في المستشفي دي .

بسنت بضيق /واه عاد هو حضرتك شوفت حديدي انا بس ولا ايه مانت شوفت مرات خالي ردت عليا كيف واحده وسابت خطيبها بتحصل كتير اشمعنا انا عاد إلي قلبين عليا الدنيا كده. 

رحمه بحده /بت انتي انا خلاص قربت اولع فيكي .

بسنت بغرور /أبا نديم ابن السفير رشدي المنشاوي جاي علشان يطلب ايدي من حضرتك .

رحمه بغيظ /بقا هي الحكايه كده علشان كده سبتي ابن خالك ي واطيه .

شاكر بحده /استني انتي ي رحمه عاد شوفتيه فين تعرفيه منين .

بسنت /ده زميلي في الجامعه ي أبا بس اكبر مني بسنه .

شاكر باستفسار /وانتي موافقه عليه .

بسنت /ايوه ي أبا نديم شاب كويس جوي انا متاكده اني هرتاح معاه .

شاكر بضيق /ماشي هقعد معاه وأشوف روحي انتي .

رحمه بغضب /انت بتتكلم جد ي شاكر هتقابل الواد ده .

شاكر بتنهيده /وليه لا ي رحمه مفيش حد بيقف قدام النصيب ي رحمه يمكن الواد يكون كويس وهو نصيبها علي رأي جاسر هي وريان مش نصيب بعض ومش هي بس الي جيلها عريس نيره كمان .

رحمه بابتسامه /واه عاد نيره كمان مين ي شاكر .

شاكر /عز ابن صباح اختي .

رحمه بضيق /واه عز ي شاكر مانت عارف الواد ده زين .

شاكر بابتسامه /الواد ده في الاول والاخر ابن اختي انا متاكد أنه هيحافظ علي نيره غير انك عارفه زين أن نيره مياله ليه من زمان جوي .

رحمه بضيق /انا عارفه أكده ي شاكر بس برضك قلقانه .

شاكر وهو يحتضنها ب عشق /متقلقيش واصل من اي حاجه دي بنتي وانا عمري مهرخصها واصل .

رحمه بابتسامه / ربنا يخليك لينا وميحرمناش منك واصل .

شاكر بابتسامه /ولا منك واصل ي ملكه قلبي .

رحمه بابتسامه /شاكر الباب بيخبط .

شاكر بغيظ/ده مين الرخم الي جاي دلوقتي ادخل .

سيف بابتسامه /مساء الخير ي ابوي مساء الخير ي أما .

رحمه بحنان /مساء النور ي قلب امك .

سيف بجديه /أبا كنت عايز اطلب من حضرتك انك فرحنا انا وايمي يكون الاسبوع الجاي .

شاكر بقلق/ليه عاد مانت عارف أن فرحكم متحدد بعد اربع شهور لما ايمي تخلص جامعتها .

سيف /معلش ي أبا مش هتفرق انا مسافر كام شهر في مهمه معرفش هرجع امتا وعايز اتجوز ايمي قبل ماسافر .

رحمه بابتسامه /وليه لا ي شاكر كلم صقر مش هتفرق خلينا نفرحوا .

شاكر /ماشي هحاول .

رحمه بابتسامه /انا هروح اعمل العشا.

في الخارج .

رحمه بسعاده /روح روح .

روح /نعم ي رحمه خير .

رحمه بسعاده /كل خير ي حبيبتي سيف فاتحنا دلوقتي أنه عايز يتجوز ايمي الاسبوع الجاي علشان مسافر همتك معانا بقا نقنع صقر يوافق .

رحمه بارتباك وقلق شديد /انشاء الله عن اذنك ي خيتي .

في غرفه ايمي ..

روح بضيق /لساكي صاحيه ل حد دلوقت .

ايمي بدموع /ايوه ي أما .

روح باتهام وقسوه /علي العموم ريحي بالك الي كنتي بتتحايلي عليه علشان يتجوزك قبل مايسافر وافق وهيستر عليكي بعد ما سلمتيله نفسك ي فاجره .

ايمي بصدمه عارمه /أما انتي بتقويلي ايه .

روح بغضب ودموع /بقول الي سمعتيه إياك فاكره أن امك هبله ولا بيضحك عليها تصميمك أن فرحكم ي تم قبل مايسافر وهو كمان دلوقتي طلب من ابوه يقنع ابوكي أن فرحكم يبقا الاسبوع الجاي كل ده وعيزاني افكر فيه كيف .

ايمي بدموع /لا ي أما مش كده كل الحكايه أن فيه حلم خنقني ومش عايز يسبني واصل وسفر سيف قابض قلبي وزي ماكون مش هشوفه تاني واصل ولو ده حصل عايزه ساعتها اكون مراته .

روح بسخرية /لا والله عايزاني اصدق الهبل الي بتقوليه ده مش كده .

ايمي بدموع /ابوس يدك ي أما أنا مقدرش استحمل منك كده واصل حرام عليكي .

روح بغضب /اكتمي ي بت اكتمي واصل واجفلي خشمك خالص انا كمان هقنع ابوكي ونخلص منك .

ايمي /براحتك ي أما علي العموم الاسبوع الجاي مش بعيد وهتتاكدي  بنفسك أن بنتك اشرف من الشرف …

في القاهره …

في أحدا العمارات الفخمه ..

كان يقف رامي وهو يتفحص المكان .

البواب /مالك ي ابني بتدور علي حاجه .

رامي /ايوه ي عمي الحاج فيله فريده هانم .

البواب /تعالا ي ابني اوديك .

في جنينه الفيلا ..

كانت تقف فريده سيده تبلغ من العمر 55عاما لكنها تتعني بنفسها جيدا لتظهر اصغر من ذلك لكن أيضا تبدو ليس صغيره في السن .

البواب  /فريده هانم الشاب ده كان بيسأل عليكي .

رامي بارتباك/اهلا ي هانم انا رامي النقاش الي جاي من طرف الأسطا بكري .

فريده بإعجاب ب رامي كونه شاب صغير في السن /اه اهلا اتفضل دي الفيله الي عايزه شغل خلاص روح انت ي عثمان  .

رامي بتفحص للفيلا/بس الواضح عاد انك قاعده فيها ي هانم .

فريده بابتسامه /ايوه قاعده في اوضتين منها والباقي الي محتاج تشطيب .

رامي بابتسامه/تمام ي هانم كل الشغل هيبقى تمام التمام.

فريده بإعجاب /انشاء الله اسمك ايه.

رامي /محسوبك رامي .

فريده بإعجاب /عاشت الاسامي تعال بقا اوريك الشغل .

في الجامعه .

في مكتب قاسم .

قاسم بجديه /طب انت عارف انا جايبك هنا ليه .

ادم بابتسامه /دكتور قاسم رنا بنت حضرتك زميلتي مش اكتر وصدقني بأكنلها كل احترام وتقدير احنا الاتنين بنكمل بعض الحمد لله انا انسان محترم وبتقي ربنا في كل حاجه وخصوصا بنات الناس ف اسمحيلي اني اكون زميلها مش اكتر وقسم ل حضرتك لو مشاعري اتغيرت عن كده ساعتها هاجي ل حضرتك ويكون ارتباط شرعي وبرضه لو حضرتك عايزني ابعد عنها اوعدك اني هبعد في الحال ومش هتسمع عني تاني ابدا انا عندي اخت .

قاسم بإعجاب /ايه ي ابني ده خلصت الموضوع كله في دقايق .

ادم بابتسامه /لان حضرتك قبل ماتكون دكتور اب وانا فاهم كويس اوي احساس حضرتك .

قاسم بابتسامه /طيب ي ابني المهم انك تاخد بالك منها لاني عمري مهتهاون في أي حد ممكن ياذيها .

ادم بابتسامه /اطمن حضرتك .

في منزل حمدان والد زهره ..

حمدان /يلا بينا ي بتي لازما نزوره في المستشفي ده اقل واجب علي الي عملوه معانا .

زهره بقلق وإحراج /بصراحه ي ابوي انا مجروحه اوي كل مابحس اني السبب في الي حوصل .

حمدان بابتسامه /متبقيش عبيطه أكده ده مقدر ومكتوب يلا ي ضنايا ده واجب كفايه الي عملوه معانا يلا ي ضنايا يلا .

في قصر العزايزي ❤️ .

غرفه ريان ..

كانت تتجه هبه إلي الغرفه لتأخذ ملابس ريان لتصعق مما رأت لتصرخ بصوت وصراخ هز اركان القصر /ساررررررررره ..